اين الدرجات الماليه ؟؟؟؟؟؟؟؟؟؟؟؟؟ [الأرشيف] - بوابة الثانوية العامة المصرية

mmagdy_81

29-05-2011, 01:27 PM

السلام عليكم ورحمه الله وبركاته

ياريت ياجماعه نسمع بعض من غير عصبيه . ياكل المعينين ويامن سوف يتم تعينهم باذن الله اجيبونى

اين الدرجات الماليه لكل المعينين ؟

الاجابه لاتوجد .

(نحن مسكنين فقط على معلم بالكادر )

ارجوكم حاولوا تفهمونى وحاولوا نساعد بعض علشان ناخد حقنا كامل

كل اللى بيتقال فى الادارات والمديريات مجرد مسكنات من ان قرار التعيين هو نفس قرار الدرجه والكلام الفارغ ده

لان قرار الدرجه بيجى من التنظيم والاداره وله رقم وتاريخ سريان للكل موحد

ارجوكم افهموا كلامى من غير عصبيه

ليه المرتبات مختلفه فى كل الادارات على مستوى الجمهوريه ؟

احنا عمالين ندور على الحد الادنى للاجور ونحن لسنا على الدرجه الثالثه اساسا
يبقى من اين يطبق علينا قرار الحد الادنى

من لايتقبل هذا الكلام او يرفضه او يضعه محل استهزاء

ارجو منه فقط ان ياتى بقرار الدرجه وتاريخ سريانها من المديريه التابع ليها

وسوف اعلن اسفى له بكل الطرق

نحن نبحث عن حقنا وهذا ابسط الحقوق

والله المستعان

احمد الشيمي_77

29-05-2011, 02:50 PM

AlaaElden

29-05-2011, 03:04 PM

mmagdy_81

29-05-2011, 03:09 PM

اخي العزيز هو فعلا مفيش درجات لسبب هو وجود قانون الكادر حيث لا يمكن الجمع بين الاثنين لان بهم مزايا مالية . و الدرجات موقوفة فعلا حتى للمعينين. و اسال زملائك القدامى ستجد ان لهم درجات لم تاتي منذ فترة طويلة حتى الان

يعنى ايه الدرجات موقوفه يااستاذى فى حاجه لازم توضح لنا

احنا على الدرجه الثالثه ؟

الجواب نعم

قولى تاريخ سريان الدرجه ورقم القرار

وياااااااااااااااريت قرار الدرجه اللى بيطلع من التنظيم والاداره

وشكرا

mmagdy_81

29-05-2011, 03:16 PM

http://up10.up-images.com/up//uploads/images/domain-456e538079.jpg

ياعلاء انا عايز قرار الدرجه وتاريخ سريانها وقرار الدرجه ؟

اسلام نفسه اللى رفع القرار ده قالولى مفيش قرار للدرجه فى المديريه ده معناه ايه ؟

انا سالت فى مديريه الشرقيه قالولى الدرجات مش موجوده

والله المستعان

أ/محمد على عاشور

29-05-2011, 05:03 PM

اتفق معك تماما
ما فيش درجات فى كل المحافظات
اما بالنسبة لللقانون الكادر وموضوع الدرجات فاللقرار المرفوع به الدرجة الثالثة وهو صادر من المديرية
اذن لنا درجات الثالثة ولكنها غير موجودة الى الان وياعالم ممكن تيجى والا

eslamic

29-05-2011, 05:09 PM

دي رسالة لازم كلنا نبعتها للتنظيم الإدارة

السلام عليكم
الأستاذ الفاضل / رئيس الجهاز المركزي للتنظيم والإدارة
سيدي الفاضل نحن المعلمون المساعدون والمعينون حديثا بتاريخ 1/3/2011 علي وظيفة معلم بعدما اجتزنا إختبارات الكادر وحصلنا علي الرخصة الدولية للحاسب الآلي
تم تعييننا علي الدرجة الثالثة التخصصية ولكن عندما نسأل عن قرار الدرجة بالمديرية التعليمية أو الإدارة التعليمية يكون الرد هو اننا لم يصل أي شئ من الجهاز المركزي للتنظيم والإدارة بخصوص الدرجات
نرجو من سيادتكم التكرم بإخطارنا هل تم تخصيص درجات مالية لنا نحن المعلمون المعينون جدد
وإذا تم بالفعل تخصيص درجات فما هو رقم القرار وتاريخة
نشكركم علي سعة صدركم ونرجوا من سيادتكم بموافاتنا برد سيادتكم

