مشاهدة النسخة كاملة : ياللا نذاكر سوا ( فكرة )
مشتاقه للجنة 17-05-2011, 11:51 AM السلام عليكم ورحمة الله وبركاته
اخوانى واخواتى الطلبة
عندى فكرة تتمثل فى اننا نساعد ونذاكر سوا
ازاى ؟؟؟؟؟؟؟؟؟؟؟؟
اقولكم
مثلا نتفق كلنا طلبة 3 ثانوى اننا هنذاكر لازم لازم فيزياء الوحدة كذا
تمام ؟؟
وبعد ما كل واحد وواحده فينا تخلص تدخل على الصفحة هنا وتحط مثلا سؤال مهم او سؤال صعب مش عارف او عارفه تحله
وكمان ياريت المشرفين من المدرسين يتابعونا ويحطوا لنا النقط الرئيسية الهامة ... مجرد عناوين علشان دايما يبقى فيه مشاركة نشطة
ايه رايكم ؟؟؟؟
مستنية ردكم
والموضوع ده على فكرة ممكن ننشطه فى كل المواد مش الفيزياء بس .... بس على شرط انه مش يتعارض مع جدول مذاكرة اى حد فينا
يعنى هيكون زياده على ساعات المذاكرة ناخدها بقى مثلا من وقت النوم شوية او اى حاجه بس لازم تكون زياده علشان نبقى بجد عملنا حاجه
ياريت تردوووووووووووووو عليا بسرعه
سلام عليكم
الورده الحمره 17-05-2011, 12:11 PM والله فكره حلوه وياريت ننفذها لانى انا ضايعه ف الفيزيا
ayman210 17-05-2011, 12:37 PM هل الحوار للبنات فقط ولا ايه لو فى مجال انى اخش معاكم ياريت تبقى مشكووووووووووووووورة
مشتاقه للجنة 17-05-2011, 01:48 PM شكرا يا ورده على تقبلك الموضوع وياريت غيرنا يدخل ويساعدنا ويشجعنا
والاخ ايمن ... طبعا الموضوع للكل لاى حد عايز يدخل فيه
بس عايزين نشاط وبسرعه بسرعه نتفق ونحدد مع بعض وننفذ
مستنيه ردكم
سها نور 17-05-2011, 02:44 PM ومعاكو بس ياريت بدام احنا نشيطين دلوقتي نبدا مثلا بالكهربيه او الحراره
بحيث علي مانيجي الوحده الاولي يعني هيا سهله
مشتاقه للجنة 17-05-2011, 04:07 PM عندك حق
مش عايزين الطريقة التقليدية من الاول للاخر بالترتيب يا دوب بنوصل لارشميدس ونهنج
شوفو اللى انتو عايزينه اكتبوه
وعموما فكرة البدء بالكهربية ممتازة
الورده الحمره 17-05-2011, 05:48 PM فكره ان نبدأ بالكهربيه دى كويسه ......
يلا بقى نبدأ عشان نلحق ولا ايه؟
ALLALL 17-05-2011, 06:52 PM السلام عليكم
يا ريت نحدد كمانم مذاكرة احياء والله حاسة انى تايه
نحددد طب ايه
والمفروض نقاا نومنا ونكثر عدد ساعات المذاكرة
علشان واللله بنام كثييير
hatemT 17-05-2011, 09:57 PM فكرة رااااااااااائعة, بس يا ريت المشاركة الجادة من قبل الطلاب وأنا تحت أمركم في أي استشارة فيزيائية كهربية
Ahmed Ragab medo 17-05-2011, 11:42 PM فكرة هايلة بس ياريت نحدد الوقت اللى ندخل فيه كلنا المنتدى علشان نعرف نتناقش مع بعض اون لاين و احلى حاجة نبدا كهربية وبعديها حرارة
سها نور 18-05-2011, 12:47 AM اوك ايه رايكوا في ميعاد الساعه سته من كل يوم احد واربعاء علي اساس اننا نخلص الوحده كلها في اسبوع ولو عايزين
وحدتين في الاسبوع ماشي
وبرده ممكن بعد صلاه الجمعه دا برده كويس
ولا ايه رايكوا
سها نور 18-05-2011, 12:48 AM ويا ريت تخدوا قرار بسرعه علي اساس اننا نلحق حتي نخلص وحده الاسبوع دا او حتي نمشي فيها شويه
khaled.kabo 18-05-2011, 01:02 AM فكرة كويسة بس ياريت نعرف امتى بسرعة عشان معدش حاجة والمفروض كمان نخلص بسرعة وانا معاكم فى اى وحدة تبداوا بيها
bebo4ever 18-05-2011, 02:19 AM معاكوا ان شاء الله
زيزى55 18-05-2011, 09:20 AM اوك ياريت بسرعة
asala ahmed 18-05-2011, 10:25 AM فكرة حلو انا هذاكر معكم
بيرو1 18-05-2011, 10:49 AM فكرة رائعة
الورده الحمره 18-05-2011, 11:55 AM خلاص يلا بقى يا جماعه عايزين نبدأ مفيش وقت.....
