بسم الله الرحمن الرحيم


وليه لا ... فكرة رودتنى كثير اليوم فى صلاة الجمعة
فبعد 10 دقائق من بداية الخطبة رودنى شعور غريب ورغبة ملحة فى النوم
بعد ان بداء فضيلة الشيخ فى سرد قصة سيدنا ابراهيم وسيدنا اسماعيل (قصة الذبح)
والاضحية والثلث ليك والثلث للاقارب والثلث للفقراء وموعيد الاضحية
الرحمة حلوة سمعن القصة 365 مرة حفظناها
وعندما نظرت الى وجوه الجالسين وجدت البعض قد فعل ما عجزت عنه وذهب فى نوم عميق
والبعض الاخر اخذ يتحدث مع من بقربه والبعض الاخر ظهرت عليه ملامح التامل فى المسجد
كانها المرة الاولى التى يدخل فيها مسجد
وهنا قولت لنفسى اين الابداع نفس القصة التى حفظناها عن ظهر قلب
لماذا لا يتحدث عن احوالنا اليوم عن شئوننا الداخليه لماذا لا يتحدث عن شىء جديد
هنا علمت ان عيد الاضحى قد اطل علينا
وقولت فى نفسى ليه لا ما انا انفع اخطب انا حافظ اللى هيقوله
وعارف هقول ايه فى عيد الفطر وفى المولد النبوى وفى عيد شم النسيم نفسه
ما احاول ايصاله هو ان شيوخنا الافاضل لم يعد لديهم جديد ليقدمه كل عام نفس الخطبة ونفس الكلام المكرر بدرجة تدعوه الى الملل الا يوجد ما هو جديد فى حياتنا اليومية يمكن من خلاله التكلم
كل عام وانتم بخير

صح صح ...انا سمعت خطبه النهارده برده وشعرت استغفر الله بالملل

بس اهى ممكن تكون منفعه لحد اول مره ماسمعهاش

لللسف الخطبة كل يوم جمعة بقت روتين كتكرر مش بس فترة العيد للأسف مفيش اي تغير بالنسبة للمشاكل فالمشاكل كتييييييييييير أوي لية الخطبة متلتفتش للمشاكل دي والشيوخ يقولوا الحكم الشرعي فيها؟ يالا معلش

بسم الله الرحمن الرحيم
اولا شكرا علي الموضوع
بس لازم مع كل حدث خطبه تكون بتتكلم عليه
لان فيه ناس كتيره جاهلين بالكلام ده او مش عارفينه
وانا واحد منهم فالواحد بجد بيستفاد كتير
يعني لما يتكلم عند الاضحيه وهل هي قبل العيد ولا بعد الصلاه
وكده يعني سنن العيد
وجزاكم الله كل الخير وكل عام وانتم بخير

موضوعك حلو يا مرشد كالعادة احييك اولا

راى ان فيه معظم الشيوخ لا يلقون الخطب بطريقة صحيحة معظم الاوقات

اخي الفاضل المشكلة ليست مشكلة مشايخنا الافاضل بل هي مشكلة حكومتنا الفاسدة التي تجبر الأئمة على ما يريدون والامن الموجود بالمساجد لو خرج الخطيب عن الخطبة التي حددتها الدولة أو تنازل عن الخطبة لشخص اخر ليس هذا فقط بل منع احياء سنة اقامها النبي مثل القيام في المساجد والتهجد في رمضان
لا تلومن مشايخنا بل لمن حكومتنا

صح صح ...انا سمعت خطبه النهارده برده وشعرت استغفر الله بالملل

بس اهى ممكن تكون منفعه لحد اول مره ماسمعهاش

مش بقولك والنبى يابسملة
يعنى ليا الحق انى انام ولا لا :D
تصدقى بالله الصلاة اول ما خلصت متعرفيش الناس كانت هتدوس على بعض علشان تخرج من الجامع
لا حول ولا قوة الا بالله



لللسف الخطبة كل يوم جمعة بقت روتين كتكرر مش بس فترة العيد للأسف مفيش اي تغير بالنسبة للمشاكل فالمشاكل كتييييييييييير أوي لية الخطبة متلتفتش للمشاكل دي والشيوخ يقولوا الحكم الشرعي فيها؟ يالا معلش

اذا كان شيوخ الازهر بجلالة قدرهم مش عارفين يحلوها
مشايخ الاوقاف هما اللى هيحله :D


