التقاء دمعتين .. [الأرشيف] - بوابة الثانوية العامة المصرية

usernamo

06-05-2011, 02:42 PM

بسم الله الرحمن الرحيم

طبعاً .. انى اعمل موضوع حزين ده مش من طبعى إلا قلائل .. بس ده طبعاً الحالة النفسية اللى الواحد فيها بسبب الثانوية الفقرية دى لازم تبقى مواضعيه حزينة ..

انا ماشى .. انا و خطيبتى فى شارع فى المنصورة .. اسمه الجامعه . يدى بيدها .. و الدبلتان فى اصابعنا ..

و فجأة الاقى البنى ادمة اللى حبيتها سنين .. الظروف ابعدتنا .. و حكمت علينا .. المهم ..

ماشية من الجانب التانى .. و نفس الموقف .. خطيبها يمسك بيدها .. و يعبران الشارع كما افعل مع خطيبتى ..

و تقع عينى فى عيناها .. و فجأة و نحن ننتظر خلو الطريق .. اسرح .. و افتكر يوم ما كنت ماشى معاها فى نفس الشارع .. و كنا نعدى الشارع .. و كنت ذااهب لاكلم والداها .. لكن الظروف مسمحتش و ترك كلاً مننا الاخر ليعيش حياة جديدة .. لكن فى قلوبنا .. مازال ساكن بها كلاً مننا الاخر ..

و فجأة تنادى خطيبتى بأسمى لنعبر الطريق و تشد على يدى و تسرع .. و كذلك خطيبها قال لها ..لنعبر الشارع ..

و هنا نظرة لى و نظرة لها .. و نزلت دمعتينا .. ليقعا معاً و يلتحمان ببعضهما ..

و نستمر فى الطريق .. انا مع اخرى و هى ما اخر .. و لكن عقولنا .. مشتتة .. فقلبها خافق بحبى .. و قلبى نابض بحبها ..

السؤال هنا .. هل دى خيانة (( مقتبس من موضوع عاشق البلانكو ))

و كده هل الاهل قاموا بظلم الابناء ..

فى رأيكم .. الاهل صح .. لما يفرقوا اتنين بيحبوا بعض ؟؟ فقط لانهم لم يأتوا على هواهم ؟؟ ..

و هل سيظل المجتمع بهذه القساوة ؟؟..

اتركم لكم الاجابة ..

(( طبعاً لا انا خاطب ولا نيلة .. و لا انا عايش فى المنصورة انا بس عامل الموضوع فى المنصورة لانى دى بلدى التانى و بموت فيها .. ))

UsErNaMo

ThaNwya

المياة

06-05-2011, 03:04 PM

السؤال هنا .. هل دى خيانة (( مقتبس من موضوع عاشق البلانكو ))

لا أظنها خيانة لأنه حتما سيأتي اليوم الذي ستتزوج أنت وهي ستتزوج أيضا
و كده هل الاهل قاموا بظلم الابناء ..
أحيانا وأحيانا فأحيانا يظلمون وأحيانا يكونوا محقين لأن الحب يعمي من يحب
فى رأيكم .. الاهل صح .. لما يفرقوا اتنين بيحبوا بعض ؟؟ فقط لانهم لم يأتوا على هواهم ؟؟ ..
لا وألف لا
و هل سيظل المجتمع بهذه القساوة ؟؟..
لا أتمنى ذلك
اتركم لكم الاجابة ..

