وضعت وزارة المالية تصوراً مبدئياً لجدول الأجور الجديد المستحق في أول يوليو 2011 بعد رفع الحد الأدني للأجور إلي 700 جنيه بحيث يتم تحريك جميع الدرجات الوظيفية للوصول به إلي ذلك الحد الأدني يستفيد منه الموظفون المربوطون علي الدرجات السادسة والخامسة والرابعة ممن تنخفض رواتبهم ويصل عددهم وفقا لجدول الأجور 1.9 مليون موظف بحيث يحصل الموظف علي الدرجة السادسة في بداية المربوط ونهايته 700 جنيه مقابل 327 و496 جنيها علي التوالي وترتفع أجور الموظفين علي الدرجة الخامسة كذلك إلي 700 جنيه كأجر شامل مقابل 334 و590 جنيها علي التوالي والدرجة الرابعة إلي 700 جنيه شامل لبداية الدرجة و1018 جنيهاً مقابل 346و740 جنيها لبداية ونهاية مربوط الدرجة الوظيفية وتحقيقا للعدالة الاجتماعية والحفاظ علي الفروق المالية بين الموظفين حفاظا علي الثوابت المجتمعية سيتم اعتبارا من الدرجة الوظيفية الثالثة الموجود بها غالبية الهيكل الإداري للدولة سيتم زيادتها بمقدار 278 جنيها ليصل بداية مربوط الدرجة إلي 700 جنيه 1224 جنيها لنهاية مروبط الدرجة وبالنسبة للدرجة الوظيفية الثانية سيتحرك الأجر لبداية المربوط إلي 700 و1383 جنيها لنهاية المربوط وبالنسبة للدرجة الأولي سيرتفع الراتب لبداية المربوط إلي 980 جنيها و1484 جنيها لنهاية المربوط ترتفع إلي 1168 جنيها للمدير العام و1601 جنيه لنهاية مربوط المدير العام وبالنسبة للدرجة العالية ترتفع إلي 1262 جنيها لبداية المربوط و1672 جنيها لنهاية المربوط.

وأكد د.سمير رضوان وزير المالية علي أنه كلما ارتفع الراتب علي الحدود المتعارف عليها والتي تعني توفير حياة كريمة لهم ستخفض قيمة الزيادة التي سيتم رفع الراتبها وذلك لتحقيق العدالة الاجتماعية.

وعن الحد الأقصي للأجر كشف الوزير عن أن هناك خلافات وتصورات مختلفة عن الفرق بين الحد الأدني والأقصي وهو متعارف عليه بنسبة 1 إلي 36 ضعفاً إلا أن ذلك يحتاج إلي مراجعة حيث إن جدول الأجور بدون المكافآت تظهر أن الفارق مثالي جداً وهو 1 إلي 14 ضعفاً وهو ما سيتم تقليصه من خلال ضبط البدلات والأجور المتغيرة مؤكداً أن الحد الأدني هو خط الفقر الذي يستفيد منه 3.2% من قوة العمل.

وعلمت «روزاليوسف» أنه سيتم استبعاد أصحاب الكادرات الخاصة من أطباء ومعلمين من الاستفادة من الحد الأدني للأجور أو تحريك الدرجات المالية، نظراً لأنه تم زيادتها وتحسين دخولهم بنسب وصلت إلي 100%، كما سيتم استبعاد موظفي عدد من الوزارات لارتفاع حوافزهم مثل وزارات المالية والاستثمار.

الخبر موجود فى روزاليوسف اليوميه
فى باب الإقتصاد
تحت عنوان
ننفرد بجدول زيادات الاجور

لنا الله يا معشر المعلمين يعني لا تثبيت ولا حد أدنى للأجور

مش عارفيين ايه اللي بيحصل في البلد بالضبط

انا مش مصدق الخبر ...زازاى يتم استبعاد المدرسين
ده كلام جرايد عايز تفجر البلد

لو الكلام ده بجد ... وتم تطبيقة

تبقي جريمة (اين العداله الاجتماعيه)

يبقي فراش معايا في المدرسه ياخد 700

والمدرسين زي ماهم 400

يبقي نبطل شغل ونسبهالهم يدرسو للطلبه

ونشفلنا شغلانه غير التدريس (ما جيبش همه)



سبحان الله وبحمده ... سبحان الله العظيم

لو الكلام ده بجد ... وتم تطبيقة

تبقي جريمة (اين العداله الاجتماعيه)

يبقي فراش معايا في المدرسه ياخد 700

والمدرسين زي ماهم 400

يبقي نبطل شغل ونسبهالهم يدرسو للطلبه

ونشفلنا شغلانه غير التدريس (ما جيبش همه)



سبحان الله وبحمده ... سبحان الله العظيم


إنت فلت كل اللى فى بالى . مع الفرق . احنا مش هنبطل شغل . غحنا هنولع فى البلد احسن .
نتعلم ويتحرق دمنا وفى الآخر عشان مالناش واسطة نشتغل مدرسين وناخد ..... يلا يبقى على وعلى أعدائى بلا تعليم بلا نيلة .
بس الكلام ده مش حقيقى . واللى يعرف روز اليوسف هيديها بالصرمة القديمة .
أساس الموظفين فى البلد التعليم والصحة .
ان مكانشى الوزير فهم النقطة دى يبقى لازم يتعملهم ثورة تانى . وساعتها هتجيب الاخضر واليابس فى مصر .
وسلمولى على سلمية ساعتها .

