ياتري في اعضاء هنا .... بس ازاي .... مش معقوله ... تعالو بسرعه [الأرشيف]

postan algana

10-12-2007, 10:47 AM

السلام عليكم ورحمة الله وبركاته
http://www.alsaifonline.com/vb/images/smilies/111111111%20(11).gif
يارب يكون عنوان الموضوع اسركم وشدكم

الاول احب اطمن عليكم
عاملين ايه

ابتدي بقا الموضوع
لا هو مش موضوع ديت فكره ياتري يااعضاء هتعجبكم
بس ازاي مش هتعجبكم ... مش معقوله

الفكره باسم
اخبار اعضاءمنتدي بوابة الثانويه العامه

http://www.alsaifonline.com/vb/images/smilies/blueflowers.gif
اسمحولي اشرحلكم الفكره
هو اننا نفتح صفحه باسم اخبار الاعضاء صدقوني هتفديكم اقولكم ليه

مثال
**عندك عضو مثلا هيتغيب لفتره يدخل ويكتب الموضوع في الصفحه ديت
** او
مشرف هيتغيب لفتره يقولنا او يقول انه هيدي الاشراف لعضو بحيث يكون بالشكل ده معطلش القسم بتاعه وبالشكل ديت متابعه ومطمن

== حاجه تانيه ==
نسال علي بعضينا طب العضو ده ليه مش موجود ليه مفتقدينه
** حد زعلان من عضو او عضو عاوز يعتذر احنا كل الحاجات ديه بنحطها في الركن العام وشايفه انه مش ملائم الركن العام ده للموضيع الهادفه يعني

**عضو كان تعبان وربنا شفاها واحد الاعضاء عرف يدخل الصفحه ويكتب موضوع يجي العضو يشعر انه فعلا وسط اهله وفي ناس بتحبه وبتتطمن عليه ..

** عضو عنده مشكله ... بعيد الشر حد من اهله توفيا :(

يعني بالعربي :cool:
نحس ببعض نتكلم مع بعض يعني بالشكل ده نشعر اننا اسره واحده
هااا هاااا هااااا

الفكره عجبتكم ولا لا:(
اسيبكم بقا تمرووو وتقولوي عجبتكم ولو مش عجبتكم عادي
بس يكفني اني تعبت وفكرت واكيد يوم هيجي اكون توصلت لافكار افضل
متتكسفوش لو مش عجبتكم مش هزعل ادخل بس انت وعقب
هرجعلكم تاني عشان اشوف ايه الاخبار
سلام موقت:cool:

fares elnet

10-12-2007, 10:56 AM

فكرة جميلة يامى

وبكده نعرف اخبار كل عضو

جزاك الله كل خير

بنت العقيدة

10-12-2007, 11:09 AM

روعه يا مى جزاكى الله كل خير
بس ايه رايك نعمل صفحه للبنات بس محدش يدخلها غيرنا
وصفحة للبنبن محدش يدخلها غيرهم عشان ناخذ حريتنا والى هيدخل من البنات عند الصبيان والعكس هيتعاقب يا رب توفقى سلام

كركركوكو

10-12-2007, 12:37 PM

الله عليك تسلمي بأفكارك الجميله
مواااااااااااااااااااااااااااااااااااااااااااافقه والله فكره روعه

postan algana

10-12-2007, 01:36 PM

متشكره لكل المرور:D
بس كالعاده مفيش ناس تعقب + مفيش حد يهتم:mad:
بجد هتجبولي المرض
ياجماعه متدخولو وتشوفو وقولو رايكم
يارب زهقتنوني
مش ممكن تثبتي الموضوع ده لفتري كده قينة يومين

General

10-12-2007, 02:40 PM

موافقه ...!

المجاهد فى سبيل الله

10-12-2007, 03:04 PM

السلام عليكم ورحمة الله وبركاته
الله عليكى يا مى بجد فكره جميله اوى
وانا موافق
بالنسبه لبنت العقيده الفكره دى كنا عملناها قبل كده بس فى قسم باكمله مش موضوع
وحصل مشاكل وخلافه فا يا ريت نخليها مفتوحه وكمان انتم اخوتنا يعنى واخبركم تهمنا كلنا
ولا ايه انتم شايفين ايه ؟؟؟
بعد اذنيك طبعا يا مى رديت

sweety girl

10-12-2007, 03:07 PM

جميل والله يامى طول عمرك اخبارك 100 100

طيب انا عيزه اسأل عن العضوه بسبوسه حد يعرف هى راحت فين ولا ايه؟

postan algana

10-12-2007, 03:29 PM

بارك الله فيكم
ممكن لو سمحتو ترضو عليا ليه هو الاعضاء
مش عاجبهم الفكره

sweety girl

10-12-2007, 03:34 PM

ايه ده ايه ده مين اللى مش عاجباه الفكره يا مى انا اللى شفته لحد دلوقتى كله عاجبه

M I D O

10-12-2007, 03:35 PM

حكاية التثبيت ليها معايير يا فندم

بالنسبة ليا راى ان الموضوع كان ممكن يتلخص فى كلمتين دون الغاز

ولكن لا ارفض الموضوع طبعا لانه جميل كافكرة

لكنى لم اعرف المطلوب ايه

وحكاية الردود دى ممكن واحد بس يرد عليكى

لكن تحسى انه بالف رد زى استاذ عصام ولا السادات او مصطفى والمرشد واستاذ حسام كثير هاقول للصبح لو قولت

