اكتب هذا الموضوع وانا اتحسر على مصر اننا و الحمد لله قد انهينا امتحانات النقل فى مدرستنا ولقد هالنى ما آل اليه التعليم المصرى حتى بعد الثورة من اضمحلال و اخلاقيات غير محموده ان ظاهرة الغش فى الامتحانات كانت من اكثر الظواهر التى تؤلمنى كثير لقد اصبح الغش بلا استحياء واصبح التلميذ يريد ان يغش وكانه حق مشروع له وكانه دخل المدرسة كى يغش وليس كى يتعلم و المؤسف ان بعض المدرسين و بعض اعضاء هيئات الادارة فى المدراس يشجعون هذا بل هم الذين يروجون له فى مدرستهم وانى اريد ان يشاركنى اخوانى فى هذا المنتدى فى هذه الصرخة ونقول جميعا لا لفساد التعليم لا للغش لا للتعليم المهمش لا للاساءة للمعلم لقد من الله علينا بالثورة المباركه التى ازالت الظالمين فلابد من الحفاظ على هذه الانجازات ولا نهدرها ولا نضيع الامانه التى اتستأمنا عليها الله وهى الحفاظ على العمليه التعليمية وتطويرها وبلوغ الرساله منها و العمل على اخراج مخرجات تعليمية نفخر بها بين الامم والدول . ارجوا تعليقاتكم و التعاون على وقف ظاهرة الغش ووقف نزيف التعليم

فعلا عندك حق و الله الغش بدل ما يختفي بعد الثورة بقى اساس امتحانات

طب انا عوزه حد يقلى اعمل ايه
انا فتالته ثانوى ازهر وبابا طول عمره معلمنى
ان الغش حرام لا اخد ولا ادى فحالى وبمجهودى
فجاه كل الناس اللى حواليا غيروا وجهه نظرهم حتى بابا بيقلى يابنتى
مش هيبقالك مكان لو معملتيش كده لان كله بيعمل كده
اقله ربنا مش هيوفقهم بعد كده
بيقلى طب لو انا مقدم على شقه اسكان حكومى وفيا كل المواصفات
لو مدفعتش رشوه مش هسكن وهتشرد وكلنا عارفين ان الرشوه حرام
وفالوقت نفسه واحد قدامى ميستحقش واخد بدل الشقه 4 ادفع رشوه ولا
مش بابا بس كل المدرسين بيقولولى كده
بيقولوا لو كل الناس ماشيه مظبوط ماشى
لكن انت حرام تبقى قاعده فقلب اللجنه وزمايلك مذاكروش وتتدخلهم الورقه محلوله وانت تقعدى متحليش حاجه
صراحه انا برضه مش مقتنعه اوى

من يتقى الله

لايحتاج لثورة

ولكن يبدأ بنفسه

شكرا على الموضوع القيم

جزاكم الله خيرا

انا رايى من راى fatakat400 (http://www.thanwya.com/vb/member.php?u=396512) مينفعش نمشى فى التيار الغلط وكمان ده مستقبل ومينفعش يتبنى بالغش
احنا نعمل اللى علينا ونجتهد ونسيب اللى يغش يغش لانه فعلا بيغش نفسه

لا للغش بأي وسيلة لأجل النجاح في الامتحان
أحياناً الواحد بيحل وحش وفي التصحيح ربنا بيكرمه بمصحح كريم
واحياناً الواحد بيحل معظم الامتحان لكن بالغش
وربنا بيكرمه بمصحح بيكروت بيشوف الكلام غلط ويروح منقصه اكتر من اللى كان يعرفه بدون غش حتى !

ثقوا في الله واعتمدوا عليه

الغش
الطالب وهو فى ابتدائى مامته تقوله لو احتاجت حاجة ياحبيبى
شوف من زميلك
كذلك المعلمة كانت تقبل اخذ المال من والدة الطالب كى تسمح له بالغش
ده حصل وكنت بشوفه بعينى لما كنت فى ابتدائى
صراحة انا بحس الام وهى بتقول لابنها غش ياحبيبى انها بتقوله اسرق
مش مشكله ياحبيبى انت بتسرق كلمات
طيب ماذا يفعل الطالب وهو يرى الام ومعلمته اللى هما عالمه الصغير يسمحان له بالغش!!!!
فهو لا يتعلم من احد غيرهما
طبيعى هيكبر يبقى حرامى هيتفنن فى الغش
لو اصبح موظف سوف يسرق من وقت عمله
اليست هذه سرقة؟؟
بهذه الطريقة لن ينصلح حالنا
يرى البعض ان الثورة قد نجحت ولكنى لا ارى ذلك
لقد حققنا نصف نجاح واذا كنا استطعنا التخلص من الحرامية والمفسدين الكبار
فلازال هناك حرامية ومفسدين صغار اشد خطرا على مصر
فالغشاش سارق ومن يسمح له بذلك من المعلمين
سارق ايضا

شكرا عالموضوع
تقبل مرورى

طبعا انتشر الغش من زمان لكن زاد جدا بعد الثورة ..
المشكلة ان الطالبات فاهمين ان ده حقهم وكمان
بيجددوا فى طرق الغش ..مشكلة مفيش ليها حل
الولاد اتعودوا الغش من صغرهم .. وبعض المدرسين
مش بيفرق معاهم بل على العكس سايبين الامور ..
وفى البيت الاهل بتشجع على كده بدل من توجيه
الابناء ومنعهم من الغش ..الكل مرتاح على الوضع ده
صعب التغيير والمدرس اللى بيرفض .. بيتمنع من المراقبة
داخل اللجنة ..وامثلة كتير ة موجوده .. شكرااا على الموضوع