مش عارف ازاكر ... مش عـــــــارف ازاكر .. [الأرشيف]

usernamo

26-05-2011, 02:14 AM

بسم الله الرحمن الرحيم

اولاً عمتم مساءاً ياهل الدار ..قصدى المنتدى ..

دلوقتى طبعاً هى مرحلة شد الشعر .. و تربية الذقن .. و التحول لمنال شعبى فى البيت .. حيث الملازم فى كل حتة .. و البيت يملؤه الورق حتى اخره .. و علم النفس فى اودة ابويا و الفلسفة فى اودة اختى و التاريخ فى المطبخ .. (( الانجليزى فى البانيو )) و العربى حاطه تحت بلاطة تحت السجادة .. حتى لا يكتشف ابى انى ادرس اللغة العربية ^^

المهم .. الواحد كل ما يجى يقعد ع الكتاب زى ما يكون بيتشك ! .. يفتكر مثلاً انه لازم يعمل شاى الاول .. يروح يفضل واقف قدام البراد (( و مش يعمله فى البويلر عشان ياخد وقت اطول )) و يفضل يبص فى البراد .. ياترى غلية ولا لا .. و ليه مش بتطلع دخان .. و هل لو طلعت دخان هيبقى سخن ولا ساقع :confused::confused: و فى الاخر و بعد ساعه .. اكتشف انى مش ولعت البوتجاز من الاصل ! .. المهم اولعه و انتظر حتى تغلى المياه .. و هنا تأتى اللحظة الحاسمة فى عمر الكوباية اخد الميا و احطها فى الكوبايا .. و يتبقى مياه فى البراد تغلى .. و بم انى مؤمن بالله .. و ان الاسراف حرام و لا يجب رمى المياه .. اقوم بعمل خيرى للبيت كله .. اجرى ورا النمل الكبير الرزل بالمياه المغلية .. و اقتله Nihahahah ضحكات شريرة متقاطعة .. و ارجع تانى للكتاب يكون عدى 4 ساعات .. لسه هقعد .. اقوم قايم تانى .. اروح اشوف المنتدى و احواله .. و اشوف اخبار الدنيا .. الاقينا سحبت 4 ساعات تانى .. اقول معلش .. هتتعو فى باقى الوقت .. اروح اقعد ع الكتاب .. استنى بس حد ينطق بحرف الالف من اسمى .. يلاقينى طيارة عنده .. و تفوت 3 ساعات تانى ..

الاقى مفعول الشاى الاولانى خلص .. و اروح اعمل نفس اللى عملته فى الاول تانى و اضيع اربع ساعات ..و فى الاخر ينتهى اليوم .. و اول ما اقعد ع الكتاب تانى .. احس بالتعب .. و اقول

(( يااااااااه ..دانا تعبت اوى انهارده .. لازم انام .. زاكرت كتير اوى اوى ! ))

المهم اخش انام .. احلم بشاشة سوده .. و فجأة يطلعلى صوت اجش .. و يقول (( 18 يوم .. 18 يوم 18 يوم ))

و يتبعه صوت لرجل اسود .. مخيف .. و يسلط عليه الضوء الاحمر .. و يقول (( هتشيل اتة و كرات يا امجد .. هتشيل اته و كرات )) و تيجى نملة كبيرة .. تقوم لطشانى بالقلم .. اقوم صاحى مفزوع و افتكر انى مش زاكرت .. و اكرر نفس اليوم اللى فات !

اللى عايز اقوله من الموضوع .. (( انى مش عارف ازاكر و ده بجد .. و حاسس انى مش هخش اعلام .. و لا حتى شرطة .. هخش معهد تمريض .. انا هبقى ممرضة !))

اللى عنده نصيحة .. او مشاركة فى اللى انا بقوله .. يرد .. و اللى هيرد يقول ..

متخفش .. لسه فيه وقت .. (( يذكر كلمة امتحانات - ثانوية ))
هعضه ..

* ملحوظة : بصلى .. و بسمع قران لفارس عباد .. و بدى فلوس لاى حد ماشى فى الشارع .. ببوس ايد والدتى لحد ما هطردنى من البيت .. اعمل ايه اعمل اييييييييه

Sofia El-behairy

26-05-2011, 02:18 AM

بما انى فاضيه و خلصت امتحانات و دلوقتى وقتى انا ادى نصايح ..

انا والله لما ببقى كده بقوم اغسل وشي بمياه ساقعه او خد شور و بعدان اتوضا و صلى ركعتين و بعدها قاعد على السرير و خلى النور خفيف لمده ربع ساعه و اهدى خالص خالص و مش تفتكر فى حاجه و بعدها قوم اقرا دعاء المذاكره و ذاكر و ان شاء الله ربنا حيوفقك ..فيه معهد تمريض عسكرى بيقولوا حلو اوى احسن من تمريض بس ...

ربنا معاك

usernamo

26-05-2011, 02:27 AM

zozza love

26-05-2011, 02:29 AM

الله يكون فى عونك يا أمجد
انا والله كره الثانويه من قبل ما اشوف عتبتها اصلا
من ايااااااااام زمان من ايام ما اخويا الكبير كان فى الثانويه (ايام جدى وجدك)
كان محرمنا نعدى الخط الاحمر اللى فى السجاده ولو عديت الخط يبقا نهارك زى لون شعر ولو شعرك لونه مش اسود يبقا نهارك مش معدى
وكانت حبه ايام
ومع ذلك ربنا طبعا قادر على كل شئ مجبش مجموع (مع انه كان مقطع نفسه مذكره ليل نهار ونهار ليل)
واخويا اللى بعده
برضه زماااااااااان ايام الثانويه معاه
كان بيفتح الاسكتش بتاعت الماده وجوا اسكتش صغير بيرسم فيه ويقعد يرسم بقا وهو فنان ومكنش بيسيب الرسم لحظه
ومع ذلك ربنا نفخ فى صورته ودخل حقوق وباختياره وكان جايب مجموع عالى والحمد لله
هى حظوظ والله
وانا مقتنعه ان على قد عملى حلقى
وعلى قد مذكرتى حجيب
وربنا يوقفك يا امجد يارب انت وكل اللى فى الثانويه

Sofia El-behairy

26-05-2011, 02:33 AM

[QUOTE=usernamo;3449936]قولى بتهزرى صح .. ها . ها؟؟ اكيد بتهزرى .. اصلى معهج تمريض عسكرى يبقى بتهزرى ,, و بعدين عملت كل اللى بتقولى عليه .. بس حوار النور دى هنام مش هزاكر ![/QUOTEانا بهزر فى موضوع التمريض العسكرى اكيد بس مش بهزر انك تقوم دلوقتى تغسل وشك و تهدى خالص خالص و حوار نور ده لمده عشر دقايق بس عشان تهدى اعصابك و مش تفكر فى امتحانات ..فكر بس فى انك خلاص خلصت و عدى الامتحانات على خير و بعد عشر دقايق اقرا الادعيه المذاكره و ابتدى و خليك واثق فى ربنا ..فيها ايه يا جماعه ديه مجرد ثانويه عامه ..

