بسم الله الرحمن الرحيم

طبعاً كلنا عارفين ان ظاهرة (( الرجولة )) قلت هذه الايام .. فقليلاً ما تجد رجلاً .. لكن كثير ما تجد ما امرأة !

و طبعاً المواقف هى اللى بتدل و بنشوف نوعيات يندى له الجبين .. (( لو جدع تقولى مفرد الجبين ايه عشان انا هموت و اعرفه لان شكلها جمع ! ))

المهم .. من احد المواقف تلاقة ولد تكلمه و يقولك ..

انا بابى جابلى العربية امبارح بس اووووووه فيها دبوب كبير شبه Pooh
و مش اقلك بقى كمية الباربيهات اللى جبتها .. و البنت حبيبتى قالتلى عليها كامده اخر زريليون حاجة ..
يوه بقى نسيت ميعاد مع كوكو .. يلا شاااااااااااااو !

و طبعاً ده مثال يحسسك بالغثيان .. و طبعاً + انك تقوم تضرب نفسك بالجزمة عدة مرات عشان تفوق .. او تروح تشرب خمرة و العياذ بالله عشان تنسى اللى انت شفته ...

نيجى لمثال تانى ..

اللبس ... ! تلاقى واحد لابسلك تى شيرت احمر بترتر و بنطلون بمبى ضيق ! (( و ممكن يلبس كارينا عشان تبقى كملت )) و يرزعلك كونفيرس احمر خطير .. و مكتوب على التيشيرت من قدام (( Am Not A Man )) و تلاقى الواد فرحان و يفل فاتحلك صدره كده ع الكلمة و اللى ماشى يقولى بص بص مكتوب ايه .. هع هع هع !

و مثال تالت !

و لا واحد تانى .. بياكل علقة موت كل يوم من عيال و اطفال الشارع و يطلع لمراته تقوله حمدالله ع السلامة احضرلك الغدا .. يقولها و كمان بتشتمينى .. تقوله انا بقولك الغدا ... و كمان بتكرريها .. طب خدى طاخ طرااااااخ .. و عليا الطلاق بتلاتة لو قلتيها تانى .. لاكون مطلقك ! و ده طبعاً مش راجل .. لان بيستقوى عل الغلبانة اللى مستحمله ضعفه !

الرجولة راحت فين يا بلد .. شباب الثورة ماتوا فى الثورة واللى اتبقوا .. عيال تيــــــــــــــــــت ولا ايه ؟؟

استرجل يا اخ .. و استعمل اللغة الصح

استرجل يا اخ ... و اعتمد ع نفسك مش على ببا

استرجل يا اخ .. و البس راجل .. فى زمن احتشام الرجال و تبرج النساء

استرجل يا اخ .. و متستقواش ع مراتك .. لانها جوه نفسها .. انت يا حبيبى مش راجل !

استرجل ... يلا .. و خليك راجل !

UsErNaMo
ThAnWyA

بجد يا امجد
كل مواضيعك قمه فى الجمال والروعه
وطبعا انا سعيده بانى اول من رأى الموضوع
واول من رد على الموضوع
طبعا انت كل كلمه قولتها صح الصح
بس مش نقدر نقول ان مافيش راجله فى البلد
لا طبعا فى
بس قله قليله
بالنسبه لموضوع اللبس
انا كل ماامشى فى الشارع بشوف شباب مثل سئ للشباب المصرى
شعره 3 متر والبنطلون الاحمر المتسقط والتى شرت اللى عليه كلمات غريبه
وكمان لغتهم بقت صعبه اوى
وكمان عجبنى اوى الموقف اللى انت ذكرته بتاع الراجدل ومراته ده
يعنى هو متهزء من خلق ربنا ويجى يفترى على العبانه دى
سبحان الله
ربنا يهدى
بجد يا امجد موضوع جميله جدا
ومشكله مهمه جدا جدا ولازم الكل يتكلم فيها
شكرا يا باشا على الموضوع

فعلا كلمة الرجولة احيانا بشعر وكأنها اصبحت مجرد كلمة
من غير ماتكون واقع موجود وملموس
والمواقف ال انت ذكرتها بنقابلها فعلا
ويمكن ازيد عليها طريقة الوقفة والمشية
لاني اذكر من فترة كنت واقفة مستنية العربية
وبصيت جنبي فجأة لقيت شاب واقف بشكل انا شخصيا استفزني
الولد كان واقف زي وكأنه بنت مدلعة وخايفة حد يقربلها
والله كان هاين عليا اخبطه بالشنطة ال فايدي واقلو اتعدل لو سمحت
بس خوفت اخضه ولا حاجة ولاتجيلو سكتة قلبية :d
لكن اعتقد ان الشباب لسة فيه الامل وفيه رجالة بجد
وان شاء الله يكون الجاي احسن وحالنا يتعدل
واتمنى ان الاسر تاخد بالها من نقطة تربية الولد وازاي نطلعه راجل
مش مجرد ولد وخلاص لان طريقة التنشئة ليها عامل مهم
لاني احيانا بشوف اولاد صغيرين واشوفهم وكأنهم رجالة فعلا
والعكس صحيح وطبعا الشباب نفسه يخليه راجل يعتمد عليه
موضوع رائع جدا ودمه خفيف كالعادة
جزاك الله خيرا وربنا يوفقكم

