السلام عليكم ورحمه الله وبركاته
انا هحط مشكلتى هنا واامل ان تساعدوا بجد انا مضيقه
انا الحمد لله كويسه في علم النفس والاجتماع وتقدر تقول ممتازه
لكن الباب الاول اجتماع ضياع هوه دا الباب الوحيد اولا مذكرتهوش خالص قبل كدا وبعدين طويل وكل ماجي اذاكره
اطنش او انسي مش عرفه اعمل ايه وانا المفروض احل امتحانات
من فضلكوا ساعدوني ولو حتي تنظموا لي مذكرته او جدول ليه وانا ان شاء الله همشي عليه
ومعلشي عطلتكوا

اولا انتى مشكلتك حلها عندك ركزى واستعينى بالله وقمسيه على مرتين
يوم الموضوع الاول واليوم التانى الموضوع التانى وخلص الباب بكل سهوله .....

واتمنى ان يكون كلامى عجبك وربنا يوفقك وان شاء الله تجيبى 50
ومتنسيش تدعيلى

انا نفس المشكلة معايا والله في الباب دة ومش بعرف احفظة خااااااالص

والله مشكلة النسيان دى عندى فى المناهج كلها وعند كل الناس لكن مع التكرار والتنظيم العملية بتكون سهلة. وبعدين ما تزعليش منى أنا شايف ان فى دلع شوية . انتى لو عاوزه تذاكريه فعلا هتكسريه حتت وتاكليه كمان

يا جماعة الحل بسيط مع الأستاذ عبدالرحمن الشياطى فى حصص مسجلة على الغرف الصوتية صوت وصورة ممتازة

انا مش عارف اى حاجه خالص لحد دلوقتى أرجو المساعده

بصى يا سها

لازم تحطى فى دماغك حاجه انك لما هتذاكرى الباب الاول مش بس هتحفظيه

علشان تسهلى على نفسك لازم تربطى الافكار ببعضها

هقولك مثلا ... فى اسهامات الحضارة اليونانية واسهامات ابن خلدون هتلاقى نقطة مشتركة اللى هى " تاكيد مبدا التغير فى الحياة الاجتماعية "

واكتر حاجه مضايقانا كطلبة هى الاسهامات الكتيرة اوى دى يبقى الحل انك تعملى كده كانك بتفهمى دماغ العالم ماشية ازاى

زى ايه " زى دور كايم " كل النقط اللى فيه بتدور حول انه بياكد الطابع القهرى وكده يعنى

يارب اكون افدتك بحاجه

.....

انا بجد الباب اللى صعب عليا هو الباب الثالث فى علم الاجتماع لانى مذكرتوش كويس لانى مش حباه اصلا وكل اما اجى افتحه انام فيه

إحساس رائع .. أن أسير بحجابي الفضفاض ، كطائر يحلق في رياض الجنة ، وأستشعر أنني أكتسب بكل عين أطوف بها ولا أفتنها ، حسنات كجبل أحد ،،، لأنني متسترة >>>>وأنتى أخيتى .. ألا تشتاقى لـ ذاك الإحساس ؟
جميلة جده الكلمات....وربنا يبارك فيكى ويحفظك وجميع المسلمين

هو بكام؟؟.؟؟؟؟؟؟؟

الباب الاول يقسم الى 3 اقسام القسم الاول مكونات الوجود والاسهامات والقسم الثانى البناء الاجتماعي ومكوناته والقسم الثالث التغير الاجتماعى وهناك الكثير من الطلبه بيتلخبطوا بين اسهامات اوجست كونت واميل دوركايم وعلشان مايحصلش لخبطة عليكم ان تعرفوا ان اوجست كونت جاء فى الاول يعنى هو الذى وضع الاسم للعلم ثم غير هذه التسمية وقسم قوانين الحياة ووجه اليه النقد لخلطه بين العلم والفلسفة والتاريخ وعلى فكره الوحدة دى بيجي منها 4 جزئيات فى الامتحان الجزء الاول سؤال والثانى سؤالين والثالث سؤال والله الموفق

بصى يا بنتى الجزء الوحيد الى خنيق هو الجزء الاول
الى هو بتاع دور كايم والناس دى
حاولى تعملى جمل لنفسك تفتكريه بيها
وقسميه على مرتين او تلاتة زى متحبى
طبعا مش هتذاكريه لوحده لآ ده هيبقى فى كمان معاه علم نفس او اى وحدة اجتماع تانية
قسميه 3
وربنا يبارك حياتك ويقف معانا كلنا ان شاء الله