أ/محمد على عاشور

29-05-2011, 05:12 PM

eslamic

29-05-2011, 05:12 PM

http://img101.herosh.com/2011/05/29/260680395.jpg

ولو عاوز تراسل التنظيم والإدارة بمحافظتك ادخل علي الرابط التالي واختار محافظتك
http://www.caoa.gov.eg/Administration%20Departments

محافظة الشرقية
http://img102.herosh.com/2011/05/29/981766080.jpg

mmagdy_81

29-05-2011, 05:21 PM

جزا كل المشاركين خير

الموضوع كبير ياجماعه ياريت الكل يحاول يوصل معانا لحل قبل خراب مالطه

eslamic

29-05-2011, 05:25 PM

البريد علي الياهو
وإيميل الياهو دا الإيميل العام يا ريت كل واحد يبعت عليه وكمان يبعت علي إيميل محافظته هتلاقيه لما تختار محافظتك من الرابط اللي فوق

mmagdy_81

29-05-2011, 05:34 PM

البريد علي الياهو
وإيميل الياهو دا الإيميل العام يا ريت كل واحد يبعت عليه وكمان يبعت علي إيميل محافظته هتلاقيه لما تختار محافظتك من الرابط اللي فوق

انا بعت وهبعت تانى وتالت ياااااااااااااارب الناس تتحرك وان شاء الله يكون فيه خير لينا كلنا

لازم نفهم وضعنا ايه معينين على درجه ماليه واين هى ؟

ام مسكنين على قانون الكادر ؟ وايه برده وضعنا ؟

mmagdy_81

29-05-2011, 05:42 PM

ارجو اضافه تاريخ التعيين من الوزاره رقم 53 بتاريخ 14/2/2011

وربنا معانا

حازم الغزالى

29-05-2011, 06:21 PM

لست ادرى لما هذا التشاؤم وكأن الفرحة بالتعيين لم ولن تصل الى قلوبكم ارجوكم كفانا حزن كل المعينين على درجات مالية ورقم القرار 7137 اغلقوا هذه الصفحة وفكروا فى شى اخر.

mmagdy_81

29-05-2011, 06:37 PM

لست ادرى لما هذا التشاؤم وكأن الفرحة بالتعيين لم ولن تصل الى قلوبكم ارجوكم كفانا حزن كل المعينين على درجات مالية ورقم القرار 7137 اغلقوا هذه الصفحة وفكروا فى شى اخر.

ياااااااااااااااااريت اللى يدخل على الصفحه ده يكون فاهم ومايفتش علشان مش ناقصه

قرار التعيين كان موحد على كل المحافظات بتاريخ 14/2 وبالقرار رقم 53

قرار المحافظين اختلف

فى الشرقيه مثلا

قرار التعيين رقم 1429 بتاريخ 24/2

اما القرار رقم 7137 بتاريخ 14/3 اللى رافعه اسلام ده قرار المديريه

وطبعا ده مختلف فى كل المحافظات انما تاريخ سريان الدرجه بيكون واحد

الخلاصه

ان هذا ليس قرار درجه لان قرار الدرجه بياتى من التنظيم والاداره وليس من المديريه

وتاريخ سريان الدرجه يكون موحد على مستوى الجمهوريه لكل المعينين

اقول كمان ولا كفايه

جني كليو

30-05-2011, 02:24 PM

جزاك الله خيرا استاذ adam لاانك قولت اللى نفسنا نقوله والله احنا كمان فى القاهرة نفس الوضع ومش عارفين نعمل ايه ياريت الموضوع ده يتثبت علشان كلنا نفهم