انا جالى حاله تسمم ليله الامتحان و اتحجزت فى المستشفى الدكتور رد عليا و قالى ان فتره امتحانات احلى فتره عاشاها فى حياته و نفسه يرجع تانى و انه جاب 101 فى الميه ..ما شاء الله ..خليك متفائل زيه

Mr. Ali 1

26-05-2011, 02:36 AM

(( الانجليزى فى البانيو ))

الانجليزي فين يا أمجد ؟ :stickjo4::stickjo4:
ويا تري القصة فين ؟ في القاعدة ؟!!
بص يا أمجد , أنت باين عليك من النوع اللي لازم يشد علي نفسه علشان يذاكر .
اكتب ورقة وقول فيها اللي انت عايز تقوله لنفسك ( بدل ما تسمعه من حد تاني ) وعلقها علي الحائط .
وكل ما نفسك توسوس لك انك متذاكرش , بص علي الورقة . ولو حسيت ان الورقة بدأت تفقد مفعولها , اكتب غيرها ( بدل ما انت كل يوم ألاقي لك موضوع واتنين هنا وفي الوقت دا )
بالنسبة للنت , افصل الكيسة أو الاب توب وحطه في الدولاب واقفل عليه وادي المفتاح لبابا وقل له لو اتذليت جنبك , متدنيش المفتاح الا بعد الامتحانات .
ابدأ المذاكرة بمادة بتحبها جداً ( الانجليزي طبعاً ) وبعد كدا المادة اللي بتحبها بعدها ( القناع الذهبي طبعاً )
لو حسيت ان نفسك مسدودة عن المذاكرة , اضغط علي نفسك غصب عنك وانت تلاقي نفسك بعد شوية اندمجت في المذاكرة .

هانى الشرقاوى

26-05-2011, 02:38 AM

بص يا أمجد
عارف وأنا فى ثانوى كنت بعمل ايه

كل ما أكنت ازهق من نفسى ومن ام المذاكرة
كنت أقول لنفسى
تخيل إنك كنت محبوس فى قضية زور وظلم
وطلعت النهاردة
وعندك مذاكرة وامتحانات !!
هتعمل ايه ؟؟
هتقعد ساكت .. ولا هتقتل نفسك
وتطلع العملاق اللى جواك دا .. عشان تثبت للعالم كله .. إنك راجل راجل

..

كنت بقول لنفسى
تخيل ان الطريق اللى بمشى فيه كل يوم من بيتنا للدرس .. ( واللى فيه 10 أعمدة )
عمود منه بطل ينور .. هتقف ؟؟
اتنين بطلوا ينور.. هتقف ؟؟
3 ..
4
5
6
9 .. هتقف ؟؟
الإجابة .. لا طبعا
مش هقف .. لازم هكمل .. دا لو انا عايز أوصل اخر الشارع
صحيح هتعب ..ممكن اخاف .. ممكن أقع .. بس لازم هوصل أخر الشارع

صدقنى .. اليوم الواحد كفيل انك هتهدم فيه جبال
شد حيلك وزاكر بضمير .. وسيبك من المنتدى ومن النت
ومش لما تقعد تذاكر .. تفتكر كل مشاكلك ومشاكل مصر وأفريقا والعرب والبشرية
خرج نفسك من الجو .. دا كله
واحصر نفسك جو خانة المذاكرة وبس !!

اوعى تذاكر على السرير
اوعى تذاكر أصلا فى أوضة النوم
خليك منظم .. ورتب أوضتك وحاجتك
التنظيم هو نص المذاكرة ..
وقبل ما تذاكر .. خد دوش ساقع ..

وقلل حد ساعات نومك .. ومتنامشى نومك كل مرة واحدة
قسمه على مرتين

يعنى لو بتنام 6 ساعات
نام تلاتة .. مرة .. وتلاتة مرة

ومينفعشى أصلا تنام اكتر من ست ساعات دلوقتى !!!

بس خليك فاكر
مذاكرة ساعة وانت فايق ... بمذاكرة 10 وانت ضايع

وبالتوفيق لكم جميعا
ودعواتى لكم

Sofia El-behairy

26-05-2011, 02:40 AM

Sofia El-behairy

26-05-2011, 02:43 AM

usernamo

26-05-2011, 02:45 AM

الانجليزي فين يا أمجد ؟ :stickjo4::stickjo4:
ويا تري القصة فين ؟ في القاعدة ؟!!
بص يا أمجد , أنت باين عليك من النوع اللي لازم يشد علي نفسه علشان يذاكر .
اكتب ورقة وقول فيها اللي انت عايز تقوله لنفسك ( بدل ما تسمعه من حد تاني ) وعلقها علي الحائط .
وكل ما نفسك توسوس لك انك متذاكرش , بص علي الورقة . ولو حسيت ان الورقة بدأت تفقد مفعولها , اكتب غيرها ( بدل ما انت كل يوم ألاقي لك موضوع واتنين هنا وفي الوقت دا )
بالنسبة للنت , افصل الكيسة أو الاب توب وحطه في الدولاب واقفل عليه وادي المفتاح لبابا وقل له لو اتذليت جنبك , متدنيش المفتاح الا بعد الامتحانات .
ابدأ المذاكرة بمادة بتحبها جداً ( الانجليزي طبعاً ) وبعد كدا المادة اللي بتحبها بعدها ( القناع الذهبي طبعاً )
لو حسيت ان نفسك مسدودة عن المذاكرة , اضغط علي نفسك غصب عنك وانت تلاقي نفسك بعد شوية اندمجت في المذاكرة .

بخصوص انى اكتب لنفسى ورقة .. انا لو جبت بنى ادم رزيل يقولى الكلمتين دول .. بردو مش هزاتكر انا مش بيحوق فيا حاجة .. و بخصوص ادى الكيسة او اللاب لبابا .. و اسيبله المفتاح هو اصلاً مش هيرضى ممكن اجنن و اقتله و اخد المفتاح ..

بص يا أمجد
عارف وأنا فى ثانوى كنت بعمل ايه

كل ما أكنت ازهق من نفسى ومن ام المذاكرة
كنت أقول لنفسى
تخيل إنك كنت محبوس فى قضية زور وظلم
وطلعت النهاردة
وعندك مذاكرة وامتحانات !!
هتعمل ايه ؟؟
هتقعد ساكت .. ولا هتقتل نفسك
وتطلع العملاق اللى جواك دا .. عشان تثبت للعالم كله .. إنك راجل راجل

..