طبعاً كلنا عارفين ان ظاهرة (( الرجولة )) قلت هذه الايام .. فقليلاً ما تجد رجلاً .. لكن كثير ما تجد ما امرأة !اسمحلى حضرتك اعترض على الجملة دى
الـــرجــولــة صـــفــة مــش نـــوع
و من جملة ( قليلا ما تجد رجلا لكن كثير ما تجد امرأة )
فهمت بكدة ان الرجل طباق للمرأة
وبما ان الموضوع بيتكلم عن صفة الرجولة مش نوع معين من البشر
يبقى مينفعش نخلى المرأة تضاد للرجل
لان الرجولة صفة و مش كل الولاد رجاله و برضو مش كل النساء مش رجالة !!


انا بابى جابلى العربية امبارح بس اووووووه فيها دبوب كبير شبه Pooh
و مش اقلك بقى كمية الباربيهات اللى جبتها .. و البنت حبيبتى قالتلى عليها كامده اخر زريليون حاجة ..
يوه بقى نسيت ميعاد مع كوكو .. يلا شاااااااااااااو !

و طبعاً ده مثال يحسسك بالغثيان .. و طبعاً + انك تقوم تضرب نفسك بالجزمة عدة مرات عشان تفوق .. او تروح تشرب خمرة و العياذ بالله عشان تنسى اللى انت شفته ...على ما اعتقد ان الغلط مش من الشخص دا لوحده
الغلط واقع على المجتمع كله لان الناس بتميل الى اضفاء مكانه اعلى على من يستهلك اكتر و بكدة تحول الاستهلاك رمز للمكانه و الاستهلاك قيمة فى حد ذاته وشراء الكماليات بقى اهم من الاساسيات ودى حاجة مقر بها فى علم الاجتماع انها من سلبيات العولمة
فالبتاع دا لما بيقول كدة اللى حواليه بيحسسوه انه احسن منهم
لكن لو هما بيحسسوه انها حاجة وحشة وتفاهه مش هيعمل كدة
او على الاقل لو حاجة زى دى حصلتله بالفعل هيتحرج يقولها
لكن العكس هو اللى حاصل

لازم نظبق مع واحد زى دا عبارة
(الرد على السفيه تجاهله)
اللبس ... ! تلاقى واحد لابسلك تى شيرت احمر بترتر و بنطلون بمبى ضيق ! (( و ممكن يلبس كارينا عشان تبقى كملت )) و يرزعلك كونفيرس احمر خطير .. و مكتوب على التيشيرت من قدام (( Am Not A Man )) و تلاقى الواد فرحان و يفل فاتحلك صدره كده ع الكلمة و اللى ماشى يقولى بص بص مكتوب ايه .. هع هع هع ! ههههههههه
الحمد لله انه عارف انه not a man

الرجولة راحت فين يا بلد .. شباب الثورة ماتوا فى الثورة واللى اتبقوا .. عيال تيــــــــــــــــــت ولا ايه ؟؟فعلا الرجولة بقت شحه اوى اليومين دول
و كان ايام الثورة كنت بقعد اقول اموت واعرف الملايين اللى فى التحرير دى و اللى فى المحافظات التانيه عايشين فين دول .. انا كل اللى بشوفهم فراااااافير
نادرا لما يبقى فى حد كويس
ميجمعوش الملايين دى ابداااااا

بس برضو مننكرش ان فى ناس كتير جدا بقت كويسه بعد الثورة وبقت مصر عندهم هى المقام الاول
استرجل يا اخ .. و البس راجل .. فى زمن احتشام الرجال و تبرج النساء مش فاهمة
:(

وبجد الموضوع جميل جدا ومخزاه رائع
تسلم ايد حضرتك
بس كمان مش الولاد بس اللى يسترجلو لاء البنات كمان
وقبل دا كله نفهم معنى صفة الرجولة الاول و بعدها نطبقها تطبيق صح
و نفسى بجد مصر تبقى مملؤة بالناس الكويسه ويبقى هم الاغلبيه مش الاقليه زى ما انا شايفه
و شكرا جدا عالموضوع الجميل دا واللى اتمنى انى الاقيه بيتنفذ على ارض الواقع بشكل كبير

والله يا أمجد المشكلة في كل الناس
أنا في مرة كنت في المدرسة (مع العلم أنها مدرسة بنات) فجأة لقيت شاب قرب عليا لابس سلسلة وبالعافية التيشيرت محصل كمر البنطلون وأكيد الكل عرف مكان البنطلون ........
المهم لقيته جي يكلمني فرحت مدورة وشي فهو خاف وبعد
تخيل أصحابي يقولوا لي حرام عليكي خوفتيه المفروض نوري الناس أن أحنا بنعامل الناس أحسن معاملة
فالمصيبة أن في بنات دلوقتي بيعجبها الوضع ده
بس أنت كل شوية بتفكرني أن لسه في ناس كويسين