(( طبعاً لا انا خاطب ولا نيلة .. و لا انا عايش فى المنصورة انا بس عامل الموضوع فى المنصورة لانى دى بلدى التانى و بموت فيها .. ))

يا أخي ما تقول كده من الصبح أنا سبت الموضوع وفضلت أفكر هو أزاي خطب مرتين :(
شكرا يا أمجد على الموضوع المميز
بس أوعى الثانوية تلحس دماغك

usernamo

06-05-2011, 03:12 PM

يا أخي ما تقول كده من الصبح أنا سبت الموضوع وفضلت أفكر هو أزاي خطب مرتين :(
شكرا يا أمجد على الموضوع المميز
بس أوعى الثانوية تلحس دماغك

يا المياة .. هو انا عندى كام سنة لما هخطب مرتين انا .. دول 19 سنة عمى و لسه مش كملتهم اصلاً . و ان شاء الله لما هخطب هعزم المنتدى كله .. ^^ ... و بخصوص الثانوية .. دى لحست دماغ اهلى اللى فى البيت مش هتلحس دماغى انا ؟؟.. يلا بقى اهو شهرين و نخلص .. و شكراً لمرورك ..نورتينى ^^

Heartbeat

06-05-2011, 06:32 PM

السؤال هنا .. هل دى خيانة (( مقتبس من موضوع عاشق البلانكو ))

اكيد طبعا خيانة
الخيانة معانيها كتير
خيانة العقل والقلب
انت "مش انت يعنى:p" صاحب القصة يعتبر خاين لخطيبته
وهى كمان خاينة لخطبها
يعنى ازاى تبقى هى او هو مرتبط/ة بانسان/ة وهو مخلص/ة ليه او ليها وتبقى كل حياته
والطرف الاخر قلبه مع شخص تانى
الافضل الا يظلم اى طرف الاخر

رايى
انها خيانه بلا شك

و كده هل الاهل قاموا بظلم الابناء ..

فى رأيكم .. الاهل صح .. لما يفرقوا اتنين بيحبوا بعض ؟؟ فقط لانهم لم يأتوا على هواهم ؟؟ ..

احيانا واحيانا اخرى لأ
مش فى كل الاوقات الاهل وجهة نظرهم صح لكن غالبا
لان خبرتهم فى الحياة بتكون اكتر مننا واكيد انت بتكون شايف نفسك الصح
لان وقتها قلبك اللى بيحركك مش عقلك

و هل سيظل المجتمع بهذه القساوة ؟؟..

طيب وماله المجتمع دلوقتى
لو تقصد بالمجتمع الناس وكلامهم فمش لازم نضع الناس فى اعتبارنا
اما بالنسبة للتقاليد والاخلاق اللى تربينا عليها
فاكيد لازم نلتزم بيها

الموضوع كئيب فعلا والواحد دماغه مفوته لوحدها:bosyht9:
يللا بقى
ربنا يسامحك:)

شكرا عالموضوع
وربنا ينجحك وينجح كل طلبة البوابة وننتهى على خير
:)

صوت العقل

06-05-2011, 07:41 PM

بسم الله الرحمن الرحيم

السؤال هنا .. هل دى خيانة (( مقتبس من موضوع عاشق البلانكو ))

نعم .. طالما مازالت هناك مشاعر تربط بينهم وادت الى وجود الدموع ..
فهى لحظة حنين الى الحلم الضا ئع..
وكان عليهم ان ينظروا الى من بجانبهم ..

و كده هل الاهل قاموا بظلم الابناء ..

لا.. لان فى معظم الاحيان اختيار الاهل افضل لانهم ينظرون بواقعية
ويختارون الافضل لابنائهم .. اما الابناء ينساقون وراء
مشاعرهم ..دون ان يحكموا العقل فيما هو صالح لهم ..

فى رأيكم .. الاهل صح .. لما يفرقوا اتنين بيحبوا بعض ؟؟

اولا لن يفرق الاهل ابدا بين اثنين الا لاسباب عديده
منها عدم التوافق او انهم غير مناسبين تماما وبالتالى
معدل الفشل اكبر ..وهذا نوع من الحرص على الابناء ..

فقط لانهم لم يأتوا على هواهم ؟؟ ..

الاهل ينظرون دائما بواقعية ..وبما يضمن اساسيات حياة سعيدة لابنائهم.. لان لو تركوا الابناء على هواهم حتما سيسيئوا الاختيار لعدم خبرتهم بالحياة..
فليس ما نراه جميلا يكون جميلا ..

و هل سيظل المجتمع بهذه القساوة ؟؟..

