قطار كتلته 400 طن يتحرك على طريق افقى بسرعة منتظمة قدرها 63 كم/ساعة ضد مقاومة ثابتة مقدارها 15 ث.كجم/طن

احسب قوة آلات القطار، و إذا فصلت العربة الأخيرة و كتلتها 50 طن أثناء الحركة.
احسب عجلة باقى القطار و الزمن الذى تسكن بعده العربة المنفصلة.

أرجو الحل

شكراً

بص يا حمادة انا زي زيك و بحاول فيها و توصلت لحل جزء من المسألة و خلينا نفكر مع بعض

دلوقتي انت بتقوول ان مقاومة كل طن من القطر = 15 ث كجم يبقى مقاومة القطر كله = 15x400 = 6000 ث كجم
و انت قلت في الاول انه بيتحرك بسرعة منتظمة يعني المقاومة=قوة الات القطر = 6000 ث كجم والعلاقة دي هتلاقيها في درس القدرة و ده اللي انا وصلتلو لحد دلوقتي و انت لو عندك اي تعقيب على حلي يارييت تقوللي و نفييد بعض و انا هحاول في باقييت المسألة و انت معايا و ان شاء الله تتحل

قوة آلات القطار هتساوي المقاومة لان السرعة منتظمة من قانون نيوتن الاول
وبالتالي القوة = 15 * 400 = 6000 ث كجم

بعد فصل العربة الاخيرة القطار هيمشي بعجلة منتظمة و الكتلة للقطار = 350 طن يعني المقاومة تتغير
ق - م = ك * جـ
6000 * 9.8 - 15 * 350 * 9.8 = 350 * 1000 * جـ
جـ = 0.021 م علي ث تربيع

اما العربة المنفصلة
عايزين الزمن
اذن السرعة الابتدائية = 63 كم لكل ساعة لانها هتكتسب سرعة القطار
والنهائية صفر
و الزمن ؟!!!1

اذن اجيب العجلة
ق - م = ك * جـ
ق= صفر لان دي مجرد عربة
- 15 * 50 * 9.8 = 50 * 1000 * جـ
جـ = - 0.147 م علي ث تربيع

نطبق القانون
ع = ع0 + جـ ن
0 = 63 * ( 5 علي 18 ) - ن * 0.147
ن = 119 ث

يا ريت اكون قدرت اوصل المعلومة
وان شاء الله الحل صحيح ^^"

شكراً كونان العرب
أنا حليتها زيك بس الحل بس الحل النهائى اللى مكتوب فى الورقة مش مكتوب كدة :-/

يمكن يكون الكتاب حله غلط ؟؟! :]
خاصة لو كان دليل التقويم

فى الحقيقة هوا مش دليل التقويم هوا فى نماذج الامتحانات الموجودة على موقع الوزارة بس برده يمكن يكون غلط بيحصل يعنى المهم شكراً لإهتمامك اوى :)