ناوى تصلى صلاة العيد ....!! [الأرشيف] - بوابة الثانوية العامة المصرية

المشتاقة إلى الجنة

16-12-2007, 09:37 AM

السلام عليكم ورحمة الله وبركاته ...........

أولا كل عام وانتم جميعا بخير

http://www.muslmh.com/upload/Ecards/C160.gif

حبيبت أتناقش معاكم فى موضوع مهم جدا انى اطرحه دلوقتى قبل العيد

طبعا زى ما انت شايف العنوان أكيد هاتكلم معاك عن صلاة العيد

للأسف الشديد كام واحد فينا بيحس بصلاة العيد

كام واحد فينا بيكون خارج من بيته الصبح بهدف الصلاة والثواب

كلنا أو أقول أغلبنا بنبقى خارجين عشان نقابل أصحابنا وقرايبنا وفيه اللى بيبقى رايح ياخد العدية

والظاهرة دى بلاحظها أكتر فى السيدات

انا بصلى فى الساحة وبيكون موجود جمع كبير جدا من الناس
بلاحظ ان صفوفنا احنا البنات مش بتكون مظبوطة خالص قاعدين نسلم على بعض والإمام فى الصلاة وما شاء الله صفوف الرجالة بتبقى متساوية والكل خاشع لربنا

مش بلاقى دى فينا خالص

وأحيانا كتير بخرج اساسا مابصليش إما أكون راحة متأخر ومالحقتش الصلاة أو أروح الاقى الحتة زحمة وماعرفش أصلى

فلو انت شايف نفسك هاتخرج تصلى بجد ومن بداية الصلاة لنهايتها خاشع لله

فاخرج صلى ونول الثواب

وياريت كلنا كده نعقد العزم من دلوقتى اننا خارجين لهدف واحد
وتبقى احلى لو تصلى فى ساحة سمعت ان بيكون ثوابها أكبر
لأنك بتحس بفرحة الناس كلها كبير وصغير

فياريت يا جماعة نحس بصلاة العيد ونفضل مع الإمام للأخر وندعى معاه عشان ربنا يكرمنا

وبكده انا خلصت كلامى واللى عنده حاجة يقولها ومايبخلش علينا

وكل عام وانتم بخير

http://www.muslmh.com/upload/Ecards/503.jpg

General

16-12-2007, 09:44 AM

شكراً على الموضوع

وكل عام وانتى بخير

Dr.Nona.pt

16-12-2007, 09:48 AM

فعلاً دي ظاهرة منتشرة وخاصة كمان بيصطحبوا الأطفال الصغيرين ويوقفوهم جنبهم والحتة بتكون زحمة يعني بالذمة الأطفال اللي في سن 2 هيعرفوا يصلوا فعلاً .. شكراً عل موضوعك الرائع .. وجزاكي الله خيراً .. وكل سنة وانتي طيبة

بنت العقيدة

16-12-2007, 09:56 AM

كل سنه وانتى طيبة يا حبيبه قلبى وكل اعضاء المنتدى بكل صحه وسعاده وكل سنه وهما طيبين
انا الحمد لله بروح اصلى بغرض الصلاة والثواب وبرده بافرح لما الاقى اقرايبى واصحابى والاطفال
وانا معاكى فى صفوف النساء بتبقى كده والله عندنا كده
ربنا يهدينا ويبقى عيد سعيد على كل الامه الاسلاميه
وشكرا ليكى على الموضوع الجميل ده وجزاكى الله كل خير

manar

16-12-2007, 10:41 AM

انا بروح والله فعلا علشان ثوابها
كنت عايزه اقول حاجه ان واحنا رايحين نصلى بناخد على كل خطوه بنمشيها ثواب
ولما ترجعوا من المسجد مترجعوش من نفس الشارع الى روحتوا منه علشان تاخدوا ثواب كتير
وكل سنه ونتم طيبين:):)

المشتاقة إلى الجنة

16-12-2007, 10:43 AM

شكراً على الموضوع

وكل عام وانتى بخير
العفو General وكل عام وانت بخير

فعلاً دي ظاهرة منتشرة وخاصة كمان بيصطحبوا الأطفال الصغيرين ويوقفوهم جنبهم والحتة بتكون زحمة يعني بالذمة الأطفال اللي في سن 2 هيعرفوا يصلوا فعلاً .. شكراً عل موضوعك الرائع .. وجزاكي الله خيراً .. وكل سنة وانتي طيبة 16-12-2007 12:14 PM

