المحافظات اللى نفذت القرار الوزارى رقم 75
اللى بينص على
تثبيت المعلمين المتعاقدين والمعلمين بالحصة ( من حملة المؤهلات العليا ) ، والقائمين بخدمة العملية التعليمية ( من حملة المؤهلات المتوسطة وفوق المتوسطة ) ممن مضىى عليهم ثلاث سنوات أو أكثر
كل واحد يدخل و يكتب اسم المحافظه بتاعته و يقولنا اتنفذ القرار و اتثبت و لا لسه ؟
اللى يقول ان المحافظه بتاعته نفذت القرار يكون عمل اخلاء طرف و اقرار قيام بالعمل بالفعل
أو وصل المدرسه بتاعته حاجه بخصوص التثبيت
مش مجرد اسماء راحت و اسماء جات

أو يقولنا ايه اخر الاخبار اللى سمعها عنده

والله بشرة خير ويارب كل الشباب يلاقي شغل

محافظة 6 أكتوبر والجيزة أخبارهم إيه

القرار طالع من فترة بس لسه ماتمش تفعيله عندنا في ادارة السادات محافظة المنوفية

فى اسيوط لسه

في المنيا لسه وشكلهم مش فاهمين

محافظة بني سويف ادارة ناصر التعليمية نفذت القرار

وزير المالية صرح بانه مش هيثبت حد

محافظة قنا لا يوجد شيئ

قرار ذى كتير من القرارات طلع ولم ينفذ

القرار هينفذ على ارض الواقع فى بداية شهر يوليو القادم .
محدش ينتظر اى جديد خلال هذه الايام وحتى هذا التاريخ

ادارة زفتا محافظة الغربية لسه

بالنسبة للبحيرة تم تجميع الاسماء من جميع الادارات التابعة لمركز دمنهور وتم ارسالها الى التنظيم والادارة وتم مراجعتها وباقى توقيع السيد المحافظ عليها للتنفيذ وهذا اكيد وشكرا .

محافظة بني سويف ادارة ناصر التعليمية نفذت القرار

اللى يقول ان المحافظه بتاعته نفذت القرار يكون عمل اخلاء طرف و اقرار قيام بالعمل بالفعل
مش مجرد اسماء راحت و اسماء جات

قنا غير موجوده على الخريطه

مفيش حاجة في بورسعيد

البحيرة لاحياة لمن تنادي والتنظيم والادارة تعلنها صريحة " معندناش درجات مالية " ووزارة المالية علقتها في رقبة المحافظين وده كلام استاذ احمد زيد في التنظيم والادارة والله العظيم يعني انسوا يابحراوية الموضوع ده علي الاقل دلوقتي والله منهم لله بس هما عايزين رجاله تقف وتاخد حقها

لا أسيوط ماإتنفذش القرار ده

أكتر من قرار 3/2 مافيش

وده مضى عليه كل الناس اللي ماكملش 3 سنين واللي كملهم

ده حتى القرار ده فيه محافظات ولا جالها اي حاجة بخصوصه

كل محافظة ماشية بمزاجها

والبركة في اللامركزية والوزير اللي رمى الكورة في ملعب المحافظين

ولا حول ولا قوة إلا بالله

http://www.thanwya.com/vb/showpost.php?p=3400129&postcount=17

فيديو : وزير المالية في الحياة اليوم بيقولك مش حتتثبت ( الجزء التانى الدقيقه 13)

http://www.thanwya.com/vb/showthread.php?t=312897

محافظة قنا حتى عقود موصلشى فيها هيوصل فيها تثبيت
مش عارفة المحافظة دى منسية ليه؟؟؟؟؟؟؟
اومال هيفتكروا يعينوا فيها امتى لما تقوم القيامة......................
حسبى الله ونعم الوكيل

مطروح لم تنفذ اى قرار من القرا رات سواء كانت 53او74او75

كده مفيش اى محافظه نفذت القرار
و شكله زى ما قال وزير الماليه
http://www.thanwya.com/vb/showthread.php?t=312897

