مشاهدة النسخة كاملة : مكافاه الامتحانات كما هو مقرر بتاريخ19/5
مروه29 19-05-2011, 11:16 AM قرر الدكتور أحمد جمال الدين موسي, وزير التربية والتعليم, صرف مكافآت الامتحانات لجميع العاملين بالتربية والتعليم عن العام الحالي
فورا بواقع200 يوم لكل فرد بمعدل5% من الراتب الأساسي الشهري لليوم الواحد. وأكد الدكتور طارق الحصري, مساعد الوزير للتطوير الإداري, أنه تم إرسال تعليمات عاجلة إلي مديريات التربية والتعليم بالمحافظة لصرف هذه المكافآت لجميع العاملين أسوة بالعام الماضي اعتبارا من تاريخ وصول التعليمات ووفقا للاعتمادات المالية بكل محافظة.
وقال مساعد الوزير إن300 ألف مدرس ومدرسة سوف يستفيدون هذا العام من المشاركة في أعمال امتحانات الثانوية العامة والدبلومات الفنية منهم93 ألف ملاحظ و52 ألف مصحح بالثانوية العامة و99 ألفا و882 ملاحظا و40ألف مصحح للدبلومات.
وقال إن مكافأت المشاركة في أعمال الامتحانات للثانوية والدبلومات زادت هذا العام لعدد كبير من فئات العاملين منهم المعاونين والإداريين الذين يحصلون علي زيادة300 جنيه عن العام الماضي, حيث يحصلون هذا العام علي882 جنيها بعد أن كانت مكافأت546 جنيها والملاحظين علي1064 بدلا من672 والمراقبين2016 جنيها بدلا من1344 ورؤساء اللجان والمراقبيين الأوائل علي2425 بدلا من1617 جنيها.
وفي المحافظات النائية زادت مكافأة رؤساء اللجان وأعضاء الكنترول ولجان السير لتصبح4 أيام عن كل يوم وباقي الملاحظين والمراقبون إلي3 أيام, وذلك بواقع7% من إجمالي المرتب الأساسي الشهري عن اليوم الواحد. ورؤساء مراكز توزيع الأسئلة وتجميع أوراق الإجابة اليوم بثلاثة وأعضاء تسليم ظروف الأسئلة اليوم بيومين.
وقال إن المحافظات النائية هي مرسي مطروح والبحر الأحمر والوادي الجديد وشمال وجنوب سيناء ووادي النطرون بالبحيرة والباويطي بالجيزة
عمرو حلمي32 19-05-2011, 11:58 AM بلاش قة ادب ويشوفوا عامل شركة الاسمنت بياخد كام مرتب 2000 جنيه في الشهر اخس علي دي مهنة بتقل من قيمة المعلم وعايزين حال البلد يتقدم يشوفوا باقي الدول راتب المعلم كام والمميزات التي يحصل عليها هو واولاده اخسسسسسسسسسسسسس اخسسسسسسسسسس
عمرو حلمي32 19-05-2011, 12:00 PM معلش علي كلمة قلة ادب
العشري 19-05-2011, 12:08 PM أنا عايز أسأل هو موارد البلد فعلاً غير كافية ولا دي بلطجة
أبراار 19-05-2011, 01:14 PM قعدوا يقولوا 400 يوم ومش عارف إيه
يللا الله المستعان
الزهراء رمضان 19-05-2011, 01:20 PM معلش يا جماعة يعنى هيه جات ع السنة دى وبعدين المفروض نراعى ظروف البلد الفترة دى
حازم دهب 19-05-2011, 01:32 PM مفيش فايدة النظرة لينا هتفضل زى ماهيا
مريم اليكس2011 19-05-2011, 04:14 PM اقسم بالله انا شوفت كشف عندنا في المدرسه بتاع جمعيه بتتلم واتصدمت لما قريت الارقام المدرسين الغلابه الي دايما عاوزين عاوزين داخلين بالوفات الجمعيه وطبعا لبس ايه ودهب ايه انا مش بقر ولا بحسد بس اصل الناس مش هبله وعارفين ان المدرس ده حووووووووووووووووووووووت كبير طبعا مش كلها بتوع الانشطه وامجالات ملهومش في المواضيع دي معلش بقه متاخدين بذنب غيرهم يعني مفيش داعي نتكلم عن المرتبات بلهجه الي مش لاقي ياكل حرام نتقي ربنا شويه
محمد ابوصلاح 19-05-2011, 05:09 PM ربنا يرحمنا يارب
رناتا 19-05-2011, 06:13 PM حسبي الله ونعم الوكيل
alyahmedaly 19-05-2011, 06:27 PM يا رب سترك
المريسي 19-05-2011, 06:53 PM حسبي الله ونعم الوكيل
ايات رمضان 19-05-2011, 06:59 PM الصبر السنة ديه بعد كدة نشوف حل
amrmedhat 19-05-2011, 07:31 PM الحل ترك مهنة التعليم وكفاية وجع اعصاب اقل مرتب للمعلم في ادول العالم كله سواء متخلف او متقدم في مصر
محمدابوشهد 19-05-2011, 10:04 PM مدرس مصرى بيسأل مدرس أمريكى راتبك كام؟
قاله \ 700 دولار أساسى
وو 800 دولار بدل سفر
و400 دولار بدل خطر
و600 دولار بدل غربة
فالامريكى سأله وانت مرتبك كام؟
قاله 400 جنيه
قاله بدل ايه؟
قاله بدل ما أشحت000000000000 !!!!!!!!!!!!!!!!!!!!!!!!!!!!!!!!!!!!