العفو حبيبتى Nayyra_nn وفعلا زى ماقولتى الاطفال بيكونو كتيير قووى فربنا يهدينا جميعا وكل سنة وانتى طيبة

كل سنه وانتى طيبة يا حبيبه قلبى وكل اعضاء المنتدى بكل صحه وسعاده وكل سنه وهما طيبين
انا الحمد لله بروح اصلى بغرض الصلاة والثواب وبرده بافرح لما الاقى اقرايبى واصحابى والاطفال
وانا معاكى فى صفوف النساء بتبقى كده والله عندنا كده
ربنا يهدينا ويبقى عيد سعيد على كل الامه الاسلاميه
وشكرا ليكى على الموضوع الجميل ده وجزاكى الله كل خير

حبيبة قلبى أية كل سنة وانتى طيبة وعيد سعيد عليكى يااارب
جزاكم مثله

المشتاقة إلى الجنة

16-12-2007, 10:45 AM

صوت الحق

16-12-2007, 11:04 AM

صلاة العيد سنه مؤكدة
على الجميع التمسك بها
كل عام وانتم بخير وسعادة
عيد سعيد علينا جميعا

المشتاقة إلى الجنة

16-12-2007, 11:18 AM

صلاة العيد سنه مؤكدة
على الجميع التمسك بها
كل عام وانتم بخير وسعادة
عيد سعيد علينا جميعا

كل عام وحضرتك بخير

فارس الأحزان/ضياء الدين سعيد

16-12-2007, 01:56 PM

جزاكى الله خيرا
وكل عام وكل الأمه الإسلاميه فى خير وسلام
أما بالنسبه لصلاة العيد فى المتعه الوحيدة فى العيد بالنسبالى
وكل عام وأنتى بخير

طمعانة فى رضاك يا رحمن

16-12-2007, 01:58 PM

طبعااااااااااااااااااااااااااااااااا
ده احلي حاجه انا بحبها اووي
وبحب اردد التكبيره
الحمد لله ولا عيد مصلتهوش
وان شاء الله لحد مموت

.. Mysterious ..

16-12-2007, 04:45 PM

اولا :- كل سنه وانت طيب

ثانيا:- انت هتصلى العيد فين

ثالثا:- مكان ما انت هتصلى هتلقينى معاك

المجاهد فى سبيل الله

16-12-2007, 05:01 PM

sweety girl

16-12-2007, 05:06 PM

اولا :- كل سنه وانت طيب

ثانيا:- انت هتصلى العيد فين

ثالثا:- مكان ما انت هتصلى هتلقينى معاك

؟؟؟؟؟؟؟؟؟؟؟

كل سنه وانتى طيبه يا قمرايه ويعود عليكى وعلينا بالخير ان شاء الله

انا الحمد لله مصلتش غير عيد واحد فى حياتى:D
بس ناويه اصلى التانى المره دى

المشتاقة إلى الجنة

17-12-2007, 01:54 AM

جزاكى الله خيرا
وكل عام وكل الأمه الإسلاميه فى خير وسلام
أما بالنسبه لصلاة العيد فى المتعه الوحيدة فى العيد بالنسبالى
وكل عام وأنتى بخير

فعلا صلاة العيد متعة بجد وكل عام وحضرتك بخير ومتشكرة جدا على المشاركة

طبعااااااااااااااااااااااااااااااااا
ده احلي حاجه انا بحبها اووي
وبحب اردد التكبيره
الحمد لله ولا عيد مصلتهوش
وان شاء الله لحد مموت

بسم الله ما شاء الله ولا حول ولا قوة الا بالله
جميل جدا يا (طمعانه في رضالك يارحمان) ربنا يبارك فيكى يارب ويعيده عليكى بكل خير

اولا :- كل سنه وانت طيب

ثانيا:- انت هتصلى العيد فين

ثالثا:- مكان ما انت هتصلى هتلقينى معاك

أولا : وحضرتك بخير
ثانيا , ثالثا : انا مش فاهمة الكلام ده موجه ليا أنا ولا لمين بالظبط او حضرتك تقصد ايه ؟!