مع احترامي للجميع والله يا استاذه اللصوص لسه موجودين في الوزرات بداية من مديري المدارس لحد ................... رئيس الجمهورية إلا من رحم ربي بس الحلوين قليلين جدا وبسبب كده بنتخلف عن الركب والتقدم وفشل في العلملية التعليمية وبلدنا عمرها ما هتتقدم خالص لأن فيه يد خفيه بدبر باحباط الشباب وتدميرهم نفسيا لأن الناس باعت دينها من أجل الفلوس .... خليهم يسرقوا بالمليارات يمكن يخدوها معاهم في القبر زي بعض الناس بيبنوا المقابر من الرخام والسراميك ........ يا ريت يحنطوا نفسهم وهما صحيين عشان الجثة تكون مدي الحياه ونحطها في المتحف المصري ....... الجماعة اليهود مقابرهم تحت الأرض .... وأحنا المسلمين مقابرنا فوق الأرض..... إنا لله وأنا إليه راجعون ..... وكل سنة وأنت طيب لو المدرس أتصاب بالأحباط .... هيخللي التلاميذ نفسيتهم وحشه ويكرهوا يرحوا المدرسة ويكرهوا المدرسة باللي فيها ....بس هتفرج إن شاء الله ( إن الله مع الصابرين ) ( إن مع العسر يسرا )

وربنا يوفق الجميع

بس ايه حكاية الفاكس اللى اتبعت الادارت ده ؟

هكرر كلامي تاني مفيش حاجة هتم الا في بداية السنة المالية الجديدة يعنى من بعد شهر يوليو
والكلام ده من الوزارة نفسها
بلاش تحرقوا في دمكم من دلوقتى
وخليكوا عايشين على العقد ابو 95 جنية حتى ياتى الفرج من عند ربنا
ما علينا الا الصبرررررررررررررررررررررررررررررررررررررررررررررر رررررررر

بس ايه حكاية الفاكس اللى اتبعت الادارت ده ؟

تهدئة بس يا اخي الفاضل والله العظيم

علي فكرة قرار 75 ده قرار مضروب اساسا واتلغي بعد صدورة بــ48 ساعه

دمياط نفذت بس دة بعد ما المدرسين ناموا ليلية اقدام المحافظة فعلا اخلوا وعملوا اقرار القيام بالعمل

http://www.thanwya.com/vb/life/icons/neww1qw1.gifهل دمياط نفذت القرار 75؟ وكيف؟

سوهاج لسة ما فيش حاجة

دمياط نفذت بس دة بعد ما المدرسين ناموا ليلية اقدام المحافظة فعلا اخلوا وعملوا اقرار القيام بالعمل

اشـــــــــك

زملائي الأعزاء : لقد عانينا كثيرا ، وضاقت بنا الدنيا بدل المرة ألف ولم يشعر بنا أحد ، حتى الثورة لم تمنحنا ما كنا نحلم به ...
ولم ينتهي عصر التصريحات والوعود الرنانة الوردية وما هي إلا أسبرين مسكن للألم، فكل مسئول يلقي بالمسئولية على عاتق الآخر
والضحية في النهاية هو المدرس بالحصة!
السبب الرئيسي في هذه المهزلة الحقيرة هو عدم وجود نقابة حقيقية فعالة تنتزع حقوق أبنائها وتضمن لهم الحياه الكريمة .
أشعر أنني قد ضيعت سنوات عمري من أجل العمل بمهنة لا يحترمها المجتمع .... كل التعازي مسبقا لمن سيختار هذه المهنة.

إدارة شبين القناطر قليوبية لسه
وكل ما نسأل ياجماعة يقول بعتنا الورق للمديرية

في اسوان لسه مفيس اي تنفيذ

لو حصل وان اللى مضى عليه ثلاث سنوات يتعين مع المتعاقد اللى بقاله 8 سنين وكمان اللى بالحصة ده يبقى بدبلوم تافه يبقى ده منتهى الظلم والاستبداد ايه القرف ده يا خسارة المذاكرة فى كلية التربية والتقدير والتعاقد والكادر والخيبة التقيلة فعلا الثورة دى حتغيرنا كل كلامى ده ليس يشمل خريجى التربية العاملون بالحصة

محافظة الدقهلية نفذت القرار وعملنا اخلاء طرف واقرار قيام بالعمل مرة اخرى وفيه بعض الادارات داخل المحافظة تم صرف الكادر للناس اللى امتحنهم فى 20/11
عقبالكم
اما بالنسبة للمرتبات بيقولوا فى شهر 5 و ناس بتقول فى 7

واحنا فى مطروح لا حياة لمن تنادى بس المفروض فى شهر 7 لو مفيش حاجة من اللى قالوا عليها يبقى لازم وقفة

