بسم الله الرحمن الرحيم

طول عمرنا نسمع عن التهور .. و يقولك ابويك .. لا ييبنى خليك جمب الحيط

متتهورش ده ممكن .. (( و يديك عريضة تحتوى على جميع الامراض و ممكن امراض محصلتش اصلاً ))

متتهورش ده ممكن ... (( تقولك تموت .. و يضربوك او او او ))

حاسس انك مظلوم و لا حد عليك بيلوم .. ماسك سلاح من حديد وصلت للجنون ..

و للاسف مش بنفكر فى الجانب السلبى للخطر .. و ننسى ان مفيش حاجة فى الدنيا مفيهاش او مالهاش ايجابيات

ليه دايماً .. بنفكر فى ممكن بتاعت الابوين .. و ننسى ممكن التانية .. مهو ممكن متموتش و تحقق اللى انت عاوزه .. !

اتحرك بقى يا انسان .. معتش للخطر مكان بينا .. حققنا اللى مش بيتحقق .. هتقولى احنا مش فى زمن المعجزات

هقولك ده بالنسبة لناس .. و فيه ناس تانية بتعمل المعجزات ..

سيبك من المخدرات .. سيبك من القهوة اللى قاعد عليها ..

هتدمر نفسك بأيدك .. و لا حاجة هتفيدك .. هتوصل للنهاية و هتبقى ايه !

ده الشيطان زميلك و اللى عامل صديقك هيضحك عليك !

متعدمتش على مسؤل .. او اى حد يساعدك .. هنسال اى حد عن حال البلد ..

هيقولك " متقلقش يبنى الوضع مسيطرين عليه .. مفيش حاجة البلد كويسة " !

سيبك من التحطيم النفسى و اتحرك .. غير .. ايوه هتغير كتير .. يبنى .. يبنتى اسمعوا كلامى ..

ليه .. بيل جيتش و الناس دى اشتغلوا و نجحوا هل له فص مخى زيادة عنك .. و ربنا هو هو ..

يبنتى سيبك من نهال و سمر خانو .. سيبك من نور .. سيبك من ميرنا .. سيبك من الطرحة الاسبنش .. سيبك من تسريحة انجيلينا .. خلى دماغك اكبر من كده خلى دماغك فى صنع جيل يحطم الحواجز .. ميبقاش فى تحطيم الارقام القياسية فى الماسكرا على وشك .. خليكى جميلة بيتك .. خليكى منجزة عملك .. خليكى عبقرية زمانك ليه لا .. قوليلى سبب وحيد يمنعك .. دينك عمره ما منع منعمل المرأة .. مرات سيدنا نوح كانت تبيع فى ضفائرها .. سيدتنا خديجة كانت تعمل فى التجارة .. السيدة عائشة كانت تعمل فى التمريض ..

ليه انتى تقعدى فى البيت تقشرى فى البصل .. و تتخنى و تموت بالسكر .. زى اى امرأة عادية !!!

صدقونى احنا عندنا كنوز لو اتحركت .. و سابتها من الحيط اللى سانده عليه .. هنبقى فعلاً ارض خرافية و ار عالمية .. تسمى ..

مصر

*للأمانة : يوجد اقتباسات من بعض الاغانى

UsErNaMo
ThAnWyA

موضوع رائع يا امجد

مصر فيها عباقرة والله محتاجه فرصة

ربنا يوفقك ويوفقنا جميعا

لسبب ما لا أدري ما هو العنوان خلاني أضحك

أما بالنسبة للموضوع فهو موضع متميز

لكن!

بالنسبة للتغيير
احنا محتاجين نتغير أحنا الأول قبل ما نطالب غيرنا أنه يتغير لأن أصبحت فعلا مشكلة أن كل واحد شايف نفسه صح وغيره هو اللي غلط ولازم يتغير لكن لا يفكر بتاتا أنه يغير من نفسه الأول وللأسف (مع اقراري بفساد النظام السابق) أصبحت الحكومة شماعة بنعلق عليها أخطائنا

أما بانسبة لعمل المرأة
لا تعليق لدي تتفوق ماشي تمتهن مهن نحتاج إليها فيها مثل دكتورة نساء مفيش مشكلة لكن تعمل لا تعليق

موضوع رائع يا امجد

مصر فيها عباقرة والله محتاجه فرصة

ربنا يوفقك ويوفقنا جميعا


شكراً يا محبة و عندك .. بس هما اللى مفروض ميسيبوش حقهم دلوقتى بقى ليهم صوت مسموع .. يتحركوا .. و مش يتكبروا ... انا سنى صغير اهو و لما لقيت فرصة انى اكتب فى مواقع و اشتغل فى الاذاعه وافقت و متكبرتش و قلت ايه الحاجات دى .. لان الصغير هيكبر .. انما اللى بيتكبر مش هيكبر و هيفضل صغير ..

