تابع الاسئله المتوقعه [الأرشيف] - بوابة الثانوية العامة المصرية

تيتو نت

21-05-2011, 07:04 PM

ازيكم يا شباب معلش اتأخرت عليكم انا جايب باقى الاسئله و ديه متنوعه و هامه اخر حاجه
اولا قارن بين : 1- التبادل الحرارى الايزوثرمى و الاديباتى
2- سائل الهليوم و سائل النيتروجين
3- الانبعاث التلقائى والمستحث

ثانيا : ما المقصود ب ظاهرة كومتون ( هامه جداااااااا )
ما المقصود بالتيارات الدواميه و كيف يستفاد منها و كيف يمكن التقليل او الحد منها مع توضيع اسم الجهاز فى كل حاله

ثالثا : المسأله ديه تركزوا عليه جدااااااااااااااااااااااااااااااااااااااااااااااا
جلفانومتر حساس مقاومة ملفه 4 اوم و اقصى تيار يتحمله 4 مللى امبير وصل ملفه بمقاويه على التوازى مقدارها 1 اوم ليكونا جهاز واحد ثم وصل على التوالى مع مقاومه 999.2 اوم ليستخدمه كفولتمتير احسب اقصى فرق جهد يمكن قياسه

ما معنى قولنا ان : القيمة الفعاله للتيار المتردد = 2 امبير

جارى رفع باقى الاسئله والتوقعات

mo7mag

21-05-2011, 08:11 PM

شكرا جداااا بس اشمعنا الاسئله دي اللي متوقعه ؟؟؟

مصطفى الصفتى 10

21-05-2011, 09:24 PM

ألف شكر وفى انتظار المزيد

CAn u see me

21-05-2011, 09:46 PM

المسالة 4 فولت ولا كام ؟

اينشتاين العرب

21-05-2011, 10:41 PM

وحضرتك توقعت الحاجات دي منين .... دي اسئله عاديه جدا جدا وياريت تيجي المسائل كده

سندريلا العربية

21-05-2011, 10:44 PM

طب انا هعمل نفسي مصدقاك
مش ملاحظين ان المساله زي بتاعه امتحان الوزاره
كفايه مش عايزين تعب اعصاب

hatemT

21-05-2011, 10:48 PM

وحضرتك توقعت الحاجات دي منين .... دي اسئله عاديه جدا جدا وياريت تيجي المسائل كده
يا ريت يا جماعة تحلوا من غير تعليقات ممكن تدايق صاحب الموضوع

mysteuio33

21-05-2011, 10:51 PM

انا كمان مطلعها 4 فولت

تيتو نت

22-05-2011, 12:34 AM

يا ريت يا جماعة تحلوا من غير تعليقات ممكن تدايق صاحب الموضوع

شكرا ليك يا استاذ انك وقفت معايا صدقنى انا كل ما انزل حاجه ناس تشكر و ناس مش عاجبها اى حاجه هو خلاص يعنى وقفت على كلمة توقعات يعنى لو انا قولت ان ديه مش توقعات كله هيحل من غير كلام يا حول الله يارب انا جاتلى عقده من الموقع ده

تيتو نت

22-05-2011, 12:36 AM

طب انا هعمل نفسي مصدقاك
مش ملاحظين ان المساله زي بتاعه امتحان الوزاره
كفايه مش عايزين تعب اعصاب

لنا لقاء بعد الامتحان يا استاذه وانا مش بلعب بأعصاب حد انا مش عملت جريمه انا بنزل مسأئل الى عاجبه اوك مش عاجبه يحط لسانه فى بقه و يخلى كلامه لنفسه انا مش منتظر رد كويس من حد ولا اى حاجه انا بنزل مسأئل بعمل خير مش اكتر بس انا خلاص هحتفظ بحاجتى لنفسى اصل خير تعمل شر تلقى اصل الشعب المصرى ده مش بيعجبه العجب

تيتو نت

22-05-2011, 12:37 AM

المسأله حلها 5 فولت وليس 4
الدكتور الى بيقول المسأئل عاديه خليه بقا يحل المسأله لصداقائه و يقوله طلعت 5 ازاى