لانا بس عايز اوضح .. انا الاكسسوارات اللى ولد بيلبسها مش كلها وحشة .. يعنى مثلاً الخاتم .. عادى طالما فضة ! .
-. و كمان حاجة .. الشعر يا عزة مش لازم يكون تلات متر يعنى .. انا شعرى طويل اهبب ايه فى حياتى انا .. دى تبع الجينات زى الشعر الناعم و الشعر الخشن و كده ! .. بس بحاول اخليه رجولى اكثر و بتجنب التسريحات اللى اشباه الرجال بيعملوها ... و شكراً عزة على مرورك الجميل
-بخصوص نقاء شكراً ع الاطراء الجميل ده ^^.. و عدنك حق فى كل كلمة قلتيها ^^ ..
- و بخصوص شيماء .. الرجولى تقال للرجل يا شيماء . البنت المسترجلة تضيع منها صفة الانوثة (( اللى هى عكس الرجولة )) .. انا عن نفسى لما هتجوز مثلاً مش هروح اجوز واحد تبقى اخويا ! .. لا لازم جنون المرأة و رقتها و دلعها و انوثتها ! .. لان من غير كده مش هتبقى مرأة .. هتبقى راجل .. !و شرفنى مرورك .. و كلام الباقى صائب ^^
- و المياة اللى بتنورنى فى جميع موضوعاتى و مشرفنى مرورها ... ده ترقعيه قلم وصاية يا ماما مش تمشى و بس عشان يحرم يعمل كده مع غيرك ! ... و امثاله كتير خصوصاً اللى بيستنوا قدام مدرسة ام الابطال بنات .. و مدرسة جمال عبد الناص .. فهمانى طبعاً .. بس البنات هى اللى بتطوعهم ^^!

جميل يا أمجد بس خليك فاكر(لعن الله الرجال المتشبهين بالنساء )
انا قصدى اذا كانت طبيعه شعرك انه بيطلع بسرعه يبقا مش تسيبه زى البنات(اسفه فى التشبيه طبعا)
لكن انا بستحقر الشباب دول أوى
دول بجد تفهين جدا وكل تفكرهم فى الجيل والبنطلون المستقط لا والبيت دى واختها وبنت عمها
ومشيت مع مين وكلمت مين
وهما فاكرين انى دى الرجوله
انه لما يكلم عشر بنات فى وقت واحد يبقا كده راجل
نفسى اعرف فين بابا فى الوقت ده
لما يسيب ابنه ماشى مع بنات الناس تحت مسمى الرجوله
ولا يقول خد يا حبيبى فلوس جيب بيها بنطلون بمبى وسقطه
لا حوه ولا قوه الا بالله
ربنا يهدى الجميع
جزاك الله خيرا يا امجد على الموضوع الجميل

- و بخصوص شيماء .. الرجولى تقال للرجل يا شيماء . البنت المسترجلة تضيع منها صفة الانوثة (( اللى هى عكس الرجولة )) ..

اللى فهمته من الموضوع ان حضرتك بتتكلم عن صفة الرجولة وليس جنس الرجال
و اقل معنى ممكن نقوله لتوضيح معنى صفة الرجولة انها الشهامه والمروءه في اجلى معانيها و هي ان تعطي كل ذي حق حقه وهي الاخلاق الكريمه والمعامله الحسنه
و على ما اعتقد ان الصفات دى مش مفروضة على الولاد فقط و لكن على البنات ايضا
دا المعنى اللى اقصده لرجولة البنت
مش المعنى اللى حضرتك فهمته
وشكرا

موضوع تحفة
اكيد اللى انت بتتكلم عنهم دول
مش بيشربوا بيريل :d
هقولك على حاجة
الذكور كثيرون لكن الرجال اصبحوا قلة
والقلة دول لهم كل احترام وتقدير
الشاب اللى يلبس البادى الفوشيا والموف اللى لازق عالجسم ده ليس رجل
واللى يغيظ انهم مش بيعجبهم البنات لما يلبسوا الالوان دى ويروحوا هما يقلدوهم
دنيا عجب;)
لما يبقى ماشى بسلامته حاططلى الهاند فرى وعمال يتمايل مع الاغنية وياعينى هيغمن عليه من الرومانسية
ببقى عايزة اديله الم :stickjo4::stickjo4:
وصلت انهم بيلبسوا البنطلونات الامريكان:bosyht9:
طيب اقولك على موقف حصل كان هيجننى :028ja7:
كنت مع ماما بنشترى حاجات وبعدين الشاب اللى واقف صوته بناتى خالص
انا كل ما يتكلم ابص ملاقيش بنات غيرى انا فى المحل الاقيه هو اللى بيتكلم
بعدين يقول لماما ايه" ياريتنا كنا بنات":d:d
صراحة استفزنى جامد وخفت نشترى منه حاجة

يللا بقى الله يسهلهم
شكرا عالموضوع
صحيح مبروك ياامجد عالقسم اللى خرج للنور:)

