السلام عليكم
مساء الخير عليكم جميعا
اه مستغرب ليه
العنوان غريب
لا مش غريب ،ما انت لو سمعت كلامى حتعرف ان انا عندى حق
اه مافيش مدرس محترم
انا مش شايفه مدرس محترم
انت شايف؟
يمكن انا اتعميت من كتر ما شفت
حدخل فى الموضوع على طول وحبطل رغى
انا من صغرى ،ومحدش يقولى انتى لسه صغيره ،انا قصدى وانا فى ايتدائى
حتى الان رايحه اهو ثانوى وماشفتش مدرس محترم
لكن لما بقعد هنا فى المنتدى وبشوف المدرسين
بقول امال المدرسين اللى انا بشوفهم دول ايه؟
طيب العيب فيا ولا فيهم
انا حقول لكم بعض المواقف وانتوا تحكموا بنفسكم
وعايزه رد يقنعنى بان فى مدرس محترم
(مع احترامى الشديد لكل الاستاذه الافاضل)
انا مش حتكلم على المواقف اللى شفتها فى ابتدائى
انا حتكلم على موافق حصرى السنه دى يعنى
اول موقف:مدرس يقول للطلبه انه بيخون مراته
ومع واحده اسمها....وسنها...وكمان نشوف صورتها
لا وكمان بيحكى لنا اللى بيحصل معاهم
(طبعا الموقف ده محدش ممكن يتصوره)
لكن والله العظيم الكلام ابسط من الحقيقه بكتير اوى
ثانى موقف:مدرس رياضات بيعلم ورق الامتحانات للطلبه ازاى
والله العظيم وادامى
فى ايده قلم أحمر وقلم أزرق ويشوف الاسم لو بياخد عنده درس الورقه كلها صح
لو مش بياخد يصلح المسائل ويخليها غلط ويسقط الطالب فى الامتحان
(حسبى الله ونعم الوكيل)
ثالث موقف:مدرس يتكلم مع البنات فى الحب والعلاقات
رابع موقف:مدرس يتكلم مع البنات فى خصوصيات(بمعنى اصح كلام بنات)
ينفع؟


انا قولت المواقف اللى ينفع تتقال
وعايزه اسمع ردكم على الكلام ده
والسؤال هنا
فى مدرس محترم ؟
ولا خالص راح زمن الاحترام ودلوقتى احنا فى زمن (البجاحه)
اسفه لانى طولت عليكم...عفوا

عفوا احنا فى زمن ما يعلم الا ربنا بالنسبة للمدرسين فانا شفت فى الموقع هنا بلاوى
بس بصررراحة فى نااس محترمة جداااا بس قليلين يعنى شفت استاذ محترم بدا من المغرب
وقعد لحد الفجر يشرح للطلبة اللى عندهم امتحان بكره يعنى لو بفلوس مش هيعمل كده ربنا يكرمه
شكرررا على الموضوع

عفوا احنا فى زمن ما يعلم الا ربنا بالنسبة للمدرسين فانا شفت فى الموقع هنا بلاوى
بس بصررراحة فى نااس محترمة جداااا بس قليلين يعنى شفت استاذ محترم بدا من المغرب
وقعد لحد الفجر يشرح للطلبة اللى عندهم امتحان بكره يعنى لو بفلوس مش هيعمل كده ربنا يكرمه
شكرررا على الموضوع



استاذى الفاضل
انا مش بعمم الكلام
انا عارفه ان فى استاذه غايه فى الاحترام والاخلاق
لكن قله قليله جـــــــــــــــــــــــــــــــداّّّ
وانت بتتكلم عن كلام حصل على النت
لكن لو شفت الحقيقه حنقول ايه؟
لو شفت الكلام اللى قولته
حتقول ايه؟
اشكرك على المرور
وربنا يهدى الجميع