لسبب ما لا أدري ما هو العنوان خلاني أضحك

أما بالنسبة للموضوع فهو موضع متميز

لكن!

بالنسبة للتغيير
احنا محتاجين نتغير أحنا الأول قبل ما نطالب غيرنا أنه يتغير لأن أصبحت فعلا مشكلة أن كل واحد شايف نفسه صح وغيره هو اللي غلط ولازم يتغير لكن لا يفكر بتاتا أنه يغير من نفسه الأول وللأسف (مع اقراري بفساد النظام السابق) أصبحت الحكومة شماعة بنعلق عليها أخطائنا

أما بانسبة لعمل المرأة
لا تعليق لدي تتفوق ماشي تمتهن مهن نحتاج إليها فيها مثل دكتورة نساء مفيش مشكلة لكن تعمل لا تعليق

ضحكتى عشان الامتحانات قربت فساعات بيتهيالك حاجات بتضحك .. اسالينى انا انا شفت والدى انهارده فضلت اشاور عليه و اضحك عادى بتحصل ... يبنتى المفروض نتغير احنا .. مهو غيرنا .. نتغير و نفوق احنا كمان ..

بخصوص المرأة دى وجهات نظر و انا لست بعلامة دينى لاعرف ^^ ..
ملحوظة : مصر كانت واخده حقنة مخدرات .. و دلوقتى بتتعالج من الادمان .. يعنى بتتغير ,, ياريت .. اللى جواها يتغير بقى ..

أحسنت يا حبيبى ويا ريت كل شباب مصر يفكروا مثل تفكيرك ،ربنا يهدى أولادنا وبناتنا ويوفقهم إلى ما فيه الخير والصلاح ز

شكراً يا محبة و عندك .. بس هما اللى مفروض ميسيبوش حقهم دلوقتى بقى ليهم صوت مسموع .. يتحركوا .. و مش يتكبروا ... انا سنى صغير اهو و لما لقيت فرصة انى اكتب فى مواقع و اشتغل فى الاذاعه وافقت و متكبرتش و قلت ايه الحاجات دى .. لان الصغير هيكبر .. انما اللى بيتكبر مش هيكبر و هيفضل صغير ..



ضحكتى عشان الامتحانات قربت فساعات بيتهيالك حاجات بتضحك .. اسالينى انا انا شفت والدى انهارده فضلت اشاور عليه و اضحك عادى بتحصل ... يبنتى المفروض نتغير احنا .. مهو غيرنا .. نتغير و نفوق احنا كمان ..

بخصوص المرأة دى وجهات نظر و انا لست بعلامة دينى لاعرف ^^ ..
ملحوظة : مصر كانت واخده حقنة مخدرات .. و دلوقتى بتتعالج من الادمان .. يعنى بتتغير ,, ياريت .. اللى جواها يتغير بقى ..

يا سلام يا أمجد ده أحنا كده على 2/7 هنكون اتجننا :wacko::blink::(

أحسنت يا ....... ويا ريت كل شباب مصر يفكروا مثل تفكيرك ،ربنا يهدى أولادنا وبناتنا ويوفقهم إلى ما فيه الخير والصلاح ز

عذرا يا أختي أنا أعلم أنكي لا تقصدي لكن رجاء قومي بعمل تحرير للمشاركة وحذف كلمة يا ..........

أحسنت يا حبيبى ويا ريت كل شباب مصر يفكروا مثل تفكيرك ،ربنا يهدى أولادنا وبناتنا ويوفقهم إلى ما فيه الخير والصلاح ز

شكراً على هذا الاطراء يافندم .. و يوجد مثلى بالكثير و الكثير .. امين .. و شكراً لمرورك ..

يا سلام يا أمجد ده أحنا كده على 2/7 هنكون اتجننا :wacko::blink::(

ياريتها تيجى ع الجنون .. انا بجرى ورا القطة .. و ساعات بمسكها الكتاب و اعمل عبيط .. نعم اختاه .. لقد اصابنا الهطل !

