صوتى فى الانتخابات للبرادعى ليه ؟؟؟؟ [الأرشيف] - بوابة الثانوية العامة المصرية

مشاهدة النسخة كاملة : صوتى فى الانتخابات للبرادعى ليه ؟؟؟؟

نزيه الصعيدى

31-05-2011, 12:04 PM

صوتى فى الانتخابات للبرادعى ليه ؟؟؟؟

1- هو اللى جه وقال فى وش المدفع لازم تغيير

2- هو اللى حرك المياه الراكده وشجع الناس الخايفه انها تتكلم وتقول لا

3- خوف اسرائيل واميركا من وصول البرادعى للمنصب( لان البرادعى عايز البلد تتقدم)

4- رجل شريف لم تلطخ يداه بالفساد

5- عاش الحريه والديمقراطيه الحقيقه فى اوروبا ( وهنا هناك فرق بين الحريه والتحرر)

6- يحترم الجميع ولم يهين احد او يقلل من احد

7- رجل مؤمن بأن تقدم الأمم يعتمد على تقدم الامم فى العلم والاهتمام بالعلم

8- البرادعى أصر على "لا" برغم تغول الشائعات ضده بصورة مزرية لاغتيال سمعته من شخصيات محسوبة على المعارضة

9- البرادعى لم يقبل بشروط تحسين العبودية للمصريين بل اصر على انهاء العبودية

10- البرادعى رفض الدخول فى انتخابات فضائحية برطمانية

11- البرادعى رفض الدخول فى انتخابات رئاسية حسب قواعد لعبة قذرة

12- البرادعى هز عرش التوريث و قدم نفسه انه شخصية بديله

13- البرادعى وصف النظام بأنه غير شرعى . فى حين الآخرين يناشدون الرئيس بالتدخل فى حل مشكلات سفيهة

14- البرادعى لم يقبل أن يقبع فى تلاجة دولية مثل جامعة الدول العربية من فشل الى آخر

15- ساعد الكثير من الشباب فى الانخراط فى السياسة و التمسك بحلم التغيير

16 - البرادعى لم يهرول الى النائب المخابراتى عمر سليمان فى المفاوضات فى وقت أشباه الأحزاب هرولت اليه لتقسيم التورته

aymaan noor

31-05-2011, 01:43 PM

و هاهو البرادعى يثبت مرة أخرى أنه رجل مبادئ

فرغم أن التيار السائد الآن لا للدستور قبل الانتخابات

ولكن البرادعى يعلنها صريحة لابد من عمل الدستور أولا

و ان تعذر لابد من عمل المواد الفوق دستورية التى تضمن الحقوق والحريات

غريب أمر هذا الرجل

رغم أن دعواه هذه يمكن أن تقلل من عدد مؤيديه

الا أنه رجل مواقف لايغير مبدأه من أجل ترشحه لمنصب

فهو يراعى الله ويراعى مصلحة الوطن

لايتاجر ولا يهادن من أجل منصب زائل

فى الوقت الذى يهتم فيه الآخرون بعمل توافقات

وأنا ايضا مع البرادعى

solom620

31-05-2011, 04:32 PM

برافو عليكو يا رجالة :

انا بحييكم على مجموعة الأسباب والمبررات اللى انتو ذكرتوها واللى فعلا تؤهل البرادعى بالفوز لمنصب رئاسة جمهورية مصر العربية . لأن الحقيقة الأسباب أو الشروط دى مش متوفرة فى حد فى مصر خالص خالص خالص
غير البرادعى . حقيقى ان مصر على مدار ال30 سنة اللى فاتو مكنش فيها ولا بنى آدم واحد عارض الحكومة وطالب بالتغيير فعلا لحد لما جالنا الرجل الشجاع الهمام ، راجل مصرى صميم راضع من لبن مصر وأفنى عمره كله فيها وفى خدمتها وخدمة العروبة . بصراحة عاش مع الناس فى مصر وحس بفقرهم وبطالتهم وعانى من نفس المشاكل اللى كل المصريين عانوا منها .