انا قصدى عدد الردود مش اهم من الهدف العام

وشكرا

M I D O

10-12-2007, 03:44 PM

....................................

postan algana

10-12-2007, 03:51 PM

عموما ارجو غلق الموضوع
وكفي الله المومنين شر القتال
والسلام عليكم
انا مش بحرم

عائشه

10-12-2007, 04:12 PM

من احب الاعمال الى الله العشره الا وئل من ذى الحجه ارجو منكم الصوم وتقبل الله منا ومنكم وجزاكم الله كل خير

zizo2_2

10-12-2007, 04:14 PM

متستسلميش دافعي عن فكرتك وان شاء الله هنجبرهم باسلوب محترم على تنفيذها

postan algana

10-12-2007, 04:28 PM

مفيش فايده انا تعبت

postan algana

10-12-2007, 04:29 PM

مفيش فايده انا تعبت

postan algana

10-12-2007, 04:32 PM

مفيش فايده انا تعبت

zizo2_2

10-12-2007, 04:39 PM

عايزين نقضي على روح اليأس دي
يلا نبدأ سوا الموضوع ونبدأ في التنفيذ دون انتظار الاإدراة وان شاء الله هتنجه وهنثبت للكل ان احنا نقدر ننفذ اللي احنا عايزينه يلا ابدأي وانا معاكي وكل العضاء الموافقين على الفكرة هيكونوا معانا

General

10-12-2007, 04:46 PM

انا عاوز اعرف ايه طلباتك بس (الموت الأخير)

الاسطورة

10-12-2007, 08:31 PM

انا عاوز اعرف ايه طلباتك بس (الموت الأخير)

اه والنبى يا جينيرال

روميو

10-12-2007, 09:11 PM

الفكرة حلوة جدا وبكده الاعضاء كلها تقرب من بعض ويبقى فيه اتصال بينا كلنا ونطمن على بعض

بجد فكرة رائعة

am_online5

10-12-2007, 10:57 PM

الفكرة في حد ذاتها كفائة جدا جدا
بس مين ينفذ
انا معاكو في الفكرة دي
وشكرا يا مي علي افكارك الجامدة

postan algana

11-12-2007, 11:52 AM

:(احب اشكر جميع المرور
zizo2_22
متشكره لروحك الطيبه
وانا مستعده اني اقاوم بس تقف معايا:(
*********************************
General
الظاهر ان الموضوع مفهموم بدليل كل الاعضاء عجبتهم
بس اقول تاني
بطالب بفتح صفحه باسم
اخبار اعضاءمنتدي بوابة الثانويه العامه
يعني صفحه اظن مش كتير علينا:mad:
يعني انا شايفه ان في صفحات زي بتاعت التسليه مش ليها لزوم
بس محدش قال تتقفل:confused:
*********************************
الاسطورة

اخوايا انا شرحت انا عاوزه ايه بس الظاهر ان حضرتك
مقريتش الموضوع من اساسه
شكرا للمرور
******************د

روميو
متشكره علي المرور
بجد رفعتو معنوياتي
***********

am_online5
متشكره وانا موافقة
اخيرااا لقيت اهتمام:D

zizo2_2

11-12-2007, 11:52 AM

تقدروا تقروا الموضوع كويس وانتم تفهموا هي عايزة ايه
بلاش اسلوب الإهمال ده لو سمحتم يا ادارة المنتدى

اميرة ولكن حزينة

11-12-2007, 12:05 PM

فكرة جميلة

isso_5000

11-12-2007, 12:09 PM

greet idea

postan algana

11-12-2007, 01:49 PM

شكرااا لباقي المرور
مفيش حد اتحرك وعبرنا:mad:

ياعضاء احنا بقا عملنا اللي علينا

هنفتح الصفحه بنفسينا من غير محد يدخل

قلتو ايه انتو معايا

zizo2_2

11-12-2007, 02:11 PM

موافين طبعا ان شاء الله

postan algana

12-12-2007, 12:53 PM

زيزو محدش عبرنا

خلاص لو عندك فكره لفتح الصفحه

بحيث يبقا فيه اقبال انا موافقه

هاااا فكرووووو ياجماعه معايا

General

12-12-2007, 01:02 PM

ممكن الصبر شويا .؟؟

انا هحاول..........!

Taleba Me7tasa

12-12-2007, 01:04 PM

بصي يا مي الفكرة جميلة وكل حاجة وانا معاكي
بس مش شايفة ان المواضيع من النوع دة بتتعمل ف قسم الاهداءات والمناسبات عادي
دة اللي فهمته من موضوعك

لو تقصدي حاجة تانية ممكن تفتحي الصفحة عادي
ولو نجحت ولاقت اقبال هتتثبت

postan algana

12-12-2007, 01:04 PM

امتي انشالله بعد سنه
عموما هصبر
ولا يهمك

General

12-12-2007, 01:09 PM

امتي انشالله بعد سنه
عموما هصبر
ولا يهمك

لحد يوم الجمعة القادم فقط :D

postan algana

12-12-2007, 04:00 PM

بجد لحد يوم الجمعه بس
عموما نشوف هاااا انا مش هنسااااا

manar

12-12-2007, 05:42 PM

فكره حلوه والله وهتفدينا اوى
وادينا صابرين اهوه لما نشوف هيثبت ولا لا
ولونى عارفه الصبر اخرته القبر:)