كنت بقول لنفسى
تخيل ان الطريق اللى بمشى فيه كل يوم من بيتنا للدرس .. ( واللى فيه 10 أعمدة )
عمود منه بطل ينور .. هتقف ؟؟
اتنين بطلوا ينور.. هتقف ؟؟
3 ..
4
5
6
9 .. هتقف ؟؟
الإجابة .. لا طبعا
مش هقف .. لازم هكمل .. دا لو انا عايز أوصل اخر الشارع
صحيح هتعب ..ممكن اخاف .. ممكن أقع .. بس لازم هوصل أخر الشارع

صدقنى .. اليوم الواحد كفيل انك هتهدم فيه جبال
شد حيلك وزاكر بضمير .. وسيبك من المنتدى ومن النت
ومش لما تقعد تذاكر .. تفتكر كل مشاكلك ومشاكل مصر وأفريقا والعرب والبشرية
خرج نفسك من الجو .. دا كله
واحصر نفسك جو خانة المذاكرة وبس !!

اوعى تذاكر على السرير
اوعى تذاكر أصلا فى أوضة النوم
خليك منظم .. ورتب أوضتك وحاجتك
التنظيم هو نص المذاكرة ..
وقبل ما تذاكر .. خد دوش ساقع ..

وقلل حد ساعات نومك .. ومتنامشى نومك كل مرة واحدة
قسمه على مرتين

يعنى لو بتنام 6 ساعات
نام تلاتة .. مرة .. وتلاتة مرة

ومينفعشى أصلا تنام اكتر من ست ساعات دلوقتى !!!

بس خليك فاكر
مذاكرة ساعة وانت فايق ... بمذاكرة 10 وانت ضايع

وبالتوفيق لكم جميعا
ودعواتى لكم

و النبى بنام 1 ساعه يا هانى و مش نافع .. و ساعات بنام 24 ساعه و الله .. و كل مدرس يطلب كم مزاكرة رهيب .. يخليك و لا تعرف تكمل ده و لا ده .. انا امنية حياتى اخلص الباب 8 تاريخ .. لو خلصته يبقى خلاص كده زهزهت معايا الحياة

ههههه شكلك يا مستر مدرس انجلش ..انا رحت قلت لماما ..ان فى طالب فى ثانويه عامه حط ورق الانجليزى فى البيانيو
رديت و قالت لى حقه الشرعى يا بنتى انا لو منه ارمى الورق كله بره الشقه ..رديت و قلت و نعم المدرسه
مع العلم ان ماما مدرسه انجلش بس هى الايام ديه بتمر بازمه الثانويه العامه يعنى بتعذب اكتر من الطلبه والله بحس انها هى الى داخله تمتحن
ربنا يستر

لا بلاش ارميه برا السلم .. انا بجمعه و بولع فيه .. او بديه لبتاع بطاطا معدى ^^

Mr. Ali 1

26-05-2011, 02:57 AM

ههههه شكلك يا مستر مدرس انجلش ..انا رحت قلت لماما ..ان فى طالب فى ثانويه عامه حط ورق الانجليزى فى البيانيو
رديت و قالت لى حقه الشرعى يا بنتى انا لو منه ارمى الورق كله بره الشقه ..رديت و قلت و نعم المدرسه
مع العلم ان ماما مدرسه انجلش بس هى الايام ديه بتمر بازمه الثانويه العامه يعنى بتعذب اكتر من الطلبه والله بحس انها هى الى داخله تمتحن
ربنا يستر

انجليزي طبعاً .
الانجليزي دا أحلي مادة يا صوفيا .
انتي بتصدقي أمجد !!!
أكتر مادة أمجد بيحبها هي الانجليزي .
هو حاطط الكتاب بتاعها في البانيو ليه ؟ أكيد مش قادر يسيب المادة خالص حتي وهو بيستحمي :d:d

ostazmath4m

26-05-2011, 02:59 AM

ياااااااااه الثانويه العامة والله ايام كانت جميله اووي
خصوصا ان الواحد كان بيطلع من المدرسة علي ملعب
الكورة ونديها بالساعتين كده ع الماشي قبل مانروح
هههههههههههههههههههههههههههههههه
.................................................. ...
والله في نصايح حلوة قالك عليها هاني وكلها جميله
وفعلا انا اتفق معاه في حته انك لازم تشيل الكمبيوتر
من دلوقتي ايوة من دلوقتي يا امجد يعني من الاخر كده
ماشوفش وشك تاني من بكرة((:slap1qk6:ههههههه))
اهم حاجه يا امجد خلي هدفك دايما في وشك اللي هو الاعلام صح؟
بص اشتري لوحه واكتب عليها كلمتين بس وبعرض بوطول اللوحه كلها
الكلمه الاولي: كليــــــــــــــــــة الاعـــــــــــــــــــــــــــــــــــلام
الكلمه التانيه: مجموعهــــــــــــــــــــــــا ((.....%))
ممكن لو فيه مكان فاضي لسه تكتب : ها عايز تدخل اعلام ولا انت بتستعبط
وكمان لوحه معلش هخسرك شويه يا امجد بس استحمل عشان توصل
اللوحه التانيه دي هتعمل فيها ايه بص كده
هتكتب عدد الايام اللي باقيه ع الامتحان وتكتب اسماء الايام دي وتواريخها
واكتب كمان ايام الامتحانات نفسها وشوف عندك كام ماده واحسب تقدر تذاكر
كام ساعه في اليوم بعد طبعا ماتحسب الوقت بدل الضايع يعني شوف هترسي
علي كام ساعه ووزع المواد بتاعتك كلها ع الايام دي وممكن مثلا تخلي كل يوم
فيه ماده جديده او تقسم اليوم علي مادتين عشان ماتملش ماده فترة صباحيه
وماده فترة مسائيه وهكذا حتي يكتمل عدد ايامك وتكون ظبط المواد بتاعتك او ع الاقل
توصل لمذاكرة التلتين ومع ملاحظة انك هتترك مثلا اخر اربع او خمس او تلات ايام
قبل الامتحان عشان تذاكر اول ماده ،، ودعواتي بالتوفيق ،، تحياتي :022yb4:

هانى الشرقاوى

26-05-2011, 03:00 AM

انجليزي طبعاً .
الانجليزي دا أحلي مادة يا صوفيا .
انتي بتصدقي أمجد !!!
أكتر مادة أمجد بيحبها هي الانجليزي .
هو حاطط الكتاب بتاعها في البانيو ليه ؟ أكيد مش قادر يسيب المادة خالص حتي وهو بيستحمي :d:d

ههههههههههههههههههههههههههههه
نظرية برده .. :p
دا على كل أمجد بيستمى كل يوم :p
يا بخته .. :p

Mr. Ali 1

26-05-2011, 03:01 AM

بخصوص انى اكتب لنفسى ورقة .. انا لو جبت بنى ادم رزيل يقولى الكلمتين دول .. بردو مش هزاتكر انا مش بيحوق فيا حاجة .. و بخصوص ادى الكيسة او اللاب لبابا .. و اسيبله المفتاح هو اصلاً مش هيرضى ممكن اجنن و اقتله و اخد المفتاح ..

واحنا نقدر نعمل ايه مع واحد بيقول علي نفسه انه مفيش حاجة بتحوق فيه !!
أقولك
أنت قلت قبل كدا ان بابا ضابط شرطة . خليه يسجنك الفترة دي .

