عودة الدكتور / أحمد ذكى بدر وزيراّ للتربية والتعليم [الأرشيف]

leprince2010

19-05-2011, 06:15 PM

مع احترامى الشديد للدكتور احمد جمال الدين ولكن نحن نريد وزير جرئ نحس معه ان مصر اتغيرت مثل احمد ذكى بدر فهو وزير جرئ فى قراراتة وهو الذى اصدر قرار تعديل المسمى الوظيفى .لحد الان احمد جمال مش عارف ياخد قرار التعديل والزام المديريات بالتنفيذ ولكن نحن نطالب بعودة احمد ذكى بدر لتفعيل قرار التعديل فمثلا نحن فى بنى سويف تخصص لغة فرنسية نعمل 3 ايام عربى فى ابتدائى ويومين فرنساوى فى الثانوية العامة فكيف ذلك . وهذا يعد كارثة تعليمية .
هيا بينا نطالب بعودة أحمد ذكى بدر وزير التربية والتعليم

midoo353

19-05-2011, 06:32 PM

يبقى العيب فيكم انتم لأننا فى مركز سيدى سالم كفر الشيخ اللى زيك فرنساوى لغوا ندبهم فى الأبتدائى وبقوا فى الثانوى بس

أشـرف فتحى

19-05-2011, 06:35 PM

هيا بينا نطالب بعودة أحمد ذكى بدر وزير التربية والتعليم

هههههههههههههه

حازم دهب

19-05-2011, 06:57 PM

ايوة بس ده كان يتسال عن تثبيتنا يخاف يرد يبقى نرجعه ليه بلاش ياجماعه ليرجعنا متعاقدين تانى

mohamaha33

19-05-2011, 06:59 PM

وبدر اللى كان عدل اوى دة كان بصحى من النوم بيدور ازاى يعكنن على الطلاب والمدرسين واولياء الامور

التعليم فى مصر عايز معجزة

تامر الفاضل

19-05-2011, 07:11 PM

ده نفس منهج احنا اسفين ياريس وارجع ياريس وبالمرة نرجع حسنى وعلاء وجمال ، استاذي الفاضل انت مريض عندك متلازمة استوكهولم وروح اتعالج لو سمحت

هانى شوقى

19-05-2011, 07:30 PM

صدقنى كلهم لامؤخذة عربجية مش بتوع تعليم واحد واخدها فتونة والتانى خواف

للاسف مفيش فى بلدنا رموز زى على مبارك ومصطفى كامل

من رايى يسبوا الوزارة من غير وزير احسن على الاقل محدش يحرق دمنا

leprince2010

19-05-2011, 08:00 PM

ده نفس منهج احنا اسفين ياريس وارجع ياريس وبالمرة نرجع حسنى وعلاء وجمال ، استاذي الفاضل انت مريض عندك متلازمة استوكهولم وروح اتعالج لو سمحت

أشكر حضرتك على الاسلوب الراقى فى الحوار واحترم وجهة نظرك

وليد الاخصائى

19-05-2011, 09:11 PM

بلاش قرف هى ناقصة

هانى بهجت اسماعيل

19-05-2011, 09:19 PM

الفلووووووووووووووووووووووووووول

Le Samurai

19-05-2011, 09:31 PM

أحلى حاجة فى الموضوع الجملة دى:
وزير جرئ نحس..........................كمل إنت بقى

tamer mostafa

19-05-2011, 09:36 PM

مع كل احترامى لحضرتك لكن احمد ذكى بدر لا يصلح الا لتنظيم دخول زوار حديقة الحيوان عاوز تجيبة تانى يبيع ويشترى فينا والتانى مش عارف لينا حل وكل يوم بكلام جديد

ahmedzoer

19-05-2011, 09:55 PM

للاسف مفيش فى بلدنا رموز زى على مبارك ومصطفى كامل

من رايى يسبوا الوزارة من غير وزير احسن على الاقل محدش يحرق دمنا

ام حبيبه ان شاء الله

19-05-2011, 10:11 PM

يعنى حضرتك عاوزه يرجع عشان بس قانون التعديل الوظيفى
ده مينفعش وزير خالص
ده مسبش حد الا وعمل معاه مشاكل
ونشف ريق المدرسيين ونقل ناس وطلع ناس من الوزاره
ده كان شغال زى عشماوى
ده مينفعش خالص