hishamhassan

31-05-2011, 10:48 AM

جزاكم الله خيراً

mmagdy_81

31-05-2011, 03:11 PM

ياجماعه انا مش عارف ايه اللامبالاه ده

والله اللى بيحصل فينا حلال

لله الامر من قبل ومن بعد

meslmat

31-05-2011, 05:11 PM

القرار المرفق قرار وكيل الوزارة
والتعن بيكون من المحافظ
اليس كذالك ؟

meslmat

31-05-2011, 05:25 PM

فاين ولا اين السيوف القواطع

meslmat

31-05-2011, 05:27 PM

فاين ولا اين الدرجات المالية

mmagdy_81

31-05-2011, 05:38 PM

ارجوك حاول معايا تجاوب على السؤال ده ؟

meslmat

31-05-2011, 07:30 PM

ياااااااااااااااااريت اللى يدخل على الصفحه ده يكون فاهم ومايفتش علشان مش ناقصه

قرار التعيين كان موحد على كل المحافظات بتاريخ 14/2 وبالقرار رقم 53

قرار المحافظين اختلف

فى الشرقيه مثلا

قرار التعيين رقم 1429 بتاريخ 24/2

اما القرار رقم 7137 بتاريخ 14/3 اللى رافعه اسلام ده قرار المديريه

وطبعا ده مختلف فى كل المحافظات انما تاريخ سريان الدرجه بيكون واحد

الخلاصه

ان هذا ليس قرار درجه لان قرار الدرجه بياتى من التنظيم والاداره وليس من المديريه

وتاريخ سريان الدرجه يكون موحد على مستوى الجمهوريه لكل المعينين

اقول كمان ولا كفايه

النظيم وارة تقوم بحصر الوظائف بعد تتسيفها وترتيبها والرئيس الااعلى هوى يصدرار التعيين
اليس كذك يا معلم

mmagdy_81

31-05-2011, 08:00 PM

انا نفسى واحد مايجدلش ويحاول يرفع لينا قرار الدرجه وتاريخ سريانها ونحن نعتذر له

mmagdy_81

03-06-2011, 07:25 PM

الناس اللى فرحانه بالفيديو بتاع الوزير

ده اكبر دليل على كلامى اللى قولته ان مفيش درجات ماليه لينا واننا لسه بنتعامل على اننا معلمين مساعدين

يعنى الحصه والمكافاه مع احترامى ليهم يترفعوا ل 700ج واحنا بره اللعبه زيهم برده لاننا مازلنا معلمين مساعدين ونتعامل على هذا المبدا واللى مش عاجبه يخبط دماغه فى الحيط

mmagdy_81

05-06-2011, 04:46 PM

والله الواحد مابقى عارف يوصلكم الكلام ازاى هل انا وغيرى اللى بنفكر فى الدرجات الماليه احنا اللى اغبيه ولا انتم اللى ........ مرضاش اقولها لانكم معلمون محترمون لكن لاسف سوزج

الناس عماله تتكلم على الحد الادنى للاجور وبتقول انها على الثالثه منين جبت الكلام ده ؟

هات رقم وتاريخ الدرجه علشان تطالب بحقك فى الدرجه الثالثه

طيب الناس اللى زعلانه من عدم ادراج المعلمين فى الحد الادنى ليهم حق علشان دول معينون وعلى درجه ماليه معروفه

انتوا بقى فين درجتكم يابهوات ؟ياللى بتهيصوا مع اللى بيهيص وخلاص

انتوا اضحك عليكم وكل يوم بيضحك عليكم

اضحك عليكم لما اقبلتم التعاقد من البدايه وانا واحد منكم

اضحك عليكم لما نجحتم فى الكادر ومطلبتوش بالتعيين زى القانون مابيقول وانا واحد منكم

اضحك عليكم لما مطلبتوش بصرف الكادر (الفلوس ) من تاريخ النجاح فيه زى الاساسيين وانا واحد منكم

اضحك عليكم لما صدر قرار التعيين المزعوم من غير درجه ماليه حتى وان كانت مكتوب فى جوابك انك على الثالثه التخصصيه وده كلام من غير واقع لان الدرجه بخ مفيش وانا مش واحد منكم