احمد رضا

12-12-2007, 05:43 PM

فكرة كويسه جدا
هتساعد علي المزيد من التواصل بين الاعضاء
شكرا لحضرتك
جزاكي الله كل خير

طمعانة فى رضاك يا رحمن

12-12-2007, 11:53 PM

علي فكره يامي الفكره ديه تحفه
والله جت في بالي قبل كده بس انت سبقتي
شكرا ليكي يامي

postan algana

13-12-2007, 10:29 AM

اهوووووو
انا قلت حاجه
الاعضاء هما اللي بيحكمو
موافقين
عشان تعرفو
ان في ولا بلاش
هنتتظر
معلش ياجماعه

postan algana

14-12-2007, 01:28 PM

افتكر ان انهارده الجمعه
فين وعدك
يااستاذ جنرال

مش بقولكم ياجماعه
بس هو بياجل عشان الموضوع يتنسي وايس:mad:

zizo2_2

14-12-2007, 01:32 PM

طيب يا مي يلا مش محتاجين مشرفين في حاجة احنا نعمل صفحة على هيئة موضوع ونسقها كة ان شاء الله ونبدأ البحث عن الاعضاء واخبارهم وذكر ما هو جديد يلا يا مي انتي صاحبة الموضوع ابدأي وانا معاكي ان شاء الله وكل الاعضاء الموجودين

postan algana

14-12-2007, 01:56 PM

انا موافقه يازيزو وعندي فكره

zizo2_2

14-12-2007, 01:58 PM

طيب يلا ابدأي التنفيذ فورا مش عايزين ننتظر حاجة من حد

General

14-12-2007, 02:05 PM

افتكر ان انهارده الجمعه
فين وعدك
يااستاذ جنرال

مش بقولكم ياجماعه
بس هو بياجل عشان الموضوع يتنسي وايس:mad:

عااااااااارف ان النهاده الجمعة واظن انا قولت هحاول وانا لسه بحاول والله اليوم لسه لم ينتهى

General

14-12-2007, 02:27 PM

وخدوا بالكم من حاجه ان مش المدير عشان اعمل الى انا عاوزه

يعنى انا ممكن اعرف وممكن لأ

واعتقد ان الأختيار التانى هو الأقرب حتى الأن لأن مفيش حد من الأداره فاتح عشان اكلمه

General

15-12-2007, 10:09 AM

يوم الجمعة خلاص خلص ;)

وانا فشلت فى المهمة :(

Mission Failed
:(

بس لسه هحاول تانى

المجاهد فى سبيل الله

15-12-2007, 10:25 AM

السلام عليكم ورحمة الله
ايه يا مى هو انتى عايزه حد يتحايل عليكى ما تيلا ابدائى باه
وسيبيك من المشرفيين
احنا هدفنا اننا نطمن على بعض وممكن ده يتم من خلال الصفحه دى عادى ايه ياعنى
وسواء اتثبت او متثبتش هيفضل نشيط ان شاء الله
يلا باه قوللنا اخر اخبارك ايه
اصلى سمعت انك كنتى تعبانه خير طمنينا على باه

postan algana

15-12-2007, 02:02 PM

شكراا لكل المرور

تم فتحالصفحه

قبل مااقول فكرتي
اسمحولي اقولكم اني كنت فعلا تعبانه والحمد لله
قربت اخف بفضل الله تعالي وشكراا اخي مجاهد

بسم الله الرحمن الرحيم
http://wim.jeeran.com/1036-027-01-1060.gif
مش تكسفوني ديه ليكم

هنسال انهارده

علي واحد كلنا بنحبه بس لاسسف احنا

منستحقش حبه ده
عارفين ليه

لان المفروض نحن اسره واحده

وهو عايش لوحده ومفيش حد سال عليه
انا قلقانه عليه وبعزه اوي

ياتري بتحبوه زي ماانا بحبه

العضو ده وقف جمبي كتيرررر مدني بالحياه
بعد مكنت افتقدت الثقه في كل الناس هو

استنو شويه مش هقول هو مين
http://img129.imageshack.us/img129/6893/203so.jpg

العضو ده اكيد وقف جمب ناس كتير

وعمل مواضيع حلوه تستحق ان يقال عليه

انا هقوله اقبل مننا الهديه ديه

كل واحد يدخل ويقوله كلمه

ولما يوصل اي حد من الاعضاء يبعتله اللينك اكيد اكيد فهمتو حاجه
مش مهم:p

ابتدي انا

http://t.farok.2.googlepages.com/3.jpg

شايف القلب ده انت بالنسبالنا جوه قلوبنا كده

وهتفضل كده لانك تستحق كده

امتي هترجع عشان نقولك

http://www.orianit.edu-negev.gov.il/stapuz/homepage/galgalats/Images/welcome18.gif

كان نفسي اكتب كتيررر
بس في اعضاء مش بتحب القرايه

ممكن تزهق ومش عايزه حد يدخل وميقولكش انت عضو محبوب

اسيبكم بقا

ايه استنا شويه متشكره بتقولو مين العضو ده

ده
ده
ده
ده
ده
هزلكم حبه:p

اشمعنا بتقعدو تقولوي كلام يس النسف
اها ايوه انتو من كتر الغيظ بقعد افتح التلاجه واشطب عليها:D