تيتو نت

22-05-2011, 12:42 AM

اولا بشكر كل الناس الى قالت كلمة شكر
ثانيا انا مش عارف اعمل ايه للناس الى مش عاجبه يعنى انا غلطان واحده تقولى هعملى نفسى مصدقاك ما تصدقى ولا لا انا بعمل خير و بعدين انا مش بجيب الحاجات ديه من فراغ او من دماغى ياجماعه الى مش عاجبه اسم الموضوع يتحفظ بردوده لنفسه انا عايز كله يخش يستفيد ومش منتظر اى حاجه من اى حد ولا حتى كلمه شكر بس الناس تستفاد مش اكتر مش ناقصه يعنى حرقة دم كل ما انزل موضوع ناس تطلع و بردود ملهاش اى لازمه تقول كلام بارد و محدش يلومنى اصل مش بردود تحرق دم الناس و بعد كده تجيب الغلط عليها و انا مش فارقه معايا حاجه انا مش خسران اى حاجه بس لينا لقاء مع كل المشككين بعد الامتحان لما يلقوا الاسئله ديه فى الامتحان

Hima Ryan

22-05-2011, 01:23 AM

والله أنت عمهم و حارق دمهم :d
أنا برده مش عارف ليه الناس بيجيلها قشعرة لما بتشوف كلمة التوقعات
ما تعتبروه شخص عادي بيحط أسئلة عادية لإفادة الناس اللي ميستاهلوش
تقبلوا مروري
شكرا

بلالل

22-05-2011, 01:26 AM

Hima Ryan

22-05-2011, 01:41 AM

المسأله حلها 5 فولت وليس 4
الدكتور الى بيقول المسأئل عاديه خليه بقا يحل المسأله لصداقائه و يقوله طلعت 5 ازاى
لا مؤاخذة يا تيتو بس إنت متأكد ؟
معلش يا جماعة حد يحلها

Heartbeat

22-05-2011, 01:46 AM

جزاك الله خيرا
مشكور عالمجهود
:)

actor

22-05-2011, 01:47 AM

بالنسبة للناس اللى بتقول كلام يضايق على الموضوع انتوا ليه مش عجباكم كلمة توقعات يعنى مفيش حد فيكم اشترى قبل كده كتاب التوقعات المرئية او لو استاذ خلى اسم مذكرة المراجعة توقعات الامتحان مش هتذكروها
حقيقى انتوا ناس تخلى الواحد يتصب وسيبك منهم يا تيتو وشكر على تعبك و وقتك اللى بتكتب فيه الاسئلة على الموقع
واكيد ربنا مش هينسى تعبك

actor

22-05-2011, 02:15 AM

بالنسبة للمسالة فحلها يساوى 20 فولت
والمسالة جت فى امتحان اغسطس 98 وشكلك غلطت وانت بتكتبها وكتبت التيار 4 ميللى امبير بدل 1 ميللى امبير ولو التيار 1 ميللى امبير يبقى الحل 5 فولت

ayman210

22-05-2011, 02:22 AM

والله تشكريابنى على اللى انت بتجيبه وانا قولتلك الكلام ده من زمان اصل ده طبع العالم اللى زى دى ففكك من اى حد يضايقك بس انا عاوز اسالك هل الحاجات دى مع الحاجات اللى انت كنت حاططها بتاعت الحرارة وكمان بتوع الكهربية دول بردو اضمهم لبعش واحلهم ولا ايه عشان اجمعهم كلهم واودى اللى واقف منهم للاستاذ بتاى

تونى زيدان

22-05-2011, 06:32 AM

لايصنع القلب الحديدى ف الجلقانومتر الحساس من شرائح معزولة ( علل )

mohammedhamed22

22-05-2011, 07:07 AM

فعلا المساله هتطلع 20 فولت!!!!

hatemT

22-05-2011, 07:54 AM

بالنسبة للمسالة فحلها يساوى 20 فولت
والمسالة جت فى امتحان اغسطس 98 وشكلك غلطت وانت بتكتبها وكتبت التيار 4 ميللى امبير بدل 1 ميللى امبير ولو التيار 1 ميللى امبير يبقى الحل 5 فولت
You're wright Dear

MiSty AnGel

22-05-2011, 08:07 AM

جزااااك الله كل الخير يا تيتو
وان شاء الله احلهم ولو حاجه وقفت هبقي اسالكم
ومستنيين الباقي