الموضوع جميل ..
بس دايما تلاقي كل واحد بيتكلم عن الغلط و بينقد و مش بيشوف نفسه ..
و تلاقي الشباب " السيس " دول يقولولك خليك يارجل يا عم و هما اساسا :d

تخيلوا اللى بينزل البنطلون ده و يعمل شعره مش عارف ازاي و يلبس فوشيا و يآكل لبانة وكوتش أخضر او احمر ..
تخيلوا مثلا لو راح يخطب " واحدة محترمة " علشان هما بيقولوا البنات اللى زيهم بتوع " مشي " وبس ..
تخيلوا لو راح كده هترضي بيه ؟؟ ...
أكيد هتلاقيه ظبط شعره و لبس لبس محترم علشان يروح " لواحدة " هيخطبها ..
يعنى المفروض يراعي ربنا فى لبسه و تصرفاته و يعمل حساب ان ربنا شايفه فى كل الاوقات مش فى وقت معين بس ..


و بالنسبة لكلمة " رجــولة "
إذا ورد لفظ الرجل في القرآن الكريم والسنة ولم يرد دليل على اختصاص الرجل بالحكم، فالأصل دخول النساء في الحكم مع الرجال لقوله صلى الله عليه وسلم : (إنما النساء شقائق الرجال). [رواه الترمذي وصححه الألباني]. فحديث السبعة الذين يظلهم الله في ظله يوم لا ظل إلا ظله جاء فيه السبعة بلفظ

رجل، ومع ذلك فهذا الحديث يشمل الرجال والنساء، فمن النساء من سيظلهن الله في ظله يوم لا ظل إلا ظله.



...

يعنى أحيانا كلمة " رجولة " بتبقى صفة يشترك فيها النساء و الرجال .. و هذا لا ينفصي أنوثة المرأة بكل تأكيد :)

استرجل .... إشرب بريل

http://www.shbaboffline.com/up/uploads/images/domain-65e743df0b.jpg


خليك راجل

طبعاً كونك بتشرب بريل

مش هيه دي الرجولة الحقيقية

الرجولة الحقيقية

هي

كلمة شرف وموقف عز !

الرجولة

هي

البذل و العطاء و التضحية و الفداء

الرجولة

هي

أن تحسن إلي من أحسن إليك
ولا تسئ لمن أساء إليك

الرجولة

هي

أن تحترم الآخرين وتحترم وجهات نظرهم
ولا تستصغر شأنهم ولا تسفه آرائهم

الرجولة

هي

أن تقول الحق وتجهر به ولاتأخذك فيه لومة لائم

الرجولة

هي

أن تعطي كل ذي حق حقه

الرجولة

هي

الشهامة و المروءة في أجلي معانيها

الرجولة

هي

الأخلاق الكريمة و المعاملة الحسنة

الرجولة

هي

أن تحب لغيرك ما تحب لنفسك

الرجولة

هي

إنصاف المظلوم من الظالم

الرجولة

هي

أن تعرف قدر نفسك فلا تتجاوز بها الحد

الرجولة

هي

أن تعفو عند المقدرة و أن تمسك نفسك عند الغضب

الرجولة

هي

أن تمسح بيد حانيه دمعة ألم عن وجه بائس

الرجولة

هي

أن تنام مرتاح الضمير قرير العين غير ظالم

احم احم احم
نحن هنــــــــــــــــــــــــــــــــــــــا:022yb4:
................................................
ربنا يهدي ونرجع لتعاليم ديننا الذي من ضمنه
مقولة سيدنا عمر بن الخطاب رضي الله عنه علموا اولادكم الرماية والسباحه وركوب الخيل
مش المياصه وقله الادب والخيابة وتسقيط البنطلون والدلع زياده اوي عن اللزوم:mad::mad:
ونذكر ايضا حديث رسولنا صلي الله عليم وسلم
((علموا اولادكم الصلاة وهم ابناء سبع واضربوهم وهم ابناء عشر))
هذه تعاليم ديننا وفيها الكثير والكثير ولكن بعدنا عن الدين يعطي لنا النتائج التي
ذكرتها يا امجد
مشكور حبيبي ع الموضوع فهو اكثر من رائع تقبل عظيم تحياتي:078111rg3:

فعلا موضوع مهم وظاهرة انتشرت بكثرة اليومين دول
كل الامثلة التى ذكرتها موجودة حوالينا كتير بس
هى بترجع لغياب الوازع الدينى وكمان تنشئة الاسرة
منذ الصغر .. وحقيقى الواحد بيخجل من ظاهرة اللبس
المنتشرة حاليا هى ضد دينا واخلاقنا لكن عقول معظم
الشباب لا تسعى الا للتشبه بالغرب فقط ..
اما موقف الرجل مع زوجته ما هو الا تعويض للنقص الذى
يشعر بيه .. فهى متنفسه الوحيد لاظهار ما يفتقده ..
جزاك الله خيرا على الموضوع المميز ..
ربنا يوفقكم فى الامتحانات ان شاء الله ..