شكراً على هذا الاطراء يافندم .. و يوجد مثلى بالكثير و الكثير .. امين .. و شكراً لمرورك ..



ياريتها تيجى ع الجنون .. انا بجرى ورا القطة .. و ساعات بمسكها الكتاب و اعمل عبيط .. نعم اختاه .. لقد اصابنا الهطل !

هههههههههههههههههه
أنت هتخليني أموت من الضحك معلش أكيد عقلك هيرجع بعد الامتحانات هو بس مزوغ علشان ما يذاكرش :p

شكرا لك اخي الكريم موضوع جميل و هذا ليس بغريب عليك.
ساعات بيكون الحائط نفسه هو المشكلة ممكن يكون عرضه لانهيار.
و اتمني النجاح ان شاء الله لجميع.

موضوع جميل

اكيد احنا اللى هنغير بلدنا ومش ينفع نفضل قاعدين منتظرين اللى يجى ويغير
مش عايزين نقعد نقول احنا اللى عملنا الثورة سنين
زى بالظبط ماقعدنا الاف السنين نقول احنا اللى بنينا الاهرامات
بجد محتاجين نحط ايدينا فى ايد بعض علشان نبنيها تانى
مصر بتخسر كتير اليومين دول
ومع ذلك كل فئة لسه بتفكر فى نفسها وبس
ولا زالت المظاهرات مستمرة
عايزين نبطل انانية وكل واحد يتقن العمل اللى بيقوم به
وتكون مصر فى المقام الاول بعيد عن اى مصالح

بس انا شخصيا متفائلة وحاسة ان مصر هتبقى
من اقوى دول العالم باذن الله:)

شكرا ياامجد عالموضوع
:)
بس ملحوظة :dالبنات مش مشغولة بنور وسمر خانم زى ماهما مشغولين بتمورة ومهند:022yb4:

اولا بحييك على الموضوع الآكثر من رائع
لانه بيحتوى على كذا فكره وفكره
انا حنتكلم أولا عن فكره عمل المرأه,انا مش عارفه ليه الناس رافضين فكره عمل المرأه؟
مع من المفروض ان الجميع يؤيدها
لان انا وانت وهو وهى وكلنا محتاجين عاملها
وانا بقا فيدتى ايه لما اتعلم واتحفح الهم طول فترخ تعليمى والاخره اقعدت فى البيت على رأى أمجد اقشر بصل!
انا اتعلمت حاجه يبقا لازم اشتغل بيها
يااما متعلمش من الآصل
النقطه التانيه،،سؤال محيرنى؟
ليه أهلينا رافضين اننا نجرب ونحاول ونتعلم بنفسنا؟
علشان هما (فاشلوا)فى المراحل دى!
ولا علشان لما ننجح منبقاش نجحنا لوحدنا من غير الرجوع ليهم؟
فعلا سؤال غريب ويحير
والاجابه هنا بقا ,لما أهلى مش بيرضوا يخلونى اجرب (انا بقعد على القهوه مستنى لما بابا يطلع على المعاش علشان اخد مكانه فى الشغل)
ماهو مش عازين اعتمد على نفسى وامشى اجرب واخبط فى الحيط
عايزنى امشى جب (الحيط)
ويرجعوا يقولوا (ده انا ابنى فاشل)
طيب انا عايزه اعرف يا أمجد (العيب فينا ولا فى اهلينا)
اسفه لانى طولت عليك
بس بجد موضوعك فى قمه الروعه والجمال
زى مااتعودنا منك يا أمجد
وربنا يوفقكم كلكم باذن الله

عذرا يا أختي أنا أعلم أنكي لا تقصدي لكن رجاء قومي بعمل تحرير للمشاركة وحذف كلمة يا ..........


أعتقد يا مياه أن الأستاذة رولا فى عمر والدة صديقنا العزيز امجد
وهو حبيب لنا جميعا .. فلا داعى للتمسك بظاهر اللفظ :d

بالنسبة لموضوع أمجد
الموضوع فى الجووووووووول يا أمجد
وبتعجبنى طريقتك فى سرد المواضيع .. لك أسلوب مميز ومنفرد ومختلف
لو شفتلك موضوع .. من غير ما أعرف مين الكاتب .. علطول .. هعرف ان امجد هو الكاتب :d
ودى صفة تنبئ عن شخصية متمكنة لها إستقلاليتها الفكرية
وكمان اللى بنفس الصفة دى ... العزيز محمد حلمى :friendsxs3:
وامشى جنبك الحيط يا أمجد أحسنلك :d
ربنا معاك يا حبيبى ;)
انا ولد ياض :bosyht9:

موضوع جميل

اكيد احنا اللى هنغير بلدنا ومش ينفع نفضل قاعدين منتظرين اللى يجى ويغير
مش عايزين نقعد نقول احنا اللى عملنا الثورة سنين
زى بالظبط ماقعدنا الاف السنين نقول احنا اللى بنينا الاهرامات
بجد محتاجين نحط ايدينا فى ايد بعض علشان نبنيها تانى
مصر بتخسر كتير اليومين دول
ومع ذلك كل فئة لسه بتفكر فى نفسها وبس
ولا زالت المظاهرات مستمرة
عايزين نبطل انانية وكل واحد يتقن العمل اللى بيقوم به
وتكون مصر فى المقام الاول بعيد عن اى مصالح

بس انا شخصيا متفائلة وحاسة ان مصر هتبقى
من اقوى دول العالم باذن الله:)

شكرا ياامجد عالموضوع
:)
بس ملحوظة :dالبنات مش مشغولة بنور وسمر خانم زى ماهما مشغولين بتمورة ومهند:022yb4:




كلامك صح يا حبيبة ^^ ... تمورة و مهند -.- تصدقى انا كده هزعل منك ..

اولا بحييك على الموضوع الآكثر من رائع
لانه بيحتوى على كذا فكره وفكره
انا حنتكلم أولا عن فكره عمل المرأه,انا مش عارفه ليه الناس رافضين فكره عمل المرأه؟
مع من المفروض ان الجميع يؤيدها
لان انا وانت وهو وهى وكلنا محتاجين عاملها
وانا بقا فيدتى ايه لما اتعلم واتحفح الهم طول فترخ تعليمى والاخره اقعدت فى البيت على رأى أمجد اقشر بصل!
انا اتعلمت حاجه يبقا لازم اشتغل بيها
يااما متعلمش من الآصل
النقطه التانيه،،سؤال محيرنى؟
ليه أهلينا رافضين اننا نجرب ونحاول ونتعلم بنفسنا؟
علشان هما (فاشلوا)فى المراحل دى!
ولا علشان لما ننجح منبقاش نجحنا لوحدنا من غير الرجوع ليهم؟
فعلا سؤال غريب ويحير
والاجابه هنا بقا ,لما أهلى مش بيرضوا يخلونى اجرب (انا بقعد على القهوه مستنى لما بابا يطلع على المعاش علشان اخد مكانه فى الشغل)
ماهو مش عازين اعتمد على نفسى وامشى اجرب واخبط فى الحيط
عايزنى امشى جب (الحيط)
ويرجعوا يقولوا (ده انا ابنى فاشل)
طيب انا عايزه اعرف يا أمجد (العيب فينا ولا فى اهلينا)
اسفه لانى طولت عليك
بس بجد موضوعك فى قمه الروعه والجمال
زى مااتعودنا منك يا أمجد
وربنا يوفقكم كلكم باذن الله


اسأفلك يبنتى و الله .. صغيرة بس .. عقلك كبير .. و عندك حق فى كلمة .. لا العيب فى اهالينا .. مش فينا .. احنا جوانا طاقات .. لو الاهل تركولنا الحرية .. هنفرغ الطاقات دى .. اينعم ربنا طالبنا بطاعة الاهل .. بس م معنى كده انى اطاطى ليهم .. لا لازم يكون لى رأيى و عندى فى البيت .. مقدرش اقول لوالدى او والدتى حاجة .. بس دايماً بخش معاهم فى حوارات بخليهم ينحنولى احتراماً .^^


أعتقد يا مياه أن الأستاذة رولا فى عمر والدة صديقنا العزيز امجد
وهو حبيب لنا جميعا .. فلا داعى للتمسك بظاهر اللفظ :d

بالنسبة لموضوع أمجد
الموضوع فى الجووووووووول يا أمجد
وبتعجبنى طريقتك فى سرد المواضيع .. لك أسلوب مميز ومنفرد ومختلف
لو شفتلك موضوع .. من غير ما أعرف مين الكاتب .. علطول .. هعرف ان امجد هو الكاتب :d
ودى صفة تنبئ عن شخصية متمكنة لها إستقلاليتها الفكرية
وكمان اللى بنفس الصفة دى ... العزيز محمد حلمى :friendsxs3:
وامشى جنبك الحيط يا أمجد أحسنلك :d
ربنا معاك يا حبيبى ;)
انا ولد ياض :bosyht9:

حبيب قلبى ^^ .. و بخصوص حبيبى دى خلينا اخوات احسن :P انا مرتبط xD و بخصوص الشعر اللى قلته فيا .. انا هعيط .. و الله انا كل ده .. ^^ و محمد حلمى تلميذى :P :P هو لو موجود هيسب و يلعن فيا دلوقتى .. بس بجد و الله هو حبيبى فعلاً .. و بتعلم منه و بيتعلم منى ^^ ..