nagar3321

19-05-2011, 10:18 PM

هو دا نقاش للمعلمين

لان الوزير مش هو اللى يصلح التعليم

اين الضمير

محمد احمدعطية

19-05-2011, 11:55 PM

العبد يبكى جلاده عندما يموت وشويه هتقولنا نرجع مبارك ياخى انت مش دريان بالثورة واللى حصل فى مصر

عصفور حائر

20-05-2011, 12:14 AM

يعنى انا عايزه افهم البلد تخلص من حاجه تطلع حضرتك بحاجه تانيه
سورى يعنى انا اسفه فى اللى هقوله
ايه اللى جاب سيره وزير التربيه والتعليم اللى فات دلوقتى غريبه شويتين
يعنى انتوا مش هترتاحوا الا لما البلد تتخرب
احنا عجبنا دا لو مش عاجبك حضرتك براحتك
احنا كل يوم نطلع بفتنه جديده

metro55

20-05-2011, 01:22 AM

ذكى بدر مين بس حرام عليك مش علشان مشكله فى الاداره بتاعتك هنعمل مشكله ونقول نغير وزير

ايمنزام

20-05-2011, 01:33 AM

هى ناقصة الكلب ده يرجع تانى ده عربجى

ميدوريري

20-05-2011, 08:46 AM

تعرف تسكت احسن

السيد خليل القط

20-05-2011, 08:50 AM

نرجو حذف هذا الموضوع لان الاخ شكله مكنش موجود في مصر من زماااااااااااااااان

مسيوعاطف

20-05-2011, 09:27 AM

مع احترامى الشديد لكل الاراء
ومع احترامى لرأى مسيو مصطفى
ولكن ياريت نفكر شوية
هو احمد جمال الدين عمل ايه للتعليم لحد دلوقتى
ومفيش حد يقولى الوقت ولسه بدرى والثورة والبلد وحرام عليكم هى مش ناقصة و......و.....و.......
الجواب بيبان من عنوانه
الاخ الوزير مش قادر ياخد قرار فى اى حاجة
احنا اقل مهنه فى المرتبات
مفيش حد بيدافع عننا لما بنتهان فى المدارس و الادارات والمديريات
ودلوقتى فى الجرايد
لما نتصل بيه ونكلمه شخصيا ونقوله على حكاية التخصص بتاعنا ( فرنساوى فى ابتدائى زى حالتى مثلا ) والناس تروح له للوزارة يهرب من الباب الخلفى
بصراحة نحن نريد وزير جرئ له قرار
مش لعبة فى ايد الحكومة

بدر البدور وائل

20-05-2011, 10:00 AM

انا مع الرأى ده بس يكون وزير داخليه مش تربيه وتعليم

yasowm

20-05-2011, 11:48 AM

:blush:يرجع إ‘يه رجعت الميه في زوره البعيد هو وامثاله اللي خربوا مصر وسرقوها

Mr. Tamer Metwaly

20-05-2011, 02:25 PM

:blush:يرجع إ‘يه رجعت الميه في زوره البعيد هو وامثاله اللي خربوا مصر وسرقوها
ياعم عيب عليك كدة

leprince

20-05-2011, 03:37 PM

لابد من احترام وجهة نظر صاحب الموضوع ( دى وجهة نظر ) تمثل صاحبها

وارجو التزام الحيادية و الاسلوب البعيد عن التجريح فى الردود

M.Ahmed Elsaid

20-05-2011, 05:20 PM

مسيو مصطفى ..
الحل مش فى خروج د/ احمد جمال موسى من الوزارة .. او رجوع د/ أحمد ذكى الى الوزارة مرة تانية
ذكر بدر متعالى جدا .. وجمال موسى مش شاغل باله .. والحكاية انهم الاتنين مش مننا ..
الحل اننا نصبر شوية تانى .. لحد ما البلد ترجع تانى والانتخابات تتعمل .. وييجى وزير تربوى فاهم يعرف يتعامل فى مشاكل المدرسين . ومن هنا لوقت الانتخابات نبعت فاكسات للمجلس العسكرى ورئاسة الوزراء بتعيين وزير تربوى ..

