الحق اراجع الكيميا كلها فى خلال اسبوع ازاى؟؟؟!!! اى حد يقولى [الأرشيف]

مشاهدة النسخة كاملة : الحق اراجع الكيميا كلها فى خلال اسبوع ازاى؟؟؟!!! اى حد يقولى

الجنة امنيتى

24-05-2011, 12:53 PM

ازيكم يا جماعة

انا طالبة فى الصف الثانى الثانوى

عاوزة اعرف ازاى اقدر اراجع الكيميا كلها . بحيث انى اكون ملمة بيها كلها وبكل جزء مهم فيها

مع العلم انى مش راجعتها قبل كدة

هل هينفع ولا مش هينفع؟

ياريت لو ينفع حد يقولى اعمل ايه؟

وربنا يوفقنا يارب

1.2.3

24-05-2011, 04:52 PM

الله اعلم كان لازم تزكر من الاول ولو جزاء بصيت

Twilight2011

24-05-2011, 05:30 PM

انا شايف ان الوقت يعتبر متأخر وخصوصا ان الوقت ده كان المفروض انه بتاع اللغة العربية _ العقبة الوحيدة اللى فى طريقي بنسبة 20% _ بس كل شئ ملحوق عليه ....
تقدري تذاكري كل يوم باب فى ساعتين واهم حاجة تحلي عليه الاسئلة بتاعت كتاب المدرسة بالذات ودليل التقويم بعدها

محمد عبد السلام عواد

25-05-2011, 01:35 AM

القرار قرارك يا ( الجنة أمنيتي) وعلى قدر القرار يكون الإجتهاد

hazemhosny

25-05-2011, 03:42 AM

لو عايزة رأيى
لو انت مصممة بجد انك تخلصيها
والله هتخلصيها بس الارادة
بس مفيش حاجة اسمها عارفة كل حاجة عمرها ما هتحصل حتى مع الى بيذاكر طوال السنة
لازم يبقى فى حاجة اعلى من كل حاجة عالية

m-elnady

25-05-2011, 06:28 AM

bosy wlahy ana lw mnk azkr al bab al 1 2 3 fe yom we al 4 5 fe yom we 6 yom we al 7 yom we al b2y kmea 3dway dh lw ana mnk we b3den anty s**** al sna dy kolha fen 7ram dy snwya 3ama mesh hzar

el.magic4444

25-05-2011, 10:36 AM

السم عليكم ورحمة الله وبركاته
لقد شاهدت الموضوع وقرأت ما فيه بعناية وعزمت ان اعرفك طريق البداية
الموضوع عايز اولاً وقبل كل شئ الأعتماد علي الله
ثانياً : طريقة مذكرة الكيمياء في اسبوع
اليوم الأول
الفصل الأول والثاني ثم تحلي اسئلة علي البابين بحيث كل باب يأخذ من الوقت ساعتين ساعة مذكرة وساعة حل اسئلة
اليوم الثاني
الفصل الثالث والرابع ثم تحلي اسئلة علي البابين بحيث كل باب يأخذ من الوقت ساعتين ساعة مذكرة وساعة حل اسئلة
اليوم الثالث
الباب الخامس ثم تحلي اسئلة يأخذ من الوقت ساعتين ساعة مذكرة وساعة حل اسئلة
اليوم الثالث
الفصل السادس تحلي اسئلة يأخذ من الوقت ساعتين ساعة مذكرة وساعة حل اسئلة
اليوم الرابع
الفصل السابع تحلي اسئلة يأخذ من الوقت ساعتين ساعة مذكرة وساعة حل اسئلة
اليوم الخامس
الجزء الأول من الكيمياء العضوية تحلي اسئلة يأخذ من الوقت ساعتين ساعة مذكرة وساعة حل اسئلة
اليوم السادس
الجزء الثاني من الكيمياء العضوية تحلي اسئلة يأخذ من الوقت ساعتين ساعة مذكرة وساعة حل اسئلة
اليوم السابع والأخير
تحل امتحانات السنوات الي فاتت
واخيرا بالعزم والأرادة يكون الصعب سهل التوكل علي الله هو اهم شيئ في الحياة
مع تحيات احمد el.magic4444 ياهوو

eslam2522

25-05-2011, 11:05 AM

لو عاوزة تلحقي تلمى الكمياء ممكن تلميها بس الاهم من انك تلميها انك تبعدى عن اى كتاب خارجى ومتضيعيش وقتك في الكتاب الخارجى لانه سعات بيزود حجات كتيرة وبالذات في الباب السادس في المسائل وانت احسن حاجة تذكري من كتاب المدرسة وتحلى اسئلته هو ودليل التقويم ولو مش مصدقانى هاتى امتحان 2010 وحولى تحليه من كتاب المدرسة هتلاقى كل حاجة موجودة في كتاب المدرسة ودليل التقويم

الجنة امنيتى

25-05-2011, 12:14 PM

الجنة امنيتى

25-05-2011, 12:18 PM

منة2010

25-05-2011, 06:25 PM

انا عايزه اقولك حاجه مش ممكن طالب ثانويه عامه وعلمى يكون مش مذاكر الكيمياء ولاحتى مره واحده بس ونصيحه منى ليكى اوعى تكونى بتفكرى تسيبى الكيمياء لانه امتحانات السنه دى ان شاء الله ساهله دى نصيحه من اختك
بس اول حاجه لازم تعميليها لازم تكونى بتصلى وبتقرئى قران ولو صفحه واحده كل يم
اولا الباب الاول والثانى ياخذوا يوم بحل اسئلة الدليل واليوم الثانى الباب الثاث وحل اسئلة الدليل وان شاء الله يفضل معاكى وقت وتذاكرى شويه فى الرابع واليوم الثالث تكملى مذاكرة الرابع ةتحلى الدليل وتذاكرى الخامس اليوم الرابع تحلى الدليل على الباب الخامس وانشاء الله يفضل معاكى وقت وتذاكرى السادس ،اليوم الخامس تحلى الباب السادس دليل وتذارى الباب السابع ،اليوم السادس تحلى الباب السابع دليل ،اليوم السابع والوقت اللى حيفضل فى اليوم السادس تذاكرى الباب التاسع والفتره اللى قبل الكيمياء فى الامتحانات تحلى امتحانات وربنا يوفقك
نصيحه الايام دى تنامى فيها الساعه1 ص وتصحى الساعه 4ص علشان تقدرى تخلصى
ابقى طمنينى وقوليلى عاملتى ايه

el.magic4444

25-05-2011, 08:25 PM

اشكرك علي الرد علي موضوعي يا ( الجنة أمنيتي )

المحب 15

26-05-2011, 01:24 AM