المشتاقة إلى الجنة

17-12-2007, 01:58 AM

السلام عليكم ورحمة الله وبركاته
اولا جواكى الله كل خير اختى فى الله
بجد الواحد مش بيحس بالعيد الا بالاصلاه الصبح وزيارة الاقارب باليل
بس للاسف العيد عندنا احنا
بنصليه يا اما فى المركز يا فى امن الدوله
بجد يعنى عيد الفطر الى فات انا مصلى العيد قدام المركز علشان كانوا ماسكين اخوه
علشان داخلين الساحه ومعاهم الهدايه يوزعوها
ملعش حسبى الله ونعمالوكيل حسبى الله ونعم الوكيل

وعليكم السلام ورحمة الله وبركاته
جزاكم مثله أخ المجاهد
ربنا يكون فى عونك
بس انا شايفة ان حضرتك تبعد عن المشاكل دى كلها
ربنا ما أمرناش بكده
فابعد عن المشاكل ووجع الدماغ ده
وكل واحد يحاول يصلح من نفسه والبلد هاينصلح حالها ان شاء الله
وربنا يبارك فيك وألف شكر
وكل عام وانتم بخير

كل سنه وانتى طيبه يا قمرايه ويعود عليكى وعلينا بالخير ان شاء الله

انا الحمد لله مصلتش غير عيد واحد فى حياتى:d
بس ناويه اصلى التانى المره دى

وانتى طيبة يا مونى يا حبيبتى ربنا يبارك فيكى يااارب وعيد سعيد
لا لازم تصلى العيد المرة دى عشان تدعى لنا
وكل سنة وانتى طيبة يا حبى

Mr.h3ll

17-12-2007, 02:14 AM

موضوع حلو بجد وكل سنه وانتى طيبه وان شاء الله تصلى العيد المرادى:)

المشتاقة إلى الجنة

17-12-2007, 02:21 AM

متشكرة جدا hell وكل عام وانت بخير عيد سعيد عليكو جميعا
ان شاء الله بجد نفسى اركز مرة فى صلاة العيد بجد واكون مع الإمام
فادعو لى بقى اصحى بدرى لانى كل مرة بنزل متأخر ومش بلحق الصلاة
ومتشكرة مرة تانية لمرورك

طالبة ازهرية

17-12-2007, 04:10 AM

المشتاقة إلى الجنة

18-12-2007, 07:52 AM

اولا كل سنة وانتم طيبين
اما صلاة العيد اكتر شئ بتحسسنى انى فى العيد
كان الاول بابا مبيرداش يودينى اصلى العيد عشان الزحمة الكتيرة وكنت اصحى بدرى واسمع الادعية واشوف الناس لان جنبنا المسجد
اما دلوقتى الحمد لله بروح اصلى بعد محايلات على ابى بالموافقة
واستمتع بالصلاة والادعية

وانتى طيبة حبيبتى فى الله
وانتى بتصلى بقى اوعى تنسى تدعى لنا

sa7 3andek 7a2....Jazaki Allah Khair
جزاكم مثله اختى سارة
كل سنة وانتى طيبة
عيد سعيد

_GUIDE_

18-12-2007, 07:58 AM

مش عارف انا يمكن بقالى كتير مش بصلى العيد
بس العيد اللى فات على بال ما رحت كانوا صلوه فعلا
بس الغريب ان لقيت فى بنات كانت لبسه على سنجة 10 ولا اكنهم ريحين
فرح
ده غير ان فيه عائلات كان معاها قصب مش عارف ده وخدينه يعمله بيه ايه على الصبح كله
عالم بتستعبط:d
شكرا يا اخت مشتاقة على الموضوع
وربنا يقوى ايمانك ويزيدك هدايه

المشتاقة إلى الجنة

18-12-2007, 08:16 AM

General

18-12-2007, 08:17 AM

_GUIDE_

18-12-2007, 08:21 AM

قصب و سنجة 10

لا حول الله يا رب :confused:

سيبك انت من الناس ده انت عامل ايه بس :D

وكل سنه وانت طيب وعيد سعيد عليك وعلى كل الى عندك :rolleyes:

انا الحمد لله والله بتكلم جد
ده غير الى بيقبله اول مرة اشوف بنات بتصلى بالميك اب
طيب مهو برضه الشهادة لله والحق بيكون فى شباب رايحين علشان يقبله
نستنتج بالتعويض فى 1و 2 أن لكل قاعدة شواذ
وعمتا وانتا طيب وعيد سعيد عليك
وكل سنة وانتى طيبة يامشتاقة اسمك مكلكع شوية بس حلو :D

المشتاقة إلى الجنة

18-12-2007, 08:31 AM

وحضرتك بخير متشكرة جدا

لكن اسم ايه اللى مكلكع

المشتاقة إلى الجنة ؟؟؟؟

_GUIDE_

18-12-2007, 08:43 AM

ايوان هو اسم جميل لكن كبير جدا
فا هيكون اختصاره عند اى حد بيكلمك وهيقول مشتاقة والسلام
والكلمة لوحده كده صدقينى مش ظريفة