لا وجود للقسوة فى المجتمع ..فالاختيار مفتوح للجميع وهناك ما يلتزم
بقرارات الاهل , هناك من يتناقش ويصل الى اهدافه ..

ا

شكرااااااااااا على الموووووووووووضوع ..
اتمنى للجميع النجاح والتوفيق ان شاء الله ..
تقبل تحياتى ..

usernamo

06-05-2011, 08:08 PM

الموضوع كئيب فعلا والواحد دماغه مفوته لوحدها:bosyht9:
يللا بقى
ربنا يسامحك:)

شكرا عالموضوع
وربنا ينجحك وينجح كل طلبة البوابة وننتهى على خير
:)

الثانوية .. ليه تمر بسلام .. لما ممكن يجيلك الضغط و القلب و السكر و فى الاخر متجبش درجة .. و الممنوع من الصرف مجنننننننننننننننننننننى .. المهم عشان انا دماغى خلاص فعلاً فوتت يعنى ممكن اغنى فى القسم العام عادى ! .. يارب ننجح بدرجة ... يارب .. و شكراً ع الدعوة الهى يكرمك يارب .. :confused::confused:

شكرااااااااااا على الموووووووووووضوع ..
اتمنى للجميع النجاح والتوفيق ان شاء الله ..
تقبل تحياتى ..

العفو .. ان شاء الله ننجح بدرجة ...

إلهام صلاح لاشين

06-05-2011, 09:06 PM

صوت العقل

07-05-2011, 11:19 AM

لو تحب أعمل لك نهاية متفائلة وسعيدة غير متوقعة للحدوتة دى أعمل لك :022yb4::022yb4:

فى الحقيقة لايجوز للأهل التدخل فى حياة الأبناء الخاصة مثل اختيار الشريك
إلا فى أضيق الحدود عند الضرورة وليتركوا الأبناء يخوضون التجربة ويتحملوا نتائجها حلوها ومرها

هذا رأيى الخاص تقبل مرورى

اختى الفاضلة ..شعرت انى اتفق ولا اتفق مع وجهة نظر حضرتك ..
اتفق انه يجب ان يختار الابناء شركاء الحياة بمحض ارادتهم ..
لكن ارفض ان يكون تدخل الاهل فى اضيق الحدود اذا كان الاختيار
خاطئ .. هل يجب ان يتحملوا نتيجة اختيار خاطئ طوال الحياة ..
هل يجب ان يعانوا نتيجة عدم الخبرة الى نهاية العمر فى هذا
الموضوع المصيرى ..
من وجهة نظرى ان يعانوا الالام قصة فاشلة مهما كانت
افضل من المعاناة فى تجربة الحياة ..وعندما تمضى الحياة وينضج
تفكيرهم ..سيعلمون ان الاهل دائما فى صفهم ..فدائما الواقع
يقضى على الاحلام ..تقـــــــــــــــــــــــبلى تحــــــــــــــــــــياتى ..

استاذاستاذ

07-05-2011, 01:05 PM

مفيش قسوة ولا تدخل من الاخر كده هو سوء اختيارمن الطرفين هو ليس سيد قراره وهى ضعيفة فنتيجه طبيعية الفشل

إلهام صلاح لاشين

07-05-2011, 06:10 PM

اختى الفاضلة ..شعرت انى اتفق ولا اتفق مع وجهة نظر حضرتك ..
اتفق انه يجب ان يختار الابناء شركاء الحياة بمحض ارادتهم ..
لكن ارفض ان يكون تدخل الاهل فى اضيق الحدود اذا كان الاختيار
خاطئ .. هل يجب ان يتحملوا نتيجة اختيار خاطئ طوال الحياة ..
هل يجب ان يعانوا نتيجة عدم الخبرة الى نهاية العمر فى هذا
الموضوع المصيرى ..
من وجهة نظرى ان يعانوا الالام قصة فاشلة مهما كانت
افضل من المعاناة فى تجربة الحياة ..وعندما تمضى الحياة وينضج
تفكيرهم ..سيعلمون ان الاهل دائما فى صفهم ..فدائما الواقع
يقضى على الاحلام ..تقـــــــــــــــــــــــبلى تحــــــــــــــــــــياتى ..

