السلام عليكم ورحمة الله وبركاته


الموضوع وما فى انى لا افقه شىء فى الانجليزى السنة دى
حصلت ظروف كتير واخرها مرض ولديتى
مفيش قدامى غير 7 ايام فقط لمزاكرة الانجليزى
كله
مش مراجعة
لا
مزاكرة
طبعا كلكوا بتقولوا ايه الهبلة دى
اكيد بتحلم انها تنجح
اه بحلم
وعندى امل كبير فى ربنا
من جد وجد
انا بس خايفة الاسبوع يضيع على الفاضى ومزاكرش المفيد
اعمل ايه
يا ترى فعلا فى اسبوع ازاكر انجح باللى زاكرته انا مش طالبة مجموع فى المادة بس على الاقل نجاح
ولو ينفع ممكن حد يدلنى
ازاكر ايه بالظبط
ولا ازاى
ولا اى حاجة
حد يساعدنى
بالله عليكوا
انا ميتة من الخوف
حاسة انى ضايعة

وعليكم السلام
اختى غادة الف سلامة على والدتك
انا بقي اسزء مذاكرتش اى مادة اصلا لانى مشغول باى حدث في البلد وريحت المذاكرة وبرضو عندى امل انى هجيب مجموع كويس ثقتى في ربنا كبيرة وانا بتكل عليه و هاجتهد في الكام يوم دوول ليل نهار وربنا يوفقك

ان شاء الله سهل ان الواحد يذاكراللغه الانجليزيه فى اسئله مضمونه مثل التارجمه والقصه والقطعه الكبيره وسؤال الحوار وممكن الطالب يخطا فقط فى سؤال التصحيح

[وسهل ياغاده انا الواحد يذاكر اللغة الانجليزيه فى 7 ايام عن طريق وضع الترجمه ومذاكرتها فى يوم وتانى وتات يوم القصه ورابع وخامسيوم للكتاب الخارجى
اما 3 ايام اللى قبل الامتحان يذاكر الترجمه فى يوم وليكن 6 ساعات ومعها 5 فصول قصه وليكن 6 ساعات وايضا القواعد + المواقف مين قال لمين و2 ساعتين راحه ثم اربع ساعات للترجمه ايضا
فى اليوم التانى يذاكر 5 فصول قصه 6 ساعات ومعها 10 وحات من المنهج ولاتنسى الوحدات الملغيه
فى اليوم التالت يذاكر 10وحدات الاخرى مع تنشيط الذهن بالترجمه واقواعد
وبالله التوفيق

وعليك ياغاده ان تحسنى الظن بالله المذاكره بدون صلاه لا تجدى وربنا يقول لحمد لله والصلاة والسلام على رسول الله صل الله عليه وسلم
قال صلى الله عليه وسلم حاكيا عن ربه:
(( أنا عند حسن ظن عبدي بي, فليظن بي ما شاء))
يعني ما كان في ظنه فأنا فاعله به, ولا ريب أن حسن الظن إنما يكون مع الإحسان,
فإن المحسن حسن الظن بربه أن يجازيه على إحسانه وأنه لا يخلف وعده, وانه يقبل توبته ,
وأما المسيء المصر على الكبائر والظلم والمخالفات
فإن وحشة المعاصي والظلم والحرام تمنعه من حسن الظن بربه.

السلام عليكم
باذن الله ربنا حيوفقك و ألف سلامة للست الوالدة .
ثانيا اللغة الانجليزية الامتحان بسيط السنة دي و لا تقلقي و سوف يأتى من الأسئلة في workbook من نماذج الامتحانات و بعض التمارين التي تعتمد علي الكلمات .
-= امتحان اللغة الانجليزية بيكون عام في اللغة يعتمد علي مستواكي العام في اللغة من الابتدائية و ما يعتمد فيه الامتحان علي المنهج سؤالين فقط:
1- القصة و تعتمد علي معرفتك لأحداث القصة سواء بالعربي أو الانجليزي و المهم تكونى حافظة لبعض الكلمات لتستطيعي ترجمة السؤال في الامتحان و ترجمة أجابتك .
2- سؤال الاختياري و يعتمد علي الكلمات و القواعد المهم أن تحفظي في كل وحدة الكلمات التى داخل المربع لأانها كلمات مهمة و السؤال سيكون عليها كما موجود في نماذج الامتحانات في الورك بوك أما أسئلة القواعد فأكيد كل أنسان لديه حظ و حتى الأعمي لو أختار طريق بالبركة أكيد ربنا حيوفقه في البعض منهم و سؤال ألاختياري كل نقطة من 16 عليها ربع درجة من 25 درجة .
= أما باقي الامتحان فلا يعتمد علي منهج و لا يحتاج مذاكرة و لكن عليه أكبر درجة في الامتحان مثل قطعتين الفهم و موضوع الانشاء بكلمات بسيطة من عندك تكتبي عن الموضوع و في التصحيح الطالب بيأخذ درجة كبيرة و الترجمة لا تتركيها فدرجتها مضمونة كل ما عليكي أن تترجمى الكلمات التى تعرفيها و الذي لا تعرفيه تكملي كلام من نفسك يتماشي مع الجملة أي تخمنى المعنى زي ما بتكملي جملة بالعربي أما الترجمة ألي الانجليزي فاكتبي الكلمات التى تعرفينها و الذي لا تعرفينه أكتبي كلام مكانه متقاربة في المعنى علي أسوأ تقدير في الترجمة أنا أضمن لكي درجتان الا ربع من 25 أي ما يعادل أجابتك لسبع جمل أختياري اجابة صحيحة و سؤال المواقف بسيط جدا لما تترجمى السؤال زي ما حتردى بالعربي ترجمى للانجليزي كلامك فهو سؤال تقليدي زى اسئلة الاعدادية و اولي ثانوي و أوجد الخطأ في الجملة أكيد حتجاوبي حاجات صحيحة .
.........
الخلاصة قبل الامتحان تكونى قرأتى القصة و حفظتى العشرة كلمات التى في داخل المربع في كل وحدة .
فلا تقلقي و بالتوفيق ان شاء الله و أسف علي الاطالة