احنا لا استفدنا من كادر ولا زفت كلهم 70 جنيه عمى مشفناش غيرهم المرتب كله ع بعضه مش محصل 400 جنيه ويقولوا ملناش ف الحد الادنى العمال فى كل المصالح تقبض اكتر مننا ده مش شغل ده اسمه قلة ادب
انا عن نفشى السنه الجايه لا حشرح ولا حزفت حدخل الفصل كده وبس

نتمنى من الله تعالى أن يكون خبرا كاذبا

http://www.rosaonline.net/Daily/News.asp?id=114043

ياجماعة احنا نحول عمال واداريين أحسن ويبقوا كسبو فينا ثواب

[quote=samirhassan;3473421]ياجماعة احنا نحول عمال واداريين أحسن ويبقوا كسبو فينا ثواب[/qu

ههههههههههههههههههههههههههههههههههههههههههههه

ارسلت الي الجهاز المركزي للتنظيم والادارة استفسار بخصوص موضوع الحد الادني

وننتظر الرد ... يارب أسألك الهداية والسداد



http://www6.0zz0.com/2011/06/02/21/710083179.jpg

نا شفقت روزا اليوسف والخبر موجود ولكننننننننننننننننننن
طبعا هذا كلام فارغ لانة ليس من المعقول ان عامل فى مصلحة حكومية يتحصل على راتب 700 جنية فى اول تعيينة
ومدرس مؤهلات عليا ياخد300 جنية
وللعلم الاطباء ايضا بيخدو كادر وعلمنا جميعا ان مرتبات الاطباء لن تقل عن 1200 جنية

Relax Relax Relax

مستشار وزير المالية*:‬1.9* ‬مليون موظف يستفيدون من زيادة الحد الأدني للأجور بتكلفة* ‬7500* ‬مليون جنيه (http://www.akhbarelyom.org.eg/elakhbar/detailze.asp?field=news&id=39410&num=%D8%A7%D9%84%D8%B1%D8%A6%D9%8A%D8%B3%D9%8A%D8% A9)
رفع جميع الرواتب الدنيا إلي* ‬700* ‬جنيه وزيادة بقيمة* ‬278* ‬جنيها لباقي الدرجات (http://www.akhbarelyom.org.eg/elakhbar/detailze.asp?field=news&id=39410&num=%D8%A7%D9%84%D8%B1%D8%A6%D9%8A%D8%B3%D9%8A%D8% A9)
03/06/2011 12:48:08 ص
http://www.akhbarelyom.org.eg/files/photos/elakhbar/03062011124804.jpgاكد* ‬الدكتور عبدالفتاح الجبالي مستشار وزير المالية المسئول عن ملف اصلاح الاجور ان عدد المستفيدين من تطبيق زيادة الحد الادني للاجور الي* ‬700* ‬جنيه يصل* ‬1*.‬9* ‬مليون موظف وقال انه لن يستفيد من الزيادات اصحاب الكادرات الخاصة مثل المعلمين والاطباء لتجاوز مرتباتهم وفقا للكادر الخاص بكل منهم مبلغ* ‬700* ‬جنيه*.

الخبر نازل فى جريدة الاخبار برضه

تأكيد: الخبر المشؤم .... منشور بجريدة الاخبار - الجمعه 3/6/2011

حسبنا الله ونعم الوكيل في الظالمين

هنعمل ايه .... مش عارف


http://www6.0zz0.com/2011/06/02/22/763956471.jpg

لازم وقفة رجاله أمام هذا الظلم
أنا مش عارف هم بيجيبوا الأرقام دى منين
كثير من المدرسين معينين من عشر سنوات ولم يتعدو 700 جنيه بالكادر
ولا هما أكيد حاسبينها بالمكافأه
حسبى الله ونعم الوكيل

شكلها كدة إعتصامات وإضرابات ومفيش دور تانى هيتعمل . وساعتها اللى هيقول انتوا موقفين حال البلد ياخد بالجزمة ويبقى عندنا حق ساعتها . بذمتكم بلد بعد الثورة تصدعنا بالتعليم والصحة وفى الآخر مرتب المدرس بتاع الدرجة التالتة اقل من العامل أبو 700 جنيه اللى لا بيعرفيقرا ولا يكتب . بلاها كادر بلا قرف . والشارع بينا وبينكم يابتوع الحكومة . أنا مش هولع فى نفسى . أنا هولع فيكم . كرهتونا فى البلد حتى بعد الثورة.