المشتاقة إلى الجنة

18-12-2007, 08:48 AM

طيب انا اعمل ايه
معلشى بقى استحملونى

_GUIDE_

18-12-2007, 08:52 AM

لا انا اللى اسف والله بس هى وجهة نظر مش اكتر
واسف مرة تانية انى خرجت بره الموضوع

المشتاقة إلى الجنة

18-12-2007, 09:14 AM

لا ماحصلش اى حاجة
بس ارجو اكون دائما خفيفة الظل عليكم

* dr.sara*

18-12-2007, 09:33 AM

كل سنة وانتى طيبة وان شاء الله هاصلى العيد مع اخواتى

بنت العقيدة

18-12-2007, 09:34 AM

كل سنه وانتى طيبه حبيبه قلبى
انتى دايما خفيفه الظل علينا ما تقليش كده
سلام

المشتاقة إلى الجنة

18-12-2007, 09:59 AM

كل سنة وانتى طيبة وان شاء الله هاصلى العيد مع اخواتى
وانتى طيبة يا آيه

كل سنه وانتى طيبه حبيبه قلبى
انتى دايما خفيفه الظل علينا ما تقليش كده
سلام

وانتى طيبة يا آيه ربنا يخليكى ليا

postan algana

18-12-2007, 10:23 AM

السلام عليكم
بارك الله فيكي ياحببتي
والله بجد ونعم البنت انتي فانتي اقرب اليا
اني احبك في الله

وشكرا لهذا الموضوع

جزاكي الله خيرا

am_online5

18-12-2007, 11:05 AM

شكرا علي الموضوع وكل سنة وانتي طيبة
وجزالك الله كل خير

المشتاقة إلى الجنة

18-12-2007, 11:37 AM

الموت الأخير ..متشكرة ليكى جدا ربنا يبارك فيكى

am_online5 (http://www.thanwya.com/vb/member.php?u=12060) العفو وكل عام وحضرتك بخير

* dr.sara*

18-12-2007, 12:57 PM

انا سارة مش ايه يا نبراس يا حبيبتى

مروج البحر

18-12-2007, 03:44 PM

جزاك الله خيرا علي هذا الموضوع وان شاء الله انا هصلي في الساحه اصل انا من المنصوره نتقابل هناك ان شاء الله

The_Relativistic200

18-12-2007, 04:20 PM

شكرا على التذكرة الجميلة

dr.zomba

18-12-2007, 04:40 PM

Miss_CaR!zma

18-12-2007, 06:48 PM

جزاكى الله كل خير بجد
فعلا كلامك صح وده اللى بيحصل
وكل سنه وانتم طيبين وعيد سعيد عليكم:)

The_Relativistic200

18-12-2007, 07:25 PM

http://www.thanwya.com/vb/life/reputation/reputation_balance.gif
http://www.thanwya.com/vb/images/icons/icon1.gif
دي صلاة العيد بالنسبه ليا اساسي في العيد

بس احنا عندنا جامع اسمه مصطفي محمود مشهور جدا زي الفل تروحي عشان تصلي وتاخدي الثواب ترجعي وانتي مش قادره تمشي من كتر الذنوب :p

وكفايه اقولك ان الولاد بيصلوا جمب البنات والبنات بيصلوا بالكت واحيانا والله والله منغير حجاب:D

انا بقي ياخدها من قصيرها واصلي في الجامع الي جمب البيت واريح دماغي

وكل سنه وانتي طيبه :)

هههههههههههههههههههههههههههه
كت
من غير ايشارب
هو كان حد قال انه عيد محافظة كفر الطشت:)
عالم غريبة فعلا:)

المشتاقة إلى الجنة

18-12-2007, 11:16 PM

دي صلاة العيد بالنسبه ليا اساسي في العيد

بس احنا عندنا جامع اسمه مصطفي محمود مشهور جدا زي الفل تروحي عشان تصلي وتاخدي الثواب ترجعي وانتي مش قادره تمشي من كتر الذنوب :p

وكفايه اقولك ان الولاد بيصلوا جمب البنات والبنات بيصلوا بالكت واحيانا والله والله منغير حجاب:D

انا بقي ياخدها من قصيرها واصلي في الجامع الي جمب البيت واريح دماغي

وكل سنه وانتي طيبه :)

لا كلام غريب قووى وكل سنة وحضرتك طيب

جزاك الله خيرا علي هذا الموضوع وان شاء الله انا هصلي في الساحه اصل انا من المنصوره نتقابل هناك ان شاء الله

