اللى سمع الوزير فى ال10 مساءا يحس ب :
منتهى اللامبلاة والغطرسة وكان المعلم دا الخدامة او الدادة اللى بتعلم عيالهم ( وكان المدرس دلفرى زى مهما عايزينه يعمل يبقى المعلم لازم ينفذ )

لا يا وزير اهمالك للمعلم اثناء وجودك لا تناقش فيه مشاكل المعلم دا دليل كبير باننا ملناش قيمة عندك

الوزير دا جبان ومتعالى جدا يا راجل طيب خاطرنا بكلمتين

مش عارف هو احنا ساكتين عليهم ليه هيموتنونا يعنى :giljotiiniug3:

من رأيى هنشوف هترسى على ايه مع اول سبعة فلو ميزوا الدكاترة والمهندسين عننا وعاملونا زى وكأننا درجة تانية
تبقى لينا وقفة يوم نسميه يوم كرامة المعلم مع بداية الترم الجديد مفيش شغل لغاية ما يتغيروا واللى يقول مصلحة البلد يبقى مبيفهمش لو عايزين مصلحتها يبقى كلنا زى بعصنا

هو دا الصح اللى ممكن يتعمل مش ناس تزيد وناس تقل ونقول اصلى البلد ومينفعش اضراب ومش عارف ايه دا كلام فارغ
احنا لسة بينضحك علينا يعنى الناس اللى بتزيد عايشين فى بلد تانية


فوووووووووقووووووووووووا كفايانا كدة :slap1qk6:

:040vk0:اين كرامتك ايها المعلم ؟!!!!! :040vk0:

اللهم لا تؤاخذني بما يقولون واغفر لي ما لا يعلمون واجعلني خيراً مما يظنون
اللهم أرني الحق حقا وارزقني إتباعه وأرني الباطل باطلا وارزقني اجتنابه
اللهم ارزقني الاخلاص في القول والعمل
اللهم اغفر لنا ذنوبنا ما تقدم منها وما تأخر

معاك حق فى كل كلمة

احمد ذكى بدر _ احمد جمال موسى

وجهان لعملة واحدة ..

يعنى يا حكومة بلدنا .. مفيش مدرس واحد ابن حلال مالى عينيكم خالص تعينوه وزير

المدرسين عايزين وزير مدرس

الكرسى بيغير

سبحان الله
كل ظالم له نهاية فانتظر ياوزير ياهمام ( ليس من اختصاصي ) نهايه قريبه
على فكره

لابد أن تعيد حساباتك قبل أن يأتي هادم اللذات يوم لا ينفع الندم
راجع الظلم الذي يقع على المعلمين لأنهم أمانه في رقبتك
راجع الغش الجماعي الذي يحدث في المدارس
راجع مستوى المتعلمين من مناهج سيئة
راجع نفسك في قراراتك لموضوع الكادر
راجع نفسك في درجات المعلمين الضائعة
راجع نفسك في خيبة الأمل لأولياء الأمور بعد الامتحانات المسربة
راجع راجع نفسك

[COLOR=darkred][B]احنا مش رجاله وهنفضل طول عمرنا كده[[

من رأيى هنشوف هترسى على ايه مع اول سبعة فلو ميزوا الدكاترة والمهندسين عننا وعاملونا زى وكأننا درجة تانية
تبقى لينا وقفة يوم نسميه يوم كرامة المعلم مع بداية الترم الجديد مفيش شغل لغاية ما يتغيروا واللى يقول مصلحة البلد يبقى مبيفهمش لو عايزين مصلحتها يبقى كلنا زى بعصنا

اخى الكريم صدقنى احنا سيبنها على الله بس الساكت عن الظلم والحق يبقى شيطان جبان معاك نقول يا رب بس ربنا ادانا عقل احنا نتحرك ونطلب منه يساعدنا مش نطلب منه واحنا ساكتين

اعذرك لاننا اتعودنا اننا منفتحش بقنا ومتعلمناش ازاى نجيب حقوقنا وانا زيك فى كدة

يا ريت نبقى ايجابين ونخطى خطوات لصالحنا

وصدقنى المشكلة مش فلوس وبس لو حسينا بتغير حقيقى فى شغلنا صدقنى افضل من الفلوس

الوزير بتاعتنا وزير على ما تفرج مش خايف غير على صورته وماشى بمدأ خير الامور هو السكوت ومتعين بقرارا مبدأه لا تغيير علشان متزعلش المشير

احنا هنصبر لما نشوف بس الرسالة اللى لازم نوصلها لكل واحد فى مصر اننا معلمين محترمين ومش هنرضى بوزير تعبان مش مننا

