إضراب شامل لمعلمي الأزهر المتعاقدين


السبت, 14 أيار/مايو 2011 09:53


http://www.elbetelkabir.com/images/mahaleyat/azhar.jpg


ياسمين بدوي

أعلنت جبهة معلمي الأزهر المتعاقدين، في بيان عاجل لها، عن نيتها تنظيم إضراب عام وشامل عن جميع أعمال الامتحانات، من مراقبة وتصحيح، بدءًا من غد، الأحد 15 مايو.
وصرح محمد على، المتحدث باسم الجبهة، قائلاً إن عدم الاستجابة لمطالبهم دفعهم للبدء فى اعتصام مفتوح أمام مشيخة الأزهر وجميع المناطق الأزهرية بالجمهورية، للمطالبة بإصدار قرار بتثبيت من أمضى ثلاث سنوات، واستعادة جميع الخصومات والاستقطاعات المالية بأثر رجعي، وسرعة تحويل العقود الموسمية إلى تعاقدات مكافأة شاملة دون تباطؤ أو تأخير، وصرف كادر المعلمين المتعاقدين الذين اجتازوا اختبار الكادر فى نوفمبر 2009 وبأثر رجعي، وزيادة أجر المعلم لـ1200 جنيه، ورفع قيمة المكافأة لـ400 يوم، وتأسيس نقابة مستقلة للمعلمين الأزهريين تدافع عن حقوقهم، واستقلال الأزهر من أجل استرجاع هيبته ومكانته العالمية.رابط الخبر

هنا (http://www.elbetelkabir.com/index.php?option=com_content&amp%3Bview=article&amp%3Bid=1281%3A2011-05-14-08-49-32&amp%3Bcatid=49%3A2011-04-27-20-57-51&amp%3BItemid=74)


نص البيان هنا

http://a7.sphotos.ak.fbcdn.net/hphotos-ak-ash4/222663_215123055182909_153265198035362_751700_4572 779_n.jpg (http://www.facebook.com/Front.Teachers.Contractors)

ياريت شوية معلومات عن الجبهة
مؤسسها
أهدافها
عدد أعضائها
مقرها
مدى شرعيتها للحديث باسم المعلمين
وكل البيانات والمعلومات دى مهم جداً نعرفها

الرجاء من الاخوه المعلمين الاهتمام بموضوعنا الاساسى التثبيت
وعدم الخروج الى موضوعات فرعية
الاعتصام الاضراب هو الحل الوحيد للتثبيت
(فليقل خيرآ او ليصمت )
حى على التثبيت

الرجاء من الجبهة الفاضلة اصحاب صوت الحق
تحديد موعد الاضراب بكره المكان والزمان
يد الله مع الجماعة
الرجاء المشاركة الجادة من الاخوه المعلمين الافاضل

مش عارف ايه حكاية الجبهة اللي مفيش حد سامع عنها الا في هذا المنتدي والذي لايعرفه الا عشرات على مستوى الجمهورية ولا تكتب الا عن الاضراب والافضل ان تكون جبهة الاضراب يالله عليكم البلد ناقصة يا أخي اصبروا قليلا

لو سمحت يا استاذ فرج لا تحبط من همم
المعلمين ( فليقل خيرآ او ليصمت )
انا اشك انك متعاقد
شربنا الذل من سنين وها هى الفرصة اتت
الاعتصام

للاسف امثال الاستاذ فرج هم سبب فى ضياع حق المعلم

ماهو متعين ومرتاح هيضرب ليه مش حاسس بينا

الحمد لله على كل حال

ياريت شوية معلومات عن الجبهة
مؤسسها
أهدافها
عدد أعضائها
مقرها
مدى شرعيتها للحديث باسم المعلمين
وكل البيانات والمعلومات عشان نفهم بالظبط

انا مع الجبهة

للاسف امثال الاستاذ فرج هم سبب فى ضياع حق المعلم

ياريت شوية معلومات عن الجبهة
مؤسسها
أهدافها
عدد أعضائها
مقرها
مدى شرعيتها للحديث باسم المعلمين
وكل البيانات والمعلومات عشان نفهم بالظبط



السلام عليكم ورحمة الله وبركاته
مؤسسوا الجبهة هم معلمون متعاقدون مستوفون لشروط التثبيت
وهو الكادر والتربوى وشهادة الرخصة الدولية لقيادة الحاسب الألى بالاضافة الى مرور أكثر من 5 سنوات على التعاقد


اما عن الاهداف فهمى واضحة أمامكم فى المطالب التسعة المعروضة فى نص البيان

ولك أن تلاحظ أننا نطالب فى المطلب الأول تثبيت جميع المتعاقدين ممن مر عليهم ثلاث سنوات...دون الشروط
مما يدل أننا نحمل الخير للجميع ونطالب بحقوق الغير وليس حقوقنا نحن فقط...

عدد الأعضاء كثيرون يصل حاليا الى ما يقرب الـ 100 عضو مؤسس منتشرين فى محافظات الجمهورية
أما المشاركون فى الجبهة فهم يزيدون على الـ 1000 عضو

اما عن شرعية الجبهة أو عدم شرعيتها فى التحدث باسم المعلمين, فهذا يحكمه مساندة المعلم المتعاقد لنا...فإن ساندنا اى معلم متعاقد فيما ننادى به, فنحن نتحدث بإسمه, وإن لم يؤيد ما نطالب به, إذا فهو بعيد تماما عما تطالب به الجبهة وهو غير ملزم باتباعنا ونحن غير ملزمين ايضا بٌإقناعكم لتأييدنا...