والله يا أمجد انت دماغ
بص يا أمجد .. طبعا لسه فيه رجاله .. ورجاله أوى كمان
بس انت دور عليهم فى المكان المناسب
واخلاق الرجولة مش قاصرة على الرجل بس ... والمرأة كمان .. ممكن تبقى راجل
الرجولة هى الجدعنة .. الشهامة .. الشجاعة فى الحق .. الحنان دون ضعف ... الأحتواء .. الثقة بالنفس .. الإعتذار عن الاخطاء .. الصدق وقول الحق ... الكرم .. النخوة .. الغيرة .. إلخ
يعنى الرجولة سلوك .. مش مظهر
يعنى ممكن تلاقى راجل بشنبات.. ومش راجل .. وتلاقى ست ( ههه بشنب برده ) وراجل
الرجولة موجودة وإن كان صعب الحصول عليها ...

مش عارف ليه عايز احكليك على موقف
من كام شهر كده .. واحد صاحبى كان انتقل المنصورة وبعدين رجع تانى القاهرة .. واتصل بيا
وقالى عايز أقابلك يا هانى .. واتفقنا على المكان اللى هنتقابل فيه .. وكده
جيت نزلت .. ورحت المكان اللى اتفقنا عليه .. وقعدت انتظر
لقيت واحد جاى يسلم عليا .. وشكله غريب جدا .. وبيقولى انا مصطفى
هههههه والله طلعت الموبايل واتصلت عليه عشان أتاكد .. إذا كان هو و لأ
مصطفى دا .. كان لابس بنطلون أحمر بيلمع .. وتشيرت أصفر قصير .. وعمال شعره بطريقة غريبة كده .. وكمان صابغ شعر دقنه .. وحواجبه .. تخيل
والله أنا كنت مكسوف وانا قاعد معاه
والمصيبة كمان .. إنه لما كان بيقعد .. كان التيشرت بيترفع على ضهره .. احم احم .. وضهر كله يبيان .. وكمان ايه .. لا بس البتاع دا اللى تحت البنطلون .. ولون أخضر فاقع .. ورافعه فوق البنطلون ..!!
ههههههه انا كنت هتجنن وكان نفسى أخده قلمين .. وأقوله استرجل ياض ..هههههه
انا اللى تعبنى جدا .. غن مصطفى دا قبل ما ينزل المنصورة .. كان راجل جدا ...
مش عارف المنصورة عملت فيه ايه بس ..!
بس برده .. انا امى من المنصورة .. واعرف المنصورة كويس .. وشباب المنصورة معظهم رجالة

بص انا هقولك كلمة ابن عمى الصغير أوى
كل ما أسئله على حاجة .. يقولى دور عليها فى كيس قبلظ
هههه دور عليها يا أمجد .. يمكن تلاقيها

مشكور على الموضوع الجميل .. وأسف على الإطالة

انا راى غريب شويه بس معلش استحملوا يعنى ..انا من وجهه نظرى ان الظاهر مش يحدد الباطن يعنى انا حصل معايا موقف لقيت واحد ما شاء الله مربي داقنه و ملتزم فوق الوصف و صوم اتنين و خميس و حاجات من ديه معايا فى الدرس و بيقطع الدرس عشان يقوم يصلى و كده و طبعا المستر يقعد يشكر فيه و فجأه الاستاذ المتدين يطلب انه يصاحبنى !!!! لا بجد ما شاء الله يعنى الى بيعمله ده كله لمجر اننا نقول عليه ده ملتزم و متدين و ابن ناس و هو اساسا منافق و لما صارحته و قلت له على حقيقته طلع على اشاعات لا توصف يعنى كمان وقاحه .
الموقف تانى ايام امتحانتى المراقبه منقبه قلت الحمد الله اصل من وجهه نظرى ان الانسان لما بيتنقب يبقى عمل كل الفروض ربنا و كمان السنن يبقى بجد انسان مثالى لكن اكتشفت انها شخصيه لا تستحق لقب مسلمه بوظت اللجنه لكها غش و كلام منتهى قله الادب انها تقوله لبنات و لما رحت اشتكيها للمديره قعدت تحلف تحلف تحلف انها لجنتها محصلش فيها غش و انها انسانه عظيمه بس ربنا فاضحها بالصدفه و المديره اكتشفت انى انا الصح و الحمد الله ودت المنتقبه ديه فى ستيتن داهيه ..
بعد المواقف ديه حلفت انى مش اخد فكره على الانسان من لبسه او ظاهره ..انا ماما مدرسه انجلش لثانوى و عندها مجموعه طلاب بما يطلق عليهم لقب سيس و كول بس والله العظيم منتهى الادب و الاحترام محدش فيهم بيكلم بنت بطريقه قليله الادب كله فى حدود الزماله .. بس انا موافقه ان واحد يلبس براحته بس لكل حاجه حدود يعنى مش يبقى ملفت و اوفر يعنى انا بكره جدا الولد الى يلبس بنطلون سكينى ضيق ..يعنى شكلهم مقزز بصراحه مع احترامى للى بيعمل كده بس المنظر مش حلو يعنى البس بنطلون بس مش ضيق و اوحش انى شفت واحد لابس بنطلون لونه احمر ..انا اقصد ان الواحد مش يزودها يعنى البس ابقى شيك و كول بس بحدود و احترام و برده مش لازم تبين للناس انك محترم و مؤدب و لبسك لبس راجل و انت مجرد لقب ذكر بس فى البطاقه يعنى البس مش بيحدد شخصيه الانسان و عندى اعتراض بيسيط على زمن احتشام الرجال و تبرج النساء !!! ..اسفه انى رغيت و طولت كتير بس الموضوع عجبنى