محافظة الدقهلية نفذت القرار وعملنا اخلاء طرف واقرار قيام بالعمل مرة اخرى وفيه بعض الادارات داخل المحافظة تم صرف الكادر للناس اللى امتحنهم فى 20/11
عقبالكم
اما بالنسبة للمرتبات بيقولوا فى شهر 5 و ناس بتقول فى 7

يا عم الحاج هو احنا بنتكلم هندى ؟
بنقول القرار 75 مش اللى امتحنو الكادر

يا عم الحاج هو احنا بنتكلم هندى ؟
بنقول القرار 75 مش اللى امتحنو الكادر
هههههههههههههههههههههههههههههههههههههههههههههههههه ههههههههههههههههه
والله في البحيرة اعلنتها التنظيم والادارة صريحه معندناش درجات مالية دلوقتي لله الامر من قبل ومن بعد

http://www.facebook.com/home.php?sk=group_128732913864265&ap=1

سوهاج يا جماعه بعتت تستفسر عن القرار بتاريخ 29/4 يعني يحينا ويحيكم ربنا

ناصر - بني سويف
استلمنا اقرار القيام بالعمل 1 / 3 / 2011
وعقبال كل معلمي مصر

وعلى فكرة قبضنا شهر 4 بالمرتب الجديد
470 جنيه مصري فقط لا غير
وكمان استلمنا الفيزا كارت هذا الاسبوع
الله اكبر ولله الحمد
وعقبال كل المصريين

ناصر - بني سويف
استلمنا اقرار القيام بالعمل 1 / 3 / 2011
وعقبال كل معلمي مصر

يا عم افهم بنقول القرار رقم 75 مش اللى امتحن الكادر

اخيرا القليوبية مفيهاش اي حاجة
ولا تعيين ولا تثبيت هما والحمد لله ثبتونا بالكلام وخرصونا

اسكندرية ولا حاجة نفذت دا حتى المتعيين قبلنا الى امتحنوا 20نوفمبر لسه فى ناس بمدارس مجلهاش القرار بالتعيين

كله نايم فى العسل

لم يتم تنفيذه في الفيوم وشكل الموضوع كان ضحك علي الدقون علي العلم من ان فيه ناس اتعيينوا من اللي كانوا واخدين مميز واقل من ناس كتيرة في التقدير وفي سنه التخرج بس لان كل حاجة بالكوسة فالقرار اتطبق عليهم وسلملي علي الوزير

الجيزة لسة

في البحيرة قالوا ان التنظيم و الادارة استلم الاسماء و اللي بيقول ان التنظيم و الادارة ما فيهاش درجات مالية ليه من الاول استلم الاسماء تمهيدا للتثبيت

يا رب سلم

لا جديد الوضع كما هو

مفاجأة من العيار الثقيل
توجهت اليوم الأحد 15/5/2011 إلى إدارة قنا التعليمية بعدما سمعت أن هناك كشوفات تعد لتثبيت العاملين بالحصة على أمل أنني سوف أحصل على عقد أو تثبيت وفوجئت بأنني لا أستحق لا عقد ولا تثبيت رغم أنني أعمل بالحصة منذ عام 2002 وحتى الآن ولم أعمل في عام 2008/2009 والشرط الاساسي أن تكون عملت بالحصة لمدة 3 سنوات متصلة وقالوا لي أنه لابد أن أعمل لمدة عام آخر بالحصة مع عدم الانقطاع طوال العام حتى يتم التثبيت في نهاية العام.
فأنا عايز تعليقاتكم على هذا الموضوع عشان نعرف احنا ممكن نتصرف إزاي ..
وهل كل الأسماء التي وردت في الكشوفات التي سوف تعلق عملت لمدة 3 سنوات متصلة أم أن هناك دور للواسطة والمحسوبية؟
وعلى فكرة اللي عاوز يعرف معلومات عن أوراقه يطلع الدور السادس - مكتب الأوامر التنفيذية

قنا لا حياة لمن تنادى
انا شخصيا معاى المدام شغاله ليها اكتر من عشر سنوات ما بين معلم فصل ابتدائى مرة واخصائى صحافه مرة اخرى
وكل مرة يقولوا فيها ها توا الاوراق نروح ونصور الورق بتعاها والله العظيم معاى اوراق ليها تعمل مجلد ومش عارف ها نعمل ايه
مع العلم اننا فى ادارة فرشوط التعليميه والقرار موجود ومتعلق على باب الادارة يس تسال مين وتقول لمين
ولاحد عايز يقولك اى حاجه كانه سر حربى
والعمليه بقيت خلاص مقرفه
مع انها شغاله من عام 2000 يعنى تعتر اقدم ما فى المحافظه كلها
فا يار يت اللى عنده اى خبر يقيدنا
وشكرا