بسم الله الرحمن الرحيم
اولا شكرا علي الموضوع
بس لازم مع كل حدث خطبه تكون بتتكلم عليه
لان فيه ناس كتيره جاهلين بالكلام ده او مش عارفينه
وانا واحد منهم فالواحد بجد بيستفاد كتير
يعني لما يتكلم عند الاضحيه وهل هي قبل العيد ولا بعد الصلاه
وكده يعني سنن العيد
وجزاكم الله كل الخير وكل عام وانتم بخير
معتقدتش ان فى ناس مش عارفة ان ثلث لى اهلك وثلث لا اقاربك وثلث للفقراء
والاضحية تكون بعد صلاة العيد
ايه الصعب فى ده


موضوعك حلو يا مرشد كالعادة احييك اولا

راى ان فيه معظم الشيوخ لا يلقون الخطب بطريقة صحيحة معظم الاوقات
ياحبيى دول مش بيلقوها دول بيسمعوها
زى الطالب اللى بيكون رايح امتحان ويكون حافظ ويسمع بالنص


اخي الفاضل المشكلة ليست مشكلة مشايخنا الافاضل بل هي مشكلة حكومتنا الفاسدة التي تجبر الأئمة على ما يريدون والامن الموجود بالمساجد لو خرج الخطيب عن الخطبة التي حددتها الدولة أو تنازل عن الخطبة لشخص اخر ليس هذا فقط بل منع احياء سنة اقامها النبي مثل القيام في المساجد والتهجد في رمضان
لا تلومن مشايخنا بل لمن حكومتنا

معاك حق فى كلامك الخطب لزم تكون بعيدة كل البعد عن السياسة
مبدا فصل الدولة عن الدين
اللهم الا اذا كانت الخطبة عن انجازات السيد الزعيم المبجل اطال الله بقاءه

ميرسي علي الموضوع

والله نفس الشعور كان عندى بس فى خطبه العيد
بصراحه انا مش متعوده انى اسمعها بس المره دى كان فى حفله بعد الخطبه
قلت انا وصحابى نقعد نسمعها كلام مكرر مكرر مكرر ليه معرفش فى نوع من الرتابه والملل وانتا بتسمع على فكره دى بترجع لشخصيه الشيخ فى شيوخ مش عوزه تعرف اكترولا تتطور فى اسلوبها
وفى شيوخ ما شاء الله عليهم زى الشيخ محمد حسان تسمع الكلام منه اكنك بتسمعه لاول مره

بص يا اسلام

لا تنسى ان هناك الكثير من الجالسين من لا يدخل المسجد الا في الجمعة ويستمد علمه الديني الفقهي من الجمعة

وايضا هناك شباب صغيرة لا تعلم القصة والدروس المستفادة وكذلك اطفال

فيجب ذكرها وسردها كل عام لكي يعلم الجميع

فانت علمتها سابقا ولكن غير من هو اصغر منك لم يعلمها وغيرك الاكبر منك ممكن ان يكون جاهل ولم يسمع بها سابقا

وهكذا

ولكن المشكلة في طريقة العرض والسرد

فيجب على الشيخ او الخطيب العامل بالمسجد ان يسرد ويقص القصة بما يتماشي مع الوضع الحالي للامة

ولا يكون كراوي قصص فقط

بل يمزج بين القصة والواقع ليجعل الجميع اكثر اتنباها وشغفا لسماع بقية القصة مع انهم سمعها كثيرا ويحفظونها

فالجيمع يروي القصة ولكن الافضل منهم من يجعلها شيقة وفقهية وقريبة للواقع والربط بينها وبين حاضرنا

انما ما يقولش القصص دي وينساها ما ينفعش يا ريس

وليه لا ... فكرة رودتنى كثير اليوم فى صلاة الجمعة
فبعد 10 دقائق من بداية الخطبة رودنى شعور غريب ورغبة ملحة فى النوم
انت على طوول بتنام اصلا
يا خوفى يا بدران لحسن تكون بتنام وانت ماشى فى الشارع:d
بعد ان بداء فضيلة الشيخ فى سرد قصة سيدنا ابراهيم وسيدنا اسماعيل (قصة الذبح)
والاضحية والثلث ليك والثلث للاقارب والثلث للفقراء وموعيد الاضحية
الرحمة حلوة سمعنا القصة 365 مرة حفظناها
الرقم ده قليل :bosyht9:
وعندما نظرت الى وجوه الجالسين وجدت البعض قد فعل ما عجزت عنه وذهب فى نوم عميق
والبعض الاخر اخذ يتحدث مع من بقربه والبعض الاخر ظهرت عليه ملامح التامل فى المسجد
كانها المرة الاولى التى يدخل فيها مسجد
اظاهر ان المسجد اثرى:d
وهنا قولت لنفسى اين الابداع نفس القصة التى حفظناها عن ظهر قلب
لماذا لا يتحدث عن احوالنا اليوم عن شئوننا الداخليه لماذا لا يتحدث عن شىء جديد
هنا علمت ان عيد الاضحى قد اطل علينا
بص يا اسلام
انت حافظ القصة
غيرك مش حافظها وبيحب يسمعها
متنساش كمان ان فى اطفال صغيرة
بتقعد ما اهلها فى الجامع او اصدقائها
ممكن تكون مسمعتش القصة او سمعتها وعاوزة تسمعها تان
او هو بيقولها بطريقة سرد كويسة
يعنى اكييد الشيخ مش بيقول الخطبة علشان المرشد بس:huh:
وقولت فى نفسى ليه لا ما انا انفع اخطب انا حافظ اللى هيقوله
وعارف هقول ايه فى عيد الفطر وفى المولد النبوى وفى عيد شم النسيم نفسه
فكرة حلوة
بس الواحد صراحة مش متخيلك فى زى شيخ:d
ما احاول ايصاله هو ان شيوخنا الافاضل لم يعد لديهم جديد ليقدمه كل عام نفس الخطبة ونفس الكلام المكرر بدرجة تدعوه الى الملل الا يوجد ما هو جديد فى حياتنا اليومية يمكن من خلاله التكلم
كل عام وانتم بخير

