بسم الله الرحمن الرحيم
النهاردة يا جماعة انا جايب موضوع مهم جدآ
وعايزين نتكلم فيه كلنا ونشوف آراء بعض
انا شوفت من يومين المقولة دى مكتوبة فى التلفزيون وهى
(الغنى فى الغربة وطن والفقر فى الوطن غربة)!!
معناها ايه يعنى؟
معناها انك لما تكون معاك فلوس ومتريش بس متغرب خارج ارضك
يبقى مافيش مشكلة
عادى
وده يبقى احسنلك من انك تكون فى وطنك بس ما معاكش فلوس والدنيا ملطشة معاك
طيب على افتراض ان الكلام ده صح
يبقى فين بقى الكلام بتاع شمس الوطن ودفئها
ومياة النيل
والحوارات دى
وهل ده كان كلام وبنسمعه؟
وشعارات فاضية وخلاص

ولا لأ
الكلام ده حقيقى
ووجودك فى وطنك وجنب اهلك ده بمال الدنيا كله
وتبقى تسقط المقولة
وتحيا ارض الوطن!!!

اتمنى اعرف رأيكم

بص يا سيدي انا معاك في أغلب الكلام ان الوطن وسط الأهل احسن من أي حاجة وأنا عن نفسي مش هسافر أبدا حتى لو اية الي جرى بس برضوا العيشة هنا ذل و بره ذل والحالة بقت بايظة عالآخر يعني احنا لو فضلنا هنا طبعا كويس بس برضوا فية ذل و بهدلة و مرمطة و الي معاه فلوس بيعيش والي مماعهوش بيتدفن مكانه :دة شعار الدولة ........ أنا عارف انك نوعا ما مش هاتفهم حاجة من كلامي بس حاول تركب الكلام . و فعلا انا كل مافتكر هاعمل اية بعد ماخلص الثانوية والكلية يجيلي حالة احباط شديدة.......