ياشباب اختياركم للبرادعى اختيار موفق وصائب لأنكم أحرار تؤيدوا من تشاءون

ولكن تلك الاسباب التى ذكرتموها والتى زعمتم أنها تؤهله لأن يكون رئيسا فهى من وجهة نظرى لا تكفى

لذلك أردت أن أضيف بعض الاسباب الأخرى والتى من وجهة نظرى أرى أنها اقوى من كل الأسباب التى ذكرتموها سالفا . وهى :-

1- البرادعى يحترم رأى الشعب

ولذلك يطالب المجلس العسكرى بوضع الدستور قبل انتخابات مجلس الشعب
اصل الشعب لما راح استفتى على التعديلات الدستورية واللى كان من بين المواد المعدلة :
(( يلتزم مجلس الشعب الجديد بتكوين هيئة تأسيسية مكونة من 100 فرد من رجال القانون يرضى عنهم جميع القوى السياسية فى الدولة بوضع دستور جديد للبلاد )) وجاءت نتيجة الاستفتاء 77 %
البرادعى بصراحة شديدة وجد ان العدد ده أقلية فقال يا عم يبقى الشعب مش موافق على التعديلات دى وأنا مع راى الشعب اللى هو راى الاغلبية يعنى اللى نسبته 23 %.ههههههههههههههههههههههههههههههههههههههه

2- البرادعى بيحب الدول العربية جدا

علشان كدة راح يفتش فيها على النووى اصله يا عينى خايف عليهم من النووى لا يتفجر فيهم

3- البرادعى بيكره اسرائيل كره العمى

علشان كدة مارضيش يروح يفتش فيها على النووى وهو عارف ان فيها 200 قنبلة نووية

ولكنه بدافع كرهه وبغضه الشديد لليهود مرضيش يروح يطلع ال200 قنبلة دول وينقذ الشعب اليهودى المسكين

شفتوا بقى القسوة على اليهود؟

4- البرادعى لما قدم تقرير للأمم المتحدة يفيد بأن العراق خالية تماما من الاسلحة النووية
وأمريكا ما اعترفتش بكلامه وحطته تحت الجزمة وضربت به عرض الحائط وقامت بضرب العراق

الحقيقة أنا واحد من الناس توقعت ان البرادعى يقدم استقالته ولكنه كان أقوى من ذلك.
استقالة ايه بس يارجل؟ دا البرادعى ده راجل صلب .
وقال معلشى أى نعم انا دمى اتحرق قدام العالم كله ولكن استحمل برضو علشان خاطر العراق دولة عربية واحنا عايزين امريكا تحميها برضو .

5- البرادعى جوز بنته لواحد بريطانى
علشان زوج بنته يبقى يجيب له أخبار بريطانيا
ومفيش مانع برضو ان بنته تقول لزوجها على أخبار مصر
وياسلام بقى لو كانت زوجة مخلصة يمكن تقول لزوجها على القرارات اللى أبوها ناوى يتخذها
وهو أحسن برضو علشان يبقى فيه صداقة بين مصر وبريطانيا
محدش يعرف الظروف قدام هتبقى ايه . يمكن امريكا تفكر تضربنا وللا حاجة ، يبقى بريطانيا تقف معانا

6- البرادعى عايز يجردنا من هويتنا الدينية سواء مسلمين أو مسيحيين
علشان نوصل للانحطاط الأخلاقى اللى فيه أوروبا وأمريكا دلوقتى

أصله فاكر ان الانحطاط الأخلاقى ده هو سبب تقدمهم

7- البرادعى هيطلق الحريات الدينية لكل من هب ودب
يعنى لو واحد عبد بقرة على ارض مصر هيقول له خد راحتك دى حريتك الشخصية

8- البرادعى هيفتح الباب على مصراعيه للشيعة والبهائيين والقاديانية و................................................. ..............
ماهى حرية بقى .
بس ابقى اتفرجوا على النتيجة
عارفين النتيجة هتبقى ايه؟

الشيعة طبعا عايزين يمارسوا العقائد بتاعتهم فى طريقة الأذان وفى الصلاة وطبعا ده من حقهم طبقا لدستور البرادعى بيه
الإخوان اللى هما أكبر تنظيم سياسى فى البلد مش هيقبلوا كدة ومعاهم السلفيين طبعا
وبالتالى هتقوم معارك طاحنة بين السلفيين والشيعة
وبناء عليه البرادعى مش هيلاقى قوة سياسية ليها قاعدة شعبية كبيرة زى الإخوان أو حتى السلفيين تقف قصاده فى الحكم
ويحكم هو البلد من غير ما حد يجيب له وجع دماغ