وما أدراكى أن الأهل هم الصواب والأبناء خطأ فى بعض الأحيان يكون الابن أو الابنة متفتحين ويرون مالا يراه الأهل

والتجربة هى التى ستحكم بدلا من أن يظل الأبناء يلومون الأهل طوال الحياة على حرمانهم ممن اختاره قلبهم بل

وتبعات الاقتران بمن اختاره الأهل ألا يتحمل الإنسان تبعات اختيار الطريق الصحيح أو الخاطئ فلما لايكون ذلك مع

شريك الحياة
تقبلى فائق احترامى

رقيه.

08-05-2011, 04:10 AM

[QUOTE=usernamo;3386787][CENTER]بسم الله الرحمن الرحيم

طبعاً .. انى اعمل موضوع حزين ده مش من طبعى إلا قلائل .. بس ده طبعاً الحالة النفسية اللى الواحد فيها بسبب الثانوية الفقرية دى لازم تبقى مواضعيه حزينة ..

‎والله لو علي الثانوية فهي مغلبانة كلنا مش انت لوحدك،والمهم ان الملل بيزورنيش إلا في الايام الاخيرة،ربنا يسترها ويوفقنا جميعا

[SIZE=3][B][COLOR=Blue]السؤال هنا .. هل دى خيانة (( مقتبس من موضوع عاشق البلانكو ))

مش عارفة،بس لو هي كانت لسه بتحب خطيبها الاول ماكنتش اتخطبت بعديه لغاية ما تنساه علشان ما تظلمش التاني ،
و كده هل الاهل قاموا بظلم الابناء ..
مش في كل الاوقات‎

فى رأيكم .. الاهل صح .. لما يفرقوا اتنين بيحبوا بعض ؟؟ فقط لانهم لم يأتوا على هواهم ؟؟ ..

لولقيوا بنتهم هتتعب معاه جامد يبقي لازم يتصرفوا
وانا اعرف واحدة اصرت اني هي تتجوز اللي هي بتحبه علي الرغم ان اهلها ماكنوش موفقين خالص ،ودلوقتي عايزين يطلقوا‎

و هل سيظل المجتمع بهذه القساوة ؟؟..
مافيش قسوة في انهم مصلحة بنتهم اولا‎

اتركم لكم الاجابة ..‎

هبه محمود25

05-09-2011, 08:10 AM

اولا الموضوع صعب اوى طبعا ديه مش خيانه ده غظب عن الطرفين وتانى حاجه الاهل طبعا غلطوا لما منعوهم من بعض لان الاب او الام مش ليهم الحق انهم يقرروا مين هيعيش مع بنتهم لان ده هيبقى بيتها التانى او حياتها التانيه هى اللى تختارها ولو غظبوها ع حاجه فيها يبقى حكموا عليها انها تيش ميته هم اخترولها حياتها الاولانيه التانيه هى اللى تختارها وشكرا ع الموضوع الرائع دهhttp://www.waraqat.net/2009/03/swar-romans_4.jpg

مرموور

05-09-2011, 04:30 PM

بصراحه دى فى نظرى خيانه:cool:
لأن المفروض من اليوم اللى هيه اتخطبت فيه
تبقا مخلصه للأنسان اللى مخطوباله ومتحولش حتى التفكير
فى آخر وان كان غصب عنها بتفكر تحاول انها تمنع نفسها
وان كانت مش هتقدر يبقا متظلمش الانسان
اللى هيه مخطوباله وتسيبه ونفس الحكايه بالنسبه ليه بردو:rolleyes:
انما انا اول ما دخلت الموضوع ;)
قعدت اتخيل الموقف ده وافتكرت الموضوع بجد:d
وشويه وكنت هعيط:p
تقبل مرورى..:)