ولو معجبناش الوزير من حقنا اننا نغيره باحسن منه وكله لمصلحة البلد ولمصلحتنا


الاهم هو نتصرف ازااااااااى يا ريت كلنا نكون ايد واحدة ونفكر هنعمل ايه :stickjo4:

شوفتوا إمبارح في العاشرة مساااااء

لا تعليق ولاحاجة جديدة إتقالت ولا حاجة عدلة أساسا

كل اللي إستفدته من الحلقة الفيديو بتاع المدرس المتخلف اللي راعب الأطفال وبيضربهم المتخلف

حرقولنا دمنا ووجعولنا قلبنا بيه

وطلع الكلام ده في حضانة

والنهاردة عرفوا إسمه وقفلوا الحضانة اللي حصل فيها الكلام ده

ولسة قارية الخبر ده

النائب العام يأمر بالتحقيق في واقعة ضرب الأطفال في حضانة الغربية

حسبي الله ونعم الوكيل في كل ظالم

حزب المعلمين المصرين
ارجوكم اعملو حاجة صح
ويلا بينا نقف وايدينا مع بعض
ارجو من الجميع البحث عن شخص نثق بة وقيادى ممتاز
ونبداء بتاسيس حزب للمعلمين
ونكون كلنا ايد واحدة وقرار واحد
بلاش السلبية اللى احنا فيها

واضح ان الاعلام بيمارس نفس دوره اللى قبل الثورة وهى تشويه صورة المعلم وتعميم الصورة على كل المعلمين


من الواضح اننا بنتكلم كتير ومن الواضح اننا مش عارفين نتصرف على الرغم من الشحن وكل واحد جواه طاقة ايجابية بأنه عايز يعمل حاجة تغير الحال للافضل

يا ريت حد يوضحلنا هو لو عايزين كلامنا ينطلق لحيز التنفيذ نعمل ايه اكيد كل واحد لواحده مينفعش والمشاركين فى الموقع مينفعوش

عايزين ناس تتحرك بجد نعمل حركة زى ثورة معلمين فى جميع المحافظات ازاى و امتى ممكن الواحد يشوف الكلام دا

المدرس يطبطب على الطلاب فى المدارس
ولما الطلاب يدخلو المدرسة بسنجه ولا خرطوشة طبطب على راسه برقه وأدب
ونكتبلهم فى امتحان الترم واخر السنة
ونعديهم وننجحهم
ولو عاوز الطالب يحفظ جدول الضرب
بوسه فى خده
ولما ييجى مش حافظ بوسه فى خده التانى وابعت سلام للنائم العام
وسلامنا لكل اللى اعترضو على الضرب
وأولهم الوزير
اللى قلب التعليم نوم و شخير
ومنزعلش حد خالص
لاوزير ولا خفير

ياريت النائم العام ووزير التعليم يبقى ييجى يجرب يوم واحد فى اى مدرسة من مدارسنا ويدخل فصل فترة كاملة فيه 52 طالب ويورونا شطارتهم و هيتعاملوا معاهم ازاى
ولا هى افواه فقط للإعلام ؟

رد على زميلى teacher_2 (http://www.thanwya.com/vb/member.php?u=384336) :

انا بشتغل فى قرية تابعة لمحافظة اسيوط لكن انا وزملائى من سكان المدينة وبنسافر يوميا علشان نعلم الجيل القادم

المهم العيال كلها بتشتغل بعد الظهر فى حرف مختلفة وبيجيبوا القرش من الهوا صدقنى بنات فى 5 ابتدائى بتتخطب واولاد فى 6 وفى الاعدادية بيجوزوها ولما ابلة تزعق فى عيل يشوحلها وممكن يسيب الفصل اعتراضا منه على ان واحدة ست تزعق فيه


ولما كلمت الناس المتخصصين فى كدة صعقت بالرد قالولى بص اهم حاجة دفتر التحضير تمام والتلميذ ليه الحق ممكن تكون المدرسة عاملته بقسوة العملية التعلمية دايما لصالح التلميذ

سكت وانا هتشل والغريب ان كتير من المعلمين الكبار فى السن دا رايهم برضه

وهناك وقائع فى مدارس تانى اولياء امور بتضرب مدرسين واولياء امور لامؤخذة ناس لبط يتبلوا بالكدب على ابلة مسكينة ويهددوها بانها لازم تتاسف علشان انها ضربت ولدهم او يشتكوها او يضربوها صدقونى انا بتكلم بصدق لوقائع شوفتها بعينى

يا وزير انت متعرفش حاجة عن التعليم واللى بيجرى فيه مش عارف كمان انى فى الاماكن النائية المعلم لازم يكون ساكت وفى حاله ولو اتكلم يشحططوه واهالى البلاد دى يعلموه الادب