شفتوا يارجالة قد ايه الإعلام ضحك عليكو ا وخلاكم تنسوا أهم الأسباب اللى تؤهل البرادعى للرئاسة

واتشعلقتوا بأسباب هايفة ؟

هانى الشرقاوى

31-05-2011, 05:19 PM

عفوا
البرادعى هو رئيس مصر القادم
الــــــبــــرادعــــــى هـــــو رئــــــــيـــــــــس مـــــــصــــــر الـــــقـــادم ....

اعترف لكم ان الإعلام المضلل .. نجح أن يجعلنى ان أشك قليلا فى إمكانية فوز الرجل بالمنصب .. ( وفى الحقيقة أن من سيفوز هى مصر .. لا البرادعى .. فالرجل ليس فى حاجة إلى مناصب .. ومصر هى التى فى حاجة إلى رجل مثله )
لكن بعد عدة جولات فى أقاليم مصر مع حملات البرادعى الإنتخابية .. تأكد لى بالدليل المادى القاطع .. أن الرجل هو رئيس مصر القادم .. والأيام هى الحكم بيننا

ومن يجهل قدر وقيمة البرادعى الآن ..
بعد أن يصبح الرجل هو الرئيس .. سيندم بينه وبين نفسه .. أنه لم يختار البرادعى .. وسيتأكد له وللجميع .. أن البرادعى هو الرئيس المناسب

تحياتى للجميع

tahatata

31-05-2011, 05:22 PM

انا شايف ان البلد حاليا محتاجه لرئيس عليه توافق قومى حد زى عصام شرف مثلا :)
ولا البرادعى ينفع و لا عمرو موسى ولا الاخوان ...

العجوز2

31-05-2011, 05:24 PM

هانى الشرقاوى

31-05-2011, 05:27 PM

البرادعى =
كل ( الليبراليين الإشتراكيين العلمانيين الشوعيين الماركسيين .... وأصحاب أفكار أخرى )
معظم ( العمال والفلاحين والطلاب الجامعيين )
كل ( الصوفية .. الشيعة .. القرأنيين .. الأقباط .. البهائيين وطوائف أخرى )
عدد لا بأس به ( الإخوان المسلمين والجماعات الإسلامية ذات الطابع السياسى المخالف للسلف )

____ أصوات السلفيين ( وقلة لها مرشح بديل )
بالإضافة أن معظم من يرفضوا البرادعى .. يرفضون فقط لمجرد النكاية بالرجل ..وليس لهم مرشح أخر أو بديل .. وإن وجد هذا المرشح .. فلا قيمة ولا وزن له أمام الـــبـــــرادعى ..( وعلى من يرفض البرادعى ..أن يسمى لنا مرشح بديل) )

= البرادعى رئيسا لمصر

ولا عزاء لمن يجهل قيمة الرجل

مستر/ عصام الجاويش

31-05-2011, 06:10 PM

انا لن انتخب البرادعى وكل واحد حر فى اختياره ولايمكن ان تكون الدعايه لمرشح بهذا الاسلوب لماذا هذا التعالى من الداعمين للبرادعى؟ وكأنه هو الشخص الوحيد الذى يستحق هذا المنصب ..هناك كثير فى مصر وطنيين وتعرضوا للاذى فى سبيل نصر قضيتهم ووالله لولا اراده الله الذى سخر لنا القوات المسلحه لتقف بجوار الشعب المصرى لما نجحت الثوره والله انتم بهذا الاسلوب تستعدون الناس عليكم فانتم تريدوا ان تقولوا لنا ان لم تنتخبوا البرادعى فانتم خونه وجهلاء...الخ البرادعى سيأخذ نسبه 20 من الاصوات على اقصى تقدير والايام بيننا وهذه النسبه هى نسبه المسيحيين والعلمانيين وبعض البسطاء الذين قد يتأثروا بالدعايه المنظمه التى يقوم بها انصار البرادعى

مستر/ عصام الجاويش

31-05-2011, 06:19 PM

الحمد لله انك قلت القرأنيين سينتخبون البرادعى ..القرانيون هؤلاء اكثر ناس لايفهمون الاسلام ولقد تنبأ بهم رسول الله فقال : ((ألا إني أوتيت القرآن ، ومثله معه ، ألا يوشك رجل شبعان على أريكته يقول : عليكم بهذا القرآن ، فما وجدتم فيه من حلال فأحلوه ، وما وجدتم فيه من حرام فحرموه ، ألا وإن ما حرم رسول الله r مثل ما حرم الله)) .

والله إن هذا الحديث العظيم لينطبق على هذه الفرقة الضاله وإنه من معجزاته عليه الصلاه والسلام حيث أخبر عن شيء سيقع ووقع والله فصلى الله عليك يا رسول الهدى صلاة وسلاماً دائمين ما تعاقب الليل والنهار،
فهؤلاء الناس فعلا لابد ان يؤيدوا البرادعى لانهم يطعنون فى الاسلام والانسب لفكرهم هو رجل علمانى لايريد تطبيق الشريعه كما ينبغى مثل البرادعى
وايضا الشيعه الذين يكفرون الصحابه وامهات المؤمنين وهم من شرار الخلق لانهم يكفرون المسلمين وطبعا هؤلاء لايريدون مرشح متمسك بالدين
اما العمال والفلاحين صدقونى لن يعطوا البرادعى اصواتهم لانهم من الاخر لايعرفون فكره الاقصائى

محمد.فوكس

31-05-2011, 07:05 PM

برغم ان الكلام في وجهة نظري اتهام باطل كأي اتهام يوجه للدكتور البرادعي.
لكن 1- حتى لو كان هؤلائه يؤيدونه فليس ذنبه ربما كانت ضمن مؤامرة تشويه صورته.
2 يجب ايضا ان نقول من يعارضه .. بتوع الحزب الوطني .. شعبولا ... مرتضى منصور عدو الثورة .. سيد علي الصحفي المنافق الكاذب .. اسامة سرايا ....و كثيرون من حاشية مبارك...و يجب ان نقول ايضا من يؤيده من الشرفاء و هم كثيرون و وضعوا ايديهم في ايدي البرادعي كالاخوان المسلمين و لازالو يحترموه حتى لو اختلفوا سياسيا و شباب الثورة و كل الحركات اللتي دعت للثورةبينما اخرون ينامون في جحورهم.

محمد.فوكس

31-05-2011, 07:09 PM

الموضوع يذكر ماضي الدكتور البرادعي المشرف اللذي لا ينكره الا حاقد.
ولو تلاحظوا ان كل النقد اللذي يوجه اليه نقد غير موضوعي مرة بنته و مرة مراته و مرة امه و مرة خالته.
لكن من الاسباب الاهم اللتي تجعل صوتي للبرادعي هو المستقبل.
هو اكثر مرشحي الرئاسة تميزا بالرؤية المستقبلية.
كما انه افضل من يمكن ان ائتمنه على الثورة و اهدافها و منجزاتها لانه كان جزء منها مهما انكر الجاحدون.

thechampion

31-05-2011, 07:18 PM

معلش تدخل بسيط
الناس اللى بتقول هو ليه فتش عن العراق واسرائيل لا
اقولكم لاننا كعرب اغبياء ومضينا على نممعاهدة حظر الانتشار النووى يعنى لو احنا ممضيناش مكانش لا البرادعى ولا غيره فتش
زى اسرائيل كده
بالنسبى لاستاذى الذى احترمه استاذ عصام
احترم ارائك كلها
الا جملة النظرة الاستعلائية
لاننا مش مستعليين ولكن واثقين جدا احنا واقفين فين وهنتقدم لفين
وحتى لو احنا دلوقتى معانا 20% ده كويس لغاية شهر 11 نوصلهم 40 ونوصل اعادة لانها مش حتحسم من اول جولة

thechampion

31-05-2011, 07:30 PM

انا علمانى ليبرالى اخوانى اشتراكى ديمقراطى بيروقراطى سوفسطائى مؤيد للبرادعى

هانى الشرقاوى

31-05-2011, 08:28 PM

انا علمانى ليبرالى اخوانى اشتراكى ديمقراطى بيروقراطى سوفسطائى مؤيد للبرادعى

ههههههه أصلى عليك يا مان :av4056bb7jp3:

maths city

31-05-2011, 11:53 PM

هو ليه تعليقاتى مش بتظهر سؤال برىء

مستر/ عصام الجاويش

01-06-2011, 12:04 AM

king 99

01-06-2011, 01:05 AM

مستر عصام هو الرد بتاعى اتحذف ليه ؟؟

هانى الشرقاوى

01-06-2011, 01:37 AM

ايه الإرهاب الفكرى دا
هو ليه تعليقات الناس بتتحذف ؟؟!!
تصرفات غير مقبولة ومش عايز أصفها بكلام تانى
عايزين مبررات واضحة .. لحذف التعليقات .. وعايزين إجابة على السؤال دا هل تتعاملون مع أطفال ؟؟؟ أم ماذا

king 99

01-06-2011, 01:44 AM

محمد.فوكس

01-06-2011, 11:12 AM

الاخوه الذين يسخرون من المشايخ بنقولكم ده مايصحش وبلاش تتريقوا على المشايخ وياريت تتعلموا من الاخوه المسيحيين احترامهم للقساوسه .والسلفيين هم تاج على رأس اى مسلم معتز بدينه وما حدث من مشاكل ثبت براءه السلفيين منها والدكتور حازم شومان فارس من فرسان الدعوه الاسلاميه السخريه من علماء الدين والدعاه فى بلد 95% من سكانها مسلمين لايفيدكم صدقونى واذا كنتم تحبون البرادعى بحق لاتخسروا اغلبيه هذا الشعب اما ماتقومون به الان من سخريه من المشايخ ومن الدعاه والسلفيين ومن الاخوان هذا ضدكم وليس فى صالحكم فهؤلاء الناس مصريين يحبون بلدهم ومتمسكين بدينهم وعندما يجدون ناس بتهاجم الشريعه الاسلاميه وتسخر من الدعاه واكاذيب تنشر فى وسائل الاعلام العلمانيه التوجهه ماذا تتوقعوا من هؤلاء؟ صدقنى لن يعطوكم اصواتهم فاكرين نتيجه الاستفتاء؟ هتتكرر تانى انا لم اجد البرادعى مره واحده يقول انه منحاز لتطبيق الشريعه الاسلاميه بشكل صريح اريد ضمانه من هذا المرشح انه لن يحول مصر الى دوله علمانيه حتى انتخبه انا وكل ابناء التيار الاسلامى الذين هم بالملايين فعلا

هل الرئيس هو من سيحدد الدولة علمانية ام لا ام البرلمان.. اذا كان اصلا البرادعي من انصار الدولة البرلمانية و تحديد صلاحيات الرئيس.
و بعدين عايز افهم اشمعنى الكلام ده مش بيتوجه لغير البرادعي.. خلاص كل المرشحين التانيين مربيين لحاهم.
لا نسخر من الشيخ حازم شومان لكن نقول شيخ له مقامة معينة و غلط و اعترف انه كان مخدوع فما بالك بالعامة.
نفسي اشوف نقد موضوعي للبرادعي .. معقولة الراجل ملاك و مش لاقيين له اي نقد موضوعي.
لازم نقعد نقول علماني و علمانك.
هو الرئيس هو اللي هيحدد هوية الدولة ولا مجلس الشعب .. و يا ترى الاخوان المسلمين حطوا ايدهم في ايد البرادعي ليه لما هو ابن ستين في سبعين زي ما بتقولو.
البرادعي لن يغير افكاره في سبيل الرئاسة و في سبيل ارضاء البعض.

أيمن الوزير

01-06-2011, 11:28 AM

[ صوتى فى الانتخابات للبرادعى ليه ؟؟؟؟

1- هو اللى جه وقال فى وش المدفع لازم تغيير

2- هو اللى حرك المياه الراكده وشجع الناس الخايفه انها تتكلم وتقول لا

3- خوف اسرائيل واميركا من وصول البرادعى للمنصب( لان البرادعى عايز البلد تتقدم)

4- رجل شريف لم تلطخ يداه بالفساد

5- عاش الحريه والديمقراطيه الحقيقه فى اوروبا ( وهنا هناك فرق بين الحريه والتحرر)

6- يحترم الجميع ولم يهين احد او يقلل من احد

7- رجل مؤمن بأن تقدم الأمم يعتمد على تقدم الامم فى العلم والاهتمام بالعلم

8- البرادعى أصر على "لا" برغم تغول الشائعات ضده بصورة مزرية لاغتيال سمعته من شخصيات محسوبة على المعارضة

9- البرادعى لم يقبل بشروط تحسين العبودية للمصريين بل اصر على انهاء العبودية

10- البرادعى رفض الدخول فى انتخابات فضائحية برطمانية

11- البرادعى رفض الدخول فى انتخابات رئاسية حسب قواعد لعبة قذرة

12- البرادعى هز عرش التوريث و قدم نفسه انه شخصية بديله

13- البرادعى وصف النظام بأنه غير شرعى . فى حين الآخرين يناشدون الرئيس بالتدخل فى حل مشكلات سفيهة

14- البرادعى لم يقبل أن يقبع فى تلاجة دولية مثل جامعة الدول العربية من فشل الى آخر

15- ساعد الكثير من الشباب فى الانخراط فى السياسة و التمسك بحلم التغيير

16 - البرادعى لم يهرول الى النائب المخابراتى عمر سليمان فى المفاوضات فى وقت أشباه الأحزاب هرولت اليه لتقسيم التورته

وصوتنا أبدا لن يكون للبرادعي وكل الأسباب التي ذكرت لا يختلف عليها عاقل ولو هو اللى جه وقال فى وش المدفع لازم تغيير فالملايين خرجت في ميدان التحرير ونادت بذلك وإن كان هو كذا وكذا فكلنا نادينا بذلك ومعني كلامك أن البرادعي هو من حرك الثورة والثورة حركتها أسباب كثيرة وليس البرادعي الذي نحمده كعالم رفيع القدر ولكننا نرفض من يريد أن ينحي ديننا جانبا
وعلي العموم يمكنكم أن تعملوا استفتاء في أي مكان في الدنيا وترون وجهة نظر الغالبية إن ترشح البرادعي مع عشر مرشحين قد لا يكون في الترتيب الخامس أو يسبقه ولا تفعلوا استفتاء كالذي صنعه المنافق الفذ توفيق عكاشة الذي أعن أنه عمل استفتاء والناس كلها بترشحه
علي العموم الأيام بيننا والأكثرية متدينة معتزة بدينها من الملايين الذين لا يجلسون أمام النت

mfkh2005

01-06-2011, 02:32 PM

صوتي في الانتخابات ليس للبرادعي

thechampion

01-06-2011, 04:49 PM

حذف التعليقات ان حدث كما يقال فهو اسلوب غير مقبول ولن يقنعنا بل سيزيدنا اصرارا
الاخ المحترم اللى قال اعملوا اى ستفتاء وشوفوا البرادعى المركز الكام
اشهر استفتاء عالنت كان فى مصراوى وشارك فيه 200 الف والدكتور كان الاول وممكن تشوفه بنفسك
اما الشيخ حازم شومان فهو اعتذر وخلاص طلعناه من دماغنا بعد سقطته الفادحة ولكنه نجا بنفسه من حملاتنا على كل من يتاجر بالدين
اخر حاجة لاستاذ عصام
مظنش ان حضرتك كنت زمان بتمسح تعليقات واتمنى انك متمسحش تعليقى ده
وبقولك لو من دلوقتى ولسه 6 شهور على الانتخابات مسحنا يبقى وقتها هنعمل ايه
وبيننا وبين معارضينا الصندوق ولن يخدع الناس بنعم للدين ولا نعم للاستقرار ولن تكون هناك غزوة كراتين ولا صناديق تانية

مستر/ عصام الجاويش

02-06-2011, 08:00 AM

نفكر سويا فى محتوى هذا الخبر
http://www.youm7.com/News.asp?NewsID=426008&SecID=12

tahatata

02-06-2011, 09:44 AM

الاخ المحترم اللى قال اعملوا اى ستفتاء وشوفوا البرادعى المركز الكام
اشهر استفتاء عالنت كان فى مصراوى وشارك فيه 200 الف والدكتور كان الاول وممكن تشوفه بنفسك