انا راى غريب شويه بس معلش استحملوا يعنى ..انا من وجهه نظرى ان الظاهر مش يحدد الباطن يعنى انا حصل معايا موقف لقيت واحد ما شاء الله مربي داقنه و ملتزم فوق الوصف و صوم اتنين و خميس و حاجات من ديه معايا فى الدرس و بيقطع الدرس عشان يقوم يصلى و كده و طبعا المستر يقعد يشكر فيه و فجأه الاستاذ المتدين يطلب انه يصاحبنى !!!! لا بجد ما شاء الله يعنى الى بيعمله ده كله لمجر اننا نقول عليه ده ملتزم و متدين و ابن ناس و هو اساسا منافق و لما صارحته و قلت له على حقيقته طلع على اشاعات لا توصف يعنى كمان وقاحه .
الموقف تانى ايام امتحانتى المراقبه منقبه قلت الحمد الله اصل من وجهه نظرى ان الانسان لما بيتنقب يبقى عمل كل الفروض ربنا و كمان السنن يبقى بجد انسان مثالى لكن اكتشفت انها شخصيه لا تستحق لقب مسلمه بوظت اللجنه لكها غش و كلام منتهى قله الادب انها تقوله لبنات و لما رحت اشتكيها للمديره قعدت تحلف تحلف تحلف انها لجنتها محصلش فيها غش و انها انسانه عظيمه بس ربنا فاضحها بالصدفه و المديره اكتشفت انى انا الصح و الحمد الله ودت المنتقبه ديه فى ستيتن داهيه ..
بعد المواقف ديه حلفت انى مش اخد فكره على الانسان من لبسه او ظاهره ..انا ماما مدرسه انجلش لثانوى و عندها مجموعه طلاب بما يطلق عليهم لقب سيس و كول بس والله العظيم منتهى الادب و الاحترام محدش فيهم بيكلم بنت بطريقه قليله الادب كله فى حدود الزماله .. بس انا موافقه ان واحد يلبس براحته بس لكل حاجه حدود يعنى مش يبقى ملفت و اوفر يعنى انا بكره جدا الولد الى يلبس بنطلون سكينى ضيق ..يعنى شكلهم مقزز بصراحه مع احترامى للى بيعمل كده بس المنظر مش حلو يعنى البس بنطلون بس مش ضيق و اوحش انى شفت واحد لابس بنطلون لونه احمر ..انا اقصد ان الواحد مش يزودها يعنى البس ابقى شيك و كول بس بحدود و احترام و برده مش لازم تبين للناس انك محترم و مؤدب و لبسك لبس راجل و انت مجرد لقب ذكر بس فى البطاقه يعنى البس مش بيحدد شخصيه الانسان و عندى اعتراض بيسيط على زمن احتشام الرجال و تبرج النساء !!! ..اسفه انى رغيت و طولت كتير بس الموضوع عجبنى


ما تحدثتى عنه فى اول تعقيبك .. هو ظاهرة التدين الظاهرى
وفى الجزء الثانى من تعقيبك .. لا شك ان الرجولة سلوك لا مظهر
لكن هناك مظهر يدل على مخبر صاحبه ولو بشكل ضمنى
الوسطية هى الحل

ما تحدثتى عنه فى اول تعقيبك .. هو ظاهرة التدين الظاهرى
وفى الجزء الثانى من تعقيبك .. لا شك ان الرجولة سلوك لا مظهر
لكن هناك مظهر يدل على مخبر صاحبه ولو بشكل ضمنى
الوسطية هى الحل

ما ده الى قلته يا استاذ هانى يعنى الواحد يكون شيك و كول يعنى شبابى بس بحدود معينه ..خير الامور الوسط ..