heba abd elhamid 19-05-2011, 10:20 PM لما قالوا 400 يوم كانوا بيسكتونا علشان ما نعملش امتناع عن التصحيح واضابات وبعد ما اطمئنو عن انتهاء التصحيح اعلنوا فى الجمهورية انهاردة ان المكافاة 200 يوم زى السنة اللى فاتت
المحاسب محمود 19-05-2011, 10:33 PM حسبنا الله ونعمه الوكيل دى بقت مهنه ذل مش تعليم
عمرو المهدى 20-05-2011, 12:24 AM بلاش قة ادب ويشوفوا عامل شركة الاسمنت بياخد كام مرتب 2000 جنيه في الشهر اخس علي دي مهنة بتقل من قيمة المعلم وعايزين حال البلد يتقدم يشوفوا باقي الدول راتب المعلم كام والمميزات التي يحصل عليها هو واولاده اخسسسسسسسسسسسسس اخسسسسسسسسسس
والله عندك ألف حق
عليه العوض ومنه العوض
صلاح المحمدى 20-05-2011, 11:16 AM إن شاء الله مكافأة الامتحانات ستكون 300 يوم
teacher_2 20-05-2011, 11:45 AM ما يعملوها باليوم وخلاص للكل
ايه وجع القلب ده ؟
midoo353 20-05-2011, 02:27 PM بالتوفيق ان شاء الله
أستاذ عبدالله ابراهيم 20-05-2011, 02:38 PM بس الحمد لله كويس عن الاول يا جماعه
احنا كنا فينا وبقينا فين
وبعدين نظرا لحال البلد كفايه كده اوى بس المهم نرجع احسن من الاول
sshaban 20-05-2011, 05:21 PM إلى ابو شهد
هو احنا كده ما بنشحتش !!!!!!!!!!!!!!!!
sshaban 20-05-2011, 05:27 PM عليه العوض
هى قيمة المعلم راحت من قليل!!!!
رحمي علي 21-05-2011, 03:18 PM يا جماعة صدقوني النظام القديم قاعد زي ما هو وهي دي المشكلة احنا غيرنا النظام لأسوأ منه للاسف
m_ezoo 22-05-2011, 04:04 AM ما حدش يعشم فى حاجة
البلد ايوة هتتحسن بس مش للمدرسين
لدكاترة الجامعات والاطباء والصيادلة والمهندسين وغيرهم
اما نحن فالوضع عمرة ما هيتغير
والدليل على كدة ان عمرة ما كان فية اهتمام بالمدرس فى مصر
هو اللى ياخد بواقى الفلوس بعد ما كلوا يشبع
حسبنا الله ونعم الوكيل
محمد محمد الصفتي 22-05-2011, 08:56 AM مفيش فايده هنفشضل كده
ramy saber 22-05-2011, 10:46 PM احنا لازم نعمل حاجة ومنسكتش دى حقوقنا
ramy saber 22-05-2011, 10:49 PM احنا السبب لازم نعمل واقفة جامدة نطالب بحقوقنا
وبالادب والزوق
رامي عثمان 85 22-05-2011, 10:52 PM السلام عليكم ورحمة الله وبركاته
عندنا في ادارة ناصر محافظة بني سويف
المكافاة 160 يوووووووووووووووووم
مش 200 يوم
Mr_MohamedRezk 23-05-2011, 02:18 AM تعرفوا ياجماعة انا كنت قاعد مع امين شرطة من يومين كدا
بيقولى انا اخدت اجازة سنة من شهر 4 بتاع السنة اللى فاتت كان قابض مرتب 600جنية
ولما رجع السنة دى فى شهر 4 قبض 1200 ولسة بيتكلموا فى زيادة كمان امناء الشرطة والشرطة اللى كانت بتموت فى الناس فى كل مصر وفى التحرير وفى كل مكان مصين دم الناس الشرطة زادت الكتر من 200/100 والناس تقعد تقول البلد والولد بلد اية وظروف اية
المدرس هو اكتر واحد متهان فى البلد ويستحق اللى هو فية وعهد الله غلطة عمرى انى رضيت بدى مهنة
سلام
ادهم وائل 23-05-2011, 01:33 PM سيبوها لله هو هيحلها بمعرفته بس الصبر
mosaid 26-05-2011, 09:25 PM معلش يا جماعة يعنى هيه جات ع السنة دى وبعدين المفروض نراعى ظروف البلد الفترة دى
ههههههههه ماحنا بقالنا سنين بنراعى
حد راعانا احنا بقى؟
اخر واحد بيفكروا فيه هو المدرس دا لو فكروا اساسا
ويوم مافكروا كان مدرس الثانوى اللى اصلا مش محتاج لانه مظبط حاله ولا عزاء لمدرسين الابتدائى اللى طالع عين ابوهم وطافحين الدم لا مؤاخذة
h_hmmam 26-05-2011, 09:36 PM لا بقة ده استهبال !!
أنا نفسى أعرف لغاية أمته هيفضل المعلم شحات .. العامل أبو إعدادية اتثبت فى شركة المية وبياخد ج 1000 أول مرتبه
واحنا اصحاب المؤهلات والدبلومة التربوية ال طلعت عنينا فيها لسه على ال 300
للأسف ملناش حظ فى واحد يبص لحالنا .
farah mohamed 26-05-2011, 09:41 PM يا رب يامسهل كل امر عسير
|