اضحك عليكم لما تخيلتم ان ممكن ينطبق عليكم الحد الادنى للاجور وانت لسه معلمين مساعدين لان الدرجه مجتش والله اعلم هتيجى ولا لا ؟

عايزين ايه تانى؟؟؟؟؟؟؟

بدل ماتفكروا تعملوا اعتصام علشان الحد الادنى للاجور خدوا السلم من الاول

اعملوا اعتصام واسالوا الوزير احنا مين ووضعنا ايه فى البلد ؟
وهل نحن معينون ولا كنت بتهرج معانا ؟

وفينالدرجات الماليه بتاعتنا ؟

عملت موضوع واتنين وتلاته ولاحياه لمن تنادى كله قافل عنيه وودانه ومكبر دماغه

وبيقول ايه الواد اللى بيخرف ده

ماكلنا مكتوب قدمنا الدرجه الثالثه التخصصيه واتغير المسمى بتاعنا فى الاحصاء

كله ده طظ ولا ليه قيمه من غير قرار الدرجه وتاريخ سريانها

اخرهم لما رحت اغير بياناتى فى الاداره علشان النقابه قالولى سورى انت لسه معلم مساعد
علشان ملكش درجه ماليه هههههههههههههههههههه

عليه العوض ومنه العوض فى المعلم

احنا بنطلع فى الاخر ولاد ................

عملت كذا موضوع بوضح فيه الكلام ده بعنوان

معينون ولا مسكنون
اين الدرجات الماليه ؟
الماده 89
وغيرهم

والناس كانت بتتجاهل الكلام واكنى بالف من دماغى

وهتشوفوا المصايب بتاعت الدرجات هتظهر تباعا
وسلملى على التنظيم والاداره والماليه والبيه بتاعنا وزير المخروبه التربيه والزفت

كفايه كده

ارجوك يااستاذ محمد طعيمه
يااستاذ محمد عاشور
يااستاذ علاء
يااستاذ على عضاضلى
يااستاذ زياد
المشرفين على المنتدى تثبيت الموضوع
وابدا وجهه نظركم فى كلامى
وشكرا

مروه احمد عبد الرحمن

05-06-2011, 05:13 PM

مين الى قال كده زملائنا الى اتعينوا فى شهر 3 فى الشرقية اتعينوا على الدرجة الثالثة

mmagdy_81

05-06-2011, 05:23 PM

مين الى قال كده زملائنا الى اتعينوا فى شهر 3 فى الشرقية اتعينوا على الدرجة الثالثة

انا من الشرقيه يااستاذه مروه

واتحدى اى انسان يجيب قرار الدرجه او تاريخ سريانها

انا مش من مصلحتى انى اقول الكلام ده انما هى ده الحقيقه

عبدالوارث

05-06-2011, 05:26 PM

شكراانا مش من مصلحتى انى اقول الكلام ده انما هى ده الحقيقه

mmagdy_81

05-06-2011, 05:30 PM

شكراانا مش من مصلحتى انى اقول الكلام ده انما هى ده الحقيقه

وفعلا هذه هى الحقيقه لاتوجد درجات ماليه

بيلوور

05-06-2011, 05:38 PM

عندك حق في كل كلمه قلتها فعلا هي دي الحقيقه كل واحد مصدق نفسه ومصدق حتته الورقه اللي مسمينها جواب التعين
مش حاسيين ابدا بحجم الكارثه اللي احنا فيها

مريم اليكس2011

05-06-2011, 05:39 PM

خلاص فهمت وياريتني مافهمت

بيلوور

05-06-2011, 05:46 PM

احنا في اسكندريه رحنا النهارده للتنظيم والاداره عشان نفهم ليه القرار الاول نزل بدرجه واحنا لا اتضح انهم مش عندهم اي فكره عننا اصلا

مريم اليكس2011

05-06-2011, 06:06 PM

احنا في اسكندريه رحنا النهارده للتنظيم والاداره عشان نفهم ليه القرار الاول نزل بدرجه واحنا لا اتضح انهم مش عندهم اي فكره عننا اصلا
ارجو التوضيح قرار اول ايه الي جه بدرجه ومين الي قرارهم بدون وليه

mmagdy_81

05-06-2011, 06:11 PM

احنا في اسكندريه رحنا النهارده للتنظيم والاداره عشان نفهم ليه القرار الاول نزل بدرجه واحنا لا اتضح انهم مش عندهم اي فكره عننا اصلا