Sofia El-behairy

26-05-2011, 03:01 AM

انجليزي طبعاً .
الانجليزي دا أحلي مادة يا صوفيا .
انتي بتصدقي أمجد !!!
أكتر مادة أمجد بيحبها هي الانجليزي .
هو حاطط الكتاب بتاعها في البانيو ليه ؟ أكيد مش قادر يسيب المادة خالص حتي وهو بيستحمي :d:d

هههههه ده ايه الشاطره ديه !! اومال داخل يقول مش عارف ازاكر .خايف من الحسد و لا ايه

Mr. Ali 1

26-05-2011, 03:05 AM

ههههههههههههههههههههههههههههه
نظرية برده .. :p
دا على كل أمجد بيستمى كل يوم :p
يا بخته .. :p

أمجد بيستحمي في اليوم أربع مرات علي الأقل .
ودا عدد مرات مذاكرته للانجليزي كل يوم .
ما أنت انجليزي بردوا يا هاني وأكيد بتعمل زيه , بس أنت تلاقيك بتكتفي بمرتين وبس :d:d

Sofia El-behairy

26-05-2011, 03:05 AM

واحنا نقدر نعمل ايه مع واحد بيقول علي نفسه انه مفيش حاجة بتحوق فيه !!
أقولك
أنت قلت قبل كدا ان بابا ضابط شرطة . خليه يسجنك الفترة دي .

يسجن ايه يا مستر !!! بلا احسن ينزل يعمل مظاهر ...هو ممكن يقعد على لاب ساعه واحده بس ..اول كل مبيذاكر 2 ياخد راحة تلت ساعه على لاب + عمل الشاى بس مش فى البراد

Mr. Ali 1

26-05-2011, 03:08 AM

هههههه ده ايه الشاطره ديه !! اومال داخل يقول مش عارف ازاكر .خايف من الحسد و لا ايه

ما هو قال ان الباب الـ 8 في التاريخ هو اللي فاضل له .
وانا مش فاهم !! مش قادر يخلص باب واحد !! طيب ما يخليه شباكين أو تلاتة وكل يوم يخلص شباك منهم :d:d

Sofia El-behairy

26-05-2011, 03:11 AM

ما هو قال ان الباب الـ 8 في التاريخ هو اللي فاضل له .
وانا مش فاهم !! مش قادر يخلص باب واحد !! طيب ما يخليه شباكين أو تلاتة وكل يوم يخلص شباك منهم :d:d

معلش سؤال غبي و فضولى شويه باب بتاع التاريخ بيقى كام صفحة ؟؟؟ عشان انا بدات اخاف و بفكر من 11 سنه فى مدارس لغات احول صنايع قسم تجميل و بلا ثانويه عامه بلا قرف

Mr. Ali 1

26-05-2011, 03:12 AM

يسجن ايه يا مستر !!! بلا احسن ينزل يعمل مظاهر ...هو ممكن يقعد على لاب ساعه واحده بس ..اول كل مبيذاكر 2 ياخد راحة تلت ساعه على لاب + عمل الشاى بس مش فى البراد

امال يعمل الشاي في ايه ؟ يعمله في الحلة ؟!!
طالما هيقعد علي النت , مش هيقدر يتحكم في الوقت اللي يقعده عليه .
الحاجة دي بتكون عايزة تعود من البداية .

Mr. Ali 1

26-05-2011, 03:14 AM

معلش سؤال غبي و فضولى شويه باب بتاع التاريخ بيقى كام صفحة ؟؟؟ عشان انا بدات اخاف و بفكر من 11 سنه فى مدارس لغات احول صنايع قسم تجميل و بلا ثانويه عامه بلا قرف

مش عارف والله يا صوفيا .
انا انجليزي مش تاريخ .
وبعدين أمجد قال انه حاطط كتاب التاريخ في المطبخ , وانا خايف يكون الباب الثامن محطوط في الفريزر :(:(
هي الصنايع بقي فيها قسم تجميل ؟! تجميل ايه ؟

Sofia El-behairy

26-05-2011, 03:22 AM

مش عارف والله يا صوفيا .
انا انجليزي مش تاريخ .
وبعدين أمجد قال انه حاطط كتاب التاريخ في المطبخ , وانا خايف يكون الباب الثامن محطوط في الفريزر :(:(
هي الصنايع بقي فيها قسم تجميل ؟! تجميل ايه ؟

حضرتك انجلش زى ماما ..فرصه سعيده

قسم تجميل يعنى ابقى صبي كوافيرة ..

BaNZeR

26-05-2011, 03:28 AM

بص يابني حجيبلك من الاخر
انت اطلب وقفك من المنتدى لمدة شهر كدا روق بيهم نفسك :d

تاني حاجة شيل من دماغك انك مش عارف تذاكر واشغل نفسك باي حد تذاكر معاه
او احضر كل انواع حصص المراجعة اللى تلاقيها قدامك

كرستال اردنية

26-05-2011, 09:26 AM

احكيلك عن تجربتي الشخصية بالثانوية
كان معايا بنت عمتي وكان كل قرايبنا بيقولو انها حتنجح وراح تجيب مجموع عالي لانها بتعمل كزا وبتازاكر وبتروح دروس خصوصي
وانا كنت معتمدة على مزاكرتي وشرح المدرس فس المدرسة وكانت العلاقة مش ولا بد مع قريبتي دي فكنت لما اجي ادرس اشوف صورتها في الكتب يعني انا لازم اتحداها واجيب اعلى منها فكنت لما ازهق او احس نفسي مقصرة في المزاكرة اشحن افكاري بيها وبيوم النتائج وكيف راح يكون شكلي لما تجيب اعلى مني فكنت ابذل قصارى جهدي
ويوم النتائج ........... جبت اعلى منها بكتييييييييييييييييييييييييييييييير ودخلت احسن جامعة واحسن تخصص
وهيه ميت واسطه عشان تدخل جامعة ....... لانو لتعليم عنا هون صعب كتييييييييير ومش مجان متلكم
يعني بص يا عم (خليك قدامك هدف مستحيل توصله الا ازا زاكرت ولما تحس نفسك قصرت اشحن افكارك بيه واحلى شي بالدني فرحة النجاح
وربنا يوفقك ونسمع عنا اخبار منيحة

