هل سوف يكون للمتعاقدين الذين لم يتثبتوا نصيب في الحد الأدني للأجور ولا الحد الأدني للأساسيين فقط؟
ياريت اللي يعرف الإجابة يرد علي .....شكرا

اللى اعرفه ـالله اعلم ـ انك لازم تكون على درجه ماليه

طيب الحد الادنى دة للدرجة السادسة700 والدرجة الثالثة هيبقى كام حد يعرف

أنا متعاقد من 2008 فى الأزهر لما نتثبت هنقبض كام

أيوة طبعا هيطبق علينا الكلام ده إن شاء الله

سواء عقود ولا مكافأة

هو إحنا مش عاملين في الدولة ولا عاملين فين؟؟؟

وبعدين شوف حضرتك ده بيقولك الأمي اللي داخل سوق العمل مالوش خبرات ولا أي حاجة

فمابالك إحنا ؟؟؟!!!

وإحنا أساسا درجة تالتة ولينا سنتين بنشتغل وفينا اللي أكتر

أظن الكلام واضح ومافيهوش جدال

ده على حد علمي وعلى حسب الكلام اللي بنسمعه ونشوفه والله اعلم



وبعدين حتى سمعناه إمبارح في المؤتمر بيقول لما حدد الحد الأدنى للأجور 700 قال الككلام ده بالنسبة للأمي اللي لسة داخل سوق العمل السنة دي

يعني الدرجة السادسة

وقال طبعا يختلف الأمر بالنسبة للخامسة والرابعة

وأنا يهمني الدرجة التالتة لأن كل الخريجين اللي هيتوظفوا عليها

قال الكلام ده وسمعته بودني منه في المؤتمر الصحفي إمبارح

وده أكبر دليل على إننا من ضمن الناس دي

والله أعلم

تفاءلوا بالخير تجدووووه

يا جماعة متستعجلو ش يا خبر انهاردة بفلوس بكرة يبقى free

طيب ثواني وبالراحة كدة نرجع للعقد بتاعنا اللي عملناه في الآخر ده

مش إحنا إتفقنا وقلنا إنه هيعاملنا على أساس إننا في الدرجة التالتة

وساعتها قعدنا نقول هيحسب مربوط الدرجة ويزود عليه العلاوات المضمومة واللي مش مضمومة والكلام ده لو تفتكروا

في أول صفحة في الموضوع واللي بينص عليه العقد

اقتباس:
العقد ينص ع التالى
1- مكافاه شهرية توازى بداية ربط درجة نظيره.
2- علاوات مضمومة بنسبة 220% محسوبة على مربوط الدرجة +30 جنية علاوة 2005
3- علاوات غير مضمومة بنسبة 65% من مربوط الدرجة +36 جنية علاوة 2006+15% علاوة 2011
4- العلاوات الاجتماعية
5-منحة عيد العمال

مكافاه شهرية توازى بداية ربط درجة نظيره.

نظيره مين اللي هو الدرجة التالتة

والكلام ده قالوهولي في الإدارة لما سالتهم

إحنا كدة على درجة إيه

قالوا ع الدرجة التالتة

وهيتحسبلكوا المرتب بإنكوا تاخدوا مربوط الدرجة التالتة ويتضاف ليه كل الكلام ده

وبناءً عليه إحنا ع الدرجة التالتة

واللي عاوز يتأكد يراجع تاني كلامنا في الموضوع ده

دي حاجة ده ردا مابتقولوا حضراتكوا إننا مش على درجة أساسا

ثانيا هو قال إن الحد الأدنى لكل العاملين في الدولة 700 جنيه ماإستثناش أي حد

قالك أي حد مش هيقل عن كدة ماإستثناش حد خالص

بما في ذلك حتى القطاع الخاص بما في ذلك الأمي

يعني الأمي اللي هو مش واخد حاجة خالص وهيشتغل السنة دي يادوووووب هيعامله على إنه درجة سادسة في السلم الوظيفي

الراجل ماإستثناش حد إنتوا بتستثنوا ليه

ده حتى لو حضرتك فاتح دكان ومشغل معاك حد فيه المفروض طبقا للكلام اللي بيقوله ماينفعش تديله أقل من 700 جنيه كحد أدنى

كل العاملين بدوووون إستثناء لا قالك المتعاقدين لأ ولا مش عارف مين لأ

الكللللللل

أتمنى أكون وضحت لحضراتكو الأمور

وحتى لو ماعملناش العقد هتتعامل على أساس إنك في الدرجة التالتة

و إسمعوا كدة ياجماااااااعة تاني إسمعوا الجزئية دي

http://www.youtube.com/watch?v=zC-obx7SDjA

وأنا مش هصدق إلا لما أقبض بس بنحاول نفهم ونحلل الأمور والأخبار طبقا للي بيقولوه إنما التنفيذ ده فنتمنى

