المصري هو اللّي

بيفهم في الطب ويشخص المرض ويوصفلك الدوا وبيفهم في النقاشة والكهربا
وتصليح العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي
بقالهم سنين ومازال مُصِر على جمع المزيد
ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في
المحل اللي جنبه أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره
ماإستخدمها
ممكن يعدي التلاتين ولسه عايش مع أمه وأبوه وماعندهومش مشكلة
بيشتري قبل الفطار في رمضان مواد إستهلاكية أصلا موجود عنده في البيت
لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في
العيد
بيشيل طابع البريد من على الظرف لو الختم ماكانش عليه


بيفتكر إن أي حد بيشتغل في الخليج بيغرف فلوس من غير حساب

بيكون مشغول بقيمة التيبس أو البقشيش طول العشا ياترى ربع جنيه ولا نص
جنيه

برده بيتخانق ساعة دفع الحساب بحرارة شديدة على إنه هو اللي لازم يدفع ومبيدفعش

بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجوا

والأهم إنه اللي بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها بيفرش له الملاية

وعجبي


وفي النهاية تعدد الاسباب والحمار قاعد
https://ideotrope.org/pub/media/photos/angela/named/pics_donkey_shrek.jpg

ههههههههههههههههههههههه
اية رايك يا سارة

كل سنة وانتي طيبة والامة الاسلامية كلها بخير وسعاردة يارب
بس بجد انا حاسس اني لمست كتير من مميزات الشعب المصري في الموضوع دة صح
؟؟؟؟؟؟؟؟؟؟؟؟؟؟؟؟

حرام عليك خلي الطابق مستور ماحنا عارفين كل الفضايح دي...........
وكل عام والأمة الاسلامية بخير

وانت كمان بخير
وشكرا علي ردك الجميل
وعلي فكرة دنا جبت قشور من قشور الفضايح
ههههههههه

السلام عليكم ورحمة الله وبركاته
ولله يا اخى ده اجمل موضوع قراته فى المنتدى من فتره كبييييييييييييييييييييييره اوى
ولله العظيم بصدق
للاسف كل كلمه انته قولتها ولله العظيم صدق ولله العظيم صدق
هى دى مصر للاسف الشديد
وهو ده شعبها
بس نرجع ونقول انهاحسن شعب فى العالم واطيب شعب
واهبل شعب
واغبى شعب
وفى نفس الوقت اذكى شعب بجد شعب غريب فى غريب

هو ده الشعب المصرى

شكرا

شكرا لمرورك المجاهد في سبيل الله
علي فكرة معظم لكلام الي انا قولته موجود في معظم البيوت صح
هههههههههههه
اي خدمة يا عم
واش**** علي مدحك للموضوع بتاعي
وعلي فكرة الشعب دة علي قد ماهو في صفات غبية كتير الا انه
برضة فية حاجات كتير كويسة


وشكرا علي مرورك الاخ الكريم روميو

هههههههههههههههههههههههههههههه

فعلا والله هو ده الشعب المصري

بس في حاجات تانيه كتير انت ماقولتهاش

يا عم عمرو
مش لازم نكتب الفضايح كلها يعني
وبعدين لو عديناها
المنتدي مكانش هيكفي
وبعدين في حاجة اسمها خير الكلام ما قل ودل
صح ولا انا غلطان
هههههههههههههههه

بس اية رايك الحت دي جامدة جدا
صح