سها نور

22-05-2011, 11:12 AM

ميرسي كتير ليك يا تيتو
وكبر دماغك وسيبك من التعليقات اللي تنرفز

مشتاقه للجنة

22-05-2011, 11:36 AM

انا حلتها وطلعت معايا 20 فولت

شكرا جدا زميلنا تيتو

ربنا يوفقك ويجعله فى ميزان حسناتك

تيتو نت

22-05-2011, 12:08 PM

شكرا لكل الناس
ياجماعه يوم الخميس بالكتير هنزل اسئله لو اتنطط مش هيخرج منها الامتحان و على ضمانتى

تيتو نت

22-05-2011, 12:10 PM

ياباشا سيبك منهم اللى ماكنش عاجبه اسم الموضوع مكنش دخل من الاول وبعدين يعنى انت هتستفاد ايه لو بتشغلنا غير تضييع الوقت
واعتقد الكل عرف العضو واسم مواضيعه واللى مش عاجبه مايبقاش يدخل من الاول
بس ايه يابرنس مبقتش تفتتح الميل ليه

بلال معلش يا باشا انا هبعتلك الحاجات الى متفقين عليها بس على الموقع فى رساله اوك لان الياهو ساعات بيهنج و ساعات وانا مش بفتحه كتير

EmOoOoZ92

22-05-2011, 12:40 PM

شكرا يا تيتو .. جزاك الله خير .. اللي مذاكر مذاكر .. الاسئلة دي بس بطمن الواحد كده ويراجع بيها معلوماته .. مستنيينك يوم الخميس ان شاء الله وسيبك من الناس التانية دي .. نزل كل اللي عندك والثواب عند ربنا متستناش كلمة من حد
وعلى فكرة انا فيزيا بالانجليش بس هاترجم الاسئلة وابقى معاكو على الخط بقى

بلالل

22-05-2011, 12:49 PM

بلال معلش يا باشا انا هبعتلك الحاجات الى متفقين عليها بس على الموقع فى رساله اوك لان الياهو ساعات بيهنج و ساعات وانا مش بفتحه كتير
وانا مستنيك يادكتور

mysteuio33

22-05-2011, 01:36 PM

بس ازاى هتطلع 5 يا جماعة

مش هيبقى حلها كدة

هتبقى المقاومة 4 و 1 اوم توازى المحصلة .8 اوم

ونعوض فى قانون

Rm )( Ig =v-Vg

,وطلعة 4 فولت

والحل التانى طالعة 20 فولت

جبت التيار من قانون المجزى وطلع 02. امبير وعوضت طلعة 20

بس مش بتطلع 5 خالص يا ريت يا تيتو تحلها

Hima Ryan

22-05-2011, 02:29 PM

بس ازاى هتطلع 5 يا جماعة

مش هيبقى حلها كدة

هتبقى المقاومة 4 و 1 اوم توازى المحصلة .8 اوم

ونعوض فى قانون

rm )( ig =v-vg

,وطلعة 4 فولت

والحل التانى طالعة 20 فولت

جبت التيار من قانون المجزى وطلع 02. امبير وعوضت طلعة 20

بس مش بتطلع 5 خالص يا ريت يا تيتو تحلها
5 دي لو أن أقصي تيار يتحمله الجلفانو 1 مللي أمبير ( شكل تيتو غِلط )
و لو 4 مللي ( زي ما في المسأله ) يبقي الناتج 20

وليد ناصر

22-05-2011, 03:38 PM

هي فين الاسئله لو سمحتم

اينشتاين العرب

22-05-2011, 10:17 PM

المسأله حلها 5 فولت وليس 4
الدكتور الى بيقول المسأئل عاديه خليه بقا يحل المسأله لصداقائه و يقوله طلعت 5 ازاى

يا استاذ تيتو متزعلش مني والله انا مكانش قصدي حاجه تزعلك وربا يكرمك ويكرمنا كلنا انا اتكلمت بكل احترام وقلت هو حضرتك توقعت منين ... غلط انا كده ؟؟؟
وانا اسف يا عم مره تاني :078111rg3:

CAn u see me

22-05-2011, 10:17 PM

حد يحلها بالتفصيل المسالة دى

اينشتاين العرب

22-05-2011, 10:22 PM

يا ريت يا جماعة تحلوا من غير تعليقات ممكن تدايق صاحب الموضوع

انا اسف جدا يا استاذ حاتم واسف جدا يا تيتو وانا في انتظار المزيد

تيتو نت

22-05-2011, 10:24 PM

خلاص يا حبيبى ولا يهمك انا مش مضايق ولا زعلان منك

اينشتاين العرب

22-05-2011, 10:26 PM

خلاص يا حبيبى ولا يهمك انا مش مضايق ولا زعلان منك

انا ده الي يهمني والله مكانش قصدي اي حاجه انا اسمي ايمن وياريت نبقي اصحاب
و انا مستني منك الي جاي