THE CodeR

26-05-2011, 10:20 AM

انا هكلمك عن معتقداتي الشخصية (اللي غالباً ما بتودي ورا الشمس في بلدنا دي )
انا مش شايف الثانوية العامة هتحققلك هدفك
إن كان هدفك كلية كويسة فهتتهالك في المذاكرة
لكن هتلاقي اوقات فتور كتييييييييييييييييير زي اللي بتقابلك دي (الشاي ابو اربع ساعات )
لكن لو انتا عندك هدف حقيقي عايز تحققه هتلاقي نفسك مفتوحة انك تاخد الطريق ده ليها
حتي و ان كنت كارهه
و صدقني
انتا لو هدفك كلية هتطلع فرد عامل في الدولة سواء كنت مهندس او دكتور او غيره
و هيترمي اسمك في اي سجل مدني و كأنك لم تكن سوي انك زودت مساحة التراب في الارض حوالي كام سنتيمتر مربع
لكن لو هدفك اكبر من كده (و من المفروض ان واعي زيك يكون سقف احلامه عالي) هتسعي لتحقيقه حتي ولو من غير الثانوية العامة
و في الاخر اقول
ميت واحد عملوا زيك و جابوا اعلي من خمسة و تسعين ............لو مقتنع انك لازم تذاكر هتذاكر
لكن لو مش مقتنع الشاي هياخد معاك بعد كده اكتر من كده
و دي خلاصة كلامي (تذكر اني حذرتك من خلاصة كلامي )
و تقبل مروري و بإذن الله ربنا يوفقني و يوفقك في الامتحانات (شكلك زيي لما بتتزنق في المزاكرة بتديها نحت في الكتب :d )

المياة

26-05-2011, 12:12 PM

المياة

26-05-2011, 12:14 PM

المياة

26-05-2011, 12:19 PM

usernamo

26-05-2011, 12:26 PM

أحمد ربنا يا أمجد أني مش أختك
أربع ساعات بتعمل شاي حرقت دمي ده أنا لو كنت أختك كنت وريتك النجوم في عز الضهر من كتر النرفزة والعصبية
وبالنسبة للتنظيم فعادي إذا كنت أنا بنت والمكتب يضرب يقلب
ومن الآخر الثانوية ديه ضربة حظ
أيه رأيك أجيب تشاؤم مش كده
أي خدمة يا عم

لا يا سيتى انتى اختى طبعاً و ليا الشرف ^^ .... عادى يعنى امال اضيع وقتى فى ايه .. لا انا عندى الشقة كلها تضرب تقلب كلها عادى ,, ^^ ,,و يا مياه عادى تشاؤم كلنا لها ^^

انـــــــــــــجـــــــــــلـــــــــــــــيــــــ ــــــــزي
ده أنا بيجيلي شلل لما بسمع اسمه ده أنا عندي الجيولوجيا ارحم
أنا خلصت معظم المواد ماعدا الانجليزي معرفش عنه حاجة
انا مش عارف اخلص حاجة خالص ^^lol
يا بنتي هي دي الحقيقة بعد الاعدادية الـ 90 % ضرب من الجنون
وقانون الثانوية بيقول زاكر تنجح غش تجيب مجموع
وبما أن الغش حرام فاتكتب علينا أن احنا ننجح بس (فلسفة)
كفاية كده عليكي شكلي عقدتك

بخصوص ان القانون ده صح .. بس لو الغش مر عليكى كده ممكن تغشى عادى ^^ :D

المياة

26-05-2011, 12:35 PM

لا يا سيتى انتى اختى طبعاً و ليا الشرف ^^ .... عادى يعنى امال اضيع وقتى فى ايه .. لا انا عندى الشقة كلها تضرب تقلب كلها عادى ,, ^^ ,,

انا مش عارف اخلص حاجة خالص ^^lol

بخصوص ان القانون ده صح .. بس لو الغش مر عليكى كده ممكن تغشى عادى ^^ :D

بص يا أمجد أمشي ورا هواك نفسك جيباك تذاكر عربي ذاكر عربي
علم نفس ذاكر علم نفس
فلسفة ذاكر فلسفة .............
هتستغرب لكن صدقني لما تلاقي نفسك انجزت وخلصت مادة حتى لو كانت سهلة هتلاقي نفسك اتفتحت لبقية المواد
وعلى فكرة أنا مش فلحوسة أوي أنا السنة اللي فاتت خلصت المناهج من شهر 2 ومافلحتش
السنة دي لسه مخلصة علم النفس امبارح فعادي يعني الحال من بعضه فبلاش تقلق القلق ده عدونا
وإن شاء الله ربنا ينولك اللي في بالك :friendsxs3:

Heartbeat

26-05-2011, 12:47 PM

usernamo

26-05-2011, 12:55 PM

بص حكاية الورقة اللى مستر على قالك عليها دى لذيذة
انا عملاها ((بس مفيش تاثير:d))
ومش ورقة واحدة كمان ده انا مالية الحيطة ورق:av4056bb7jp3:

هقولك على حاجة انت قبل ما تبدا مذاكرة اليوم
خصص لنفسك ورد من القران يوميا
وقول دعاء تجديد النية للمذاكرة

((اللهم اجعل نيتى فى مذاكرتى رضاك ورضا الوالدين ونصرة هذا الدين))

وبعدين ابدا مذاكرة اليوم بمادة لذيذة ولونهم كلهم لذاذ:romarioxp6:
وانت بتذاكر متذاكرش وانت قاعد كده عادى
ذاكر وانت ماشى او وانت بتنط:028ja7:
صدقنى النط ده رائع لو جربته
هتبقى من المتفوقين
عشان المعلومات بتضرب على طول:028ja7:
يعنى غير باستمرار مكان مذاكرتك ان شا الله حتى تذاكر تحت السرير:006et4:
قدى نفسك كل ساعة عشر دقايق راحة
وبلاش تدخل المنتدى تانى الفترة دى اسمع الكلام
ده مستقبلك:stickjo4::stickjo4:
فى نص المذاكرة لو عندك اخوات قوم غلس عليهم شوية او على مامتك او باباك :friendsxs3:
ده بيدى دافعة للمذاكرة ونفسك بتتفتح اكتر:d

يارب تكون استفدت من خبرتى:078111rg3:

انت كلكم بتقوليلى مخشش المنتدى زهقتوا منى .. ماشى ماشى ^^ .. و الله بفل اضرب فى اختى ضرب السنين .. و بفضل العب مع القطة .. اشطها فى الحيطة و ترجعلى تانى .. مفيش بردو ! .. الزهق و مالل .. من المواد لا كلها زفت حفظ .. مفيش مادة اشغل فيها دماغى كان اسود اصلاً يوم ما حولت ادبى .. انا ماليش فى الادبى -.-

بص يا أمجد أمشي ورا هواك نفسك جيباك تذاكر عربي ذاكر عربي
علم نفس ذاكر علم نفس
فلسفة ذاكر فلسفة .............
هتستغرب لكن صدقني لما تلاقي نفسك انجزت وخلصت مادة حتى لو كانت سهلة هتلاقي نفسك اتفتحت لبقية المواد
وعلى فكرة أنا مش فلحوسة أوي أنا السنة اللي فاتت خلصت المناهج من شهر 2 ومافلحتش
السنة دي لسه مخلصة علم النفس امبارح فعادي يعني الحال من بعضه فبلاش تقلق القلق ده عدونا
وإن شاء الله ربنا ينولك اللي في بالك :friendsxs3:
لا مبعرفش اعمل كده .. بزاكر تبع جدول .. و اللى طبعاً مش بيخلص .. و السنة اللى فاتت انا زاكرت شهرين جبت 81.5 % .. دلوقتى انا زاكرت و لا حاجة وو لا شهر .. هجيب كام .. 5% !!!!!!