كفاية مش هقطع قلبكم اكتر من كدة لازم الوزير يكون مدرس ولازم مدرس يكون اتمرمط وداق المر علشان يحس بينا

انا لله وانا اليه راجعون

ياجماع الكلام اللي حضراتكو بتقولوه ع الضرب ده فوق دماغي

بس مع إحترامي مش كدة أبدا يعني ينفع اللي شوفناه ده

ولا ينفع برضه الكلام اللي بيقوله أستاذ هاني

إحنا المفروض تربويين وفاهمين الكلام ده

وحتى اللي منا مش تربوي أخد الدبلومة ودرس المواد التربوية وعلم النفس وفاهم

لازم العلاقة بين المعلم والتلميذ تكون قايمة على الإحترام والتقدير والرحمة والحب

والشدة إذا لزم الأمر بس بما لا يخرج عن نطاق الرحمة برضه

وحتى الضرب في دينا ليه شروط ما يكونش عنيف أو كدة

وكمان وآخر حاجة نلجألها لما تنفذ كل الحيل

ياريت اللى بيتكلم يكون بيشتغل بنفس الحماس والقوة
خلاص بقينا نشكك ف كل حد مصر مابقاش فيها شرفاء
والله حرام عليكوا اصبروا يا جماعة يعرف حتى اسماء موظفينوا بس انتوا فاكرين انة جاى وزير عشان يثبت المتعاقدين ويزود مرتباتهم بس, لكن امتحانات اية ولا كتب فاشلة اية ولا سرقة اية ولا ولا ..........................
ان اللة مع الصابرين . ابقى مع الله يا اخى
عشان خاطر البلد دى

مين قال اننا مش بنعامل الطلاب برحمة ومين قال ان المدرسين مش بيشتغلوا بحماس

احنا لما نعرض مشاكل بتواجهنا فى شغلنا يبقى عيب والبلد مش عارف ايه

المشكلة كلها اللى بيعمل الحاجز بين المدرس والطالب لما يجى برنامج تلفزيونى يعرض مدرسين للاسف فشلة واللى عمل عاهة لتلميذ ومش عارف ايه لكن فى المقابل مسمعناش عن تكريم لمدرس ما او مدرس عنده افكار حد ممكن يسمعها يبقى لازم نفهم ان الاعلام عامل شحن وضغط على المعلم والتلميذ واولياء الامور

لازم يكون فيه وقفة مع الاعلام ولازم ولى الامر يفهم ان محدش هيخاف على ابنه زى معلمه دا اقرب انسان ليه من بعد والديه

يمكن يكون فى قلة من المعلمين مش بيشتغلوا يبقى لازم يتحاسبوا كتير من المدارس عندنا فيها معلمين جداولها فاضية وكلام فارغ و10 حصص ومواد تافهة والحمل تقريبا بيكون على المعلم المساعد او اصحاب المواد الاساسية

والمديرين ولجان النتابعة بتمر وتصهين على الكلام دا ومفيش تفرقة بين اللى بيشتغل واللى مبيشتغلش

كلنا عارفين اللى بيحص من سوء تخطيط وبصراحة مش عاجبنا اللى بيحصل وكالعادة دايما ساكتين

مش عارف هى ازمة تعليم ولا هى ازمة اخلاق

حاجة واحدة بس حتصلح دة كلة هو ...
منع الغش بكافة صورة في مراحل التعليم ومراعاة الله في الشرح

ياجماعه واللهى فيه سلبيه كبيره جدا مننا على اللى بيحصل

مش عارف هى ازمة تعليم ولا هى ازمة اخلاق


انا بسأل نفس سؤالك اخى والله

المشكلة فين بالظبط ؟؟

مين قال اننا مش بنعامل الطلاب برحمة ومين قال ان المدرسين مش بيشتغلوا بحماس

احنا لما نعرض مشاكل بتواجهنا فى شغلنا يبقى عيب والبلد مش عارف ايه

المشكلة كلها اللى بيعمل الحاجز بين المدرس والطالب لما يجى برنامج تلفزيونى يعرض مدرسين للاسف فشلة واللى عمل عاهة لتلميذ ومش عارف ايه لكن فى المقابل مسمعناش عن تكريم لمدرس ما او مدرس عنده افكار حد ممكن يسمعها يبقى لازم نفهم ان الاعلام عامل شحن وضغط على المعلم والتلميذ واولياء الامور

لازم يكون فيه وقفة مع الاعلام ولازم ولى الامر يفهم ان محدش هيخاف على ابنه زى معلمه دا اقرب انسان ليه من بعد والديه