ده إحنا لسة أساسا ماقبضناش بالعقد اللي عملناه

فالتنفيذ ده نتمنى فعلا والله أعلم إنما إحنا بنتناقش في المطروح والله المستعان

الله يباركلك يااخت ابرار

توقعاتي بتقول انكم لو مش علي درجه يبقي هتاخدو الحد الادني لكن استثناء تام مظنش

كلام الأستاذة أبرار مقنع

وبعدين مش هايعامل العامل فى المدرسة بـ 700 جنية والأساتذة اللى بيجاهدوا طوال اليوم الدراسى بـ 300 جنيه؟؟؟

وبعدين مش هايعامل العامل فى المدرسة بـ 700 جنية والأساتذة اللى بيجاهدوا طوال اليوم الدراسى بـ 300 جنيه؟؟؟


لو الكلام ده بجد ... وتم تطبيقة

تبقي جريمة (اين العداله الاجتماعيه)

يبقي فراش معايا في المدرسه ياخد 700

والمدرسين زي ماهم 400


يبقي نبطل شغل ونسبهالهم يدرسو للطلبه

ونشفلنا شغلانه غير التدريس (ما جيبش همه)



سبحان الله وبحمده ... سبحان الله العظيم

الدرجه السادسه 700 جنيه والفرق بين كل درجه والدرجه التى تليها 287 جنيه

ارسلت الي الجهاز المركزي للتنظيم والادارة استفسار بخصوص موضوع الحد الادني

وننتظر الرد ... يارب أسألك الهداية والسداد




http://www6.0zz0.com/2011/06/02/21/710083179.jpg

يااااااااااااااااااااااااااااااااااارب

مستشار وزير المالية*:‬1.9* ‬مليون موظف يستفيدون من زيادة الحد الأدني للأجور بتكلفة* ‬7500* ‬مليون جنيه
رفع جميع الرواتب الدنيا إلي* ‬700* ‬جنيه وزيادة بقيمة* ‬278* ‬جنيها لباقي الدرجات
03/06/2011 12:48:08 ص
http://s7.addthis.com/static/btn/v2/lg-share-ar.gif (http://www.addthis.com/bookmark.php?v=250&username=xa-4c052fb07f05899d)
كتب عاطف زيدان*:‬
http://www.akhbarelyom.org.eg/files/photos/elakhbar/03062011124804.jpg
اكد* ‬الدكتور عبدالفتاح الجبالي مستشار وزير المالية المسئول عن ملف اصلاح الاجور ان عدد المستفيدين من تطبيق زيادة الحد الادني للاجور الي* ‬700* ‬جنيه يصل* ‬1*.‬9* ‬مليون موظف وقال انه لن يستفيد من الزيادات اصحاب الكادرات الخاصة مثل المعلمين والاطباء لتجاوز مرتباتهم وفقا للكادر الخاص بكل منهم مبلغ* ‬700* ‬جنيه*. ‬واوضح مستشار وزير المالية ان عدد موظفي الدولة الخاضعين لكادرات خاصة يصل إلي* ‬2*.‬6* ‬مليون موظف كما تم استبعاد موظفي الوزارات ذات المرتبات المرتفعة مثل الاستثمار والمالية والبترول لتجاوز مرتباتهم بكثير الحد الادني الجديد*.‬
وشرح الجبالي ان كل موظف يتقاضي مرتبا شاملا اقل من* ‬700* ‬جنيه سيتم رفعه الي* ‬700* ‬جنيه شهريا ووفقا للارقام المتوافرة لدي وزارة المالية فإن الحد الاقصي للزيادة يصل* ‬64٪* ‬لكن بشكل عام اذا كان هناك من يتقاضي مثلا مرتبا شهريا شاملا يصل* ‬350* ‬جنيها كما يدعي البعض في بعض الجهات مثل المحليات فانه سيتم رفع راتبه الي* ‬700* ‬جنيه شهريا أي بزيادة* ‬100٪* ‬لكن كما سبق ان اشرت فان المعلومات المتوافرة لدينا تشير الي ان اقل راتب في الجهاز الاداري يتجاوز* ‬400* ‬جنيه شهريا وان اقصي زيادة وفقا للبيانات المتوافرة لدينا تصل* ‬64٪*.‬
وحول معدل الزيادة لباقي الدرجات الوظيفية اكد الجبالي ان كل موظف من الدرجات الاعلي من الحد الادني الجديد سيتم زيادة راتبه بقيمة* ‬278* ‬جنيها شهريا*.. ‬واشار الجبالي إلي ان الحكومة* ‬راعت استفادة اصحاب المرتبات المتدنية من الزيادة في الحد الادني لتحقيق العدالة الاجتماعية مشيرا الي ان الحد الادني سوف يتحرك سنويا ليصل* ‬1200* ‬جنيه خلال خمس سنوات* . ‬واضاف ان رفع حد الاعفاء الضريبي لدخول أصحاب المرتبات يمثل زيادة اضافية في المرتبات اضافة الي استمرار اعفاء العلاوات الاجتماعية التي تصل نسبتها الاجمالية حتي الآن* ‬340٪* .‬

استبعاد اصحاب الكادرات من هذه الحسبه علشان بيقول اننا نأخذ اكثر من الحد الادنى (هو بيتكلم على مدرسين غيرنا) على لسان الستشار بتاعوزير الماليه وعجبى



