الديوان بتاع المظالم اللى ما بيجبش مظالم لحد نزل من شوية كذبة جديدة أن التثبيت قريب جداً زى ما عملتها صوت الأزهر قبل كدة يا شباب لو سمعنا التهريج ده هندور فى حلقة مفرغة لا حل إلا الإعتصام أمام المشيخة يوم الأحد 29 / 5 /2011

جبهة معلمى الأزهر المتعاقدين
http://www.facebook.com/profile.php?id=100002172900536&sk=wall (http://www.facebook.com/profile.php?id=100002172900536&sk=wall)

المثل بيقول خليك ورا0000000000 لحد باب الدار والله جايز يكونوا صادقين كانت عملت ايه الجبهه قبل كده عشان تعمله يوم 29\5 رغم اننى من مؤيدى الاعتصام للحصول على التعيين ولكن مش احنا اللى نقدر نعمل اعتصامات كام مره نتفق على ميعاد ومحدش يروح ما كان يوم 22\5 يوم الكرامه ودلوقت يوم 29\5 اليوم الحاسم ياترى هنطلع رجااااااااااااااااله

يا جماعه الناس اللى بتطالب باعتصام هنا فى المنتدى وتقول محدش بيجى المنتدى مينفعش تعلن فيه عن اعتصام لان الاعداد بتاعة الازهرين قليلة جدا فما بالك بالمتعاقدين احنا مش زى بتوع التربية والتعليم كتير احنا قلة لازم نشوف حل لكى نتواصل مع جميع المتعاقدين على مستوى الجمهورية وشكرا

والله يا معلمي الازهر الشريف انتوا فاضيين ومش لاقيين شغلانة

اعتصام ايه يا خوية ال جايين تدوروا عليه

شيخ الازهر الشريف عند كلمته وقوله

ولكن التثبيت مسألة وقت

مش اعتصام وكلام فاضي شغالين فيه

أخوكم في الله
فايز فراج
مدرس لغة انجليزية
الازهر الشريف
وقريبااااااااااااااااااا ان شاء الله التثبيت في اواخر يونية او بداية شهر 7 / 2011 م

وشكراااااااااااااااااااا

بالله عليك يا أخ فايز بلاش تثبيط الهمم أنت أصلاً مالكش علاقة بالتثبيت لأن أنت معين فمن فضلك وفر نصيحتك
وهما بتوع التربية والتعليم فى شهر 7 برضه

والله أنا متعاقد ووالله ما أعمل أى اعتصام كفانا تهريج فاعداد متعاقدى الازهر كتيييييييييييييييييييييييييييير جدا اضافة الى ذلك يجب أن نثق فى شيخنا الجليل المحترم مين فى الدولة ثبت 70000 الف التربية والتعليم قامت بتثبيت القليل فقط يعنى اهدأوا شويتين

يا أخ عاصم والله أحنا عايزين الإستقرار بس
ولو شيخ الأزهر كان عمل زى بتاع التربية والتعليم كانت العملية هديت شوية أنما لا كدة ولا كدة
يعنى لو كان ثبت اللى نجحو فى إختبار 20 فبراير 2009 ودول عددهم 13 ألف كان ريح الدنيا شوية وطمن الباقى
يا أخ عاصم أحنا مش شايفين أى خطوة إيجابية خالص.

بالعكس كنا هنقول تم التثبيت بشروط الكادر يا أخى شيخ الازهر أخذ القرار اللى عجز عنه وزير التعليم ذات نفسه وهو التثبيت بدون قيد أو شرط وهو أجرأ قرار أزهرى منذ عقود وهو ما يحمل فى طياته أولى خطوات أستقلال الأزهر وأنه غير تابع لوزارة التعليم والله يا أخى قرار كله مكاسب للازهريين لكن لو تم التثبيت بشرو ط الكادر كم سيكون العدد وأنا اقول الكلام ده وانا تربوى ومعى icdl لكن ننظر لزملائنا............. لابد أن نفرح معا

ارجو اى حد متثبت ياريت يحس بينة هو اصلا محسش بالعقد ولا زل العقد انا معاكم فى يوم 29 وربنا كريم

أخى عاصم الكلام شئ والتنفيذ شئ آخر لم نر أى خطوة إيجابية إلى الآن من فضيلة الإمام

حى على الإعتصام ( 29 / 5 / 2011 )

الديوان بتاع المظالم اللى ما بيجبش مظالم لحد نزل من شوية كذبة جديدة أن التثبيت قريب جداً زى ما عملتها صوت الأزهر قبل كدة يا شباب لو سمعنا التهريج ده هندور فى حلقة مفرغة لا حل إلا الإعتصام أمام المشيخة يوم الأحد 29 / 5 /2011

جبهة معلمى الأزهر المتعاقدين
http://www.facebook.com/profile.php?id=100002172900536&sk=wall (http://www.facebook.com/profile.php?id=100002172900536&sk=wall)
أنت مش عجبك حاجة خالص ، عايزها ولعة وخلاص ،ربنا يهديك

ارجو اى حد متثبت ياريت يحس بينة هو اصلا محسش بالعقد ولا زل العقد انا معاكم فى يوم 29 وربنا كريم
لو سمحت يا أستاذ بلاش الكلام الكبير ده ،
زل إيه اللى إنت بتتعرض له ،عيب الكلام ده إنت راجل مدرس محترم ،
دلوقتى بقه العقد زل ومهانة لكن وإنت بتجرى عليه علشان يجيلك مكنش زل،
الموضوع كله إن الإنسان طماع و علشان تكون عارف لو تم التثبيت هتخترعوا حاجة تانية