يعنى مش يكون الواحد فى زمن عبد الحليم و لبس البدل فى عز النهار و لا يكون فى زمن مستر تيمو ساموزين و يفتح لى القميص و يوقع البنطلون كده يبقى تعدى الحدود ..يعنى ممكن يبقى شيك و يلبس كلاسيك او كاجول و محترم بس الاهم من ده برده يكون من جوه الى حد ما كويس مش لازم مثالى بس كويس ..يعنى مش يلبس عباءه التدين عشان حد يقول عليه متدين ... شكرا لردك

يا جماعه انا مقصدتش .. منا بلبس بردو لبس شيك و بلبس اكسسوارات .. بس فى حدود اللياقة .. يعنى ملبسش بنطلون احمر و اقول انا كده راجل .. انا ابقى كده لامؤخذة ^^ .. دى النظرية .. انا نفسى الرجالة ترجع لزمان يبقى كل هوايتنا .. ع الاقل .. الحاجات الخشنة .. مش احر حفلة لتامر .. او كده ... يعنى مثلاً الكارتيه .. الكورة .. المصارعه .. كده و ده طبيعى زمان كانت الهوايات .. الحجلة و المصارعة و اللعب بالسيف (( طبعاً متجيش دلوقتى تشترى حمارة و سيف و تجرى بيها فى الشارع تضرب فى الناس ده اسمه هطل ^^)) انا قصدى .. نعمل زى عمر بن الخطاب ما قال .. اخشوشنوا .فإن النعمة لا تدوم ^^

يا جماعه انا مقصدتش .. منا بلبس بردو لبس شيك و بلبس اكسسوارات .. بس فى حدود اللياقة .. يعنى ملبسش بنطلون احمر و اقول انا كده راجل .. انا ابقى كده لامؤخذة ^^ .. دى النظرية .. انا نفسى الرجالة ترجع لزمان يبقى كل هوايتنا .. ع الاقل .. الحاجات الخشنة .. مش احر حفلة لتامر .. او كده ... يعنى مثلاً الكارتيه .. الكورة .. المصارعه .. كده و ده طبيعى زمان كانت الهوايات .. الحجلة و المصارعة و اللعب بالسيف (( طبعاً متجيش دلوقتى تشترى حمارة و سيف و تجرى بيها فى الشارع تضرب فى الناس ده اسمه هطل ^^)) انا قصدى .. نعمل زى عمر بن الخطاب ما قال .. اخشوشنوا .فإن النعمة لا تدوم ^^

و الله العظيم ده يا امجد الى لسه كنت قلته لهانى ( ما ده الى قلته يا استاذ هانى يعنى الواحد يكون شيك و كول يعنى شبابى بس بحدود معينه ..خير الامور الوسط ..

يعنى مش يكون الواحد فى زمن عبد الحليم و لبس البدل فى عز النهار و لا يكون فى زمن مستر تيمو ساموزين و يفتح لى القميص و يوقع البنطلون كده يبقى تعدى الحدود ..يعنى ممكن يبقى شيك و يلبس كلاسيك او كاجول و محترم بس الاهم من ده برده يكون من جوه الى حد ما كويس مش لازم مثالى بس كويس ..يعنى مش يلبس عباءه التدين عشان حد يقول عليه متدين ...)

انا بس اكتر حاجه بكرها ان ولد يلبس سكينى نفسي والله يشيلوا البنطلونات ديه من محلات الولاد يعنى يتمنع انا حبقى انفذ القرار ده لما ابقى رئيسه للجمهوريه ان شاء الله 2025 ..

هي الشياكة من اهم الحاجات اللى بهتم بيها بس مش لدرجة الاوفر ..بس عمري ما لبست اكسسورات بصراحة ..
لا خاتم ولا سلسلة و لا حظاظة و الحاجات دي .. ملهاش اي لازمة و بتدي منظر مش لطيف :)

و الله العظيم ده يا امجد الى لسه كنت قلته لهانى ( ما ده الى قلته يا استاذ هانى يعنى الواحد يكون شيك و كول يعنى شبابى بس بحدود معينه ..خير الامور الوسط ..

يعنى مش يكون الواحد فى زمن عبد الحليم و لبس البدل فى عز النهار و لا يكون فى زمن مستر تيمو ساموزين و يفتح لى القميص و يوقع البنطلون كده يبقى تعدى الحدود ..يعنى ممكن يبقى شيك و يلبس كلاسيك او كاجول و محترم بس الاهم من ده برده يكون من جوه الى حد ما كويس مش لازم مثالى بس كويس ..يعنى مش يلبس عباءه التدين عشان حد يقول عليه متدين ...)

انا بس اكتر حاجه بكرها ان ولد يلبس سكينى نفسي والله يشيلوا البنطلونات ديه من محلات الولاد يعنى يتمنع انا حبقى انفذ القرار ده لما ابقى رئيسه للجمهوريه ان شاء الله 2025 ..

2025 ! .. طب انا عايز ابقى وزير الداخلية ^^ .. همشيلكوا البلد دى ايه .. مش هيبقى فى حرامية و مش هيبقى فيه حد اصلاً ^^ .. ههرب الناس ببلاش ..^^

هي الشياكة من اهم الحاجات اللى بهتم بيها بس مش لدرجة الاوفر ..بس عمري ما لبست اكسسورات بصراحة ..
لا خاتم ولا سلسلة و لا حظاظة و الحاجات دي .. ملهاش اي لازمة و بتدي منظر مش لطيف :)
لم اقصد بالتحديد .. انا كل اللى بلبسه .. (( حاجة كده لونها اسواد و فيها حديدة مرسوم عليها نايك ^^ )) بس ده كل اللى عندى انما سلسلة ايه بس هو انا سوسن ^^

كنت بتكلم في الموضوع ده مع اصحابي اليومين اللي فاتوا دول
الموضوع صعب جدا وماخفي كان اعظم !