مبروك و بالتوفيق للجميع

[]بنىسويف لسة والأخ بتاع مركز ناصر بيألف هو نايم ولا ايه وأنا من اهنايبا المدينة وبنبه على الجميع ياريت نتجمع ونكتب شكوى للنيابة الادارية ومن يريسد التواصل يراسلني عبر a_mm507516***********]

معذرة الايميل الصحيح هو ( a_mm5075*********** ( عايزين نتحد لنحصل على حقنا في لبتثبيت مثل بقية الزملاء ولا هو حلال لغيرنا وحرام لينا

الاسماعيلية لسه مفيش حاجة

( إن الله مع الصابرين ) ( إن مع العسر يسرا )

من رد بعض الاخوة واضح ان محافظة قنا طبقت القرار
يا ريت اى حد من قنا يفيدنا وقولنا اخبار من عمل اكثر من 3 سنوات ولكن مش على راس العمل موقفه ايه

سبحان الله وبحمدة سبحان الله العظيم

محافظه الشرقيه مفيش غير انهم علقوا اسامينا على الحيطه وال ايه مبروك اتثبتو ممكن يقصدو اتثبتنا على الحيطه بجد حسبي الله ونعم الوكيل

بني سويف لسة وموعدنا غداً 11 صباحاً أمام المديري الخميس

أصبح الوالى هو الكحال


فأبشر بالعَمى

محافظه الشرقيه مفيش غير انهم علقوا اسامينا على الحيطه وال ايه مبروك اتثبتو ممكن يقصدو اتثبتنا على الحيطه بجد حسبي الله ونعم الوكيل



حضرتك ادارة ايه ؟
انا كنت بالمديرية , وليس تحت الشمس جديد ؟
اما ادارة القرين ففعلاً تم ملئ الحائط باسما الـ ـــــــ ـــ ــــــ ــــــ ــمعيـ ــــ ينين

بالنسبة لليشغالين بالحصة في أسيوط وعلى رأس العمل عملو معاهم تعاقد حوالي مرتين تلاته مش فاهم ليه أكيد بيأكدوا على التعاقد

أما بالنسبة للي كانو شغالين بالحصة ومش على رأس العمل وأنا منهم روحت للتوجيه قالي بالنص ( ولا الهوا ) يعني مفيش حاجة لينا

المهم رحت لوكيل الوزارة أنا كام واحد ( عواجيز ) الراجل كتر ألف خيرو قالنا انو هو مش فاضي وبعد امتحانات الثانوية العامة هيحاول يقعد معانا ويشوفنا عاوزين ايه

وديما مصر بخير

صح نسيت أقولكم على حاجة
>>
>>>
>>>> مصر بخير

مصر اتبطحت والطوبة وجعت في راسها

ومن الوجع ... داخت ووقعت

لا موقعتش هي كانت هتقع لولا شوية عيال لحقوها

سندوها وقعدوها وفيه كام واحد خلع فلنتو وربطلها راسها

عشان متنزفش

بس هي نزفت .... خرت دم كتيير ... وهما برضو مسكتوش

من دمهم وعطوها ولأجل الله من روحهم وهبوها

ياعياااااااااال .... انتو طلعتو رجاله

طب يللا كملوها

دي مصر لسة قاعده .... بس قاعده في الأرض

عاوزه تقف على رجليها

لسة محدش جالة حاجة اما بالنسبة لوزير المالية كان بيقول على المعلمين بالاجر ومظنش دة هيتنفذ اما بالنسبة للتثبيت دة لسة مجاش من التنظيم والادارة كلنا مستنين ربنا معانا