متصدقوش والله بهرز ايه انا اساسا مش بااكل كتيررر

احسن تفتكروني مفجوعه
حد يجرب ويعزمني

سيبكم من الاكل

العضو هو

المرشد

احمد رضا

15-12-2007, 02:21 PM

ياااااااه .. فعلا والله عندك حق
إسلام من افضل الشخصيات اللي قابلتها
يمكن انا محتكتش بيه احتكاك عن قريب
بس وجهه نظري فيه انه شخص كويس و واقعي و بيفكر
وربنا يباركله في صحته و حياته

---------------------------------
بالنسبه للصفحه يا مي انا بعت رساله خاصه لمحمود ( الاسطوره ) بس هو مش بيدخل وقولولته يثبت الموضوع و ان شاء الله لما هيجي هيثبته بإذن الله

بالتوفيق

postan algana

15-12-2007, 02:25 PM

شكرااا للمرور يااحمد
اين الباقي

sweety girl

15-12-2007, 03:28 PM

جميل والله يا مى والمرشد عضو متميز قبل ما يكون مشرف او ادارى

بس هو دلوقتى بق اسمه _Guide_ لو متعرفيش يعنى:)

المجاهد فى سبيل الله

15-12-2007, 04:11 PM

السلام عليكم ورحمة الله وبركاته
بجد بدايه موفقه يا مى
فعلا اسلام من الشخصيات الى انا شخصيا برتحلها جدا
على فكره احنا كنا بنتكلم مع بعض امبارح
بجد انسان محترم جدا وخدوم جدا جدا

zizo2_2

15-12-2007, 05:13 PM

فعلا المرشد من افضل شخصيات المنتدى ادبا وخلقا واحتراما وكما انه كان في ذات يوم يعشق المنتدى عاشق العاشق لمعشوقته ويحبه حب الام لطفلها الرضيع
أجدتي الاختيار

الاسطورة

15-12-2007, 08:27 PM

اختيار موفق لاسلام

وبناء على طلبك وطلب الاعضاء
تم تثبيت الموضوع فى قسم طالب مستجد

وعايزك تعرفى يا مى انتى وزيزو وكل الناس ان احنا عمرنا ما ها نشوف موضوع يستحق التثبيت ونطنشه
ولا ها ناخد حق اى حد
انا كنت مستنى لما اشوف بداية فعلية
وادينى شوفت البداية الفعلية
بالتوفيق

dr.zomba

15-12-2007, 08:36 PM

بجد يا مي بدايه جميله جدا وموفقه

لا ومختاره مين حبيب قلبي سلوم والله فعلا اسلام من اكتر الشخصيات احتراما واكثرها تفكيرا سليم

ومواضيعه فوق الممتازه ولما كان اداري عمل الي محدش قدر يعمله وكان فعلا شايل المنتدي لوحده فعلا ربنا يجازيه كل خير

شكرا يا مي علي الموضوع الجميل

postan algana

16-12-2007, 10:53 AM

السلام عليكم ورحمة الله وبركاته
وعليكم السلام ورحمة الله وبركاته
بجد بدايه موفقه يا مى
مرور موفق يامجاهد
فعلا اسلام من الشخصيات الى انا شخصيا برتحلها جدا
الله الله :D تعالا شوف ياسلام يابختك ياعم
ياريت حد يحبني كده :p
على فكره احنا كنا بنتكلم مع بعض امبارح
بجد انسان محترم جدا وخدوم جدا جدا
ياعم بالراحه علينا ده انا كده بحسدكم
محدش بيقول عليا كلام حلو:mad:

يابختك يااستاذ اسلام

postan algana

16-12-2007, 10:54 AM

جميل والله يا مى والمرشد عضو متميز قبل ما يكون مشرف او ادارى

ايوه طبعااااااا من غير كلام:mad:

بس هو دلوقتى بق اسمه _Guide_ لو متعرفيش يعنى:)
مكنتش عارفه ايه ده رجع من السفر مش قالي :mad:

عموما شكراااا لاجمل مرور:D

ايه ده بنات بتشكر فيك

postan algana

16-12-2007, 10:58 AM

:)فعلا المرشد من افضل شخصيات المنتدى ادبا وخلقا واحتراما

ادبا واخلاقا..............................,,>>>>>>>>>>>كله ده:D

وكما انه كان في ذات يوم يعشق المنتدى عاشق العاشق لمعشوقته ويحبه حب الام لطفلها الرضيع
بتكتب شعر فيه ياسيدي سيدي
أجدتي الاختيار
ومن امتي وانا بختار غلط :mad:

شكرااا للمرور

postan algana

16-12-2007, 11:02 AM

اختيار موفق لاسلام
طبعا من غير كلام:mad:انتو محسسني اول مره بختار صح :confused:

وبناء على طلبك وطلب الاعضاء
تم تثبيت الموضوع فى قسم طالب مستجد
متشكرين ياعم
بس انا مش عايزها يتثبت
انا طلبي ان يتفتح صفحه باسم اخبار اعضاء منتدي الثانويه
وعايزك تعرفى يا مى انتى وزيزو وكل الناس ان احنا عمرنا ما ها نشوف موضوع يستحق التثبيت ونطنشه
محدش قالكم حاجه بس الاسلوب بتاعنا نفع وعبرتونا
ولا ها ناخد حق اى حد
انا كنت مستنى لما اشوف بداية فعلية
وادينى شوفت البداية الفعلية
بالتوفيق
هو انت فاكرني اني بقول كلام في الهواء

