هل توافق على ترشيح عصام شرف لرئاسة الجمهوريه ... ومن الافضل غيره [الأرشيف]

king 99

14-05-2011, 02:55 AM

من رأى انه لديه قبول كبير فى الشارع المصرى والناس بتحبه ورغم ذلك لا اؤيد ترشحه للرئاسة
لو نظرنا لعهد الرئيس السابق فسنجد انه لو تخلى عن منصبه بعد 8 سنوات من عمله كرئيس للجمهورية لأصبح بطلا شعبيا وتذكره المصريين طوال حياته بالخير وبالعرفان لما قام به فى اول فترات حكمه ولكنه حينما اعتمد على حب الشعب له وقتها بسبب تحسين العلاقات الخارجية وغيرها من المشاكل التى تركها السادات وقام هو بحلها واستمر يحكم الفترة تتبعها الأخرى حتى وصل الأمر لما هو عليه الأن

عصام شرف - مع حفظ الألقاب - لديه رصيد كبير لدى الشعب الأن وهو امر يسعدنا جميعا ولكننا لا نتمنى ان يخسر هذا الرصيد

Mo7amed zizo

14-05-2011, 12:50 PM

والله مفيش غير عصام شرف
مرتضى منصور .. ههههههههههههه
مرتضى منصور مفيش حد هيرشحه خااالص
هو مفيش غير دكتور عصام شرف

alkateem12

14-05-2011, 02:26 PM

أوافق وأبصم بالعشرة لأنه شخصية مصرية محترمة بجد وأبن بلد وبار لكل المصريين وراجل بكل ماتحتوى هذة الكلمة من معان وبيدور على الأصلاح لهذا البلد

ostazmath4m

14-05-2011, 05:39 PM

اللهم ولي امورنا خيارنا ولا تولي امورنا شرارنا
اللهم امين،،،، الدكتور عصام شرف شخصيه محترمه
حسب مانراه وواضح انه يسعي لخير البلاد والعباد
اسال الله تعالي ان يوفقه لصالح المسلمين ولصالح
البلاد..كما انني اقول سواء ظل الدكتور عصام شرف
في منصبه كرئيس للوزراء و اصبح بفضل الله رئيسا
للدولة اتمني في جميع الاحوال ان يوفق من يمسك
مثل هذان المنصبان وغيرهما من المناصب لصالح
البلاد ولصالح العباد..شكرا علي طرح الموضوع

osama_mma14

14-05-2011, 05:44 PM

إستقرار مصر وامنها الإستراتيجى يبدأ من السودان

وأرى انه عمل فى هذا الاتجاه منذ توليته رئيسا للوزراء

وادعوا الله تعالى ان يرزقنا بالحاكم والحكومة الصالحة

zozza love

14-05-2011, 05:45 PM

لا اوفق
مع احترمى وتقديرى الكبير له
فهو يصلح رئيس وزراء
لكن الرئيس لا يصلح
وجهت نظر

Mo7amed zizo

14-05-2011, 06:20 PM

لا مفيش غير عصام شرف لانه الافضل لرئاسة الان .
ومفيش غيروا اصلا ... الباقى لا يصلح

zozza love

14-05-2011, 06:39 PM

لا مفيش غير عصام شرف لانه الافضل لرئاسة الان .
ومفيش غيروا اصلا ... الباقى لا يصلح

دى وجهات نظر يا محمد
وبعدين لسه فى برنامج انتخابى
ولسه فى ناس ممكن ترشح نفسها
وفى لسه حاجات كتير
انا برشح المستشار هشام البسطويسى
ولاسباب كل الناس عارفها
كل الناس عارفه مين المستشار هشام البسطويسى اللى من ايام مبارك وهو بيدافع عن الفساد واطرد بره
حتى فكره الترشح جت من الشعب
وكل ده وجهت نظر مش اكتر

Mo7amed zizo

14-05-2011, 06:48 PM

عارف انها وجهت نظر ... انا مقلتش حاجه
بس اكتر الناااس مع عصام شرف
والمستشار هشام البسطويسى زى الفل ... دى من وجهة نظرك
بس انا من وجهة نظرى شرف

المياة

14-05-2011, 07:04 PM

رأيي أننا نحتاج إليه أكثر في منصبه الحالي

أ/رضا عطيه

14-05-2011, 08:25 PM

وهل بعد الفترة الانتقالية العصيبة دى
هيكون فيه صحة يقود مدرسة حتى

الله يكون فى عونه

ويعطيه الصحة من أجل المرور بمصر
من هذا المنحنى الخطير

تحياتى

سيف العدل البتار

14-05-2011, 09:30 PM

وجهة نظري غير قابله لناقش لايصلح ابدا.