يارب سهل وعفبال باقى المحافظات

حسبى الله ونعم الوكيل

هل فيه جديد ؟

http://www.deltaelyoum.com/news.php?id=7653&cat=3&title=%D9%85%D8%AD%D8%A7%D9%81%D8%B8+%D8%A7%D9%84% D8%B4%D8%B1%D9%82%D9%8A%D8%A9+%D9%8A%D9%88%D9%82%D 8%B9+%D9%82%D8%B1%D8%A7%D8%B1+%D9%81%D9%88%D8%B1%D 9%8A+%D8%A8%D8%AA%D8%AB%D8%A8%D9%8A%D8%AA+%D9%85%D 8%AF%D8%B1%D8%B3%D9%8A+%D8%A7%D9%84%D8%AD%D8%B5%D8 %A9 (http://www.deltaelyoum.com/news.php?id=7653&cat=3&title=%D9%85%D8%AD%D8%A7%D9%81%D8%B8+%D8%A7%D9%84% D8%B4%D8%B1%D9%82%D9%8A%D8%A9+%D9%8A%D9%88%D9%82%D 8%B9+%D9%82%D8%B1%D8%A7%D8%B1+%D9%81%D9%88%D8%B1%D 9%8A+%D8%A8%D8%AA%D8%AB%D8%A8%D9%8A%D8%AA+%D9%85%D 8%AF%D8%B1%D8%B3%D9%8A+%D8%A7%D9%84%D8%AD%D8%B5%D8 %A9)

محافظ الشرقية يوقع قرار فوري بتثبيت مدرسي الحصة
استجابة لمطالب المتظاهرين من مدرسي الحصة والعقد المؤقت لفض اعتصامهم وافق اليوم المستشارمحمد عبد القادر، على تثبيت جميع المعلمين وفق القرار الوزاري رقم 75 الصادر في 2/3/2011 ، حيث أمر بالإعلان في الإدارات عن تثبيت المعلمين بالحصة والعقود المؤقتة كما أمر بسرعة اتخاذ جميع الإجراءات لاستيفاء مصوغات التعيين وفق القانون مع مخاطبة المدارس بسرعة توجه من ينطبق عليه الشروط الى قسم التعيينات بالإدارة لإنهاء الإجراءات الخاصة به .


وكان المئات من مدرسي الحصة والعقود المؤقتة قد تظاهروا أمام مبنى ديوان عام محافظة الشرقية مطالبين المحافظ بتنفيذ القرار رقم 75 بالتثبيت الفوري ورددوا هتافات ( الحرامية فى المديرية انت فين يامحافظ.. يامحافظ قول الحق انت معانا ولا لا.. يامحافظ قول الحق هتثبتنا ولا لا .. يامحافظ احنا هنا مش ماشين .. عايزين حقوقنا .. التثبيت التثبيت يامحافظ ) واستدعى على الفور محمود العرينى وكيل وزارة التربية والتعليم وكان المطلب الرئيسى هو التثبيت الفورى.

محافظ الشرقية يوقع قرار فوري بتثبيت مدرسي الحصة
استجابة لمطالب المتظاهرين من مدرسي الحصة والعقد المؤقت لفض اعتصامهم وافق اليوم المستشارمحمد عبد القادر، على تثبيت جميع المعلمين وفق القرار الوزاري رقم 75 الصادر في 2/3/2011 ، حيث أمر بالإعلان في الإدارات عن تثبيت المعلمين بالحصة والعقود المؤقتة كما أمر بسرعة اتخاذ جميع الإجراءات لاستيفاء مصوغات التعيين وفق القانون مع مخاطبة المدارس بسرعة توجه من ينطبق عليه الشروط الى قسم التعيينات بالإدارة لإنهاء الإجراءات الخاصة به .


وكان المئات من مدرسي الحصة والعقود المؤقتة قد تظاهروا أمام مبنى ديوان عام محافظة الشرقية مطالبين المحافظ بتنفيذ القرار رقم 75 بالتثبيت الفوري ورددوا هتافات ( الحرامية فى المديرية انت فين يامحافظ.. يامحافظ قول الحق انت معانا ولا لا.. يامحافظ قول الحق هتثبتنا ولا لا .. يامحافظ احنا هنا مش ماشين .. عايزين حقوقنا .. التثبيت التثبيت يامحافظ ) واستدعى على الفور محمود العرينى وكيل وزارة التربية والتعليم وكان المطلب الرئيسى هو التثبيت الفورى.
http://www.deltaelyoum.com/news.php?...AD%D8%B5%D8%A9 (http://www.deltaelyoum.com/news.php?id=7653&cat=3&title=%D9%85%D8%AD%D8%A7%D9%81%D8%B8+%D8%A7%D9%84% D8%B4%D8%B1%D9%82%D9%8A%D8%A9+%D9%8A%D9%88%D9%82%D 8%B9+%D9%82%D8%B1%D8%A7%D8%B1+%D9%81%D9%88%D8%B1%D 9%8A+%D8%A8%D8%AA%D8%AB%D8%A8%D9%8A%D8%AA+%D9%85%D 8%AF%D8%B1%D8%B3%D9%8A+%D8%A7%D9%84%D8%AD%D8%B5%D8 %A9)