شكرااا للمرور

postan algana

16-12-2007, 11:06 AM

بجد يا مي بدايه جميله جدا وموفقه

ده يااستاذنا توفيق من عند ربنا وربنا نصرنا بعد معاناه
لا ومختاره مين حبيب قلبي سلوم والله فعلا اسلام من اكتر الشخصيات احتراما واكثرها تفكيرا سليم
الحق يااسلام كل ده حب يابختك كلام سليم استاذ عادل
ومواضيعه فوق الممتازه ولما كان اداري عمل الي محدش قدر يعمله وكان فعلا شايل المنتدي لوحده فعلا ربنا يجازيه كل خير
كله ده ............. يارب ويتجوز ونخلص منه :mad:قوله امين انا بهرج
ده نور المنتدي:D

شكرا يا مي علي الموضوع الجميل

العفو علي المرور الهايل والكلام الطيب

انتظروووووووووووووووووو قريبا عضو كلكم بتحبو

يمكن تطلع عضوه:confused:

اللي عنده فكره بخصوص الصفحه يبعتاهالي في رساله

ونشوف هنعرضها ازاي

شكرا ليكم
في حد عاوز يقول كلمه للااسلام عشان اكتب اسم العضو الجديد

انتظرووو مفاجاءة الصفحه

FRANKENSTEIN

16-12-2007, 03:29 PM

ههههههههههههههههههههه
اخر كلام الموضوع حيتحذف ولا حيتقفل ولا حيتثبت :d

postan algana

17-12-2007, 10:50 AM

شكر لكل الاعضاء

تم تجديد الموضوع بواسطة
dr.zomba

شكرا لك ايها الكريم علي اهتمامك بوموضوعنا

الفكره متطلبه 2 تاني + صاحب الفكره اللي هو dr.zomba

ممكن حد من الاعضاء يشترك معانا

عشان انا مش هقدر اكمل لوحدي احتياجي لكم اخواتي

او ممكن ترشحو الاعضاء

احنا محتاجين
1 - dr.zomba ===== ده صاحب الفكره
2- ................. ( عضو او عضوه يكون بيعزني ويقف جمبي )
3- ................. ( ياتري في اعضاء ممكن تساعد )

اعرض عليكم فكرت العضو وياريت تساعدوني
ياتري هتعجبكم
مش مهم اما هستشيركم فيها
العضو dr.zomba

هو بيقول ان في اعضاء

مبتعرفش بعض لانهم جداد في ايه رايكم لو نحط مع كل عضو
اللي هنسال عليه

موضوع او موضوعين ........> بحيث الاعضاء الجداد تتعرف عليه
من مواضيعه بس بشرط يكون اجمل المواضيع ليه

يبقي كده في نفس الوقت كرمنا هذا العضو

انا هضيف فكره من دماغي

هنقول 3 اعضاء هيتم تكريمهم ...> ثم نعمل انتخابات لاحسن واحد فيهم

واللي هتختاره ..... هيكون ليه الاحقيه بااخذ تاج وهنسميه

تاج افضل عضو
خد عندك

وكمان اضافه

هيكون ليه الاحقيه بمشاركتي في هذه الصفحه
ومشرفها ويفعل بها كما يحل له

+ هنقوم بااختيار ثلاث مشرفين الاسبوع الذي يليه
بتكرمهم وديه المفاجاه
هنكرمهم باايه ياتري

هتنتظرووووو

لحد منقوم بعمل فكرة الاستاذdr.zomba وبعد تطبيق هذه الفكره

ليا عندما كل ماهو جديد في هذه الصفحه

ياتري هل هذا الموضوع يستحق:confused::confused::confused:

مساعده من احد المشرفين بااستطلاع مدير الموقع بفتح صفحه

الا يستحق اعدكم بااتطوير هذه الصفحه

لان لا استطيع كتابة المواضيع وكل جديد فيها بالشكل ده

بعد فتره الاعضاء هتمل ومش هتدخل وتعبي هيجي علي الفاضي

رجاااء فتحتها لو انا قصرت من حقكم ترجعو الحال كما كان
ادوني فرصه اسبوع

وهثبتلكم

ان بالصفحه ديه هتساعدنا كتير

مكانها مش في الاهدائات
لان الاهدئات لاعيد الميلاد المناسبات

او ممكن تغيرو اسم اهداءات ومناسبات وتعارف
باسم اخبار اعضاء منتدي الثانويه العامه
ده بعد اذن مشرف الصفحه
ده راي وليس تقليل من شانك

ياتري في مشرف اقتنع بكلامي وهيساعدني:confused:

وانتظر ردكم
والسلام عليكمورحمة الله وبركاته:)

dr.zomba

17-12-2007, 01:36 PM

كدا الكلام جميل اوي اوي

وياريت فعلا لو في مشرفين يساعدونا في الموضوع دا ويكلموا عمو اشرف عشان يفتحلنا صفحه لاخبارالاعضاء

وبعدين انتوا مش خسرانين حاجه مي وعدت انها هتهتم بالصفحه وهي ذات نفسها قالت لو مقدرتش تكمل اقفلوا الموضوع يعني يا جماعه فعلا اعتبروها تجربه ومش هتخسروا حاجه والله

واحنا كااعضاء عايزين الموضوع دا هنعتبرها العيديه بتاعتنا ولا ايه يا مي:D ولا هتبخلوا علينا بالعيديه كمان:mad:

وانا من اكتر الناس الي نفسها الصفحه دي تتم

وكل سنه وانتوا طيبين:)