Shamy shemo

22-05-2011, 10:31 PM

ههههههههههههههههههههههههههههههه

بلالل

22-05-2011, 10:34 PM

خلاص يا حبيبى ولا يهمك انا مش مضايق ولا زعلان منك
ممكن لو سمحت يادوك ترد على رسالتى

العمل سبب الامل

22-05-2011, 10:41 PM

بجد يا تيتو ميرسى على الاسئلة
اسئلة حلوة
و المسألة 20فولت
و لو التيار 1ميللى امبير كانت هتبقى 5 فولت
و شكرامرة تانى ومستنيين باقى اسئلتك

بلالل

22-05-2011, 10:42 PM

خلاص يا حبيبى ولا يهمك انا مش مضايق ولا زعلان منك
ممكن لو سمحت يادوك ترد على رسالتى

اينشتاين العرب

22-05-2011, 10:47 PM

حد يحلها بالتفصيل المسالة دى

اه يا ريت فعلا لأن انا حليتها طلعت 4 فولت وكتير بيقولو انها 20 فولت يا ريت حد يحلها عشان نتأكد

hazem3

22-05-2011, 10:59 PM

حد يحلها بالتفصيل المسالة دى

بص يا باشا..

اتعامل في البداية على إنه أميتر وهات ال I هتطلع معاك 0.02 باين روح عوض بيها في الفولتميتر..

هتبقى

999.2= v-(0.02 * 0.8)/ 0.02

هتطلع معاك ب 20..

الفكرة كلها أنك تجيب الI اللي في الأميتر وتتعامل معاها ك Ig في الفولتميتر..

actor

23-05-2011, 12:37 AM

عندى طلب يا تيتو
لو تقدر تنزل اى حاجة تعرفها فى العربى و الاحياء مع الفيزياء يبقى شكرا جدا

مشتاقه للجنة

23-05-2011, 06:14 AM

منتظرين باقى المسائل

ربنا يعينك

hatemT

23-05-2011, 06:22 AM

ما المقصود بالتيارات الدواميه و كيف يستفاد منها و كيف يمكن التقليل او الحد منها مع توضيع اسم الجهاز فى كل حاله

محدش منكوا جاوب على السؤال ده؟؟؟؟؟

سها نور

23-05-2011, 07:52 AM

التيارات الدواميه هي التيارات التي تتولد نتيجه تحرك الجزيئات المغناطيسيه في المعادن المصمته عند تعرضها لفيض متغير
ومدي الاستفاده في افران الحث التى تستخدم في صهر المعادن
وتقلل عن طريق استخدام قلب من الحديد المطاوع السليكونى عباره عن شرائح معزوله عن بعضها لتقليل التيارات الدواميه
ويستخدم في المحول الكهربي

hatemT

23-05-2011, 07:57 AM

ayman210

23-05-2011, 08:47 AM

على فكرة يا تيتو انا زعلان منك عشان انت مردتش على سؤالى شوف اول رد ليا وانت حتعرف انا زعلان منك لييييييييييه!!!!

saloooom

23-05-2011, 04:37 PM

شكراااا جدا يا تيتو

وياريت متاخدش فى بالك من اى كلام واللى بيقول كدة محدش ضربه على ايده علشان يدخل الموضوع

ربنامعاك ويوفقك ويوفقنا ان شاء الله

Shamy shemo

23-05-2011, 04:53 PM

هههههههههههههههههههههههههه انا عاوز من ده يا حزومبل ههههههههههههه

احمدوعماروبسملة

23-05-2011, 09:52 PM

المسالة هتطلع 20 فولت انا متاكدة وبعدين انا عايزة اعرف تيتو دة طالب زينا ولا مدرس وبيتوقع علي اساس ايه بجد نفسي اعرف وعموما merci ربنا يوفقنا جميعا امييييييييييييييين
نوران