زوزا الكلام اللى انتى قولتيه كلام خطير ، و هذه الأفعال لا يصح أن تحدث أبدا من مدرس ،
و أول نصيحة منى لك اجعلى والدك ووالدتك دائما على علم بما يحدث ، فأحكى لهم كل مايحدث دائما
لن أدافع و أقول لك أن هناك مدرسين محترمين لايفعلوا هذه الأمور
لأن الأصل فى المدرس أنه لا يفعل ذلك ، ولكن هؤلاء قلة لايمكن الحكم من خلالهم على المدرسين
و شكرا لك على طرح هذا الموضوع

زوزا الكلام اللى انتى قولتيه كلام خطير ، و هذه الأفعال لا يصح أن تحدث أبدا من مدرس ،
و أول نصيحة منى لك اجعلى والدك ووالدتك دائما على علم بما يحدث ، فأحكى لهم كل مايحدث دائما
لن أدافع و أقول لك أن هناك مدرسين محترمين لايفعلوا هذه الأمور
لأن الأصل فى المدرس أنه لا يفعل ذلك ، ولكن هؤلاء قلة لايمكن الحكم من خلالهم على المدرسين
و شكرا لك على طرح هذا الموضوع




استاذى الفاضل
انا عارفه ان كلامى ده خطير
علشان كده قولته
علشان انا بجد مضيقه من المواقف دى
مع العلم انى مقولتش ربع اللى بيحصل والحقيقه
استاذى
انا اهلى عارفين كل كلمه قولت والكلام اللى بيحصل كله
انا ببقى مضيقه وببقى عايزه احكى لحد
فبقول لماما على اللى بيحصل
وماما مش بتتكلم معايا فى الموضوع ده كتير،لانه ماما عارفه بنتها بتتعامل ازاى مع الناس
استاذى
هما اه قله قليله
بس قله بتزيد
واحنا حنفضل ساكتين لحد ما عددهم يزيد؟
انا عايزه رد واضح ومنطقى
وانا مش بعمم الموضوع
لانى بشوف هنا فى الموقع استاذه محترمين جدا،زى حضرتك و...و..و..و..و..و..و..و..و..
كذا شخصيه
اشكرك معلمى

تفتكري لو كان المدرس المحترم كتب موضوع بعنوان هو في طالبة محترمة كنا قلنا عليه إيه ؟
عزيزتي مش دفاع عن بعض المدرسين السفلة اللي ميستهلوش
بس أحب أنقل لكي خبرة شخص أكبر منك
أولا التعميم علي الناس خطأ كبيييييييييييييييييير جدا
يعني مفيش مهنة في مصر مفهاش الكويس والوحش
من الدكتور للظابط للوزير للغفير للطلبة نفسهم
صح ؟
و كمان أنا مصدقك لأن لو فيه مدرس محترم كان أجبرك علي احترامه و علمك تتكلمي عن المدرسين إزاي
دي مش إساءة ليكي
بس كمان اعذريني
احنا اتربينا تربية تانية خالص
لما كنا صغيرين و حد كبير بيتكلم في مواضيع مش كويسة
حتى و احان أولاد كنا بنتكسف
لكن حضرتك و زملائك المحترمين سمعتوا المدرس و كمان تفاصيل العلاقة و كل اللي بيحكيه و كمان بتتكلموا معاه عن كلام البنات
ممكن ده يحصل مع مدرس محترم بس يكون في شكل نصيحة أو تنبيه لخطورة حاجة معينة
صدقيني و أقسم لك بالله أنا شفت منظر في الشارع عملته بنت في أولي ثانوي الساعة 2 الظعر و شارع عام كمان
موقف مع ولد مش ممكن مامتك وباباكي يعملوه قدامك
هل معنى كده أن كل البنات وحشة ؟
أتمنى أن تفهمي ما أقصده جيدا و آسف علي الاطالة
نصيحة أخيرة
أنتي تقدري تجبري الناس علي إحترامك

لا حوله و لا قوة الا بالله

انا بكره اسلوب التعميم يعنى مثلا هل البنات كلها بقيت منحله ..ما هو في مليون بنت بتجوز عرفى و مليون بنت بتسلم نفسها لشب و مليون بنت بتشتغل غل مش كويس و مليون بنت بتعمل مصايب سوده هل ده معناه ان بنات حواء كلهم كده ..اكيد لا يا عزة ..
صوابعك كلها مش زي بعدها و الايام قدامك كتير مش معنى انك قبلتى مدرس او اتنين او عشر او الف مش محترم يبقى مدرسيين مصر و العالم العربي كلهم مش محترمينن ..معلش ديه اهانه لكل مدرس ..