ياجماعه الخير اقسم بالله احنا مضحوك علينا

ياجماعه ارجوكم لازم نقف ونسال الوزير المحترم بتاعنا اين الدرجات الماليه لينا ؟

وهو لازم يجاوب على السؤال ده

نحن بدون الدرجه ليس لنا اى قيمه

انتوا بدورو على الحد الادنى واحنا غير معينين اصلا

(فاستخف قومه فاطاعوه )صدق الله العظيم

أ/محمد على عاشور

05-06-2011, 06:13 PM

وليد غربية

05-06-2011, 08:09 PM

السادة الزملاء
نرجو ان نفرق بين حاجتين
اولا قرار التعين الصادر من وزارة التربية والتعليم والمحافظ بالتعين
وبين التنظيم والادارة
اتحدى اى شخص لو عرف ياخد اجازة بدون مرتب حاليا لانه غير معين لا يوجد تعين بدون امر تنفيذى من التنظيم والادارة
وما انتم فيه حاليااااااااااااااااا مسكنات لحد شهر 7 عللى السنه الماليه الجديدة ومما تيجى السنه الماليه الجديدة هنشوف المسكن الجديد

المريسي

05-06-2011, 09:49 PM

يارب يسر الامور

mmagdy_81

06-06-2011, 12:41 AM

فوزى لوزى

06-06-2011, 01:17 AM

................................

داعيه

06-06-2011, 11:41 AM

حسبنا الله ونعم الوكيل
هما بيعملوا كده ليه ؟؟
هيستفادوا ايه من كده
طيب حضرتك ممكن تفيدنا الى نجحوا فى 1/4/2011 موقفنا ايه دلوقتى ؟
هل ذى ما سمعنا هيتم تسكينا فقط بداءا من شهر 7 ولا هيعملوا ايه
الله المستعان

أ/محمد على عاشور

06-06-2011, 11:49 AM

الله ما حد عارف حاجة
اساسا انضحك علينا بتعيين وهمى
والله يا اختى بلا درجات مالية
اومال هيعملوا معاكم اية
ربنا معانا

medosobhe

06-06-2011, 12:14 PM

طب ليه المتعينين فى شهر 3 الماضى لسه بيقبضوا فى كشوفات المتعاقدين الى اليييييييييييييييييييييييوم وبنفس المرتب ؟

mmagdy_81

06-06-2011, 12:37 PM

طب ليه المتعينين فى شهر 3 الماضى لسه بيقبضوا فى كشوفات المتعاقدين الى اليييييييييييييييييييييييوم وبنفس المرتب ؟

ياجماعه احنا لو معينين على درجه ماليه كانت حاجات كتير اتغيرت اهمها

توحيد المرتب على الدرجه الثالثه لكل المعينين
مش كل اداره شغاله بمزاجها

الشعور الداخلى اصلا اللى مش موجود اننا فعلا اتعينا

فوزى لوزى

06-06-2011, 12:49 PM

mmagdy_81

06-06-2011, 01:10 PM

كلامك قلقنى امبارح رحت سالت عن الدجات
ضحكوا عليا وردوا بغباء قالوا
درجات ايه ان شاءء الله فى 7 ده او اللى جاى 2012 واو اللى بعده
انا باكلم جد حدث فعلا
لو سمحتم حد يرفع لنا القرار بتاع الدرجة بتاع اى محافظة علشين اوريه للموظفين لانى تحدتهم
بسرعة لو سمحتم
انا من الشرقية

ياسبحان الله قلنا كده قالوا اطلعوا من البلد يااستاذ فوزى انا اخوك من الشرقيه والدرجه الماليه غير موجوده ولا يوجد قرار للدرجه مع اى انسان اين كان فى اى محافظه وده اللى بنهاتى فيه من زمااااااااااااااااااااااااااااااااااااااااااان