Heartbeat

26-05-2011, 01:03 PM

انت كلكم بتقوليلى مخشش المنتدى زهقتوا منى .. ماشى ماشى ^^ .. و الله بفل اضرب فى اختى ضرب السنين .. و بفضل العب مع القطة .. اشطها فى الحيطة و ترجعلى تانى .. مفيش بردو ! .. الزهق و مالل .. من المواد لا كلها زفت حفظ .. مفيش مادة اشغل فيها دماغى كان اسود اصلاً يوم ما حولت ادبى .. انا ماليش فى الادبى -.-

!
المفروض كلنا منخشش المنتدى مش انت بس:bosyht9:
قولتلى بقى
يعنى مش عارف انت ليه مش عارف تذاكر؟؟
اكيد اختك المسكينة اللى انت بتضربها دى:006et4:
داعية عليك
انا بقول غلس مش اضرب ;)
كمان القطة
بص يا امجد ربنا يستر عليك السنة دى من العمايل السودا دى
اختك والقطة ((كائنات بريئة)) اكيد مش مسمحينك
بسرعة اعتذر ليهم روح اشترى لاختك هدية
وللقطة كمان

انت ادبى علشان كده ممكن حفظ بيكون ممل
بص بجد غير مكان مذاكرتك وبلاش تعتمد عالمنبهات
ذاكر عالسلم:006et4:
انت ثانوية عامة واكيد الجيران هيقدروا حالتك النفسية
او انزل ذاكر فى الشارع:d
تغيير برده

المياة

26-05-2011, 01:04 PM

لا مبعرفش اعمل كده .. بزاكر تبع جدول .. و اللى طبعاً مش بيخلص .. و السنة اللى فاتت انا زاكرت شهرين جبت 81.5 % .. دلوقتى انا زاكرت و لا حاجة وو لا شهر .. هجيب كام .. 5% !!!!!!

ربنا يعينك يا أمجد
عايزة اساعدك بس مش عارفة اساعدك ازاي كل ما يجي في بالي طريقة بحس أني بنافق حتى الأمل اللي بحاول أبثه في من حولي مش عندي أصلا :bosyht9:

Heartbeat

26-05-2011, 01:07 PM

ربنا يعينك يا أمجد
عايزة اساعدك بس مش عارفة اساعدك ازاي كل ما يجي في بالي طريقة بحس أني بنافق حتى الأمل اللي بحاول أبثه في من حولي مش عندي أصلا :bosyht9:
فى ايه يابنتى التفاؤل اللى انتوا فيه ده:confused::confused:
ده انتوا سديتوا نفسى:angry2:
حبيبتى تفاءلى وادعى كتير بصى
الدعاء بيملا القلب طمانينة
انا شخصيا زنانة مش ببطل دعاء :)
وده شئ كويس

المياة

26-05-2011, 01:10 PM

فى ايه يابنتى التفاؤل اللى انتوا فيه ده:confused::confused:

ده انتوا سديتوا نفسى:angry2:
حبيبتى تفاءلى وادعى كتير بصى
الدعاء بيملا القلب طمانينة
انا شخصيا زنانة مش ببطل دعاء :)

وده شئ كويس

يا حبيبتي أنا بدعي كتير في نص الليل وعند نزول المطر وفي الصلوات ومعظم أوقات الاستجابة لكن التفاؤل لم يعد له مكان في هذا الزمن الواقع بيصدمك

المياة

26-05-2011, 01:11 PM

واضح أننا جينا نساعدك يا أمجد زودنا الطين بلة وعقدناك

Heartbeat

26-05-2011, 01:19 PM

يا حبيبتي أنا بدعي كتير في نص الليل وعند نزول المطر وفي الصلوات ومعظم أوقات الاستجابة لكن التفاؤل لم يعد له مكان في هذا الزمن الواقع بيصدمك
يابنتى انتى عندك كام سنة؟؟:bosyht9:
مش المفروض تفقدى الامل فى ربنا
انتى ممكن بتدعى كتير لكن جواكى مش حاسه الدعاء
وانتى بتدعى استحضرى قلبك بالظبط زى واحنا بنصلى خلى قلبك حاضر
واستمرى فى الدعاء مع المذاكرة وحددى انتى عايزة ايه
شيلى فكرة التشاؤم من بالك نهائى
وافتكرى ان ربنا مش بيضيع تعب حد
وان شاء الله الامتحانات لذيذة
وهتجيبى مجموع حلو وتدخلى الكلية اللى بتحلمى بيها
بس توكلى على الله

المياة

26-05-2011, 01:26 PM

يابنتى انتى عندك كام سنة؟؟:bosyht9:

مش المفروض تفقدى الامل فى ربنا
انتى ممكن بتدعى كتير لكن جواكى مش حاسه الدعاء
وانتى بتدعى استحضرى قلبك بالظبط زى واحنا بنصلى خلى قلبك حاضر
واستمرى فى الدعاء مع المذاكرة وحددى انتى عايزة ايه
شيلى فكرة التشاؤم من بالك نهائى
وافتكرى ان ربنا مش بيضيع تعب حد
وان شاء الله الامتحانات لذيذة
وهتجيبى مجموع حلو وتدخلى الكلية اللى بتحلمى بيها

بس توكلى على الله

هو ليه الكل بيسأل على السن :blush:
أنا عندي 17 سنة
بإذن الله وشكرا على بثك الأمل فينا
بس بلاش كلمة الامتحانات لذيذة بتحسسيني أنك هتأكليها :d

Heartbeat

26-05-2011, 01:31 PM

هو ليه الكل بيسأل على السن :blush:
أنا عندي 17 سنة
بإذن الله وشكرا على بثك الأمل فينا
بس بلاش كلمة الامتحانات لذيذة بتحسسيني أنك هتأكليها :d
حبيبتى انا بهزر معاكى والله
هزارى تقيل شوية:d
انا عايزاكى تفرفشى صدقينى انا كمان خايفة جدا:(
وده احساس اى انسان طبيعى
بس بحاول اتغلب عالخوف ده بالدعاء وتشجيع اللى اكبر منى
وبالنسبة للسن
بس كنت جايبة لك عريس:p
(بهزر ):)

usernamo

26-05-2011, 01:33 PM

المياة

26-05-2011, 01:35 PM

حبيبتى انا بهزر معاكى والله

هزارى تقيل شوية:d
انا عايزاكى تفرفشى صدقينى انا كمان خايفة جدا:(
وده احساس اى انسان طبيعى
بس بحاول اتغلب عالخوف ده بالدعاء وتشجيع اللى اكبر منى
وبالنسبة للسن
بس كنت جايبة لك عريس:p

(بهزر ):)

