انا طالب فى 2 ثانوى والوقتى لسة فاضل بالضبط 15 يوم عن الامتحان وانا مش عارف اسيب كام يوم للعربى لانة اول مادة وطويل جدا .
ثانى حاجة الايام اللى هخصصها للعربى بس هيبقى معاها مواد كمان ولا لأ
ثالث حاجة ازاى اعمل جدول مراجعة لخمسة ايام فقط عشان اخلص فيها الكيمياء وياريت حد يدينى تصور فقط مع العلم ان الكيمياء سبعة ابواب + الكيمياء العضوية حوالى 70 صفحة فى المذكرة

بص يامعلم....
اولا خصص 5 أيام للعربى علشان السنادى فى براح كبير بين المواد عن السنه اللى فاتت. وبعدين اقسملك بالله وانا فى الثانويه ماذكرتش قصة طه حسين ديه الا مرتين مره مع شرح المدرس والمره التانيه مراجعه سريعه ودخلت الامتحان من غير الباب التالت اللى هو 11 فصل بس انصحك ما تعملش زى ذاكر لو قدامك وقت.

ثانيا عندى مبدأ. عمرى ماذاكر ماده مع ماده احط تركيزى كله فى الماده اللى عليها الدور ولغاية لما تخلص وبعدين ارميها ورا ضهرى وابدأ فى اللى بعديها .

ثالثا أهم حاجه. العربى مش محتاج الا تعمل لوقتك وقت محدد وتعتبر نفسك فى لجنه وتمسك اى كتاب من كتب المراجعه اللى فيهم امتحانات كتير وتفرتكها حل لان العربى مش محتاج الا حل كتير وهو اللى هيخليك تراجع الماده يعنى ضربت عصفورين بحجر. بس أهم حاجه تعمل كانك فى لجنه. والله الموفق