الكلام اكيد
لا تدريس ولا عمل بعد اليوم
وانا مع الاخ ال بيقول مش راح اشرح انا معك
والله دى قلة ادب
كفاية العامل بياخد حافز 50% نت اساسى المرتب الخالى وانحن نأخذ الكادر من الساس السابق
بينى وبينك احسن كده
احنا نحضر الدرس فى الكشكول والباقى على العمال والادارة

معاك:

الحل الوحيد بعد الخبر المسرب من وزارة المالية الغاء اصحاب الكادر مثل المعلمين هو اضراب عام عن المراقبة في امتحانت الثانوية وعدم التصحيح لا حل اخر

بجد الواحد مش مصدق الكلام
وهما أصلا بيعدلو فى المرتبات عشان مين أصلا هههههههههههههههههههه
هو مين اللى بيخرج المهندس والطبيب
والوزير والغفير .........
العالم ده بالتأكيد مخبوووووووووول
بجد دى ناس عايزه تولع فى البلد

لازم نعمل اعتصامات ونقوم بثورة تانية وبلاش شغل وخلى البلد واقف حالها كفاية غلب حرام عليكم انا معين من 2000 ولحد دلوقتى موصلتش 700 برافو والله انا انعلم واقعد 16 سنة تعليم واحصل على على دبلومات وشغال فى الماجستير واقبض اقل من العامل هو دا العادل يا حكومة الثورة لا ننزل بثورة تانية حرام عليكم

مش عايزين الكادر مش عايزين

والله اصلاح البلد باصلاح التعليم ماديا ومعنويا ،وسياسة الحكومة المخلوعة كانت هى اذلال المعلمين واهانتهم كما رأيتم ما حدث فى امتحانات الكادر وتكديرالمعلمين وتقريبا نفس السياسة مازالت قائمة يبقى مش ناويين على اصلاح
فلا بد من وقفة لاعادة كرامة المعلم كفانا ذلا ومهانة

لازم وقفة رجاله
مافيش امتحانات السنادى
ولا تصحيح
ويبقو يبعتو بتوع المحليات المستفيدين من النظام يصححوا

حسبنا الله ونعم الوكيل

حسبنا الله ونعم الوكيلhttp://a7lashare.com//uploads/images/A7lashare-8fdc4457da.gif

حسبنا الله ونعم الوكيل

نطالب بالغاء الكادر و تعديل الاجر والدعوة عامة لتحديد يوم للاعتصام

لابد من خروج مسئولى الازهر والتربية والتعليم لتوضيح الموقف على وجه السرعة حتى يكون لنا وقفهقبل فوات الاوان

انا مسافر حد يجيى معايا
احمل حساب كام واحد

انا مش مصدق الخبر ...زازاى يتم استبعاد المدرسين
ده كلام جرايد عايز تفجر البلد

لأسف صدق هذا الكلام قالوا وزير المالية ومستشاره بلسانهم المعلمين بره حسبتهم

الحل موجود .............الاضراب عن الامتحانات وتكسير المدارس والمعاهد وعدم تمكين الطلاب من اداء الامتحانات على مستوى الجمهورية بأى وضع .............عفوا لاول مرة افقد صوابى ...........هذه مؤامرة على المعلمين ........ايه بنأخذ من الكادر ..............الاداراى بقى مرتبه اعلى من المدرس ؟؟؟؟؟؟؟؟؟؟؟؟؟؟

لازم نشوف حل سريع كالاضراب

كادر ايه اللى بيقولو عليه هما ال60 جنيه بيسموهم كادر

هذا الوزير الساقط ، يسير على خطة مبارك ، من افشال التعليم ، والكادر كان لتمييز المعلم طبقا لطبيعة مهنته ، يعني يجب مساواته قبل الكادر بكافة موظفي الدولة ، ثم يتميز بالكادر الخاص .

لذا يجب الدعوة بقوة للإضراب الشامل ، تربية وتعليم وأزهر وخلوها تخرب على الجميع ، هؤلاء الملاعين يأكلوها نار ولاعة ، وخربوا البلاد بمرتبات تربو عن المليون ، ويتعاملون معنا كأننا مجموعة من المتسولين ، يرمون لنا الفتات

ألا بئس هؤلاء الشراذم

ألا شاهت الوجوه الفاشلة المفسدة

لا حل إن صدق الخبر إلا الاضراب الشامل ، وهيا بنا للدعوة العامة على كافة المواقع