والكلام ده اكيد مليون الميه وانا بقولهالك اتحدى واحد يرفع قرار الدرجه

لازم نتحرك وبسرعه لان لو دخل علينا شهر سبعه من غير درجات يبقى انسى

مجاهد بدوى

06-06-2011, 01:20 PM

أتفق معك
ولكن ماذا نفعل الآن ؟
أخوك من الغربية

mmagdy_81

06-06-2011, 01:24 PM

لازم نشوف البيه الوزير اللى لعب بينا ده نساله ونبعت ليه احنا فين درجاتنا الماليه ؟

وكل واحد يحاول يسال فى التنظيم والاداره اللى تابع لمحافظته

يمكن هم يدلونا على الحل

مجاهد بدوى

06-06-2011, 01:27 PM

أنا كلمت واحد فى التنظيم والادارة حالاً
وقالى هشوف الموضوع بكرة ويقولى
وإن كان فه جديد هبلغكوا بيه

mmagdy_81

06-06-2011, 01:36 PM

أنا كلمت واحد فى التنظيم والادارة حالاً
وقالى هشوف الموضوع بكرة ويقولى
وإن كان فه جديد هبلغكوا بيه

جزاك الله كل الخير

فعلا لو اتحركنا واشتغلنا عليهم فى التنظيم والاداره فى كل محافظه اكيد هنوصل لحل قدمنا 20 يوم فقط لامجال لاى تهاون هذا حقنا وحق اولادنا

بيلوور

06-06-2011, 01:51 PM

لازم نشوف البيه الوزير اللى لعب بينا ده نساله ونبعت ليه احنا فين درجاتنا الماليه ؟

وكل واحد يحاول يسال فى التنظيم والاداره اللى تابع لمحافظته

يمكن هم يدلونا على الحل

احنا روحنا في اسكندريه وكانو ناس محترمين جدا وطبعا فرق المعامله بينهم وبين التربيه والتعليم كان واضح
استفسرنا عن كل شئ وكانو بمنتهي الصراحه حتي اطلعونا علي اوراق واعداد الناس اللي مبعوتلهم من
وكاله الوزراه واكتشفنا انهم باعتين طالبين درجات ماليه اكتر من عددنا الاصلي بحوالي 200 اسم كمان في ناس من الاسامي منقطعين عن العمل من اكتر من 8 شهور وكمان في اسامي لمتعاقدين 1/12/2008 اللي لسه ممتحنين كادر اساميهم مدسوسه وسط اسامينا

mmagdy_81

06-06-2011, 01:54 PM

احنا روحنا في اسكندريه وكانو ناس محترمين جدا وطبعا فرق المعامله بينهم وبين التربيه والتعليم كان واضح
استفسرنا عن كل شئ وكانو بمنتهي الصراحه حتي اطلعونا علي اوراق واعداد الناس اللي مبعوتلهم من
وكاله الوزراه واكتشفنا انهم باعتين طالبين درجات ماليه اكتر من عددنا الاصلي بحوالي 200 اسم كمان في ناس من الاسامي منقطعين عن العمل من اكتر من 8 شهور وكمان في اسامي لمتعاقدين 1/12/2008 اللي لسه ممتحنين كادر اساميهم مدسوسه وسط اسامينا

يعنى دلوقت الحل فين ؟

قالولكم الدرجات هتنزل امتى ؟

واحنا وضعنا ايه ؟

ولو اشتكنا نشتكى فين ونسال فين ؟ده المهم لان شهر 7 باقى عليه 20 يوم فقط

بيلوور

06-06-2011, 01:57 PM

يعنى دلوقت الحل فين ؟

قالولكم الدرجات هتنزل امتى ؟

واحنا وضعنا ايه ؟

ولو اشتكنا نشتكى فين ونسال فين ؟ده المهم لان شهر 7 باقى عليه 20 يوم فقط

ضروري نروح علي الماليه في القاهره ماينفعش نضيع وقت اكتر من كدا
انا بكرا ان شاء الله هعمل اخر اتصالات خلينا ورا الكداب
ويوم الاربعاء عندنا وقفه في اامنطقه الشماليه
اذا لم تحل الازمه هنحدد معاد السفر في اقرب وقت
حاولو تكونو معانا