انتى مين بقى

الرهينه

18-12-2007, 11:29 PM

كل سنه وانتى طيبه يا قمر ده اولا
وثانيا عن نفسى انا بروح مع بابا الازهر ده احيانا واحيان تانيه بصلى ف الجامع اللى جمب البيت
وفعلا لاحظت الظاهره دى
بس بصراحه مش عارفه اذا كنت هصلى العيد بكره ف المسجد ولا لا
بس يا ريت يا جماعه تدعولى من قلبكوا بجد
انا محتاجه الدعاء اوى اوى اوى بالذات اليومين دول
وسورى للاطاله وجزاكى الله خيرا
على فكه توقيعك جميل اوى ما شاء الله
ربنا يجمعكوا ف الفردوس الاعلى

المشتاقة إلى الجنة

18-12-2007, 11:57 PM

وانتى طيبة حبيبتى
ربنا معاكى ويكرمك ان شاء الله
متشكرة جدا

أمة الرحمن

19-12-2007, 12:12 AM

جزاكى الله كل خير يا أخت نبراس على هذا الموضوع وان شاء الله هصلي صلاة العيد بكره وهدعيلك
وجزاك الله عنا كل خير

المشتاقة إلى الجنة

19-12-2007, 12:16 AM

جزاكم مثله اختى الحبيبة ربنا يبارك فيكى

فتاة الاسلام

19-12-2007, 12:28 AM

ان شاء الله هصلى العيد بكرة طبعا
انا فعلا بحب صلاة العيد جدا وبحب صوت الناس وهو عالى وهما بيكبروا
وانا فعلا بروح لهدف الصلاة وبكون فرحانة لما بروح مع ولاد عمتو
ولما نقابل اصحابنا وجيرانا هناك بس فى المقام الاول طبعا الهدف الصلاة
وكل سنة وانتى طيبة يا جميل وعيد مبارك عليكى وعلى كل المسلمين

المشتاقة إلى الجنة

19-12-2007, 12:30 AM

وانتى طيبة يا حبيبة قلبى
وماتنسيش تدعى لنا

Taleba Me7tasa

19-12-2007, 02:35 AM

اه والله يابنتي دة انا اما بروح اصلي احس ان صلاة العيد دي الملتقى بتاع الستات
ويشتغلو لتيشن لحد ما دمغي تفرقع
كل واحدة رايحة بكياس اااااااد كدة
وعيال اكتر م الكياس
وتقعد تحجز مكان كبير كانه فرح فعلا
وفيه بنات مش هاين عليها تلبس حاجة واسعة ف الصلاة بس
بيصلو ببنطلون وبدي

بس بعد كدة الناس ف الشارع بتبقى لذيذة وعاملة جو جميل جدا
كل سنة وانتي والناس كلها طيبة

الاسطورة

19-12-2007, 02:41 AM

دي صلاة العيد بالنسبه ليا اساسي في العيد

بس احنا عندنا جامع اسمه مصطفي محمود مشهور جدا زي الفل تروحي عشان تصلي وتاخدي الثواب ترجعي وانتي مش قادره تمشي من كتر الذنوب :p

وكفايه اقولك ان الولاد بيصلوا جمب البنات والبنات بيصلوا بالكت واحيانا والله والله منغير حجاب:D

انا بقي ياخدها من قصيرها واصلي في الجامع الي جمب البيت واريح دماغي

وكل سنه وانتي طيبه :)
قولتلى اسمه جامع ايه يا عادل؟;)

طمعانة فى رضاك يا رحمن

19-12-2007, 12:44 PM

خلااااااااااااااااااااص العيدعني كده يعتبر خلص
مادام الصلاه خلصت
الحمد لله روحت صلات
بس حصلت حاجه م الناس معجبتنيش مفروض انهم بيرحوا عشان الصلاه والخطبه
لا معظمهم بيرحوا عشان الصلاه والبالونات
واحنا بنصلي وقعت بالونات اول مخلصوا صلاه جرو واتخنقوا عليهم
يخساره حرام الله

المشتاقة إلى الجنة

19-12-2007, 12:47 PM

والله حبيبتى ده حال معظم الناس دلوقتى
انا للأسف الشديد زعلاااااااااااااااااااااانة قوووووى ماروحتش صليت العيد النهاردة كنت نايمة وده لانى كنت نايمة متأخر
انا زعلانة قوووى بجد لان العيد بالنسبة لى الصلاة
بجد زعلاااانة
وكل سنة وانتو طيبين