مش عارف ايه حكاية الجبهة اللي مفيش حد سامع عنها الا في هذا المنتدي والذي لايعرفه الا عشرات على مستوى الجمهورية ولا تكتب الا عن الاضراب والافضل ان تكون جبهة الاضراب يالله عليكم البلد ناقصة يا أخي اصبروا قليلا



أخى الفاضل الأستاذ فراج
لن أطيل فى الرد عليك كثيرا
ولكن أريد أن أقول...ليس ذنب جبهة معلمى الأزهر المتعاقدين أنك تجهل بها وبانتشارها الواسع

فقط أكتب فى محرك البحث جوجل (جبهة معلمى الازهر المتعاقدين) وسوف ترى ما اذا كانت تظهر فقط فى بوابة الثانوية العامة أم لا...

وأريد أن أنوه أن العديد من الصحف تناولت ما صدر عن الجبهة من بيانات كاليوم السابع وجريدة المصريون والموقع الرسمى لقناة دريم وجريدة روز اليوسف وغيرها...

وقد قامت الجبهة على مدار عااااااااام كامل بتنظيم العديد من الوقفات الاحتجاجية أمام المشيخة بدء من 31 أغسطس 2010
للمطالبة بحقوق جميع المتعاقدين, فى وقت كان فيه معظم المتعاقدين منشغلين بأمور أخرى

إبحث عنا فى جوجل....تجدنا
والسلام عليكم ورحة الله وبركاته

نفسي اعرف مشرفين المنتدي ليه مبيحطوش تعليقاتي

فضيلة الامام مش فاضيلنا يا جماعة انا من رايي ان الجماعة اللى وراه قدرو يلهوه ويغيروا اتجاهه الفكري ودول من انصار النظام البائد اللى خسروا كتير من الثورة ياريت يا مولانا تهتم بينا شويه زى الاول
كلمتك مسموعة وقوية بجرة قلم تثبت المتعاقدين فورا لو انت عاوز لا تنظيم وادارة ولا غيرها تقدر تخالف
انا واثق

فضيلة الامام مش فاضيلنا يا جماعة انا من رايي ان الجماعة اللى وراه قدرو يلهوه ويغيروا اتجاهه الفكري ودول من انصار النظام البائد اللى خسروا كتير من الثورة ياريت يا مولانا تهتم بينا شويه زى الاول
كلمتك مسموعة وقوية بجرة قلم تثبت المتعاقدين فورا لو انت عاوز لا تنظيم وادارة ولا غيرها تقدر تخالف
انا واثق

طيب ليه الجبهة مش متواجدة بشكل كثيف في منتدى زي ده يعنى ايه نظام الاعتصام ده وهيكون الساعة كام وهيكون قدام المشيخة بس ولا في المحافظات ولو في المحافظات مين القائد
اعتقد علشان ننجح لازم نكون مرتبين ومنظمين اكتر من كده شوية

شكر خاص لاعضاء الجبهة الافاضل
وصلت الرسالة ولاكن للأسف لا اجيد التواصل عبر البريد الالكترونى
الرجاء التواصل معى عبر رقم الهاتف
0112631215

للاسف امثال الاستاذ فرج هم سبب فى ضياع حق المعلم

الأخوة الكرام إذا كان الاضراب هو الحل فعليكم به ما أردت لكم الا الخير ولو كان تعطيل مصالح اولادنا حلا فعليكم به والله أتمنى لكم كل الخير لكن صالح البلد أهم والله المستعان

الأخوة الكرام إذا كان الاضراب هو الحل فعليكم به ما أردت لكم الا الخير ولو كان تعطيل مصالح اولادنا حلا فعليكم به والله أتمنى لكم كل الخير لكن صالح البلد أهم والله المستعان

بص يا استاذ
الحكاية مش مستحملة اصلها والواحد فاض بيه
ياعم الريس الراجل بيقول اعتصام فى راس الموضوع
ان كنت حتعتصم فاهلا بيك
ماكنتش مالهوش لازمة ااساسا تعلق فى الموضوع لان كل اللى هنا موافقين ومساندين للجبهه اللى بتطالب بحقوقنا
ييييييييييعنى مالاخر يا عمنا
لو تقدر تثبتنا انت ..... فكتر الف خيرك
وطبعا فى المشمش
يبقى رايك وفره لنفسك

انا متعاقد زيكم ودايق المر لكن ضد الاضراب مصر بتنهار والجيش محتار عندنا اليوم فى دكرنس لقينا قنابل على وشك الانفجار بقينا زى العراق لازم نصبر شويه لان حرام علينا نضيع بلدنا كلنا تعبانين وكلنا محتاجين فلوس لكن مصر لو وقفت مش هنلاقى اصلا الملاليم طبعا فى ناس هتهاجم وكانى من اسرائيل لكن احب اقولكم ان محدش هيعمل اضراب والامر لن يتعدى بيانات وكلام على صفحات النت وفقط

طيب نعمل ايه؟؟؟؟؟؟؟؟؟؟؟ نلتزم بالقنوات الشرعيه ونصبر ونسال الله التوفيق والسداد انه نعم المولى ونعم النصير