ربنا يو فقكم جميعا

ونصف الشعب مروا بالثانوية العامة


مجموعة منهم فقدوا قوة البصر

ومجموعة خرجوا يحدثوا أنفسهم

ومجموعة ثالثة خرجوا ولم يعودوا

ومجموعة رابعة خرجوا من باب المطار العادى وعادوا من باب كبار الزوار

ربنا يوفقكم جميعا

إعدادية وثانوية وجامعات

فأنتم الأمل الحقيقى

كلامك صح يا حبيبة ^^ ... تمورة و مهند -.- تصدقى انا كده هزعل منك ..

.
لا ازعل عادى:p
ماهى الحقيقة بتزعل
انا بس كنت بفطنك:d

لا ازعل عادى:p
ماهى الحقيقة بتزعل
انا بس كنت بفطنك:d

ازعل .. هو انا للدرجة دى حقير :p:p.. بس دى تفاهة .. و كمان انا بركه تامر .. بس بحب تمثيل مهند .. عشان اكون صريح .. بس عندى كريم عبد العزيز ارجل منه ميت مرة .. و اصالة ارجل منه برده ... ! .. و بخصوص بفطنك .. الكلمة دى بكرها عشان صيغة مبالغة و انا عارف كده .. و لما بتجيلى فى الامتحان مبعرفش اطلعها بردو !

ازعل .. هو انا للدرجة دى حقير :p:p.. بس دى تفاهة .. و كمان انا بركه تامر .. بس بحب تمثيل مهند .. عشان اكون صريح .. بس عندى كريم عبد العزيز ارجل منه ميت مرة .. و اصالة ارجل منه برده ... ! .. و بخصوص بفطنك .. الكلمة دى بكرها عشان صيغة مبالغة و انا عارف كده .. و لما بتجيلى فى الامتحان مبعرفش اطلعها بردو !



تسمحلى اعلق على كلامك بطريقه منطقيه شويه!
سؤال محيرنى؟
لما بقول لأصحاب انى مش بحب القرف ده(تامرحسنى)
بيكلمونى على اساس انى مش بنت
على أساس انى شاذه
فى بنت مش بتحب تاموره
الفكره انى بحب الفن علشان الفن مش علشان الشخصيه
وياسلام بقا لو كانت شخصيه سيئه زى استاذ تامر
يبقا الفن ضاع
طيب ليه البنات بتفكر فى (الفتهات )دى
علشان مافيش حاجه تشغل دماغهم غير كده؟
طيب باقى البنات اللى مش بتفكر بطريقه دى
بتتحسب عليهم برضه انهم تفاهين
يعنى انا لما حد يجى يتكلم معاايا بيكلومنى على اساس انى مشغول بتامر والموضه ومهند وتسرحيات الشعر
ليه الناس بتاخد بالجمله ؟
انا ضد ان (الحسنه تخص والسيئه تعم)
سبحان الله
ده فى بنات بتسيب مذكرتها والثانويه علشان تروح تتفرج على حلقه جت وحتيجى 100 مره فى التلفاز
بجد شئ غريب وينرفز

ازعل .. هو انا للدرجة دى حقير :p:p.. بس دى تفاهة .. و كمان انا بركه تامر .. بس بحب تمثيل مهند .. عشان اكون صريح .. بس عندى كريم عبد العزيز ارجل منه ميت مرة .. و اصالة ارجل منه برده ... ! .. و بخصوص بفطنك .. الكلمة دى بكرها عشان صيغة مبالغة و انا عارف كده .. و لما بتجيلى فى الامتحان مبعرفش اطلعها بردو !
اكيد تفاهة
من الاخر ولا تامر ولا مهند الاتنين ازفت من بعض:angry2:
دا رأيى
خد بالك بس من بركه تامر دى:d
هههههههههه
عادى عادى غلطة مطبعية;)