Rafael.Nadal

15-05-2011, 12:40 AM

وهل بعد الفترة الانتقالية العصيبة دى
هيكون فيه صحة يقود مدرسة حتى

الله يكون فى عونه

ويعطيه الصحة من أجل المرور بمصر
من هذا المنحنى الخطير

تحياتى

هههههههههههههههه صح
مع انى اعتز بيه جدا بس شايفه انه فى منصبه الحالى افضل الرئيس لازم يكوم حمش شويه اكتر من كدا دكتور عصام شرف طيب اوى ودا مش نافع معانا والله اعلم

Mo7amed zizo

15-05-2011, 12:37 PM

هههههههه ... دكتور عصام شرف طيب اوووووى
وعندوا مخ ..... وهو الوحيد ال هيظبط البلد فى الوقت ده
وكمان حمدين صباحى ... قال انوا لو حكم مصر هخليها زى البرازيل بالظبط

شكرا لأراء الجميع

Free Love

15-05-2011, 08:44 PM

أوافق لما لا ؟

انا شايف انه شخصيه محترمه جدا

semsemh_2001

15-05-2011, 09:01 PM

دى وجهات نظر يا محمد
وبعدين لسه فى برنامج انتخابى
ولسه فى ناس ممكن ترشح نفسها
وفى لسه حاجات كتير
انا برشح المستشار هشام البسطويسى
ولاسباب كل الناس عارفها
كل الناس عارفه مين المستشار هشام البسطويسى اللى من ايام مبارك وهو بيدافع عن الفساد واطرد بره
حتى فكره الترشح جت من الشعب
وكل ده وجهت نظر مش اكتر

المستشار هشام راجل محترم جدا وكل الناس بتحبه
ومن دلائل احترامه
هو اعترافه بان الدكتور عصام شرف لم يترك شيئ لمرشحين الرئاسه كبرنامج انتخابى الا وقام به ويقوم بحل كل المشاكل الداخليه والخارجيه ومشاكل الشباب والتثبتات المؤقتين والاجور ومشاكل مصر مع الدول الاخرى ومشكله اثيوبيا ولم يترك شئ الا ويبحث عن حل لها ويحمل هم كل مشكله فى مصر صغيرة كانت ام كبيرة بارك الله فيم الاثنين

..Nour..

15-05-2011, 09:03 PM

لسه منقدرش نحكم عليه بالكامل دلوقت
ارشح مرتضى منصور هههههههـ

ما هيا دي اخرتها

يحكمنا واحد زي مرتضي سيديهات

------------------------------------

د/ عصام كويس جدا

بس مينفعش لمنصب زي رئاسة الجمهورية لان دي محتاجة شوية قوة

وهوه زي ما قلتوا طيب

وزي ما قالوا وزارة الايدي الناعمة

ومصر مش محتاجة كده الفترة الجاية دي

Mo7amed zizo

16-05-2011, 12:38 PM

ازاى دكتور عصام شرف مش هينفع لمصر
ده هو الوحيد ال هينفع
هو طيب اه بس عندوا مخ تمام
وكمان جودت الملط تماااام
وكمان هشام البسطويسى

usernamo

16-05-2011, 12:50 PM

ده حنين مالى الهوا !! .. انا حاسس ان بعد يومين كده هيطلع يقول بيان كالتالى : .. ممكن يا بلطجية يا وحشين (( مع تعرية الكتف الايسر )) محدش يعمل حاجة تانى .. و الله و الله و الله لاقول لماما كل واحد .. فيكو .. يا وحشين انا مش راضى افلت يد الشرطة عشان هما وحشين بردو .. و يا شعب مصر اللذوذ .. ياللى كلكم حلوين و بتسمعوا كلام تيتة .. بلاش اعتصامات .. يلا بقى رنات .. امووووا ..

و لا جايبلنا حتت وزير داخلية .. طوله 150 سم .. فيه وزير داخلية متر و نص !!! .. دانا والدى ظابط و تحس ان ماشاء الله مترين فى مترين !!! دانا لو حرامى و جه جمبى ظابط 150 سم .. هقوله يحنن يبنى .. و هسيبله المسروقات و اديله فلوس عليها كمان !!!