ولا يهمك يا قمر هزري برحتك

المياة

26-05-2011, 01:39 PM

T!to

26-05-2011, 01:41 PM

انا مش قولت تطلعوا براااااا:angry2:
من لول الشهر :blush:
راجعين تعيطوا دلوقتى :(
خلى بالك يا امجد انك لوفاضل اسبوع على الامتحان
وانته حاطط فى دماغك ان الاسبوع ده هتخلص فيه المنهج
صدقنى هتخلصه
بس حط لنفسك استراتجية يومية امشى عليها
بس اوعى تقع وانته ماشى :p:d
ههههههه
والله يا اخى شد حيلك وابدا من دلوقتى
وماتعملش مواضيع تانى
ده فيه مواضيع كتير ليك فى القسم
بيقى اكيد محتاج تتابعها
بضطر انك تدخل النت وتضحك على نفسك وتقول هقعد 3 ثوانى :confused:
وبعد كده تلاقى الليل ليل و الدنيا غيمت وعايز تناااااااااام :romarioxp6:
خد قرار مع نفسك انك مش هتدخل :slap1qk6:
هقولك على حاجة ......
انا بقالى فترة صغيرة مش دخلت ولا شاركت
وكنت كل ما اقول مش هدخل
ارجع وادخل تانى :)
لحد ما جيت فى مرة
روحت حالف
والله حلفت
قلت والله العظيم مش هدخل النت لفترة كذا
وفعلا مش دخلت الفترة ده
بس هيات نفسى انى ممكن امشى فى اى وقت
وابقى انا المتحكم فى نفسى
واضحك على شوشو بتاعى :d
الموقف محتاج رااااجل
وانته ابو الاراجيل:d
يلا بقى بدل ما جيلك :stickjo4:

إليزابيث

26-05-2011, 01:43 PM

خلاص السنة خلصت الله يرحمك مقدما

usernamo

26-05-2011, 01:46 PM

خلاص السنة خلصت الله يرحمك مقدما

شكراً يافندم بث روح التفاؤل ^^ ...

و شكراً استاذتى ام شاهندة ع النقل .. كنت لسه هبعت رسالة لعبدالله مشرف القسم ^^

Heartbeat

26-05-2011, 01:47 PM

بصو ياجماعة
(المياة -امجد-حبيبة اللى هى انا)
يللا نقوم نذاكر دلوقتى
احنا جوانا حماس يللا بسرعة قبل ما ينتهى
اللى مش صلى الظهر يصليه
ويللا نقوم دلوقتى وناخد عهد مع نفسنا
اننا مش هنضيع وقتنا فى تفاهات
عايزين نحقق حلم بابا وماما
وبلدنا محتاجة اننا نذاكر
علشان نبنيها من تانى
((مش عارفه ايه الكلام الكبير اللى بقوله ده))
خلاص هانت
عايزين نحط قدامنا صورتنا بعد النتيجة واحنا فرحانين
وده هيدينا دافعة

Heartbeat

26-05-2011, 01:56 PM

انا شايفه انكوا لسه قاعدين
ايه فيه ايه؟؟؟؟؟؟؟
:stickjo4::bosyht9::angry2::o

:040vk0::slap1qk6:

Sofia El-behairy

26-05-2011, 02:00 PM

انتوا ليه كده والله العظيم انا جالى تشاؤم جامد جدا و عيطت لماما ...مالها يعنى ثانويه عامه !! عادى اكيد عادى ..صح ؟؟ بصوا انا والله حدعيلكم بس ابقوا ادعو لى لما ادخل ..انا لسه بقول لماما من قبل ما ادخل ثانويه عامه انى عايزه ادخل جامعه خاصه خلاص اتشائمت ..
ما هو حاجه من اربع ..( ادخل ثانويه عامه اجن او اجيب مجموع او ادخل امريكن و اضيع فلوس امى و حنشحط كمان عشان نكمل المصاريف و بعدها جدخل كليه حكومه برده او ادخل ثانويه عامه و ايقى عادى و بعدها ادخل جامعه خاصه و انا رايقه و لم افقد شعره من رأسي او اقهر قلب امى عليا بعد 11 سنه فى مدارس اللغات احول صنايع و اخلص و ادور على عريس حتى لو لقيت )

حد يختار من بين الاقواس

NeVeR CoMe BacK

26-05-2011, 02:00 PM

انتو لسة قاعدين قومو بقا هتندمو والله علا الساعات دى اللى بتروح هدر والله مش هتقدروها غير لما يفوت الاوان قومو بقااااااااااا يلاااااااااااااااااااااااااااا وربنا معاكو ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،

T!to

26-05-2011, 02:05 PM

اسهل حاجة فى الدنيا الثانوية العامة !!

Awatef Esmat

26-05-2011, 02:05 PM

ربنا معاكواااا يا جماعه والله
انا كلها شهرين وهبقي في تانيه ربناااااااااااااا يسترها معانا ومعاكوا

usernamo

26-05-2011, 02:07 PM

اسهل حاجة فى الدنيا الثانوية العامة !!

انا قمت ع فكرة ^^ ... بس بلما قول ده رد لفت نظرى .. وجهة النظر التى لم يقولها احد فى تاريخ مصر .. من ايام الهكسوس لحد دلوقتى ^^

T!to

26-05-2011, 02:16 PM

انا قمت ع فكرة ^^ ... بس بلما قول ده رد لفت نظرى .. وجهة النظر التى لم يقولها احد فى تاريخ مصر .. من ايام الهكسوس لحد دلوقتى ^^

لا مقومتش
لانك لو قومت
ماكنتش شفت الرد
ههههههههههه
صح ولا لا
وهيا فعلا اسهل من الاعدادى :)
بس المشكلة انك بتخاف منها من قبل ما تدخلها
فطبيعى ان اى حاجة تقابلك فى المنهج مش فاهمها تلكك بيها
ومش بتفكر ازاى تحلها الاول
قومى بقى عشان انا السبب اللى هخليك ترد تانى
وياريت كل الطلبة تقوم
ومش تدخل
يلا عشان انا همشى :d

ايمان404

26-05-2011, 03:21 PM

هيا الحلول كتير

بس التنفيذ صعب جداااااااااااااااا

اعذرنى اصلى ف تالتة ثانوى انا كمان

تغريد الطيور

26-05-2011, 03:48 PM

السلام عليكم ..

