اخر نكت بعد الثورة [الأرشيف] - بوابة الثانوية العامة المصرية

مشاهدة النسخة كاملة : اخر نكت بعد الثورة

Mo7amed zizo

13-05-2011, 11:06 PM

اخر نكت بعد الثورة

بعد ثورة مصر وتونس يوم الجمعة ، القذافي قرر إلغاء صلاة
الجمعة في ليبيا

الرئيس مبارك قال إنا خسارة في المصريين وتنحي وقرر إنه يرشح نفسه لرئاسة تونس، مما دفع ملايين التونسيين إلى المطالبة بعودة زين العابدين بن علي

عقد الريس جلسة مع وزير الداخلية السابق حبيب العادلي قاله حزينا: منعت الحشيش يا فالح؟ أهو الشعب صحصح

مبارك قبل خلعه اتصل بعمر سليمان وقال له ابعت الفلوس علي شرم الشيخ وابعت المسلمين علي السعودية والمسيحيين علي أمريكا واقفل وهات المفتاح وتعال

تم الكشف مؤخرا عن برقية كان اوباما ارسلها في الرابع عشر من كانون الثاني الماضي للملك عبدالله تتضمن عرضا حصريا: استقبل (زين العابدين) واحصل على (مبارك) مجانا

محشش يفكر بالسياسة قبل 25 يناير ويتساءل: ليه رئيس الجمهورية اسمه مبارك والشعب منحوس؟ ليه رئيس الوزراء اسمه نظيف والتلوث قاتلنا؟ ليه رئيس مجلس الشعب اسمه سرور والغم راكبنا؟ ليه وزير المالية اسمه غالي والشعب رخيص؟ ليه وزير الداخلية اسمه العدلي والشعب مظلوم؟ ليه وزير التربية والتعليم إسمه زكي والعيال اغبياء

وسائل الاعلام " السودان قررت تعمل ثوره في سنة 2024

رسالة من تلميذ مصري: إلى أعزائي من شعب مصر في ميدان
التحرير .. بخصوص الثورة اللي شغالة عندكم لا تنسوا أنها
ستدخل في مادة التاريخ واحنا اللي بنحفظ !! فاختصروا من
فضلكم

بعد إقصاء صفوت الشريف و جمال مبارك و زكريا عزمي وشهاب و هلال..الشعب يطالب مبارك بتطليق سوزان وإلا لن يغادر ميدان التحرير

واحد لقى مصباح في طريقو قام فركو
طلعلو العفريت وقال له بسرعة : معاك عشرين جنيه ؟
الراجل طلع عشرين جنيه واعطاه للعفريت اللي اخده ورجع للمصباح واختفى !!
قام الراجل فرك المصباح مرة تانية وهو زعلان فطلع العفريت
الراجل قاللو: انا اعرف انو العفريت لمّا يطلع من المصباح يقول شبيك لبيك امرك بين ايديك .. مش ياخد عشرين جنيه ويهرب ويختفي !!
العفريت قاللو : هداك كان مصباح علاء الدين ياحبيبي .. المصباح اللي في ايدك ده هو مصباح علاء مبارك ياروح امك

قالوا لاحمد عز من اين لك هذا ؟قال هذا من فضل ربي رد الشيطان عليه و قال اه يا واطي يا ناكر الجميل

الرئيس السوداني البشير ظهر على التلفزيون السوداني و القاء خطاب للشعب:
دايرين شنو عليكم الله انتو عاوزيني رئيس ولا خلوني أمشي أنا ذاتى ما ناقص مشاكل،،،،!!
قالو شعبة:
أحنا عاوزينك يا رئيس عليك الله ماتمشي أحنا ذاتنا مافينا حيل للمظاهرات

عاشق البلانكو الابيض

13-05-2011, 11:21 PM

ههههههههههـ حلوين تسلم ايدك يا محمد
شكررررا على الموضوع

أ/رضا عطيه

13-05-2011, 11:53 PM

عاشق البلانكو الابيض

14-05-2011, 01:01 AM

شكرا على الموضوع :078111rg3:

واسمح أقدم هذا الاهداء للزملكاوية

وخاصة المشرفين :d:d:d

http://a4.sphotos.ak.fbcdn.net/hphotos-ak-ash4/226398_209478079084218_123487317683295_649869_2324 883_n.jpg

فى الاحلام يااا استااذ ضياااء موعدنا بعد انتهااء الدورى:d

حسن عسلة

14-05-2011, 01:11 AM

هههههههههه تسلم ايدك
والله ينور عليك ياستاذ ضياء والدورى للاهلى باذن الله

رقيه.

14-05-2011, 01:42 AM

ههههههه،حلوين خالص
بس انا كنت عارفة منهم كام واحدة

solidsnake

14-05-2011, 02:14 AM

ههههههههه حلو الشغل دا و خاصة بتاعت المصباح و من اين لك هذا
تسلم ايديك علي شوية الضحك دا

ostazmath4m

14-05-2011, 03:37 AM

هههههههههههههههههههههههه
فعلا الشعب المصري ده مفيش زيه والله
حتي في عز نكده وغمه وضيقه وحزنه علي
اللي حصلنا من نظام مبارك ورموزه الا انه
برضو شعب ابن نكته صحيح..عاشت مصر اسلامية مستقلة
شكرا حبيبي حماده ع الموضوع الجميل تسلم ايدك ياعسل

Mo7amed zizo

14-05-2011, 12:52 PM

شكرا على الموضوع :078111rg3:

واسمح أقدم هذا الاهداء للزملكاوية

وخاصة المشرفين :d:d:d

http://a4.sphotos.ak.fbcdn.net/hphotos-ak-ash4/226398_209478079084218_123487317683295_649869_2324 883_n.jpg

هههههههههههههه .... ايوه كده يا ريس ... هو الدورى للاهلى .. لا تعليق

Mo7amed zizo

14-05-2011, 12:54 PM

شكرا على مروركم كلكم