انا مش عارف الشعب ساكت ع ده ليه !!! .. لازم يكون حازم و قوى .. ده حسنى مبارك كان 84 سنة .. و كان ماسك الشعب بقبضة من حديد .. اينعم سارقهم .. بس ماسكهم .. انما دول .. وربنا ما يسمكوا حى العمرانية !!

Mo7amed zizo

16-05-2011, 12:59 PM

هههههههههههههههههههههههههههههه
ايه ده يا امجد
انت دمك خفيف اووووى والله

انا مش عارف الشعب ساكت ع ده ليه !!! .. لازم يكون حازم و قوى .. ده حسنى مبارك كان 84 سنة .. و كان ماسك الشعب بقبضة من حديد .. اينعم سارقهم .. بس ماسكهم .. انما دول .. وربنا ما يسمكوا حى العمرانية !!

انت عايز تولعها يا امجد ... عايزهم يروحوا ميدان التحرير كمان يعملوا مظاهرات الشعب يريد اقالة وزير الداخليه(ارحل،ارحل)... ما هو البلد عمرها ما هتبقى زى الاول خاالص .. بدل كده ياامجد

المياة

16-05-2011, 01:59 PM

مستر/ عصام الجاويش

16-05-2011, 02:08 PM

ممتاز ومخلص ويصلح رئيس للجمهوريه فهو ليس سكير ولا علمانى وليس من زيول النظام السابق

Just User

16-05-2011, 02:11 PM

يا usernamo

لست متفقا معك فى أى نقطـة...
ولكن احترم وجهة نظرك ...

Just User

16-05-2011, 02:15 PM

usernamo

16-05-2011, 02:37 PM

[/right]

خلاص يا أمجد الناس كلها عرفت أن حي العمرانية .................

يبنتى مش قصدى .. انا قصدى انه طيب زيادة عن اللزوم .. لدرجة انه مش هيقدر يسيطر على حى واحد من احياء مصر .. و لم اقصد الاساءة لحى العمرانية .. انا ساكن قريب منه فهل اسئ لنفسى ؟؟ .. و كمان ايه علاقة العمرانية بالمطبعة يا المياة ده فى نصر الدين و ده فى نص الهرم :d

يا usernamo

لست متفقا معك فى أى نقطـة...
ولكن احترم وجهة نظرك ...

لك كامل حرية الاتفاق او عدمه .. يكفينى احترامك ^^

no comment

بقى ده كلام يتقال على رئيس وزارء مصر المحترم ؟؟؟؟؟؟؟؟

و هل اسمى انا ده تناقض .. للرد السابق ؟؟ .. اليس هذا ما يفعله رئيس وزارءك .. الذى تم فى عهده مجازر تعدت مجازر نكسة 67 ! ..

Just User

16-05-2011, 02:43 PM

و هل اسمى انا ده تناقض .. للرد السابق ؟؟ .. اليس هذا ما يفعله رئيس وزارءك .. الذى تم فى عهده مجازر تعدت مجازر نكسة 67 ! ..

أولا هذا ليس تناقض .. لك وجهة نظرك و تحترم و لكن هذا سؤال لو أخدت بالك ..

ثانيا .. هو مش رئيس وزرائي هو رئيس وزراء جمهورية مصر العربية ... و من واجبي كمصري ان ادافع عنه لانك مطلعه ولا كأنه واحدة ست بتكلم اطفالها ..

ثالثا .. تمت فى عهده مجازر تعدت مجازر نكسة 67 ..
دي بقى No Comment

لك كل أحترامي

The.Hero

16-05-2011, 03:09 PM

لآ طبعاً مش موافق على عصام شرف يبقى رئيس للجمهورية ،،

وعلى إعتقادي ، رئيس الجمهورية لسة مظهرش لحد دلوقتي ،
بس لو انا هختار حد من المتواجدين في الصورة دلوقتي ،
هختار الفريق أحمد شفيق ، والمستشار مرتضى منصور ،
وبما إني قاصر ومعنديش بطاقة ، يبقى هنسيب الأمر للشعب بشكل عام ،
بس دة بردو رأيي ،

Mo7amed zizo

16-05-2011, 03:16 PM

يا امجد كده غلط انك تتكلم على وزير الداخليه باطريقه دى
والله ده وزير تحفه ... ودى حكومه انتقاليه
يعنى لما الرئيس الجديد يجى هيغير كل حاجه وهيظبط الدنيا

(مصر تعبت كفايه)

سيف العدل البتار

17-05-2011, 02:13 AM