اولا انا مامتى مدرسه انجلش و عمرها ما خانت بابا او بتجبر حد على درس و فى زى ماما اكيد كتير جدا جدا جدا جدا
غير انى باخد دروس مع مدرسيين و كلهم فى قمه الادب و الاحترام
غير انى طالبه فى مدرسه و بشوف اكتر من مدرس محترم ممكن الاقى واحد او اتنين مش محترمين بس ده مش معناه ان مافيش مدرس مش محترم معلش ديه اهانه كبيره اوى فى حق كل مدرس يا عزة
ثانيا ان بعض الظن اثم يعنى ممكن يكون المدرس الى بيكلم البنات عن العلاقات و الحاجات الشخصيه ده بينصحهم والله اعلم عشان انا اعرف اكتر من مدرس عندنا بيحاول يمنع البنات انهم يدخلوا فى العلاقات ديه ..
فى مدرس عندنا خرج بنت من مصيبه سوده يعنى ولد فضحها و اخد صورها و عمل مصايب بيها و طبعا احنا العارفين الفيلم ده و المستر قدر انه يحل المشكله و عديت على خير الحمد الله ..
حتى لو المدرس الى انت بتقولى عليه ده مش كويس و بيكلم البنات فى كلام مش كويس فى الف لا مليون غيره محترم و محترم جدا كمان و ديه حاله شاذه اكيد ..
انا بكرر تانى بلاش فكره التعميم اى مهنه فيها كويس و فيها الوحش يعنى زى ظباط الشرطه فيهم المحترم و فيهم الى مش محترم ..
زى الدكتور الى بيعمل عمليات مش كويسه و مش محترم و دكتور محترم و بيتقى ربنا
اى مهنه فيها كده و كده و مش معنى انك قابلتى الف مدرس مش محترم و شفتى الف موقف يبقى تحكمى الحكم الظالم ده على المدرسيين عشان كده انتى بتظلمى الى مش محترميين ..
انا بكرر ديه اهانه شديده و عالفكره انا ماما ادايقت جدا و انا متاكده ان كل مدرس محترم هنا ادايق و مش كل صوابعك زى بعدها ..
ارحو انك تفهمينى

كفايه كفايه

كل ما قلتية لا يبرر العنوان الذي وضعتيه

اولاً خطأ من اطلقتي عليه معلم يوازي الخطأ الذي قمتي وتقومين به تستمعي له ثم تأتي لتكتبي ما كتبتي
هل يجبرك علي الاستماع له ام انك استمعتي له وانت راضيه ؟
هل اخبرتي احد المسئولين في المدرسة او ولي امرك بما حدث ام اصبح حديث بينك وبين زميلاتك للترفيه والضحك ؟

يكفي ما نسمعه كل يوم من اولياء الامور بسبب وبدون سبب

من رأي منكم منكرا فليغيرة ( اعترضي اشتكي اتخذي اجراء قانوني ضده )

انتي لم تعملي في التدريس ولم تري كيف يتعب المعلم ليوصل لك المعلومه

رغم كثرة عدد التلاميذ وقله حياء البعض ورفض البعض للاستماع وعدم تربية بعضهم علي الاحترام ومع ذلك يحاولون بكل ما يستطيعون ان يوصلوا المعلومات

انتم بهذا تريدون ماذا ان نترك هذه المهنه التي لا تجلب الينا سوي التعب والضغط والسكر وكمان الشتيمة
والله لو كنتم تنظرون الينا بهذا الاحتقار اذن فقد انتهت هذه الدوله ولم يعد لها مستقبل