يمكن يكون فى قلة من المعلمين مش بيشتغلوا يبقى لازم يتحاسبوا كتير من المدارس عندنا فيها معلمين جداولها فاضية وكلام فارغ و10 حصص ومواد تافهة والحمل تقريبا بيكون على المعلم المساعد او اصحاب المواد الاساسية

والمديرين ولجان النتابعة بتمر وتصهين على الكلام دا ومفيش تفرقة بين اللى بيشتغل واللى مبيشتغلش

كلنا عارفين اللى بيحص من سوء تخطيط وبصراحة مش عاجبنا اللى بيحصل وكالعادة دايما ساكتين

مش عارف هى ازمة تعليم ولا هى ازمة اخلاق






متفقة معاك طبعا في كل كلمة ربنا يبارك فيك

وفعلا مش كل المعلمين غلط بالعكس الغلط فيهم هم القلة وهم الشاذين وفعلا الإعلام كل تركيزه على ده وفي المقابل مافيش فعلا أي تكريم للمحترمين


وهي أزمة الإتنين مع بعض

ومسألة أخلاق وضمير أكتر

لا يغير الله ما بقوم حتى يغيروا ما بأنفسهم

حاجة واحدة بس حتصلح دة كلة هو ...
منع الغش بكافة صورة في مراحل التعليم ومراعاة الله في الشرح




وكلام حضرتك برضه في التمام

ربنا يصلح حالنا وحال البلد

على فكرة المدرس إتحبس أربع أيام على ذمة التحقيق

المشكلة يا اساتذة فينا نحن سلبيين وسوف نبقى هكذا ولن نحترم ما دمنا ننظر للمصالح الشخصية اللى بيدى دروس مش فارقة معاة الزيادة والكرامة والمعلمات بتقول روحو ا انتم احنا بنات ونوع تانى بيخاف ويقولك ليعملوا فينا حاجة ونوع يقولك هم يروحوا ونشوف هيعملوا اية......علشان تكون لينا كرامة لازم نكون ايد وحدة ونعرف حقوقنا ولا نتنازل عنها .

حلو قوى حكاية اننا نبدأ ننفذ الصح ومعاكم ان كل واحد يمشى بضميره لكن اللى مش بيمشى بضمير وسايق علينا الشرف بانه هو المدرس اللى مفيش غيره ودا موجود فى مدارس كتير ايه الحل للناس دى ايه الرادع ايه التوعيات اللى ممكن الناس دى تشتغل

هل التوعية كفاية معتقدش وايه شكل القانون اللى ممكن يتعمل علشان الكل يشتغل ليه مثلا مبيربطوش عدد الحصص بالمكافاة مثلا علشان اللى واخد 10 حصص يشتغل ليه اللى واخد مادة اساسية ميكونش مميز ومقصدش ماديا

ليه بنحط التلميذ المتفوق بجوار تلميذ نقول عليه امى ليه ميكنش هناك مدارس للمتفوقين ومدارس للضعاف ويكون لكل مدرسة برنامج خاص بيها القوى ممكن ناخد منهم علماء ونستغل ذكائهم للبلد والضعاف يتعملهم برنامج ومواد تاخد باديهم

ليه فى دفتر للتحضير والروتين الفاضى وكشكول لتحضير الاحتياطى انا واحد من الناس اعرف اشرح عملى بحكم مادتى الرياضيات لكن لا املك وقت لكتابة كل شئ فى دفتر انا مش حاسه غير بانه عملية تخوين للمعلم على الرغم ان ممكن محدش يشرح والدفتر يتكتب عادى

فى افكار كتير المشكلة فى بلدنا اننا بنتكلم كتير ومحدش بيحب يسمع ولو سمع لازم اللى نسمع منه يكون دكتور ومحضر دراسات بره

او يكون مسئول كبير صدقونى احيانا كتير بشوف ناس على كراسى وبيتصرفوا بطريقة روتينية مريضة

ليه مفيش مكان للشباب الكفء اللى من رايى هو اللى ممكن يعمل ثورة فى التعليم لان حماسه غير محدود

اتمنى الغاء المدارس الخاصة اللى بتحسسنا بالفوارق الاجتماعية وتكون ليها منظور تانى مختلف ليه الادارات اللى هناك بتتعامل مع التعليم بمنظور غير عادى لانهم دايما بيقبلوا المتفوقين من الطلبة يا ريت المدارس الحكومية تكون كدة والتلميذ الغير قوى يتحول نشاطه فى جهة اخرى ولتكن مدارس مهنية من سن الابتدائى ودا مش عيب

وزارة التعليم مش كرسى حد يقعد عليه دا عايز انسان بيحس ميكونش كوهنة شبع من الدنيا وطموحة وقف دا عايز انسان طموح