لان مشاكل المعلمين كتيرة جدا .. مش فى تغيير المسمى الوظيفى بس .. لا دى نقطة فى بحر
لازم وزير تربوى فاهم ومقدر قيمة المعلم ..

اصبر واستعن بالله .. كلنا فى مركب واحدة
والزرق على ربنا سبحانه وتعالى

leprince2010

20-05-2011, 07:54 PM

leprince2010

20-05-2011, 07:55 PM

:blush:يرجع إ‘يه رجعت الميه في زوره البعيد هو وامثاله اللي خربوا مصر وسرقوها

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

elsaqer11

20-05-2011, 08:12 PM

أمثالك هما اللى رجعونا ورجعوا المدرسين ورا - ايه العبط اللى انت بتقوله دا عاوز ترجع ابن ذكي بدر اللى بهدلنا شكلك غاوي بهدلة

tatateto

20-05-2011, 08:27 PM

بس بقي هو دي اللي جايبنا ورا بنتكلم اكتر ما بنشتغل
لك الله يا مصر

اشرف بيك

21-05-2011, 01:17 PM

ههههههههههه

لا تعليق

tsbeeh

21-05-2011, 01:32 PM

يا سلام على ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ كلام

Mr_HalEeM

21-05-2011, 01:50 PM

لوالوزير ده كان مدرس دخل الفصول ومسك الطياشيره واتعامل مع طلبه ومدرسين ونظار وفاهم اللي بيحصل
مش دكاترة فى الجامعه شغلهم نظري بس وكلام على ورق

NESCAFIOOOOO

21-05-2011, 03:35 PM

بصراحة كدة ومن غير زعل

موضوعك دة يحرق الدم

ومحسسنى إن فية ناس كان حلال فيها واحد ذى ذكى بدر

ربنا يتولانا برحمتة

ولو حضرتك قريبة إبأة قولوة يجى

هوة ما بيجيش لية

مسيوعاطف

21-05-2011, 05:30 PM

يا جماعة
كل واحد حر فى رايه وانا اعرف الاستاذ مصطفى شخصيا وعارف انه شخصية محترمة جدا ولايمكن ان يكون من فلول النظام السابق الله يلعنه
بس هو بيقول اللى حاسين بيه كلنا تجاه السيد احمد جمال الدين
كنت اتمنى ان تكون ردودكم افضل لاننا اولا واخيرا مربين اجيال
وان نغلق هذ الموضوع ونكف عن الكلام فيه

مصرية26

21-05-2011, 05:40 PM

أشعر بالأسف والحزن لوصول الحوار الى هذا المستوى .

mhegazi

21-05-2011, 07:24 PM

h_hmmam

21-05-2011, 09:16 PM

فعلا هو وأمثاله ال خربوا مصر

تعرف انته بتفكرنا ب ال قالوا ( إحنا أسفين ياريس ) .

memo3443

22-05-2011, 12:43 AM

الساد ة الأفاضل : مش ممكن التعليقات بمثل هذه الألفاظ والكلمات البذيئة تخرج من أفواه معلمين أفاضل من المتوقع منهم أن يربوا النشء على الإحترام وحسن الكلام والحديث مع الغير !!! فالرجاء الرجاء أيها الزملاء أن نتوخى الحذر والدقة فى التعبير عن آرائنا ....... أخصائى إجتماعى مساعد

ahmed_2040

22-05-2011, 10:06 AM

عيب اقوي لما تطالب بعودة هذا الصعلوك
مفيش حد متأذش بسببة دة غير انك شغال مش مرتاح
كفاية كدة كلام في الموضع دة ونهتم بالاجاي ام شاء الله احسن