احمدوعماروبسملة

23-05-2011, 10:01 PM

المسالة هتطلع 20 فولت انا متاكدة وبعدين انا عايزه اع رف تيتو دة طالب زينا ولا مدرس وبيتوقع علي اساس ايه بجد انا نفسي اعرف وعموما merci ربنا يوفقنا جميعا اميييييييييييييييييين

تيتو نت

23-05-2011, 10:15 PM

لا انا طالب زيكم بالظبط
ايمن معلش ياباشا فكرنى فى رساله لحسن انا الزهيمر الله ينور

تيتو نت

23-05-2011, 10:16 PM

اه يا ايمن الاسئله ديه تبع الى فات بس يوم الخميس بقا هجيب حاجات لو عمل نفسه ابو تريكه لازم يجيب منها و على ضمانتىىى

nahla.sobhy

23-05-2011, 10:24 PM

ششششششششششششششششششششششششششكر

egyptiancool

23-05-2011, 10:27 PM

الف شكر
انتا عداك العيب
احنا هنحلها جت جت مجتش ايه اللي هنخسره يعني
سيبك منهم..استمر

احمدوعماروبسملة

24-05-2011, 12:14 AM

المساله هتطلع 20 فولت انا متاكدة وبعدين تيتو دة طالب ولا مد رس وبيتوقع على اساس ايه نفسي اعرف وعموما merci وربنا يوفقفنا جميعا امييييييييييييييييييييييييييين

اينشتاين العرب

24-05-2011, 10:10 AM

لا انا طالب زيكم بالظبط
ايمن معلش ياباشا فكرنى فى رساله لحسن انا الزهيمر الله ينور

انت قصدك عليا انا ؟ ولا حد تاني ؟

تيتو نت

24-05-2011, 12:37 PM

لالالا واحد تانى مش انت

سها نور

25-05-2011, 09:25 AM

يا تيتو مستنين الاختبارات اللي قولت عليها

تيتو نت

25-05-2011, 09:41 AM

حاضر هجبها انهارده

ayman210

25-05-2011, 12:10 PM

ايوا فى حد كان بينادى عليا اه تيتو ماااشى ولا يهمك ياباشا انا تحت امرك بس كده انت تمام

روتانا محمود

25-05-2011, 08:25 PM

شكرا تيتو جداااااااااااااااااااااااااااااا وربنا يباركلك ويارب تجيب 50 ف الفيزيا وتدخل الكلية اللي نفسك فيها

Shamy shemo

25-05-2011, 09:43 PM

امتحان الفيزيا بيقولوا هيتلغى عشان الثوره ونظرا لصعوبتها وكده واللى كان جايب فى الرياضة السنه اللى فاتت 48 او 49 او 50

هياخد فى الفيزيا 49 او 50

تيتو نت

25-05-2011, 10:01 PM

ههههههههههههههههههههههههههههههههههه لا حلوه ديه

hatemT

25-05-2011, 10:05 PM

امتحان الفيزيا بيقولوا هيتلغى عشان الثوره ونظرا لصعوبتها وكده واللى كان جايب فى الرياضة السنه اللى فاتت 48 او 49 او 50

هياخد فى الفيزيا 49 او 50

, طب يللا مبروك عليكم

Saifallah

25-05-2011, 10:10 PM

شكرا ليك
حليتها وطلعت{5فولت}

سها نور

25-05-2011, 10:23 PM

فين بقي الامتحانات احنا مستنينها بفارغ الصبر

Shamy shemo

25-05-2011, 10:53 PM

, طب يللا مبروك عليكم

الله يبارك في حضرتك ويجعله من ميزان حسناتك يااارب

تيتو نت

26-05-2011, 12:31 AM

ياجماعه بكره بمشية ربنا هنزل الامتحانات

Shamy shemo

26-05-2011, 12:37 AM

امتحانات اية؟

روتانا محمود

26-05-2011, 01:21 AM

امتحان الفيزيا بيقولوا هيتلغى عشان الثوره ونظرا لصعوبتها وكده واللى كان جايب فى الرياضة السنه اللى فاتت 48 او 49 او 50

هياخد فى الفيزيا 49 او 50

ع فكرة دي حاجة مستحيل تحصل اساسا يعني لو واحد جاب 50 السنة اللي فاتت ف رياضة بأي حق ياخد 50 السنة دي ف الفيزيا لا دي ملهاش علاقة بدي نهااائي