بعد الكثييييير من الضحك على التعليقات الجميييلة دى انا بأيد رأى البشمهندس بانزر على انك تتوقف احسن حل :d

لكن اقولك على طريقة حلوة تذاكر بيها

انت دلوقتى عندك التاريخ مش مذاكر الباب التامن

تمسكه كدا فى وقت انت مستريح فيه و ياسلام لو كان فى الفجر و تروح الجامع تصلى الفجر و تدعى يااااااارب اخلص الباب دا

و ذاكره .. تعرف اكييييييييد هاتخلصه مع الاصرار

و اى مادة لو عملت فيها كدا هاتخلصها

انت بس قـــــــول لنفسك هما كام يوم اتعذب فيهم و بعد كداا هارفع راس عيلتى و هاكون حاجة مفيدة فى المجتمع

و ال20 سوم بتوع الامتحانات هايخلصو بسرعة ماتخافش .. دا اللى عرفته من تجارب اخواتى

بس ماتنساش نصيحة ذا كودر عشان انا بمشى بيها حاليا :)

و انا بتمنى ليكو التوفيــــــــــق

بالنجاح ان شـــــــــاء الله .. ربنـــــــــا يوفقكوا

THE CodeR

27-05-2011, 05:15 PM

ان شاء الله ربنا مش يضيع السنتين .. لانى انا تعبت فعلاً .. و اهلى تعبوا اكتر منى .. انا بس اللى بيتعبنى .. مش الدرجة و الله لو عليا انا الثانوية مش هوايتى او يعنى مش هتحققلى اللى نفسى فيه .. انا عايز ابقى صحفى او اديب او حاجة زى دى .. انا بس مش عايزة دمعة امى تنزل زى السنة اللى فاتت .. لان دى اللى قطعتنى اوى .. انا لو بقالى صوت مسموع فى البلد دى .. و نفع انى اغير حاجة .. هغير نظام التعليم الفاشل ده ..

نفسى اخلى التعليم محبوب .. مش بس احفظ اصم و اروح احل و هنسى .. لا انا عايز قدرات .. عايز ابداع عايز اشوف زويل و سميرة موسى تانيين ..

عايز محامى يبقى حابب يدافع عن حد .. عايز دكتور .. يكشف مش عشان الفلوس لا .. عشان يشفى مريض.. للاسف يا سادة .. تعليمنا فاشل .. يعنى ايه مصيرى يبقى فى ورقة .. يعنى ايه ابقى عايز صيدلة و ازاكر رياضة و فيزياء !

يلا .. اهى بلد و عيشة .. و هتعدى .. و جيل ورا جيل .. و هنتخلف اكتر .. و هتبقى دى فعلاً مصر يا عبلة
بتعيب منظومة تعليمية كاملة في مصر
طيب اقولك اناا بقي
ليه ادرس مادة ادبي في تالتة ؟؟؟ غتتاتة و خلاص ؟؟ ولا ثقافة زي ما واحد رد عليا؟؟ امال النت ده بيعمل ايه ؟ هو احنا لسه عايشين في الزمن اللي مصدر ثقافته الوحيد كتاب المدرسة؟؟؟
الكتب العلمية بعض تعليلاتها عايزة تعليل و لما اسأل فيها الاستاذ يقولي كانت عليك و اتلغت
نص الكتاب اتلغي
لغوا حاجة ملهاش لزمة لكن مش هتفهم من غيرها!!! طيب ماكانوا عملوها للاطلاع فقط؟؟!!
النظام العجيب للتنسيق اللي يخليك تدرس احياء عشان تدخل كلية علوم و تدرس جغرافيا عشان تدخل السن
احنا لازم نقابل الوزير و نعرفه ايه رأي الطلاب في النظام الفاقد بتاع التعليم الفاشل
إن صح تسميته بالتعليم
بس ياعم امجد
انسي ان التعليم ده ينفعك بنكلة
انتا اللي هتنفع نفسك
شوف نفسك تعمل ايه و ارسم خطوات لكده
اسهل حاجة فى الدنيا الثانوية العامة !!

طبعاً سهلة .....لكن مليانة رز و لحمة يعني محشية حشو بافترا
و ملياااااااااااانة اخطاء .... و يا خيبتهم اما عيل زيي يقولهم غلطتكم اهه :d
و عشان كده بحس اني بضيع عمري و انا في الثانوية العامة لاني بدرس حاجة لا تستحق
لكن اعمل ايه....................
علي فكرة الموضوع ده طالما مفتوح مش هتذاكر ولا هتعمل حاجة
و اديني قلتلك و انتا حر

ema_2010

30-05-2011, 04:25 PM

THE CodeR

02-06-2011, 09:45 AM

بجد بجد انت والله عندك حق يا كودر وكلامك صح مليون في المئة ده الكلام اللي انا بقوله واول مرة اسمع حد بيقوله....فعلا الثانوية مش هي البداية لتحقيق الاهداف ولا مجموع الثانوية ده هو بداية طريق النجاح او نهايته ...وانا عموما متفقة معاك في كل كلمة انت قلتها.... وبجد بجد كلامك يودي ورا الشمس في بلدنا دي..
الحكاية حكاية مبدأ
اني مقبلش اكون مجرد دكتور او مهندس مسجل في النقابة و انتهي علي كده
لكن انا هدفي اني اكون اكبر من كده بكتير
اغير حاجة في مصر
اعمل حاجة حقيقية
و ده مش هيتحقق بالتعليم
بل انا اللي هحققه بنفسي
و من هنا بقولك شوف هدفك او حدده
بس
و دي سكة "ورا الشمس" لكن هتخليك قريب من النجوم

eve deen

03-06-2011, 02:19 AM

الحكاية حكاية مبدأ
اني مقبلش اكون مجرد دكتور او مهندس مسجل في النقابة و انتهي علي كده
لكن انا هدفي اني اكون اكبر من كده بكتير
اغير حاجة في مصر
اعمل حاجة حقيقية
و ده مش هيتحقق بالتعليم
بل انا اللي هحققه بنفسي
و من هنا بقولك شوف هدفك او حدده
بس
و دي سكة "ورا الشمس" لكن هتخليك قريب من النجوم

اكيد ان الحكاية حكاية مبدأ ...والا كلامك اللي انت قلته ده حيكون نابع من يأسك من الثانوية العامة مثلا يعني...واكيد

ان شاء الله طالما فيه ناس في مصر تفكيرهم كده زيك يبقى ان شاء الله مصر حتتغير للاحسن..وعلى فكرة اغلب

الناس اللي بتكون حابة انها تدخل كلية من كليات التي تسمى بالقمة (ع اساس ان اي كلية بعد كده من الكليات

السفلى يعني) ..بتكون لاسباب واهية زي المركز الاجتماعي و نظرة الاحترام والتقدير من الناس لاصحاب

الكليات دي او لسبب انها بتجيب فلوس كتير او كده ...مش بتكون الحكاية عندهم حكاية ميول او الحب في تطور
البلد ....
لو الحكاية كده عندهم ,كانت مصر بقت من اعظم الدول في العالم (من كتر الدكاترة والمهندسين اللي بيتخرجوا

وبيقعدوا عالقهاوي بعد كده) ...انا مش بقول ان كل الطلبة او اصحاب الكليات كده بس بقول شريحة كبيرة منهم

ليهم طريقة التفكير دي.. وطبعا فيه من اصحاب كليات القمة تفكيرهم راقي واختاروا الوظائف بتاعتهم دي لاسباب

سامية جدا....وبعدين لو كلنا عايزين نبقى دكاترة ومهندسين امال فين المدرسين والوظائف التانية ؟؟!!..و سوري

عالكلام ده....

eve deen

03-06-2011, 02:26 AM