وصل اليوم المدرسة التي اعمل بها من ادارة المنتزة اخلاء العقود الداخلية وطبعا ده مخالف للقرار السابق بعدم الاخلاء والاستمرار طول فترة الصيف
وطبعا المدير قال ان الامر ده مش بأيدو وللعلم المدير بتعنا متفاهم واب بمعني الكلمة وطلب مني الذهاب فورا للادارة والاستعلام عن حقيقة الخبر من نادية الهواري مباشرة ونادية الهواري غير موجودة وكمان المدير العام غير موجودة وبعد محاولات اتصلت بنادية الهواري واكدت الخبر واكدت اننا حنرجع المدارس في اول تسعة تاني ومكانا محفوظ بس ياتري فين الوعود اننا مش حنخلي او فين العقود المميزة الوعدونا بيها ؟؟؟؟

لو حد مجلس امناء يقولي ايه الاخبار في الادارة بتاعته عايزين نكون ايد واحدة وعايزين نروح وكالة الوزارة كلنا في يوم واحد ونقف مطالبين بحقوقنا وسرعة عمل عقود مميزة لينا وعدم الانتظار لشهر 9 :bosyht9::bosyht9: يلا ياجماعة لازم عدم السكوت والمطالبة بالحقوق وتذكروا ما ضاع حق وراءه مطالب :stickjo4::stickjo4::stickjo4:

وفي محافظات مثل البحيرة طالبو بحقوقهم وحصلو عليها :022yb4::022yb4:

ده حقنا القرار بتاع شهر 4 بيقول ان ده حقنا واليكم القرار للتذكير به

ارجو من الادارة تثبيت الموضوع لمتابعة الجديد فيه كل يوم

انا كمان ادارة المنتزه وسمعت كمان الكلام ده بس ازاى نقدر نتواصل معاك عشان نروح انا وزملائى ونتقابل مع بعض هناك

اتمنى المشاركه من جميع المتعاقدين عن طريق مجلس الامناء قبل ما نجد انفسنا خارج المدرسه لان القرار ده مخالف للقرار الاول الذى ينص على مواصلة العمل فى الصيف لحين التعاقد بعقود مميزه

اي يوم يمكن تحديده الان حتي نذهب الي وكالة الوزارة

علي فكرة القرار الخاص بعدم الفصل في شهور الصيف انا وضعاه في المرفقات

انا من البحيرة ما فيش حاجة وصلت بكده و ربنا معاكم ان شاء الله

علي فكرة اخبار البحيرة موجودة بالمنتدي

وده اصل الخبر للبحيرة
http://www.youm7.com/images/graphics/logo.gif

http://www.youm7.com/images/NewsPics/large/S420112620826.jpg
اللواء مبروك هندى محافظ البحيرة

الأحد، 29 مايو 2011 - 22:34
البحيرة ـ محمد الإبيارى

أوصى المجلس المحلى لمحافظة البحيرة فى جلسته اليوم الأحد، بقيادة اللواء مبروك هندى محافظ البحيرة، بالتنبيه على وكيل وزارة التربية والتعليم ومدير مديرية التنظيم والإدارة فى المحافظة بسرعة تثبيت المدرسين المتعاقدين والعاملين بالحصة الذين مضى على عملهم ثلاث سنوات، مع مخاطبة وزيرى المالية والتربية والتعليم بتدبير الاعتمادات المالية اللازمة لتثبيت العدد الآخر ممن أمضوا ثلاث سنوات بالعقود.

يذكر أن المئات من معلمى الحصة بالبحيرة نظموا اليوم وقفة احتجاجية أمام مبنى المحافظة ومديرية التربية والتعليم بدمنهور للمطالبة بسرعة تنفيذ القرار الوزارى رقم 75 الصادر بتاريخ 2 مارس 2011، بشأن تثبيت جميع المتعاقدين والعاملين بالحصة ممن مضى عليهم 3 سنوات أو أكثر، وكذلك تنفيذ قرارات محافظ البحيرة الصادرة بتاريخ 27 أبريل 2011 الخاصة بتعيين المتعاقدين لأكثر من ثلاث سنوات والعاملين بالحصة لأكثر من ثلاث سنوات، وعمل عقود للعاملين بالحصة لمدة أقل من 3 سنوات، وعدم إخلاء طرف العاملين بالحصة، سواء الذين قضوا فى عملهم أكثر من 3 سنوات أو أقل.

http://www.youm7.com/News.asp?NewsID=423764&SecID=296&IssueID=0 (http://www.youm7.com/News.asp?NewsID=423764&SecID=296&IssueID=0)