السلام عليكم ورحمة الله وبركاته

وكما وعدتكم كل يوم هكتب جزء من اللى انا عاوز افهمه ببساطة من مستر / (محمد عبدالسلام) صراحة شرحه مبسط وبفهم منه بسرعة وانا جربت الباب الاول

دي الأسئلة اللى عاوز اجابتها /
1- هل مطلوب مني احفظ عناصر الدورة الثانية والتالتة ؟؟؟
2- اظن طبعا فى فرق بين تعريف نصف قطر الذرة ونصف قطر الايون .. يا ريت لو فى تكتبه يا مستر ؟
3- المعروف ان جهد التأين علاقته عكسية مع نصف القطر بس فى سؤال حضرتك يا مستر احنا متبعناش القاعدة دي يعني فى الامتحان اوزع واشوف القابلة لفقد الالكترون ولا ارتب نصف القطر وبعدها اعكس عشان انا متلغبط شوية من ساعتها ؟؟؟؟
4- فى سؤال بيقول يتشابه تركيب ايون Na+ وأيون الفلور سالب الإجابة النموذجية اكتبها ازاى ؟؟
5- الخارصين معروف انه فلز والمفروض قوي فى السلسلة الكيميائية المفروض يكون اكسيده قاعدي طب هو متردد ليه ؟؟
6- بخصوص الأحماض الأكسجينية فى سؤال لحازم حسنى : المعروف ان حمض الكبريتيك اقوى من حمض النيتريك طب لو جينا فى الاحماض الاكسجينية يبقى النيتريك اقوى ؟؟ بس انا مش شايف كده فى الحقيقة ؟
7- التفاعلات التى لا يحدث فيها اكسدة واختزال .. عاوزين انواعها ؟

ودي شوية اسئلة مهمة فى الباب ودي للتذكرة بس يعني مش محتاج اجابتها :
1- علل : عنصر الأرجون على الرغم من انتهاء الكتروناته فى المستوى الفرعي P لا يعتبر من العناصر الممثلة .
2- قارن بين الميل الالكتروني والسالبية الكهربية وجهد التأين .
3- قارن بين جهد التأين الأول والتاني عند العناصر الخاملة وعناصر الأقلاء .
4- علل : تسمى اشباه الفلزات بأشباه الموصلات .
5- اذا كان طول نصف قطر الحديد +2 يساوي 0.75 وطول الرابطة فى جزئ الكلور 3.62 . احسب طول الرابطة فى عندما يتفاعل الحديد مع حمض الهيدروكلوريك .
6- مركب MOH اذا كان قوى التجاذب بين الأكسجين والهيدروجين اضعف من قوى التجاذب بين الاكجسين وM يتأين المركب كـ ......... ( حمض - قاعدة )

كفاية كده بقه

يلا يا مستر انا مستنيك ترد النهاردة ان شاء الله هفتح بالليل

انا عارفه انك مستنى رد المستر
بس حبيت اساعد في حبة اسئله ^___<



1- هل مطلوب مني احفظ عناصر الدورة الثانية والتالتة ؟؟؟

بالنسبه للاسئله اللي حلتها لحد الان فانا مشفتش ان مطلوب اي عنصر من الدورتين دول
فمش هعرف افيدك فيها ^^"



2- اظن طبعا فى فرق بين تعريف نصف قطر الذرة ونصف قطر الايون .. يا ريت لو فى تكتبه يا مستر ؟

نصف قطر الذره : هو نصف المسافه بين مركزي ذرتين متماثلتين متحدتين
نصف قطر الايون : نصف المسافه بين مركزي الايونين الموجب والسالب



5- الخارصين معروف انه فلز والمفروض قوي فى السلسلة الكيميائية المفروض يكون اكسيده قاعدي طب هو متردد ليه ؟؟

اعتقد ان اجابته الوحيده زي ما هو معروف
لانه يتفاعل مع الحمض كقاعده ومع القاعده كحمش ويعطي ملح وماء
اظن ان مفيش اجابه غير كده ^^"
بس الله اعلم يعني



3- المعروف ان جهد التأين علاقته عكسية مع نصف القطر بس فى سؤال حضرتك يا مستر احنا متبعناش القاعدة دي يعني فى الامتحان اوزع واشوف القابلة لفقد الالكترون ولا ارتب نصف القطر وبعدها اعكس عشان انا متلغبط شوية من ساعتها ؟؟؟؟

تقريباً ممكن الطريقتين
يعني لو رتبت حسب نق وتعكسها هي هي لو رتبت على حسب القابله للفقد
بس الافضل لو جا في السؤال عن نق ترتب حسب النصف القطر
ولو جا عن الجهد ترتب حسب الجهد يعني بلاش العكس دي




السؤال 4 - 6 بصراحه مفهمتهمش وهنتظر معاك المستر يحلها :p



السؤال السابع
احنا علينا تفاعلات الاكسده والاختزال في مسائل عدد التأكسد
فلو قصدك على الحته دي
فميحصلش اكسده ولا اختزال لما يكون عدد التأكسد قبل التفاعل
هو هو العدد بعد التفاعل .. يعني لو 4 قبل التفاعل وبعد التفاعل طلع 4 برده
يبقى كده محصلش ولا اكسده ولا اختزال