ماجده محمد

26-05-2011, 05:39 AM

هاهاهاهاهاهاهاهااهاهاهااهاهاهاه

Mohamed Omran

26-05-2011, 06:17 AM

لايصنع القلب الحديدى ف الجلقانومتر الحساس من شرائح معزولة ( علل )
لعدة اسباب
عشان نوضح بس
التيارات الدوامية بتتولد اما ان قطعة معدنية تتحرك فى مجال مغناطيسى
او ان القطعة يكون ملفوف حوليها ملف بيمر به تيار متردد
وفى حالة الجلفانو
اولاً القلب الحديدى ثابت (مبيتحركش) بتحرك الملف
ثانية الجلفانو بيقيس شدة تيارات مستمرة
وبكده مش هتتولد فيه اى تيارات دوامية عشان كده لا يصنع من شرائح معزلة

mysteuio33

26-05-2011, 09:10 AM

هههههههههههه بس ازاى هيلغوا الفيزياء مش ينفع اصلا

روهمة

26-05-2011, 09:16 AM

يلاخلينا نرووق اصل احنا مححتاجين اي حاجة تخرجنا من المودد ومستنين لامتتححاناات يا تيتو

روهمة

26-05-2011, 09:19 AM

هههههههههههه بس ازاى هيلغوا الفيزياء مش ينفع اصلا
انا قولتت ان ديي احلاام ييقظة:028ja7:

هلال شاهين

26-05-2011, 06:24 PM

lwwwwwwwwwwwwwwwwwwwwwwwwwwwwwwwwwwwwww,,,,,,,,,,, ,,,,,,,,,,,,,vvvvvvvvvvvvvvvvvvvv

هلال شاهين

26-05-2011, 06:25 PM

مشكور جدا جدا

mysteuio33

26-05-2011, 07:51 PM

تيتو انت فين يا مان النهاردة الخميس احنا مستنيين وعدك

تيتو نت

26-05-2011, 11:33 PM

mysteuio33

26-05-2011, 11:43 PM

اوك يا مان مفيش اى مشكل

روتانا محمود

27-05-2011, 02:04 AM

روهمة

27-05-2011, 07:01 AM

منتظريييييييييييييييييييييييييييييييييين

nahla.sobhy

27-05-2011, 08:25 AM

ششششششششششششششششششششششششكرا

مستر حسنى

27-05-2011, 08:49 AM

شكرا على المجهود ونتمنى المزيد

ayman210

27-05-2011, 09:36 AM

انا اسف ياجماعه انى أتاخرت انا جبت الامتحانات و هنزلها بكره بالكتير وعد منى بجد انا اسف بس انا جبتها متأخر انهارده بس ياجماعه الامتحانات ديه بنسبة 60 % من ورقة امتحان اخر السنه
ظاهرة مايسنر فى الامتحان و على ضمانتى

بجد ربنا يكرمك ولا يهمك ع التاخير وربنا يجازيك خير ويا جماعة باللى بتقولوا هو ايه اللى مخليه متاكد المدرس اللى بياخد معاه درس مستشار المادة يبقى صاحب المدرس بتاعه وهو كمان حيجيب يوم 18/6 حاجات فى الامتحان يعنى اصبروا وبلاش حد كل شوية يحاول يضايقه عشان فى الاخر ممكن تكون فلا معها الحاجات دى ولما يلاقى كمان مفيش كلمة شكر يبقى حقه انه ميجبهاش

اينشتاين العرب

27-05-2011, 10:59 AM

مشكور جدا يا تيتو ومنتظرين المزيد

mido $tar

27-05-2011, 11:39 AM

لا حول و لاقوة الا بالله العلى العظيم

روتانا محمود

27-05-2011, 03:06 PM

.................

Mr.Ahlawy

27-05-2011, 05:57 PM

2- سائل الهليوم و سائل النيتروجين
أقول إيه في السؤال ده .. ولا أقارن من ناحية إيه ؟؟

اينشتاين العرب

27-05-2011, 06:13 PM

2- سائل الهليوم و سائل النيتروجين
أقول إيه في السؤال ده .. ولا أقارن من ناحية إيه ؟؟

بص يا عم انت هتقول الحته بتاعه الحراره النوعيه ودرجه حراره الغليان وان الهيليوم يخزن في قارورتان ديوار وينساب لاعلي جدران الاناء وانه من افضل المواد المبرده وطبعا العكس في النيتروجين .... وربنا يكرمنا كلنا يا رب