هل فيه جديد ؟

اليوم فى ادارة فاقوس محافظة الشرقية


طلبو من الذين نزل اسمائهم من اسبوعين الذين يعملون بالحصة والعقد العادى الذين مر عليهم ثلاث سنوات
ملف مسوغات التعيين واقرار الزمة المالية
وشهادة المؤهل الاصبية
وشهادة الخدمة العسكرية للذكور
وفيش وتشبية
وكشف طبى وصورة
وشهادة ميلاد

حتى يتم التثبيت

اما العقود المميزة

ملف مسوغات تعيين وارار الزمة المالية فقط

هل فى باقى الادارارت تم تنفيذ هذا الكلام

سوهاج خارج نطاق الخدمة ولا حاجة اتنفذت لسة

بدات الشرقية من امس اجراءات التثبيت الفعلة وتقديم مسوغات التعيين والاجراءات الاخري مثل الكشف الطبي

الشرقية معظم اداراتها نفذت ادخل هنا وشوف
http://www.thanwya.com/vb/showthread.php?t=319624 (http://www.thanwya.com/vb/showthread.php?t=319624)

البحيرة لا حياة لمن ينادي

الغربية لسة

البحيرة لالالالالالالالالالالالالالالالالالالالالالالالا يوجد بها جديد ويقال اول شهر سبعه

هى كل محافظة بتعتبر نفسها دولة تانية

ولا ايه

ليه الغربية لاحس ولاخبر فيها حتى الان

بدات الشرقية من امس اجراءات التثبيت الفعلة وتقديم مسوغات التعيين والاجراءات الاخري مثل الكشف الطبي



وانا من الشرقية ولم اسمع ما تقوله الا منك

امال ايه اللي بنسمعه عن الشرقية ده يا جماعه

ولا حياة لمن تنااااااااااااااااادي في البحيرة

ولا حياة لمن تنااااااااااااااااادي في البحيرة

ليه الاخبار الكاذبة دى كل واحد يقولك دا محافظة كذا نفذت القرار دا تهريج لسة ولا محافظة اتنفذ فيها حاجة لحد دلوقت لسة محدش عارف حاجة فى الادارات وربنا يسهل خلال الشهر ده كل حاجه حتبان ونهايه ذلك شهر سبعه

انا مكافأه شاملة اسماعلية ونزلت العقود بس انا كان مرتبى زى العقد يعنى مفيش حاجة اتغيرت عليا علما انى تربية دفعة2001وكمان icdlوانتل

في البحيرة
لا جدييييد

القرار اتلغى يافرحة ما تمت

يافرحة مااااااااااااااااااااااتمت خدها الغراب احمد جمال الدين
القرار اتلغي يا اساتذه عارفين ليه ؟ علشان احنا مش متعاونين ولا متماسكين احنا كل واحد بيقول كلمة في اتجاه وهما بيعملوا اللي هما عاوزينه
توب علينا يارب من اللي احنا فيه ده بقي

بس اللي محيرني المحافظات اللي نفذت القرار دي هيعملوا فيها ايه ؟؟؟؟؟؟؟؟؟؟؟؟؟؟؟؟؟؟؟؟؟؟

في إدارة نصر النوبة التعليمية بمحافظة أسوان أخبرونا بأن القرا ر معناه التثبيت و ليس التعليين و التثبيت هو أن يظل كل واحد علي ما هو عليه لحين الحصول علي م}هل تربوى و icdl و اجتياز الكادر ثم يتم تعيينه

انا دلوقتى فهمت معنى التثبيت......................يعنى بعد معملنا مظاهرات حبوا يثبتونا فى بيوتنا اليومين دول وفعلا عدا 3 شهور منذ القرار واحنا اعدين سكتين وبكده ثبتونا (سكتونا)

كان عندك حق يا ابو يوسف يا متشائم

حافظة الجيزة او 6 اكتوبر هل تم تثبيت احد فيهم

فين الحق ياناس

مش سامع لية صوت الغربية اية مافيهاش مدرسين بالحصة

الحمد لله اتثبتنا فى القليوبية ومعاية الدليل
انزل تحت فى المرفقات
جواب التثبيت
واى استفسار انا تحت امركم
مستر عمرو يحيى
0182094269
0113544326
0197747107