متى يزيح الجسم الصلب حجما اكبر من حجمه؟

متى يزيح الجسم الصلب حجما اكبر من حجمه؟
والله السؤال ده قابلني في كزا حته
وجيت اسأل فيه الاستاذ قالي السؤال غلط

بس رأيي الشخصي وده الي هكتبه لو جالي في الامتحان
عندما

1.عندما كثافه السائل الموضوع به قليله جدا
لاني لو افترضت ان
رو اس * فوليم اس ثابته

يبقي رو الliquid تتناسب عكسي مع الحجم

بس ده غلط بسهكتبه كحل اولي يعني

2.لو ان فيه فراغ كبير ساعتها هيزيح حجم اكبر مما كان سيزيحه لو انه صلب تماماً "وده منطقي بس مش متأكد"


بس لو فرضت ان السؤال ده جالي هكتب الاتنين

والله اعلي واعلم

عندما يكون الجسم طاف ثم يغمر بواسطة ثقل

لما يكون هذا الجسم موضوع على جسم اخر اكبر منه فى الحجم ولكنه طافى

عندما يكون الجسم طاف ثم يغمر بواسطة ثقل
الاجابة الصحيحة اللى الاستتاذ جاوبها

عندما يكون الجسم كثافته كبيرة ويوضع فوق جسم طافي كثافته صغيرة
مثل قطعة حديد موضوعة فوق قطعة خشب تطفو فوق سطح الماء
قوة الدفع الاضافية = الوزن الاضافي
عندها حجم الماء المزاح أكبر من حجم اقطعة الحديد

عندما يكون الجسم طاف ثم يغمر بواسطة ثقل
متي يزيح الجسم الصلب حجما اكبر من حجمه ؟
اعتقد دي مش متفقه مع السؤال

اعتقد المقصود ان الجسم في حد ذاته
"الجسم هنا هو الذي قام بالفعل كفاعل"
يزيح اكبر من حجمه وليس بمساعده اضافيه

اعتقد كده

بص حضرتك اسأل الاستاذ وهرد عليكم لكن اعتقد ان اجابة الاستاذ ابراهيم جزاه الله خيرا مقنعة تماما

عندما يكون الجسم كثافته كبيرة ويوضع فوق جسم طافي كثافته صغيرة
مثل قطعة حديد موضوعة فوق قطعة خشب تطفو فوق سطح الماء
قوة الدفع الاضافية = الوزن الاضافي
عندها حجم الماء المزاح أكبر من حجم اقطعة الحديد

حضرتك ادري :blush:
بس انا اعتراضي مش المفروض ان السؤال بيقصد الجسم نفسه يزيح اكبر من حجمه

ايه رايك يا باشمهندس حاتم؟

بسم الله الرحمن الرحيم
انا هقول رأيى وفكروا معايا ... لو اخدنا حجم كميه من الماء وجمدناها بقت ثلح كثافته اقل من الماء يبقى حجمه اكبر من الحجم اللى احنا قسناه علشان الكتله ثابته ونضعه فى سائل كثافته اقل مثلا زى الزيت هيزيح حجم يساوى حجم الثلج وعندما يتحول الى ماء يقل حجمه بس انا دخت ههههههههه .

الاستاذ قالنا نفس كلام الاستاذ ابراهيم
القضية انه

الاستاذ قالنا نفس كلام الاستاذ ابراهيم
القضية انه بيزيح حجم اكبر من حجمه
مش ان الماء المزاح ساعده فيه جسم اخر
و ان كان السؤال صيغته مش صح;)

الاخوة الافاضل يزيح الجسم بذاته حجما اكبر من حجمه اذا كان جسما صلبا أجوف ( عالق ) فهنا ازاح حجما يعادل حجمه الكلى ( الخارجى ) ولكن الحجم الاصلى للجسم اقل بمعنى ان الحجم الاصلى يساوى الحجم الخارجى - حجم التجويف

طيب انتو فاكرين السؤال بتاع كتاب الامتحان لما كان فيه قطعة خشب طافية و فوقيها كرة من الحديد فاكرين ايه اللى حصل لما الكره دى وقعت فى السائل فاكرين حصل ايه ؟؟؟؟ مستوى السائل فى الاناء قل يبقى كده والكرة فوق قطعة الخشب كانت زايحة حجم اكبر من حجمها ولما غاصت زاحت حجمها بس وبالتالى مستوى السائل فى الاناء نقص . كده تبقى اجابة ابراهيم فيشار بس اللى صح يا اخوانا و للاثبات هنفترض ان فى اناء به ماء وتطفو عليه قطعة من الخشب فهيرتفع الماء لحد معين ثم نانى بكرة من الحديد كثافته 7800 كجم لكل متر مكعب مع العلم بانها مصمتة ونضعها على قطعة الخشب نجد ان الماء فى الاناء ارتفع الى حد جديد و نحسب الوزن الاضافى اللى هو وزن الكرة هيساوى قوة الدفع الاضافية اى ان رو ماءx حجم الجزء المغمور اضافيا يساوى كثافة الكرةxحجمها اذا 1000 xحجم الجزء المغمور اضافيا بواسطة الكرة يساوى 7800 x حجم الكرة وبالتالى فان حجم الكرة على حجم الجزء المغمور اضافيا يساوى 1000 على 7800 اى ان حجم الكرة على حجم الماء المزاح اضافيا يساوى 1000 على 7800 تخيلو ا زاحت تقريبا 8 امثال حجمها . سبحان الله

افتكر الاجابة كده احسن يا انين ولا ايه رايك . وشكرا لكل اللى شارك برايه

كده تبقى اجابة ابراهيم فيشار بس اللى صح يا اخوانا

هههه انت مشفتش اجابتى

ايه رايك يا باشمهندس حاتم؟
بصراحة رحم الله امرءاً عرف قدر نفسه
مبدأ أرشميدس أنا لغاية دلوقتي مش فاهمه كويس

لما يكون هذا الجسم موضوع على جسم اخر اكبر منه فى الحجم ولكنه طافى

طيب افرض حطينا قطعة خشب فوقيها قطعة خشب تانية

لا انا قلت على اعتبار ان انت هتفتكرها جسم كثافته كبيره

الافكار كتيره والمساله اعتقد ان مينفعشى نقول ان لها حل واحد

أتفق مع ArabianPDA (http://www.thanwya.com/vb/member.php?u=282184) ... فعلا عندما يكون الجسم أجوف من الداخل ... لأن الماء المزاح هيساوي الحجم الذي يشغله الجسم الصلب..(حجم مادة الجسم +التجويف) بينما ان حجم الجسم أصغر .

تااااااااااااااااااااااااااااااااااااااااااااااااا نى افتكر الجواب اللى انا موضحه مقنع للغااااااااااااااااااااية