M I D O

17-12-2007, 05:50 PM

فكرة جميلة والله

وانا فى الخدمة فى اى حاجة

وشكرا يا مى انتى وعدول

عبقرينومان

17-12-2007, 09:57 PM

السلام عليكم
في قسم اسمه اهداءات ومناسبات
ممكن نعرف اخبار بعضنا من خلاله
والسلام عليكم

dr.zomba

17-12-2007, 10:09 PM

السلام عليكم
في قسم اسمه اهداءات ومناسبات
ممكن نعرف اخبار بعضنا من خلاله
والسلام عليكم

وهثبتلكم

ان بالصفحه ديه هتساعدنا كتير

مكانها مش في الاهدائات
لان الاهدئات لاعيد الميلاد المناسبات

دا رد مي وبيتهيالي انه مقنع

وبعدين حضرتك لو جربت مش هتخسر حاجه

ولو حضرتك عايزنا نعمله اقتراح في اقتراحات وشكواي مفيش مانع ولا ايه يا مي؟

_GUIDE_

18-12-2007, 01:16 AM

السلام عليكم

بجد متشكر ليكى يامى سوالك عليه
انا الحمد لله بخير
بس هو الشغل اللى واخد كل وقتى وهو اللى منعنى من دخول المنتدى
بس انا شايف ان فيه ناس كتير شيله المنتدى وكفاية الهدوء اللى هو فيه حاليا
بجد انا متشكر جدا ليكى ولكل الناس اللى لسه فكرانى
بالمناسبة انا قررت اى ادخل جامعة مفتوحة من اول وجديد
وناوى ان شاء الله ادرس اقتصاد وعلوم سياسية :D
وبجد فكرتك جميلة ومشكوره عليها

postan algana

18-12-2007, 09:55 AM

ميدو واستاذ اشرف وعادل
شكرا ليكم ..... كل سنه وانتم طيبين
بارك الله فيكم وللمرور ..... وشكرااا لاهتمام

اسلام علي ايه ده اقل واجب

اعانكم الله علي متاعبكم

والسلام عليكم

postan algana

18-12-2007, 10:47 AM

يازيزو
مفيش فايده

كل مالموضوع المرور يكتر

بعدين هيقل عارف ليه

محدش عنده استعداد

انه يقراء رد 50 عضو والله انا جربت اي موضوع بيكتر بحس
بالملل ومش بدخله تاني

وليهم حق

بصراحه الموضوع مش هينفع كده

لاما اعمل الموضوع علي صفحات

في مواضيع جديده

وطبعاااااا كده بردو مش هينفع

لالالالالا خلاص شكرااا مش عاوزه

لو تحب حضرتك بالنيابه عني تكمل انا موافقه

واهو استاذ عادل كمان معاك يلا ربنا معاكم

شكراا يازيزو

mR . mOstafa Fathi

18-12-2007, 01:19 PM

فكرة جميلة والله

وانا فى الخدمة فى اى حاجة

وشكرا يا مى انتى وعدول

ام
جميل جدا يامى
وانا فى الخدمه

zizo2_2

18-12-2007, 01:21 PM

حسبي الله ونعم الوكيل حذف ردي يا مي

فتاة الإسلام

18-12-2007, 01:28 PM

الفكرة جميييييييييييييييييييييييييييييييييييييلة
بس هاتتنفذ؟؟؟؟

postan algana

21-12-2007, 11:40 AM

لا مش هتتنفذ

سوري العضوه اللي كاتبه الموضوع
تم حذف عضويتها ثم استرجعت

لما اعرف الاول انا عضويتي اتحذفت ليه

وليه رجعوهاااااا ؟

postan algana

21-12-2007, 11:40 AM

لا مش هتتنفذ يافتاة الاسلام مشكور مرورك:)

سوري العضوه اللي كاتبه الموضوع
تم حذف عضويتها ثم استرجعت:mad:

لما اعرف الاول انا عضويتي اتحذفت ليه:mad:

وليه رجعوهاااااا ؟:confused:

alkrwan

21-12-2007, 01:14 PM

اقسم ان الموضوع جمييييييييييييييييييل لحد اخر العمر عايزانا نبدا احنا ممكن المهم انكم انتم تواصلوا لان لان الافكار الجديدة دائما صعبة التنفيذ ما لم تكن هناك روح قتالية عالية لان الناس دائما ضد كل ما هو جديد
اخوكم طائر الليل الحزين ....آسف الكروان

postan algana

22-12-2007, 04:01 PM

الموضوع تم فتحه
والله انا مش عايزه بس وصلتلي رسائل من الاعضاء

وش هقدر بجد اقولهم لا لانهم عزاز علياااا
الموضوع قلت

شكر لكل الاعضاء

تم تجديد الموضوع بواسطة
dr.zomba

شكرا لك ايها الكريم علي اهتمامك بوموضوعنا

الفكره متطلبه 2 تاني + صاحب الفكره اللي هو dr.zomba

ممكن حد من الاعضاء يشترك معانا

عشان انا مش هقدر اكمل لوحدي احتياجي لكم اخواتي

او ممكن ترشحو الاعضاء

احنا محتاجين
1 - dr.zomba ===== ده صاحب الفكره
2- ................. ( عضو او عضوه يكون بيعزني ويقف جمبي )
3- ................. ( ياتري في اعضاء ممكن تساعد )

اعرض عليكم فكرت العضو وياريت تساعدوني
ياتري هتعجبكم
مش مهم اما هستشيركم فيها
العضو dr.zomba

