قصيدة الشوارع والبيوت-شعر إلهام صلاح

لما كنا صغيرين

كنا نسبق النسيم

كنا نحضن الصباح

ننسى أى ألم جراح

نجرى نلعب لما نتعب

بس الاستراحة فين؟!!!

كل واحد مرة يسأل

مرة أجاوب مرة أسأل

قلت عندى

بس هدّى

لأحسن أمى منى تزعل

كانت أمى عاملة طبخة

ملوخية

بطشة روعة

أكلة لضمة الكل صحبة

لقمة حلوة تجر لقمة

ضحكة رنت فى الودان

حتى توتة الجيران

طرحه توت ملو البيوت

وإحنا بعد ما كله يشبع

كله يجرى كله يجمع

نرفع الصغار لفوق

يلّا ناول يلّا حاول

قبل ما المغرب يفوت

شمس يومنا قوام تروح

النجوم الحلوة تفرح

راح تلالى فوق حارتنا

يا قمر إحكى حكايتنا

الليالى قوام تفوت

فجأة بعد ما كنت طاير

والسحاب مشغول ستاير

والقمر حاضن البيوت

التقتنى بأقول:يا ضهرى!!!

ليه ياربى قوام أفوق

سيبنى أكمّل مرة حلمى

لولا حلمى يداوى علمى

كنت أتجنن أموت

يلّاإصحى يلّا إسعى

قلت ماشى

بس لما اليوم يعدى

هاأجرى أضم ولاد حارتنا

والشوارع والبيوت

يلّا ناول يلّا حاول

قبل ما المغرب يفوت

شمس يومنا قوام تروح

النجوم الحلوة تفرح


بجد تسلم ايد حضرتك
كلمات جميله جدا
وشدتنى اوى اوى
والثلاث ابيات دول عجبونى اوى
اشكر حضرتك ع القصيده الروعه

بجد تسلم ايد حضرتك
كلمات جميله جدا
وشدتنى اوى اوى
والثلاث ابيات دول عجبونى اوى
اشكر حضرتك ع القصيده الروعه



مرورك اللى أجمل يازوزة والحمد لله إن القصيدة عجبتك وشكرا جزيلا لكى :078111rg3::078111rg3:

رائعة كعادتك يا إلهام سعدت كثيراً وأنا أقرأ هذه الكلمات الرائعة ما أجمل أحلام الطفولة وما أروع تعبيراتك وتشبيهاتك الجميلة في انتظار المزيد

رائعة كعادتك يا إلهام سعدت كثيراً وأنا أقرأ هذه الكلمات الرائعة ما أجمل أحلام الطفولة وما أروع تعبيراتك وتشبيهاتك الجميلة في انتظار المزيد

أعجز عن الرد على ذلك الثناء الجميل شكرا جزيلا لحضورك المميز الكريم :022yb4::022yb4:

من زمان لم أقرأ شئ بهذا الجمال
بدون مجاملة
" والسحاب مشغول ستاير "
العبارة دى غاية فى الروعة والشاعرية .
" ليه ياربى قوام أفوق


سيبنى أكمّل مرة حلمى "
العبارة دى لو كان الحديث موجها إلى أحد غير الذات العلية ( الله ) لكانت أكثر لطفا .

إلى الأمام دائما وبارك الله فيك .

بسم الله ماشاء ،بارك الله في حضرتك

من زمان لم أقرأ شئ بهذا الجمال
بدون مجاملة
" والسحاب مشغول ستاير "
العبارة دى غاية فى الروعة والشاعرية .
" ليه ياربى قوام أفوق


سيبنى أكمّل مرة حلمى "
العبارة دى لو كان الحديث موجها إلى أحد غير الذات العلية ( الله ) لكانت أكثر لطفا .

إلى الأمام دائما وبارك الله فيك .


شكرا على النقد البناء وأسعدنى مرورك

:):)

بسم الله ماشاء ،بارك الله في حضرتك

وبارك فى حضرتك شكرا على المرور الرائع:022yb4:

أنا حاسس إنى قريت قصيدة لبيرم التونسي :o كأنى أول مرة أقرأ قصائد
...
بجد تسلم إيدين اللى عملها

أنا حاسس إنى قريت قصيدة لبيرم التونسي :o كأنى أول مرة أقرأ قصائد
...
بجد تسلم إيدين اللى عملها




هذا ثناء أعتز به شكرا جزيلا لحضرتك :078111rg3::078111rg3:

الحُلم والشّعر صنوان ، رائع هذا الحلم القصيدة أو القصيدة الحلم . وفقك الله دوما

الحُلم والشّعر صنوان ، رائع هذا الحلم القصيدة أو القصيدة الحلم . وفقك الله دوما

سعدت جدا بمرورك الكريم أدام الله عليك نعمة العافية:078111rg3::078111rg3: