مشاهدة النسخة كاملة : كيف تستطيع أن تسلق بيضة بالموبايل؟؟؟؟ ::


aleman
29-05-2011, 10:32 PM
: كيف تستطيع أن تسلق بيضة بالموبايل؟؟؟؟ ::

تستطيع أن تسلق بيضة بالموبايل
أو تحديدا بالأشعة التى تخترق المخ والدم أثناء التحدث
والتى من خلالها استطاعوا سلق بيضة فعلا
هذة التجربة الغريبة تمت عبر اثنان من الصحفيين الروس
فلاديمير لاجوفسكى
واندريةموسينكو
واللذان كتباموضوعا عن أضرار الموبايل فقاما بهذة التجربة
الغريبة عن طريق جهازى الموبايل خاصتهما
وقد قاما بعمل ميكروويف مبسط

http://up101.arabsh.com/my/306a770.jpg
كما هو مبين في الصورة حيث وضعوا موبايل على كل جانب من جوانب البيضة
وقاموا بتشغيل تسجيل صوت واتصلا من الموبايل للاخر حتى لا تغلق
الموبايلات وكانك تتحدث فعلا فيها
فوجدوا البيضةقد أصبحت دافئة فى خلال
خمسه عشر دقيقة
ووجدوها ساخنة فى خلال
خمسة وعشرون دقيقة
ووجدوها ساخنة جدا فى خلال
أربعين دقيقة
أما بعد خمسة وستون دقيقة فقد أصبحت البيضة
مطهوة تماما
كما ترون في الصورةhttp://up101.arabsh.com/my/676ea5a.jpg

من هنا يتضح نتائج معينة وهى أن طهو البيض بالموبايل ممكن
ولكن مكلف جدا

ثانياونلاحظ كمان لما بنتكلم في لموبايل مده طويله الجهاز بيسخن
وودنك كمان بتسخن جدا
يمكن أن تطهو مخك فقط لو تحدثت ساعتين
متواصلتين فى الموبايل.

ربنا يعافينا يارب ويرحمنا برحمته ويحفظ امه الاسلام بخيير ويعز الاسلام والمسلميين
قولوا اللهم اميين

sohawooo
30-05-2011, 01:53 AM
ينهار ابيض ربنا يعافينا
ومشكووووووور كتير علي المعلومه الخطيرة دي
تسلم الايادي:):):)

العروبة2
31-05-2011, 08:42 AM
اللهم عا فنا واعف عنا
سلمنا الله واياكم من كل مكروه
شكرا ع المعلومات

شنطة حمزه
02-06-2011, 06:16 PM
و بيعمل فشار كمان
ده بينفع فى الازمات
خاصة لما بيكون مفيش انابيب زى الايام دي
فبالتالى هيكون ارخص
........
جزاكم الله خيرا ..

هويدااحمد76
02-06-2011, 11:47 PM
ياه ده انا على طول بشغل سماعة الموبايل فى ودنى على طول ده برضه بيسبب ضرر

aleman
04-06-2011, 12:24 PM
السماعة اخف ضرر شوية على ما اعتقد

yoyo2012
04-06-2011, 01:12 PM
ثانكس علي الطرح الروعه
تسلم الانامل

miss_egypt
08-06-2011, 11:24 AM
يااااااااااااااه
دي فعلا حاجة خطيرة جدا
ربنا يحمينا
وللعلم
السماعة احسن بكتير من الموبايل
لان الجهاز نفسه هو اللي بيطلع اشعاعات
مش السماعة اللي فيه

miss_egypt
08-06-2011, 11:40 AM
معلش يا جماعة
أنا اسفه جدا بس لازم اقولكم
ان المعلومة اللي انا قلتها من شوية مش صحيحه
" مع العلم ان انا مكنتش بفتي ودي حاجة كنت بسمعها من زمان "
لكن بصراحة لما قريت الموضوع ده لفت نظري للموضوع
فبحثت عن أخطار الموبايلات
المهم
اكتشفت ان
استعمال السماعات تزيد من كمية الإشعاعات فيها الى ثلاثة أضعاف ونصف, وذلك لوجود الشريط الممتد من الجهاز الى السماعة والذي يعمل أحيانا كهوائي فتصدر عنه قوة اشعاع كبيرة تغمر كامل جسدنا أي كامل المناطق التي ينبغي من حيث المبدأ حمايتها.

إن إستعمال سماعة البلوتوث يزيد من المنطقة الملاصقة للإشعاع بشكل مباشر فوضع الموبايل على الإذن مباشرة يؤثر على مساحة " 6 " سم مربع حول الإذن أما البلوتوث فهو يغمر كل الرأس وذلك لكبر مساحة استقبال وبث البلوتوث حول الأذن.

" منقول "

ويا ريت تعذروني

aleman
08-06-2011, 08:28 PM
مشكورين للمعلومات
بس استاذ عمر اديب فى حلقة من يومين بالقاهرة اليوم اوضح اهمية السماعات وانها افضل من التحدث من الجهاز مباشرة
وقيل ان مدة المكالمة الواحدة لابد الا تزيد عن50 دقيقة

ahmad$
11-06-2011, 02:54 AM
ايه التهييس دا في حد عاقل يصدق الكلام دا