هو بيقول ان في اعضاء

مبتعرفش بعض لانهم جداد في ايه رايكم لو نحط مع كل عضو
اللي هنسال عليه

موضوع او موضوعين ........> بحيث الاعضاء الجداد تتعرف عليه
من مواضيعه بس بشرط يكون اجمل المواضيع ليه

يبقي كده في نفس الوقت كرمنا هذا العضو

انا هضيف فكره من دماغي

هنقول 3 اعضاء هيتم تكريمهم ...> ثم نعمل انتخابات لاحسن واحد فيهم

واللي هتختاره ..... هيكون ليه الاحقيه بااخذ تاج وهنسميه

تاج افضل عضو
خد عندك

وكمان اضافه

هيكون ليه الاحقيه بمشاركتي في هذه الصفحه
ومشرفها ويفعل بها كما يحل له

+ هنقوم بااختيار ثلاث مشرفين الاسبوع الذي يليه
بتكرمهم وديه المفاجاه
هنكرمهم باايه ياتري

هاااا عاوزين اتنين اعضاء

zizo2_2

23-12-2007, 03:53 PM

طيب ايه راي بقى لو تقري موضوع الاستاذ جمعة في فلاسفة تحت التمرين اسمه تقييم اعضاء المنتدى

أهو هناك هتلاقي اعضاء كتير الاستاذ جمعة قيمهم وحاطط معلومات عنهم وده هيفيدك كتير

اما بالنسبة للاعضاء القدام انا اقدر ساعدك لو حبيتي انا اعرف الكتير منهم

واختلف معكي في فكرة عمل انتخابات لان هتبقى ظالمة لان الاعضاء القدام كانو كلهم كفاءة واحدة وكمان محدش يعرفهم اليومين دوول علشان ينتخبهم ولا لا ولو حصل انتخاب هيكون عشوائي يعني هيختار اي حد وخلاص

postan algana

24-12-2007, 10:22 AM

تم اختيار الاتي
وانتم ترشحو منهم ثلاثه

zizo2_22
alkrwan
بنت العقيده
فتاة الاسلام

M I D O
روميو
جنرال

احمد رضا

ابراهيم
المجاهد
سويت

وكريزي

واخيراااااا انا عملت اللي عليا

بصراحه كلكم كويسين
بس انا قلت اللي اعرفهم

وربنا يوفقكم في اختيار الثلاثه اللي هيكونو معي

انتظر مروركم

فنكوشه المنكوشه

24-12-2007, 10:31 AM

السلام عليكم

بما اني اساسا مبدخلش الا نادرا

لكن اول مره اشوف الموضوعع وفكره حلوه اوي يا مي بجد

واول اختيار كمان كان جامد ومش عاوزه اقولك ان اسلام غالي عليكي لوحدك

اسلام ماشا الله بعيدا عن المنتدي فهو شخص جدع وانا فعلا بعتبره اخويا الكبير

وزي ما وقف جنبك وقف جنبي وسدئيني من الناس اللي بثق فيهم ثقه عمياء

بس انا ملاحظه ان في ردود متكرره كتير ليه !

postan algana

24-12-2007, 10:34 AM

كبرياء
متخديش في بالك بالنسبه في الرودو
سيبك انتي المهم نورتني بجد بمرورك الغالي

يلا ياحبيبي ادخلي وقولي مين هو اللي ينفع يشترك معايا في موضوعي

فنكوشه المنكوشه

24-12-2007, 10:39 AM

والله انا معرفش حاليا مين الاعضاء الجداد لكن كاعضاء قدام

عندك وروميو والمجاهد وفتاه الاسلام

postan algana

24-12-2007, 10:42 AM

جزاكي الله خيرا
اين باقي الاعضاء

اللي دعموني وقالولي كملي ولا كنتو بتقولو كلام وخلاص

zizo2_2

24-12-2007, 11:01 AM

مين قال كدة احنا معاكي كلنا اهو يا مي ان شاء الله

postan algana

24-12-2007, 11:29 AM

مفيش حد مر قدامك 24 ساعه بعديها
انا متاسفهمش هدخل نهائي
في الموضوع ده
والاعضاء اللي كلمتني هقولهات معلشي انا عملت اللي عليا وعشان مش تزعلو

Crazy Pharma Boy

24-12-2007, 12:31 PM

مين بيروح لفين ـ بيودي لفين !!

_GUIDE_

24-12-2007, 12:39 PM

انا برشح
الاستاذ زيزو
فتاة _الاسلام
الاستاذ جمعة

Crazy Pharma Boy

24-12-2007, 12:44 PM

انا برشح الريس :d

The_Relativistic200

24-12-2007, 04:19 PM

امممممممممممممم
الواحد فعلا بقاله كتير ما دخلش
ممكن حد بس يحطنى فى الصورة
ويقوللى هدف الموضوع فى كلمة واحدة بس
انا لسه هقرا اربع صفح؟؟!!