شيكو بيكو بيكو

22-05-2011, 10:23 AM

ههههههههههههههههههههههههههههههههه
احمد ذكى بدر تانى ياراجل دة هو حتى بيقول انا ماليش دعوة بالتعليم اومال كان بتاع اية بتاع بطاطا
ادخل على جوجل واكتب ظهور احمد ذكى بدر بعد الثورة واول كلمة هايقولها انا ماليش علاقة بالتعليم اصله كان بتاع فلوس فى جامعة عين شمس وحابب يرجع لها تانى ..............؟؟؟؟؟؟؟؟؟؟؟؟؟؟؟؟؟
احنا عايزين حد يكون بجد اتبهدل فى المهنة وعارف قوانينها وخباياها ويراعى ربنا فى عمله

alkateem12

22-05-2011, 10:57 AM

أن كانوا يريدون للتعليم خيرا" فى مصر فلا يصلح لهذة الوزارة دكتور جامعى ولا عالم ذرة ولا عالم جيولوجى ولكن أصلح من يتولاه أبن من أبنائها يعنى واحد تدج من مدرس حتى وكيل وزارة وأن يكون بداية عمله من خلال المدرسة لأنه سوف يعلم بكل مايحدث فى هذة الوزارة أبتداءا" من المعلم الذى بدء بالطباشيرة ودفتر التحضير وكذلك العمل الدارى بالمدرسة ثم الأدارة التعليمية ثم المديرية يعنى شرب من كل أعمال التربية والتعليم ولكن كل ماذكرت لن يفعل أى جديد ولكن سوف يخترع مشروع جديد للثانوية العامة وبرضة نرجع لحقل التجارب الذى يعلم مايدور بالبيت هو صاحبة وليس الذى ينظر ألية من الخارج .....وآهو رأى وممكن يكون غير صائب وكلا" له وجهة نظر
أبوفياض

تائب الى الله

22-05-2011, 11:04 AM

السلام عليكم ورحمة الله وبركاته ........... أنا مش هقول لاحد ان البلد مش ناقصة لكن هقول ان كل لما ييجى يفكر

فى أمر بلاش يفكر فى نفسه فقط بل يجب عليه مراعاة كل الاطراف مصداقا لقوله صلى الله عليه وسلم:((لايدخل

احدكم الجنة حتى يحب لاخيه ما يحب لنفسه)) فيا اخى المحترم مع احترامى لرايك ولكن لا تقترح علينا رجوع وزير

دمر التعليم وأهان المدرس . عشان حضرتك عاوز تغير مسماك الوظيفى . يا اخى انا بعمل بالحصة اكثر من سبع

سنوات ولسة صابر. جزاك الله خيرا

مريم اليكس2011

22-05-2011, 07:30 PM

ده نفس منهج احنا اسفين ياريس وارجع ياريس وبالمرة نرجع حسنى وعلاء وجمال ، استاذي الفاضل انت مريض عندك متلازمة استوكهولم وروح اتعالج لو سمحت
ههههههههههههههههههههههه بشاركك الراي استاذ تامر ههههههههههه الا قولي يعني ايه متلازمه اس ت ووك ه و لم دي

احمد البرنس هند

23-05-2011, 12:08 AM

والله أاغرب شيء سمعته منذ الثورة نطالب بوزير يعامل المعلمين كالعبيد ألم تسمع يا استاذي ما فعله في مديري المدارس ؟! وكيف أهان المعلمين والله عيب عليك تبحث عن مصلحة شخصية بحته
وبعدين الوزير الجديد يدرس كل المواقف ولا يتخذ قرارات هوجاء مصيرها القضاء فعلينا الصبر عليه
وهذا رأي متواضع قابل للتصويب منكم

leprince2010

23-05-2011, 01:03 AM

mr mahmoud

23-05-2011, 01:49 AM

صراحة لا ولا دا عدل
ليه المدرسين ما يقفوش لحد ما يبقي وزيرنا مننا واقصد مننا يعني يكون مدرس مش وكيل وزارة او مدير ادارة ساب التدريس من عشرات السنين