ايهاب العراقى

06-06-2011, 02:02 PM

كله هيتظبط مع السنة المالية الجديدة و اعتقد موضوع الحد الادنى للاجور ده هيخلى محدش يسال على درجات مالية تانى و الله اعلم

أ/محمد على عاشور

06-06-2011, 02:04 PM

أ/محمد على عاشور

06-06-2011, 02:07 PM

كله هيتظبط مع السنة المالية الجديدة و اعتقد موضوع الحد الادنى للاجور ده هيخلى محدش يسال على درجات مالية تانى و الله اعلم

واذا جاء شهر سبعة ولم يحدث جديد ؟

بيلوور

06-06-2011, 02:15 PM

يعنى المديريات كمان باعتين طالبين درجات اكثر هو فبه اساسا غريبة اووووووووووى ليه
لازم اللى اسمه مبعوت يكون معين اما 53 او 74
وبعدين الاسماء دى من زمان جدا فى التنظيم والادارة وخاطبوا بها الفرع الرئيسي فى القاهرة
وكمان ايه حكاية المالية
طبعا التنظيم والادارة قالت مش معمول حسابكم السنة دى

انا معايا نسخه من اسامي الامر التنفيذي التاني بجميع الادارات في الاسكندريه وعددنا 690 واللمطلوب دراجتهم عددهم 781 يعني وكاله الوزاره عندنا ضايفه اسامي زياده
وعلي فكره قالو ان في درجات عشان في عدد كبير طلع معاشات في مارس اللي فات

mmagdy_81

06-06-2011, 02:24 PM

انا معايا نسخه من اسامي الامر التنفيذي التاني بجميع الادارات في الاسكندريه وعددنا 690 واللمطلوب دراجتهم عددهم 781 يعني وكاله الوزاره عندنا ضايفه اسامي زياده
وعلي فكره قالو ان في درجات عشان في عدد كبير طلع معاشات في مارس اللي فات

احنا كلنا مع بعض ايد واحده المهم نتحرك وبلاش الكلام الكتير

بيلوور

06-06-2011, 02:31 PM

احنا كلنا مع بعض ايد واحده المهم نتحرك وبلاش الكلام الكتير

طب جربتو تروحو المحافظه عندكم تسألو هناك

mmagdy_81

06-06-2011, 02:52 PM

طب جربتو تروحو المحافظه عندكم تسألو هناك

انا سالت فى المديريه قالوا لسه يمكن فى 7 ويمكن لا

ومعانا ناس سالت فى التنظيم والاداره قالولهم مفيش درجات لسه نزلت

أشـرف فتحى

06-06-2011, 07:27 PM

الســــــــــــــــــــلام عليكم

mmagdy_81

06-06-2011, 08:01 PM

من غير درجه ماليه لا اعتقد وربنا معانا

فيلوفيلو

07-06-2011, 06:07 AM

المريسي

07-06-2011, 06:48 AM

1/4/2011 اية النظام

ayman3body

07-06-2011, 11:17 AM

أنا كنت بنقل من مركز لمركز اخر فوجئت بأن بإستمارة البيانات الدرجة قالت الموظفة إني ليس لي درجة
ولكن بعد محايله كتبت الثالثة

mmagdy_81

07-06-2011, 01:07 PM

أنا كنت بنقل من مركز لمركز اخر فوجئت بأن بإستمارة البيانات الدرجة قالت الموظفة إني ليس لي درجة
ولكن بعد محايله كتبت الثالثة