اتمنى اني اكون فهمت الاسئله صح ^^"




وشكراً على الاسئله ^__<

في امان الله

اجابة رقم (4) هتكون
لان توصيلها الكهربى اقل من توصيل الفلزات واكبر كثيرا من توصيل اللافلزات

السلام عليكم ورحمة الله وبركاته

وكما وعدتكم كل يوم هكتب جزء من اللى انا عاوز افهمه ببساطة من مستر / (محمد عبدالسلام) صراحة شرحه مبسط وبفهم منه بسرعة وانا جربت الباب الاول

دي الأسئلة اللى عاوز اجابتها /
1- هل مطلوب مني احفظ عناصر الدورة الثانية والتالتة ؟؟؟
لا مش مطلوب هو بيعطي العدد الذري في السؤال لكن إحنا بنفضل إنك تحفظهم(إعدادي بيحفظوهم)
أما عناصر السلسلة الإنتقالية الأولى فمطلوب حفظها تماما
2- اظن طبعا فى فرق بين تعريف نصف قطر الذرة ونصف قطر
الايون .. يا ريت لو فى تكتبه يا مستر ؟
إحنا علينا تعريف نصف قطر الذرة فقط ( نصف المسافة بين مركزي ذرتين في جزئ ثنائي الذرة )
أما اصطلاح نصف القطر الأيوني والتساهمي بيدل على نوع الرابطة فقط ولا يؤثر في حل المسائل
مثال : الكلور في كلوريد الصوديوم(مركب أيوني) أيون وفي كلوريد الهيدروجين (مركب تساهمي)ذرة
عموما : نصف قطر الأيوني هو نصف قطر العنصر في المركب الأيوني
نصف القطر التساهمي هو نصف قطر العنصر في المركب التساهمي
3- المعروف ان جهد التأين علاقته عكسية مع نصف القطر بس فى سؤال حضرتك يا مستر احنا متبعناش القاعدة دي يعني فى الامتحان اوزع واشوف القابلة لفقد الالكترون ولا ارتب نصف القطر وبعدها اعكس عشان انا متلغبط شوية من ساعتها ؟؟؟؟
علاقة عكسية لما تكون عناصر مختلفة زي رتب ( صوديوم - بوتاسيوم - ألومنيوم - كلور )
أما إذا كان عنصر واحد مع أيوناته فالترتيب يكون على أساس الإستقرار في المستوى الأخير مثل سؤال الأكسجين وأيوناته الموجبة والسالبة
4- فى سؤال بيقول يتشابه تركيب ايون na+ وأيون الفلور سالب الإجابة النموذجية اكتبها ازاى ؟؟
الإجابة النموذجية المختصرة الشافية :
لأن كلا منهما يشبه أقرب غاز خامل وهو النيون
5- الخارصين معروف انه فلز والمفروض قوي فى السلسلة الكيميائية المفروض يكون اكسيده قاعدي طب هو متردد ليه ؟؟
نفس الكلام الألومنيوم أكثر نشاطا من الخارصين
الخاصية دي بتعتمد على التجاذب بين أيون الفلز والأكسجين ودي بتعتمد على حاجتين
نصف القطر وعدد الشحنات الموجبة
معلهش عاوزة ورقة وقلم ودي مع مدرسك سهلة جدا عشان يوريك بالأمثلة
6- بخصوص الأحماض الأكسجينية فى سؤال لحازم حسنى : المعروف ان حمض الكبريتيك اقوى من حمض النيتريك طب لو جينا فى الاحماض الاكسجينية يبقى النيتريك اقوى ؟؟ بس انا مش شايف كده فى الحقيقة ؟
حمض الكبريتيك أثبت
حمض النيتريك أقوى ولكن فرق القوة مش كبير
أثبت = أعلى في درجة الغليان ( يصعب تحلله حراريا)
أقوى = يسهل تأينه وإنتاج البروتونات الموجبة
7- التفاعلات التى لا يحدث فيها اكسدة واختزال .. عاوزين انواعها ؟
هي تفاعلات التبادل المزدوج ( الإحلا المزدوج) ليه؟
لأنه بيحدث فيها تبادل الأيونات دون فقد أو اكتساب إلكترونات

ودي شوية اسئلة مهمة فى الباب ودي للتذكرة بس يعني مش محتاج اجابتها :
1- علل : عنصر الأرجون على الرغم من انتهاء الكتروناته فى المستوى الفرعي p لا يعتبر من العناصر الممثلة .
لأنه باكتمال المستوى الفرعي p يكتمل الغلاف الخارجي فيصبح خامل
2- قارن بين الميل الالكتروني والسالبية الكهربية وجهد التأين .
تعريفات تكفي