لمن يريد رؤية الاستفتاء
الاول : http://www.masrawy.com/polldetail.aspx?id=1001651&site=masrawy&lang=ar-EG&ZoneName=default
التانى : http://www.masrawy.com/polldetail.aspx?id=1001739&site=masrawy&lang=ar-EG&ZoneName=default
--------
(صوتي في الانتخابات ليس للبرادعي)

thechampion

02-06-2011, 06:38 PM

اليوم السائع مشبوهة بما يكفى لانى متكلمش عنها
وخالد صلاح دورو على علاقته بابن صفوت الشريف قبل الثورة واعرفوا النادى دى ايه

هانى الشرقاوى

02-06-2011, 07:49 PM

نفكر سويا فى محتوى هذا الخبر
http://www.youm7.com/News.asp?NewsID=426008&SecID=12

البرادعي يطالب إسرائيل بالتخلي عن أسلحة الدمار الشامل في إطار ترتيبات أمنية وسلمية بالشرق الأوسط - 25 مارس 2004

http://www.aawsat.com/details.asp?se...0&issueno=9249 (http://www.aawsat.com/details.asp?section=4&article=225170&issueno=9249)

_____________

البرادعى : اسرائيل الخطر النووى رقم واحد فى الشرق الأوسط - 4 اكتوبر 2009

http://news.xinhuanet.com/english/20...t_12181647.htm (http://news.xinhuanet.com/english/2009-10/04/content_12181647.htm)

_____________

حملة إسرائيلية مغرضة على البرادعي وموفاز يدعو من واشنطن إلى طرده - 9 نوفمبر 2007

http://www.alriyadh.com/2007/11/09/article292784.html

_____________

إسرائيل تطالب بطرد محمد البرادعي من الوكالة الدولية للطاقة الذرية - 9 نوفمبر 2007

http://www.almasry-alyoum.com/articl...rticleID=82362 (http://www.almasry-alyoum.com/article2.aspx?ArticleID=82362)

_____________

تلاسن بين البرادعي ومندوب إسرائيل في اجتماع محافظي الوكالة الذرية - 18 يوليو 2009

http://news.bbc.co.uk/hi/arabic/midd...00/8108097.stm (http://news.bbc.co.uk/hi/arabic/middle_east_news/newsid_8108000/8108097.stm)

_____________

البرادعي يرفض الحوار مع بي.بي.سي لرفضها بث نداء غزة - 29 يناير 2009

http://www.aljazeera.net/News/archiv...hiveId=1168009 (http://www.aljazeera.net/News/archive/archive?ArchiveId=1168009)

_____________

البرادعي: سلام مصر المنفرد مع إسرائيل من الأخطاء الكبرى - ديسمبر 2009

http://www.al-khayma.com/NR/exeres/0...18B4F85920.htm (http://www.al-khayma.com/NR/exeres/02C81F82-0517-4523-A679-AD18B4F85920.htm)

____________

صحيفة هارتس الصهيونية :كيف خدع البرادعى العالم فى برنامج ايران النووى -3 ديسمبر 2009

http://www.haaretz.com/print-edition...program-1.2900 (http://www.haaretz.com/print-edition/features/how-elbaradei-misled-the-world-about-iran-s-nuclear-program-1.2900)

___________

حملة إسرائيلية شرسة وغير مسبوقة ضد البرادعي

http://www.lahona.com/show_news.aspx?nid=51243&pg=13

aymaan noor

04-06-2011, 12:46 PM

استفتاء
كم من الذين أعلنوا ترشيحهم لرئاسة الجمهورية كان مع تنحى الرئيس مبارك تماما عن حكم مصر ، و كم عدد الذين قبلوا بالتعديلات التى اعلن حسنى مبارك اجراءها
مرة أخرى مشكلة البرادعى أنه رجل مبادئ لايحيد عنها ، يتميز أنه رجل سياسة من الطراز الأول ، يعرف طريقه و له رؤية واضحة لنقل مصر الى المستقبل ، ولا يتاجر بمبادئه من أجل منصب زائل