ههههههههههههههههههههههه يعنى ريحوك وكتبولك الدرجه ابسط ياعم

mmagdy_81

07-06-2011, 01:12 PM

انا بعت شكوى للتنظيم والاداره ودها رقمها وتاريخها

نشكركم , لقد تم ارسال الشكوي رقم الشكوى:8972 تاريخ الشكوى:07/06/2011

بيلوور

07-06-2011, 01:35 PM

انا بعت شكوى للتنظيم والاداره ودها رقمها وتاريخها

نشكركم , لقد تم ارسال الشكوي رقم الشكوى:8972 تاريخ الشكوى:07/06/2011

ممكن تكتبلي نص الشكوي و العنوان اذا سمحت

mmagdy_81

07-06-2011, 01:52 PM

احنا لسة بدون درجة وانا سالت كتتتتتتتتتتتتتتتتتتتتتتير وكان دايما الرد فى شهر يوليو انشاء الله ولذلك احنا لسة معلم مساعد وفى ادارتنا ادفو اسوان رفضوا ينزلونا فى الاحصاء الاخير ببيانات معلم وحتى قالولنا ان ملناش درجة مالية يعنى المفروض نطالب بيها وعلى فكرة احنا كدة مش من حقنا غير الحد الادنى والله اعلم

الحمد لله الناس بدات تفهم الكلام ده قلناه من زمان

ياريت كلنا نشترك على فى جروب المعينون الجدد على الفيس بوك

http://www.facebook.com/home.php?sk=group_103375306423650

mmagdy_81

07-06-2011, 01:58 PM

ممكن تكتبلي نص الشكوي و العنوان اذا سمحت

نص الشكوى كالاتى

نحن المعينون الجدد بالقرار رقم 53 بتاريخ 14/2/2011 لم نحصل على الدرجات الماليه حتى الان

نرجوا من سيادتكم ايضاح الصوره لنا هل نحن معينون ام مسكنون ؟

واذا كان هناك درجات ماليه لنا فمتى سوف يصدر قرار الدرجه وتاريخ سريانها ؟

ارجوكم ساعدونا فى الحصول على ابسط حقوقنا

ولسيادتكم جزيل الشكر

ملحوظه :- ممكن لو حابب تغير الصيغه او تعدل فيها براحتك المهم نشارك كلنا

الرابط بتاع الشكاوى اه

http://www.caoa.gov.eg/complaints

sasoooooooo

07-06-2011, 02:02 PM

الكلام دة صحيح احنا ملناش درجات و لا لينا فى الحد الادنى و لا فى اى زيادات و ممكن على نهاية العقد يقولوا مدة العقد انتهت يلا باىباى و الله انا كنت فى الادارة و المحافظة و قالولى كدة

mmagdy_81

07-06-2011, 02:04 PM

يا ريت نتواصل على جروب المعينون الجدد على الفيس بوك

الرابط
http://www.facebook.com/home.php?sk=group_103375306423650

sasoooooooo

07-06-2011, 02:07 PM

انا بعت شكوى انا كمان و رقمها 8977 و تاريخ 7/6/2011

mmagdy_81

07-06-2011, 02:14 PM

ياجماعه ده كمان رابط الوزاره على الفيس بوك

http://www.facebook.com/egypt.moe

بيلوور

07-06-2011, 02:17 PM

انا بعتترقم الشكوى:8985 تاريخ الشكوى:07/06/2011

mmagdy_81

07-06-2011, 07:26 PM

اظن بقى الكلام واضح احنا لازم ننزل القاهره ونشوف حل للمصيبه ده علشان احنا خلاص بقينا ملطشه

انا كلمت واحد فى التنظيم والاداره قالى بمنتهى الشفافيه ( انتوا مش معمول حسابكم السنه ده فى الدرجات الماليه ولازم نشتكى للنيابه الاداريه )يمكن توصلوا لحل .

ده اخر كلام اللى عايز يصدق يصدق واللى مش عايز يستنى لشهر 7 لما الحلم يفوق منه يلاقيه كابوس سبكم بقى من الحد الادنى والحد الزفت انا عندى ابقى معين واخد 400ج ولا انى ابقى متعاقد واخد 1000ج وياريتنا هناخدهم اصلا

مفيش بيت بيتبنى من غير اساس

قبل ما نطالب بالحد الادنى الوهم الكبير ده نطال بالدرجات وبالتعيين الرسمى لاننا مازلنا متعاقدين واللى عنده كلام غير كده يقول

وابوس ايديكم ارحمونا من الغباوه ومفيش حد يفتى ويقول لا احنا معينين

كفايه كده!!!!!!!!!!