ayman210 18-05-2011, 11:57 AM انا معاكم ان شاء الله ممكن يوم الجمعة بعد الصلاة كل الزملاء يبقوا اون لاين ولو على الاحد والاربعاء ممكن الساعة8 بعد اذن حضراتكم طبعا لو ينفع معاكم معلش عشان بس عندى دروس
مشتاقه للجنة 18-05-2011, 04:15 PM ماشى ان شاء الله فكرة يوم الجمعه دى كويسة
يوم الجمعه ان شاء الله كل يبقى ع الصفحة اون لاين
تمام
ياريت محدش يتاخر
khaled.kabo 18-05-2011, 06:24 PM اووووك نبدا باية؟
اينشتاين العرب 18-05-2011, 08:45 PM وانا معاكم ان شاء الله انا اسمي ايمن
Ahmed Ragab medo 19-05-2011, 12:11 AM خلاص يبقى ان شاء الله بعد صلاة الجمعة .
Saifallah 19-05-2011, 12:46 AM انشاء الله يوم الجمعة بعد الصلاة
اكيد الفصل التاسع.
Moon Light_FMAA 20-05-2011, 12:22 PM ماشى ان شاء الله فكرة يوم الجمعه دى كويسة
يوم الجمعه ان شاء الله كل يبقى ع الصفحة اون لاين
تمام
ياريت محدش يتاخر
حبيبتى انا معاكى طبعا فى اى حاجة وانتى عارفه بس كده مش تقوليلى الاول ولا اعرف كده لواحدى يالا معلش مسامحاكى اكيد كنتى هتقوليلى
بس ما شاء الله ايه النشاط ده فين من اول السنة
احنا بنفوق فى الاخر بعد غيبوبة طويلة اووووووووووووووووووووووووىبس يارب ما يكونش بعد فوات الاوان
اوعى تزعلى منى من الكلام اللى فى الاول انتى عارفه انك حبيبتى وانا مستنياكى ما تتاخريش
ayman210 20-05-2011, 12:47 PM ماشى يا جماعة نبدا بعرض اى اسئلة واقفة مع الزملاء
Moon Light_FMAA 20-05-2011, 12:47 PM ايه يا جماعة لسه ما خلصتوش الصلاة ولا بتتغدوا اجلوا الاكل شوية
Moon Light_FMAA 20-05-2011, 12:58 PM انا كده هقوم يا جماعة اقوم اذاكر احسن ولا حتى انام انا والله عايزة انام
فين الجماعة اللى كانوا بيقولوا ما تتاخروش
ayman210 20-05-2011, 01:02 PM يلا يا جماعة ياريت اللى حيخش يحط حاجة يبقى دلوقتى الصلاة خلصت بقالها 10 دقائق
سها نور 20-05-2011, 01:05 PM ها
انا معاكوا ان شاء الله
ayman210 20-05-2011, 01:07 PM يا جماعة فين صاحبة الصفحة المفروض انها اول واحدة تكون موجودة
ayman210 20-05-2011, 01:09 PM انا بدات اتخنق لو مفيش حد دخل فى خلال ربع ساعة اعتبروا الموضوع ملغى
Moon Light_FMAA 20-05-2011, 01:14 PM بجد يا جماعة اصلا صاحبة الصفحة غلطانة هى صاحبتى جدا بس بجد شكلها نست ولا ايه انا هرن عليها تدخل
وبعدين يالا اللى دخل يكتب اى حاجة
ayman210 20-05-2011, 01:14 PM فعلا اظاهر مفيش حد بيهتم كله كلام بدون اى فعل ارجوا من الموجودين انهم يقفلوا دلوقتى وكل واحد يشوف اللى وراه عشان ميتعطلش مبقاش فى وقت للكلام الفارغ ده
Moon Light_FMAA 20-05-2011, 01:18 PM يا جماعة انا كلمتها معلش هى مش هتعرف تدخل الوقتى هتدخل ان شاء الله على 2.5 ممكن اللى عنده اسئلة يكتبها هى مش هتعرف تدخل الوقتى
Moon Light_FMAA 20-05-2011, 01:20 PM فعلا اظاهر مفيش حد بيهتم كله كلام بدون اى فعل ارجوا من الموجودين انهم يقفلوا دلوقتى وكل واحد يشوف اللى وراه عشان ميتعطلش مبقاش فى وقت للكلام الفارغ ده