0(

الناس دى عبط ولا هبل ولا ايه ظروفهم
وربنا لو الكلام ده صح ومخدناش الحد الادنى
يبقى نعتصم وتولع ام المدارس على ام التعليم
لحد اما يحسوا بقميتنا

سبق وقالها وزير المالية بالفم المليان
ناس عاوزة تشتغل وخلاص شغلناهم وكانه بيتكلم عن زبالين في الشارع ......... دى انسان تستنوا منه اى خير
بكرة يخلي العقد ابو 100 جنية 20 جنية
حكومة زباااااااااااااالة

اين الحل ؟؟؟؟؟؟؟؟؟؟

عارفين ليه بيعملونا كده
عشان احنا اكتر فئة جبانه
ومش بتطالب بحقوقها
عالم سلبيه كلهم
كنا مسلوقين ف الشمس وبنتحايل ع الناس عشان تنزل معانا
بس ينزلوا ليه
خايفين ع كام جنيه اللى بيخدوهم
خليهم مبسوطين
الزبال دلوقتى مش هيبصلهم

اكتر فئة جبانه

ليه الغلط

ايها الراقدون تحت التراب اتحركوا قبل فوات الاوان

اللهم إنا مظلومين فانتصر
حسبنا الله ونعم الوكيل

بصوا يا جماعة انا اصبحت اكره ان اعيش في هذه البلد التي دائما تريد اولاء الامور ان يتحكموا فينا والله انا قررت ان الا اعطي دروسا خصوصية منذ ان سمعت ان الحد الادنى 1200 جنيه انا عاوز اسافر واسيبها للحرامية اللي فيها انا زهقت دائما يأس مع الحياة , ولا حياة بودن يأس


اذا ما دمت في شرف مروم ...............فلا تقنع بما دون النجوم
فطعم الموت في امر حقير........... كطعم الموت في امر عظيم

الحد الادنى للاجور لن يطبق على المعلمين و الاطباء اللى حصلوا على الكادر انما الذين لم يحصلوا على الكادر المفروض يطبق عليهم الحد الادنى كلامى صح والا غلط

السلام عليكم ورحمة الله وبركاته
ياجماعه الرجوكم تفائلوا خير ان شاء الله
ربنا وحده يعلم احنا بنشتغل ازاى وبنتعب أد ايه فى شغلنا
وربنا مش هيضيع حقنا فى التثبيت ولا فى زيادة المرتباااااااااااااااات
واللى اعرفه انه لايضيع حق وراءه مطاااااااااااااااااااااااااااااااااااااااااااااااا اااااالب

المتعاقدين بدون درجة مالية هندخل فى الميزانية ازاى يا جماعة عندنا فى الغربية بيجددوا العقود لينا بردوة ب100جنية وبيقولونا مش عاجبكم اشتغلتوا بكدة لية

والله العظيم لما عرفت الحد الأدنى للأجور كنت ناوى ما أديس دروس

يا جماعة فى حاجة اسمها (الارزاق بيد الله )
وسيدنا على رضى الله عنه قال علمت ان رزقى لن ياخذه غيرى فاطمئن قلبى
مادمت تعمل وتجد فلن يضيع الله اجرك
كن واثقا من العدالة الالهية
كل ما عليك فعله ان تقول (اللهم ارزقنى رزقا حلالا طيبا مباركا)
************************************
اللهم اغفر لابى وارحمه وعافه واعف عنه

سؤال للجميع ارجو الرد مين اللى مستفيد من ان المدرس يكون دايما فى المكانه الوطيه فى المجتمع والنظره الدونيه لهذه الوظيفه دى رساله لازم يعرفو انه احنا مش منتكلم وخلاص السكوت يعنى الرضا بالوضع المهين ده احنا لازم نتخذ الاجراءلت اللى تعرف الناس دى قيمتنا الاطباء مش احسن مننا وازاى مدرس يتساوى بعامل بدون شهاده فى اى مكان فين قيمه التعليم اللى احنا لازم نعلمها للطلبه والتلاميذ

طيب الحد الادنى دة للدرجة السادسة700 والدرجة الثالثة هيبقى كام حد يعرف

هيبقى على القديم انت بتاخد كادر يا استاذ

بكالوريوس = عامل لا يقرأ ولا يكتب = 700ج =معلم

رغم رفضى للاعتصامات والمظاهرات
الا انها اصبحت للاسف

طريق الحوار والوسيلة الوحيدة للحصول على الحقوق الان

فلا احد يلوم المدرسين على اى اعتصامات يقومون بها
وامتحانات الثانوية علي الأبواب ولن نشارك بها اذا استمر هذا الظلم

فكيف يصبح مرتب من هو على الدرجة الساسة اكبر
من مرتب من هو على الدرجة الثانية

كيف يصبح مرتب العامل الامى مع كامل احترامى 700 جنية
ومرتب المدرس بعد 12 سنة وهو على الدرجة التانية 760 .

حاجة تجنن




لا إله إلا الله

والله مالاقية تعليق

حسبي الله ونعم الوكييييييييييييل من كل قلبي

ومع الإعتصام طبعا