طبعاً كلنا عارفين ان ظاهرة (( الرجولة )) قلت هذه الايام .. فقليلاً ما تجد رجلاً .. لكن كثير ما تجد ما امرأة !
مش متفق معاك ولا فيه راجل ولا فيه امراه مش بعمم طبعا بس الاغلبية كده وده برجعه لتغير مفهوم الرجل والمرأة في المجتمع فالراجل بقي من راجل الي كوول مان والمرأة من امرأة لـ ..... ربنـا يرحمنا من انصاف الرجال وانصاف السيدات دول

والله حتة موضوع تحففففة

وفعلا الظاهرة دي بقت منتشرة جدا اليومين دول يقف قدامك كده ولد والله من منظره بس تحس انه عيل تافه ووهايف ومايص كده

ولا الي بياكلوه لبانة وهما ماشيين حاجة تفلق يااااااربي

فعلا نفسنا الزمن الجميل بتاع زمان يرجع تاني

ربنا يهدي شباب وبنات المسلمين يارب ويحميهم

انا راى غريب شويه بس معلش استحملوا يعنى ..انا من وجهه نظرى ان الظاهر مش يحدد الباطن يعنى انا حصل معايا موقف لقيت واحد ما شاء الله مربي داقنه و ملتزم فوق الوصف و صوم اتنين و خميس و حاجات من ديه معايا فى الدرس و بيقطع الدرس عشان يقوم يصلى و كده و طبعا المستر يقعد يشكر فيه و فجأه الاستاذ المتدين يطلب انه يصاحبنى !!!! لا بجد ما شاء الله يعنى الى بيعمله ده كله لمجر اننا نقول عليه ده ملتزم و متدين و ابن ناس و هو اساسا منافق و لما صارحته و قلت له على حقيقته طلع على اشاعات لا توصف يعنى كمان وقاحه .
الموقف تانى ايام امتحانتى المراقبه منقبه قلت الحمد الله اصل من وجهه نظرى ان الانسان لما بيتنقب يبقى عمل كل الفروض ربنا و كمان السنن يبقى بجد انسان مثالى لكن اكتشفت انها شخصيه لا تستحق لقب مسلمه بوظت اللجنه لكها غش و كلام منتهى قله الادب انها تقوله لبنات و لما رحت اشتكيها للمديره قعدت تحلف تحلف تحلف انها لجنتها محصلش فيها غش و انها انسانه عظيمه بس ربنا فاضحها بالصدفه و المديره اكتشفت انى انا الصح و الحمد الله ودت المنتقبه ديه فى ستيتن داهيه ..
بعد المواقف ديه حلفت انى مش اخد فكره على الانسان من لبسه او ظاهره ..انا ماما مدرسه انجلش لثانوى و عندها مجموعه طلاب بما يطلق عليهم لقب سيس و كول بس والله العظيم منتهى الادب و الاحترام محدش فيهم بيكلم بنت بطريقه قليله الادب كله فى حدود الزماله .. بس انا موافقه ان واحد يلبس براحته بس لكل حاجه حدود يعنى مش يبقى ملفت و اوفر يعنى انا بكره جدا الولد الى يلبس بنطلون سكينى ضيق ..يعنى شكلهم مقزز بصراحه مع احترامى للى بيعمل كده بس المنظر مش حلو يعنى البس بنطلون بس مش ضيق و اوحش انى شفت واحد لابس بنطلون لونه احمر ..انا اقصد ان الواحد مش يزودها يعنى البس ابقى شيك و كول بس بحدود و احترام و برده مش لازم تبين للناس انك محترم و مؤدب و لبسك لبس راجل و انت مجرد لقب ذكر بس فى البطاقه يعنى البس مش بيحدد شخصيه الانسان و عندى اعتراض بيسيط على زمن احتشام الرجال و تبرج النساء !!! ..اسفه انى رغيت و طولت كتير بس الموضوع عجبنى
يااااااااااه كل المواقف الوحشه اللي حصلت معاكي كانت مع ناس
متدينه ظاهريا فقط((لحية ونقاب)) ياتري محصلش معاكي موقف وحش
مع ناس غير متدينة هو مجرد سؤال بس للمعرفه؟؟؟
حاجه تانية مين قال لحضرتك ان الراجل عشان يبقي ملتحي لازم يكون اتم جميع الفرائض ويكون عمل جميع السنن وكذلك الحال بالنسبه لمن تلبس النقاب هل لي ان اعرف من قال هذا الكلام انه لكي يلتحي رجل او تلبس النقاب امراة ان(يكون) تكون قد(ادي) ادت جميع الفروض دون تقصير وان(يكون) تكون قد (فعل)فعلت جميع السنن ...من وجهة نظري هذه وجهة نظر خاطئه وفكر غير منطقي..شكرا ،، تحياتي

مش عارفه شو احكي خلصتو كل الحكي
حكيتو كل شي
موضوع روعه