ممكن اللى موجودين يكتبوا اسئلة او ممكن ناجلها ساعة بس قرروا بسرعة عشان انا بقالى 3ساعات بستنى بس هى قالتلى انها مش هتعرف تدخل الوقتى
ayman210 20-05-2011, 01:21 PM انتى عارفة كام واحد قال اوك على الموضوع 13 واحد ويزيد كمان محضرش منهم غير 3 اللى هو انا وانتى وسها بس وصاحبة الصفحة محضرتش مع انها صاحبة الفكرة بس كل واحد وليه عذره بس الباقى ده مدخلوش ليه انا عن نفسى معنديش مشاكل فى التاسع بس فى ناس ممكن تكون محتاجة ده ومجهزة نفسها زى حضراتكم مينفعش العطلة دى
ayman210 20-05-2011, 01:26 PM خلاص بصى خليها بليل وياريت كلنا نتفق دلوقتى على ميعاد محدد نقعد فيه ممكن كده ع الساعة 11 بليل لو معندكمش مانع وده تقريبا الوقت اللى كله يكون موجود فيه فى البيت
Moon Light_FMAA 20-05-2011, 01:27 PM خلاص يا جماعة اللى دخلوا يكتبوا يالا عشان انا زهقت وممكن اقوم
Moon Light_FMAA 20-05-2011, 01:29 PM سورى يا جماعة ما اعرفش ادخل بالليل اوى كده ياريت ميعاد تانى بعد ساعة كويس
ayman210 20-05-2011, 01:32 PM طب شوفوا كده وانا معاكم فى اى ميعاد لانى انا معرفش ظروفكم ايه
Moon Light_FMAA 20-05-2011, 01:36 PM خلاص يا جماعة ان شاء الله بعد ساعة
ayman210 20-05-2011, 01:37 PM خلاص يا جماعة ان شاء الله بعد ساعة
انا ممكن يكون عندى درس الساعة 3 فلو مقعدتش اعذرونى ده مش اهمال منى ولا حاجة
Saifallah 20-05-2011, 01:55 PM فيه حد هنا
Saifallah 20-05-2011, 01:59 PM مافيش
انا ماشي
مشتاقه للجنة 20-05-2011, 02:46 PM سلام عليكم
انا والله اسفه اوى والله لان النت عندى على فلاشة ومكنتش بتشتغل معايا
وعموما علشان كل واحد بيظهر له ظروف مفاجئة احنا كنا بنقول اننا هنبدا بالكهربيةطيب خلاص نبدا بيها وكل اللى يقابله سؤال يكتبه والباقى هيشوفه وقت ما يدخل لاننا عمرنا ما هنلاقى وقت نجتمع عليه كلنا
خلاص
واستفتاحا هكتب لكم سؤال هو سهل بس فكرته حلوة
متى تيكون فرق الجهد بين طرفى البطارية :
* يساوى ق.د.ك للبطارية ؟
* أكبر من ق.د.ك للبطارية ؟
* أقل من ق.د.ك للبطارية ؟
اينشتاين العرب 20-05-2011, 04:09 PM يكون فرق الجهد بين طرفى البطارية يساوى ق.د.ك للبطارية عند عدم مرور تيار كهربي في الدائره
يكون فرق الجهد بين طرفى البطارية اقل من ق.د.ك للبطارية عند مرور تيار كهربي في الدائره
يكون فرق الجهد بين طرفى البطارية اكبر من ق.د.ك للبطارية عندما تكون المقاومه في الدائره اقل ما يمكن ( مش متأكد )
بلالل 20-05-2011, 04:35 PM يكون فرق الجهد بين طرفى البطارية يساوى ق.د.ك للبطارية عند عدم مرور تيار كهربي في الدائره
يكون فرق الجهد بين طرفى البطارية اقل من ق.د.ك للبطارية عند مرور تيار كهربي في الدائره
او انها بتشحن بطاريه اخرى اضعف
يكون فرق الجهد بين طرفى البطارية اكبر من ق.د.ك للبطارية عندما تكون المقاومه في الدائره اقل ما يمكن ( مش متأكد )
او انها بتتشحن من بطاريه اخرى اقوى
وشكرا عالاسئله
|