وبخصوص بفطنك دى ان شاء الله هتعرف تطلعها فى الامتحان بعد النهاردة
اساسا دى اكتر صيغة مبالغة بتبقى واضحة
يمكن بس الفطنة بتبقى غايبة عنك فى الامتحان شوية:rolleyes:
ربنا معاك

مهو عشان كده انا عملت الموضوع .. عشان نغير فكرنا و نغير ارضنا .. لازم نسعى للتقدم .. مش للتفاهة اللى كنا فيها نضرب عشان كورة .. تجمعنا كلمة لا إله إلا الله .. و تفرقنا يد الفيفا على رأى الجخ .. انا مش ضد الفن ..

عندنا حليم .. اللى بعشقه .. بسمعه كده بلاقى جسمى قشعر .. و لا انا ان قدر إله مماتى .. لأم كلثوم .. و بسمع بردو تامر عاشور .. مش عيب .. بس بذوق فنى زى ما بيقولوا .. بس رأيك جميل .. و عاقلك ناضج ..

مهو عشان كده انا عملت الموضوع .. عشان نغير فكرنا و نغير ارضنا .. لازم نسعى للتقدم .. مش للتفاهة اللى كنا فيها نضرب عشان كورة .. تجمعنا كلمة لا إله إلا الله .. و تفرقنا يد الفيفا على رأى الجخ .. انا مش ضد الفن ..

عندنا حليم .. اللى بعشقه .. بسمعه كده بلاقى جسمى قشعر .. و لا انا ان قدر إله مماتى .. لأم كلثوم .. و بسمع بردو تامر عاشور .. مش عيب .. بس بذوق فنى زى ما بيقولوا .. بس رأيك جميل .. و عاقلك ناضج ..


علشان كده انا بتمنا ان الكل يدخل موضوعك ده ويقرأ فيه كويس
ويشوف فكرته كويس جدا
علشان أحنا محتاجين تغير ملحوظ
وكفايه شعارات
مش كل واحد شاف حاجه فى غيره
يبقا هو غلط وانا صح
مع انى بكون بعمل نفس الشئ
بس هى بقت كده
شعارات شعارات
نفسى بجد انا وكل البنات نتغير
نبقا أحسن
نبقا مثل مشرف لبنات مصر
ليه مش عارفه بنات مصر مصممين يخسفوا بكلمه (بنات مصر )الارض
ليه ميكنتش طموحهم انهم يبقوا حاجه
ليه ميخدوش أمثله مشرفه قدوه ليهم(غير سمر ونهال)
يارب اهدى الجميع
بجد بشكر بشده على موضوعك المميز ده
وبشكر على رأيك المبالغ فيه ده
تحياتى،

[QUOTE=usernamo;3439433]شكراً يا محبة و عندك .. بس هما اللى مفروض ميسيبوش حقهم دلوقتى بقى ليهم صوت مسموع .. يتحركوا .. و مش يتكبروا ... انا سنى صغير اهو و لما لقيت فرصة انى اكتب فى مواقع و اشتغل فى الاذاعه وافقت و متكبرتش و قلت ايه الحاجات دى .. لان الصغير هيكبر .. انما اللى بيتكبر مش هيكبر و هيفضل صغير ..

متفقة معاك يا امجد مش يتكبروا ولا حاجة بس ما ينفعش طالب هندسة او كلية سياسة واقتصاد ويشتغل فى حاجات بسيطة

فى مهندسين وخريجى كتير عندهم اسس لاختراعات ووالله اتنفذ بعدها بكتير كلامهم وكانوا ممكن يكونوا علماء دلوقتى يشهد لهم الجميع
بس لعدم توافر الامكانات ما قدروش يعملوا حاجة وبقى زيهم زى غيرهم

ربنا يوفقك يا امجد وما تنساش الحزب بقالك كتير ما نزلتش مراجعات هناك

ربنا يوفقنا جميعا

فعلا احنا ماكناش محتاجين نمشي جمب الحيط زي
ما الحاج والحاجه في بيوتنا كانوا بيقولونا احنا محتاجين
نمشي بطريقه تاني بطريقة امشي عدل يحتار عدوك فيك
ايوة لازم نعدل مشيتنا بقي خلينا نمشي بما يرضي الله
وياريت نصلح من نفسنا الاول ونبدا نصلح في الاخرين
ونستثمر عقولنا فيما يفيد اكثر ،، مشكور ع الموضوع الرائع