على فكرة هو لو معملش كده ممكن يتحاسب من ادارة الجامع او ان الناس تستغرب
لان هو ده المعتاد
وزى ما قولتلك فى ردى فوق
. .
هو ممكن يتكلم عن الحالة العامة بس يكون قليل ربع ساعة ولا حاجة
انما باقى الخطة كلها دينية عن الاضحية والاحتفالية والقصة نفسها
انا عمتا بصلى من هنا
وبعيد مع الملايكة فى الحلم:mellow:
كل سنة وانت طيب
:)

انا برضه مع استاذ اشرف
لانك هتلاقي ناس كتير اول مرة يسمعوا القصص دي بالذات الاطفال

انها تعليمات الامن حتي يخرج شاب لايعرفون عن دينهم شيء
شباب منغمس في الملذات

هو لازم يتكلم عنها طالما فى مناسبتها بس من رايى ماتكونش موضوع الخطبة كله
يعنى تبقى مقدمة كده بسيطة بهذه المناسبة
انما ممكن يكمل باقى الخطبة فى موضوع تانى مفيد
يبقى ضرب عصفورين بحجر:)

يعنى انت عايز فى خطبة يوم الجمعة الموافقة لعيد الاضحى تكون الخطبة شكلها ايه؟؟

و اظن ان لفظ ملل من الخطب والمشايخ فيه بعض الخروج منك يا اسلام

طبيعى جدا ان خطبة يوم الجمعة تكون مواكبة للمناسبة سواء عيد الفطر او الاضحى او قدوم شهر رمضان وشعبان ورجب
وكل المناسبات الاسلامية

معاك استاذ بورسعيدي
و بعدين دي هتبقي خطبة واحدة يعني
اللي هي بتبقي يوم الجمعة القريبة من العيد
و بعدين لازم تواكب العيد او الموسم اللي موجوده فيه
و جزاكم الله خيرا

بسم الله الرحمن الرحيم

يا سيدي كويس اصلاً انك روحت حضرتها
فيه ناس مش بتحضر الخطبه بينزلوا عالاقامه و ساعات بيلحقوه و هو بيقول السلام عليكم
دي حاجه
تاني حاجه الشيوخ الافاضل (مع احترامي طبعاً) هما اللي اتسببوا في الملل ده
عارف ليه؟ لإن الخطبه اصلاً المفروض تكون 10 دقايق او ربع ساعه بالكتير اوي اوي يعني
لكن بيخلوها نص ساعه .. تلات اربع ساعه
فلازم اللي قاعد هيصاب بالملل و كمان بيتكلموا بطريقه كده متخليكش تركز معاهم
لكن فيه شيوخ كتيره والله كلامهم عسل و بتحب تسمع لهم الخطبه و يدخل في قلبك على طول
و شكراً يا اسلام للموضوع

وبعدين دى الخطبه ليها اسس وقواعد

اولا بتبدا بالصلاه على الرسول وقول ايه تتعلق بالموضوع دى الخطبه اولى وبعدين الاستغفار والدعاء وبعدين الخطبه التانيه تكون اقصر من الاولى وفيها شرح لحديث عن الرسول عليه الصلاه والسلام

هذا مالاحظته من كتابه جدى رحمه الله لهذه الخطب فكان ازهريا ناظرا للمدرسه التى انا بها ومن مؤسسيها

رحمه الله وجميع المسلمين

مواجهه الجمهور ليست بالسهله يا اسلام باشا

شكر ليكم على ردودكم
بس
الموضوع مغلق
السبب انه قديم واتنشط :)
لا تعليق