بسم الله الرحمن الرحيم

فى البداية انا طالب فى تانية ثانوى نفسى الافادة منكو يا دكاترة لانى بجد نفسى اكون دكتور المهم انا ارغب حد يفدنى لانة الحد الان مش فاضل الا 30 يوم عن الامتحان وانا ذاكرت من اول السنة الحمد لله بس انا مش عارف انظم وقتى الايام دى فالذاى اعمل كدة مع العلم انى اعرف ان الايام دى بتاعت حل امتحانات وانا الحمد لله حليت كمية من الامتحانات فى كل المواد فما هو المفروض عملة الان بعد ماخلصت حل وما هى عدد ساعات النوم المفروضة وما هو الوقت المناسب للنوم فى الايام دى ووقت الاستيقاظ ؟؟؟؟؟ ياريت حد يجاوبنى .

اولا : أهم حاجة تبقا قريب من ربنا مش وقت الامتحانات بس...طول حياتك
ثانيا:بر الوالدين لأن دعوات الأب والام هي اللي كان ليها الأثر الاكبر ف الامتحانات
ثالثا: تعالا نقسم اليوم
-اليوم 24 ساعة.....6 ساعات نوم بالليل ولو انت من محبي النوم نام كمان ساعة ف نص اليوم كدا يبقا اخدنا 7 ساعات م ال24 ساعة
يتبقا 17 ساعة صاحي فيهم ...ساعة ونص للأكل علي مدار اليوم ...و ساعة للصلاة ...و ساعة للحاجة..
باقي كدا 13ونص ساعة...قول 10 دقايق راحة بين كل ساعتين مذاكرة(اجمالي ساعة ونص) يتفضل 12 ساعة المفروض تبقا قاعد ع الكتب فيهم (ولو عايز تضغط علي نفسك اكتر خد من وقت نومك و أكلك)
-لازم تحدد نوع الاكل اللي تاكله(بلاش الدهون) ركز ع السكريات و الفواكه و الخضروات
-بالنسبة للمنبهات زي الشاي و النسكافيه....كفايه 1 نسكافيه ف اليوم و او 2 شاي
-حاول تظبط وقت مذاكرتك ف الفترة اللي بتبقا مركز فيها (في ناس بتحب تذاكر طول الليل من اول الفجر وفي ناس تحب تذاكر من اول الساعة 7 الصبح) حسب رغبتك
-بالنسبة للمذاكرة ركز علي الاسئلة اللي ف كتاب المدرسة و كتاب النماذج

شكراااا جدا اا