عموما انا ويا البرى
برشح فلافيو:d

postan algana

24-12-2007, 05:19 PM

اين الباقي

بالنسبه للكسلان انه يشوف اكتر من صفحه ده الموضوع
السلام عليكم ورحمة الله وبركاته
http://www.alsaifonline.com/vb/images/smilies/111111111%20(11).gif
يارب يكون عنوان الموضوع اسركم وشدكم

الاول احب اطمن عليكم
عاملين ايه

ابتدي بقا الموضوع
لا هو مش موضوع ديت فكره ياتري يااعضاء هتعجبكم
بس ازاي مش هتعجبكم ... مش معقوله

الفكره باسم
اخبار اعضاءمنتدي بوابة الثانويه العامه

http://www.alsaifonline.com/vb/images/smilies/blueflowers.gif
اسمحولي اشرحلكم الفكره
هو اننا نفتح صفحه باسم اخبار الاعضاء صدقوني هتفديكم اقولكم ليه

مثال
**عندك عضو مثلا هيتغيب لفتره يدخل ويكتب الموضوع في الصفحه ديت
** او
مشرف هيتغيب لفتره يقولنا او يقول انه هيدي الاشراف لعضو بحيث يكون بالشكل ده معطلش القسم بتاعه وبالشكل ديت متابعه ومطمن

== حاجه تانيه ==
نسال علي بعضينا طب العضو ده ليه مش موجود ليه مفتقدينه
** حد زعلان من عضو او عضو عاوز يعتذر احنا كل الحاجات ديه بنحطها في الركن العام وشايفه انه مش ملائم الركن العام ده للموضيع الهادفه يعني

**عضو كان تعبان وربنا شفاها واحد الاعضاء عرف يدخل الصفحه ويكتب موضوع يجي العضو يشعر انه فعلا وسط اهله وفي ناس بتحبه وبتتطمن عليه ..

** عضو عنده مشكله ... بعيد الشر حد من اهله توفيا :(

يعني بالعربي :cool:
نحس ببعض نتكلم مع بعض يعني بالشكل ده نشعر اننا اسره واحده
هااا هاااا هااااا

الفكره عجبتكم ولا لا:(
اسيبكم بقا تمرووو وتقولوي عجبتكم ولو مش عجبتكم عادي
بس يكفني اني تعبت وفكرت واكيد يوم هيجي اكون توصلت لافكار افضل
متتكسفوش لو مش عجبتكم مش هزعل ادخل بس انت وعقب
هرجعلكم تاني عشان اشوف ايه الاخبار
سلام موقت:cool:

zizo2_2

24-12-2007, 05:46 PM

عجبتنا جدا

المجاهد فى سبيل الله

25-12-2007, 12:19 AM

السلام عليكم ورحمة الله وبركاته
بجد فكره جميله اوى وطيبه منيك يا مى
بس ممكن افهم تانى كده معلشى
ايه حكاية الترشيح دى يعنى ايه
طبعا انتى زمانيك دلوقتى بتقولى ايووووووو هو انا لسه حشرح تانى
بس معلش ممكن تانى يا مس

midoxp

25-12-2007, 02:22 AM

بنت العقيده
فتاة الاسلام

والمجاهد

postan algana

25-12-2007, 09:23 AM

شكرا لجميع المرور

اخي المجاهد

عاوزهم عشان يساعدوني في جمع لينكات عن العضو
يعني فترة وجوده من مواضيعه الهادفه

ومنها تكريم ليه

تحب تكون اول معنا

الرهينه

25-12-2007, 10:31 PM

مى حبيبتى

الفكره شكلها كده رائعه بصراحه انا مقرأتهاش كلها

معلش بقى الامتحانات والهم ده وانا المفروض انى بذاكر

واللى فهمته من الشويه اللى قرأتهم ان لما يكون فى حد هيغيب عن المنتدى فتره يقول هنا

وانا اول واحده بشارك معاكى من النوعيه دى بسبب الامتحانات برده

وربنا يكرمك

postan algana

26-12-2007, 09:30 AM

تم تاجيل الموضوع
لبعد الامتحانات
ووعد مني اكلمله

عاشقـــ الانمى ـــة

29-12-2007, 09:06 AM

فكرة حلوة عشان أنا تقريبا هتغيب لاخر شهر1

postan algana

29-12-2007, 09:57 AM

اوكي الحمد لله

عاشقـــ الانمى ـــة

21-01-2008, 01:08 PM

ما أنا رجعت بقى
وفضتلكم

لولو داد

21-01-2008, 11:29 PM

فكرة جميلة قوووووووووووووووووووووى

postan algana

23-01-2008, 12:19 PM

هااااااااااااااااا نفتح الموضوع
ولا لسه

عاشقـــ الانمى ـــة

23-01-2008, 01:15 PM

على بركة الله

فتاة الاسلام

24-01-2008, 09:47 AM

فكرة حلوة سمسم وجميل جدا انها تتنفذ
وبخصوص الاضافة

العضو dr.zomba

هو بيقول ان في اعضاء

مبتعرفش بعض لانهم جداد في ايه رايكم لو نحط مع كل عضو
اللي هنسال عليه

موضوع او موضوعين ........> بحيث الاعضاء الجداد تتعرف عليه
من مواضيعه بس بشرط يكون اجمل المواضيع ليه
الفكرة لحد هنا جميلة خالص اننا نضع كام لينك لموضوع او اكتر للعضو اللى هنسال علية فى حاله غيابة

انما حكاية ترشيح اعضاء واختيار افضلهم ونكرمهم كل اسبوع انا شايفة اننا كدة هنغير مضمون الموضوع وهدفة الاساسى يبقى كدة دخلنا فى موضوع تانى
وبالاضافة ان الفكرة التكريم موجودة بالفعل فى الركن العام بعنوان تقييم الاعضاء

انا شايفة ان لحد فكرة عادل والموضوع هيكون رائع

ويالا ابتدى خلاص الامتحانات فنش