هو بكام؟؟.؟؟؟؟؟؟؟

ب2

السلام عليكم
أحب أطمنك أولا ان علم الاجتماع كله مش الباب الاول فقط سهل وجميل بفضل الله
طيب ايه السبب اللى بيخلى معظم الطلبة بتخاف من علم الاجتماع وبتعتبره أصعب من علم النفس وبتنساه بسرعة؟
أولا : هناك طلبة يعتمدون على الحفظ فقط لكل كلمة دون الفهم ودول لازم بيجدوا صعوبة فى تذكر دروس المنهج لأنه مش فاهم هو بيذاكر ايه هو بيحفظ وخلاص
ثانيا: للأسف فى مذكرات بيعتمد عليها الطلبة بتكون المعلومة فيها غير كافية لكى يفهما الطالب لأنها بتعرض المنهج فى عدد قليل من الورق وبالتلى الطالب لما بيذاكرمنها بيجد صعوبة فى الحفظ رغم ان عدد الورق قليل وبيدخل المنهج فى بعضه لأن المعلومة مش كافية .
ثالثا: خطأ فى مفاهيم كثير من الطلبة ان المواد النظرية تعتمد على الحفظ فقط بعكس المواد العملية وان اللى بيحفظ ده انسان غبى بالرغم من أن الحفظ يدل على ذكاء الفرد ولكنه يكون مبنى على الفهم.
ما العلاج لكى افهم علم النفس والاجتماع وأى مادة
*أهم شئ فى البداية هو حب المادة فلو كرهت المادة لن تستطيع ان تتميز فيها وتفهما بسرعة
* انك تفهم انت بتذاكر ايه : فمثلاً الباب الاول فى علم الاجتماع بتعتبره طلبة كتير انه صعب وده لأنه المدخل لعلم الاجتماع بجانب انه طويل وجزئياته كتيره .............عشان يقدر أى طالب يفهمه ويحفظ فى نفس الوقت يقوم بتقسيمه على هذا الاساس
1- أعرف مكونات الوجود اللى أنا عايش فيه ( مادى - عضوى- اجتماعى) ودى مهمة عشان ممكن تيجى فى الامتحان واعرف العلوم اللى بتدرس كل مكون وهنلاحظ هناك ترابط بين الوجود الاجتماعى مثلا والعلوم اللى بتدرسه زى علم الاجتماع وهكذا .........باقى انواع الوجود
2- لازم اعرف تعريف علم الاجتماع ومش محتاجة عبقرية من اسمه هو العلم اللى بيدرس المجتمع بس مش أى دراسة لا دى دراسةعلمية من أجل التعرف على القوانين التى تحكم (نظامه وتغيره ومشكلاته)
3-أعرف طبيعة القوانين اللى بتوصل ليها علم الاجتماع واكيد هتختلف عن قوانين العلوم الطبيعية لأن علم الاجتماع بيدرس بشر أم العلوم الاخرى بتدرس اشياء ثابتة ولا تتغير.
******************************
4- بعد كده اشوف ياترى ازاى نشأ علم الاجتماع فهلاقى ان هناك اسهامات لنشأة علم الاجتماع تتمثل فى (اسهمات الفكر الشرقى الى بتمثل فى حضارة مصر القديمة - كمان اسهامات الفلسفةاليونانية )
ثم هنجد اسهام العالم العربى اللى كلنا بنعتز بيه (ابن خلدون)وكانت كل افكاره بدور علم العمران البشرى(الذى يسمى الان علم الاجتماع) وموضوعه الاجتماع الانسانى والقواعد والخطوات التى وضعها ابن خلدون لكى يلتزم بها الباحث العلمى
-بعد كده هنلاقى عالم اسمه اوجست كونت مؤسس علم الاجتماع وهنعرف اهم افكاره انه كان نفسه فى علم يدرس المجتمع دراسة علمية مستخدما نفس المنهج الذى تستخده العلوم الطبييعة لذلك سماه أول الامر الفيزياء الاجتماعية ثم عدله الى علم الاجتماع واعرف القوانين اللى توصل لها 1-قوانين الثبات #الاستاتيكا الاجتماعية# - 2-قوانين الحركة #الديناميكا الاجتماعية#
-ثم هنجد اسهامات اميل دروكايم وهى هامة جداً وخلوا بالكم انه 1-حددموضوع علم الاجتماع فى دراسة الوقائع الاجتماعية أى الجوانب اللى بتحدد سلوك الافراد مثل ( الدين - الدولة - الاسرة) 2-اكد على اهمية استخدام المنهج العلمى فى دراسة موضوع علم الاجتماع لذلك دعا الى دراسة هذه الوقائع كأشياء لكى ندرسها بطريقة علمية
*******************************
زى ماذكرنا الموضوع الاول نقسم كذلك الوضوع الثانى (البناء الاجتماعى )ونحاول نفهمه وممكن تسجيل الحصص الصوتية يساعد ولو بشئ يسير وهو موجود هنا فى المنتدى
*************************
وأخر درس هو التغير الاجتماعى وطبعا حنا دلوقت فى مصر بنعيش مرحلة التغير يعنى نعرف العوامل ايه اللى بتسسب التغير الاجتماع وأنماط أو انوع التغير الاجتماعى
****************************************
وأى طالب محتاج يفهم اى شئ ان شاء الله هيكون فى مراجعة ليلة الامتحان على المادة بإذن الله

ميرسي كتير يا مستر

هو بكام؟؟.؟؟؟؟؟؟؟









هوه ايه اللي بكام

الباب الاول بييجى منة سؤال واحد فى الامتحان فقط
من وال مكونات الوجدود حتى اسهامات دوركايم
حاولى وانتى بتذاكرى انك لاتضعى اى شئ يخص مادة اخرى بجانبك حتى لاتثير الكبت والهم عندك فمن الافضل اخلاء الحجرة التى تذاكرى فيها .
اما بالنسبة للباب فهو بسيط لكن لاتحاولى التسرع فية خذى كل جزئية على مهلها.

اوالا شكر على المعلومات ياجماعه وان شاء الله كلنا حنتفوق وندخل الكليه الى احنا عايزنها

ازيك يا سها لو مش فهمه حاجه فى الباب الاول اجتماع اكتبيه وانا افهمهالك بطريقه حلوه