3- قارن بين جهد التأين الأول والتاني عند العناصر الخاملة وعناصر الأقلاء .
مفيش حاجة اسمها جهد التأين الثاني للغازات الخاملة (رغم معرفتي بقصد أستاذك من السؤال)
جهد التأين الأول للغازات الخاملة والثاني للأقلاء مرتفع جدا لاستقرار النظام الإلكتروني لهما
جهد الـتأين الأول للأقلاء منخفض لكبر نق وضعف جاذبية النواة للإلكترون الخارجي
4- علل : تسمى اشباه الفلزات بأشباه الموصلات .
لأن التوصيل الكهربي لها أقل من التوصيل الكهربي للفلزات وأعلى من اللافلزات
5- اذا كان طول نصف قطر الحديد +2 يساوي 0.75 وطول الرابطة فى جزئ الكلور 3.62 . احسب طول الرابطة فى عندما يتفاعل الحديد مع حمض الهيدروكلوريك .
المخفف ولا المركز
المخفف كلوريد حديد11
المركز كلوريد حديد11 وكلوريد حديد111
6- مركب moh اذا كان قوى التجاذب بين الأكسجين والهيدروجين اضعف من قوى التجاذب بين الاكجسين وm يتأين المركب كـ ......... ( حمض - قاعدة )
حمض

كفاية كده بقه


وكفاية ليه متكمل .
شكرا على المقدمة وربنا يوفقك

أشكر زميلي سمير على وضع الأسئله

وأشكر مستر محمد جدا ع الاجابات الرائعه

جهد رائع

بس معلش عندي سؤال بخصوص حمض النيتريك والكبريتيك

جميل ان حمض الكبريتيك أثبت لكن احنا لو اتبعنا نفس النظام اللي بنتبعه في الأحماض الاكسجينيه لمعرفه عدد ذرات الأكسجين الغير مرتبطة بالهيدروجين هنلاقيها أقل في حمض النيتريك وبالتالي هو أضعف من الناحيه النظريه

يبقى احنا بنتبع ايه في الحاله ديه؟؟

وهل هو اصلا محط سؤال في منهجنا؟؟

معلش عندي سؤال كمان

علل عدد تأكسد الفلور لايساوي رقم المجموعة؟؟

مش عارفة أقول ايه

أشكر زميلي سمير على وضع الأسئله

وأشكر مستر محمد جدا ع الاجابات الرائعه

جهد رائع

بس معلش عندي سؤال بخصوص حمض النيتريك والكبريتيك

جميل ان حمض الكبريتيك أثبت لكن احنا لو اتبعنا نفس النظام اللي بنتبعه في الأحماض الاكسجينيه لمعرفه عدد ذرات الأكسجين الغير مرتبطة بالهيدروجين هنلاقيها أقل في حمض النيتريك وبالتالي هو أضعف من الناحيه النظريه

يبقى احنا بنتبع ايه في الحاله ديه؟؟

وهل هو اصلا محط سؤال في منهجنا؟؟




لو اتبعنا عدد ذرات الاكسجين الغير مرتبطة بالهيدروجين هنلاقيها متساوية 2 فى الحمصين علشان كدا فوتهم متساوية



no2 oh ............. So2 oh 2
يعنى عدد ذرات الاكسجين الغير مرتبطة بالهيدروجيم واحدة

يعنى فى طريقة تانية يتعرف بيها

أشكر زميلي سمير على وضع الأسئله

وأشكر مستر محمد جدا ع الاجابات الرائعه

جهد رائع

بس معلش عندي سؤال بخصوص حمض النيتريك والكبريتيك

جميل ان حمض الكبريتيك أثبت لكن احنا لو اتبعنا نفس النظام اللي بنتبعه في الأحماض الاكسجينيه لمعرفه عدد ذرات الأكسجين الغير مرتبطة بالهيدروجين هنلاقيها أقل في حمض النيتريك وبالتالي هو أضعف من الناحيه النظريه

يبقى احنا بنتبع ايه في الحاله ديه؟؟

وهل هو اصلا محط سؤال في منهجنا؟؟
لا مش محطة سؤال في منهجنا
يعني مش هيجيب في الإمتحان أحماض تتساوى في عدد ذرات الأكسجين الغير مرتبطة بالهيدروجين ويطلب أيهما أقوى لأن فيه عوامل تانية كثيرة مش علينا

معلش عندي سؤال كمان

علل عدد تأكسد الفلور لايساوي رقم المجموعة؟؟

مش عارفة أقول ايه
لأن الفلور أعلى العناصر سالبية فعند ارتباطه مع أي عنصر يأخذ عدد تأكسده قيمة سالبة
وبالتالي لا يكون مساويا رقم المجموعة = +7

لا مش محطة سؤال في منهجنا
يعني مش هيجيب في الإمتحان أحماض تتساوى في عدد ذرات الأكسجين الغير مرتبطة بالهيدروجين ويطلب أيهما أقوى لأن فيه عوامل تانية كثيرة مش علينا




طب كويس الحمدلله

شكرا جدا مستر محمد

لأن الفلور أعلى العناصر سالبية فعند ارتباطه مع أي عنصر يأخذ عدد تأكسده قيمة سالبة
وبالتالي لا يكون مساويا رقم المجموعة = +7


شكرا جدا مستر محمد

بجد معلش تعبت حضرتك

جزاك الله كل خير...

بجد بجد بجد أسئلة حلوة وذكية شكرررررا

بالتوفيق للجميييييييييييع