السلام عليكم ورحمة الله وبركاته

اخوانى المعلمين

فى خطوة مُعاكسة تماماً لما كان متوقع بأن يتم تعديل وتحسين أوضاع المعلمون والاطباء

تم استبعادنا بطريقة غير مُبررة من الحد الأدنى للأجور

فسوف يتقاضى العمال الحد الأدنى 700 جنيه بينما يتقاضى المعلم من 430 و 470
كيف هذاااااااا

الآن

سوف يتم التجهيز للاعتصام
والتعبير عن مدى رفضنا لهذه الجريمة التى ارتكبتها حكومتنا الفاضلة فى حق كل معلم مصرى بهذا القرار

وقبل اى شيئ نتشاور فى اليوم الذى سيتم فيه الاعتصام لتنظيم أنفسنا وعدم العشوائية فى قراراتنا

والاختيار ما بين

الاربعاء
8/6/2011

أو

الأحد
12/6/2011

نتمنى أن نرى آرائكم
واذا كانت لديكم النية للمشاركة بالاعتصام

لكن على شرط التواجد امام الوزارة بالقاهرة وليس امام المديريات

نرجو الرد بالمشاركة أم عدم المشاركة فى الاعتصام ورأيكم فى أى يوم يتم مع توضيح السبب

ولن يضيع حق ورءه مُطالب

ولكم جزيل الشكر

الاعتصام مطلوب لكن قبل الاعتصام لازم نهدد بالإضراب عن امتحانات الثانوية العامة

الاعتصام مطلوب لكن قبل الاعتصام لازم نهدد بالإضراب عن امتحانات الثانوية العامة
هل تعتقد حضرتك إن دا وقته والطلبة الآن بتراجع

ليه تقلقهم فى مستقبلهم

ممكن نختار وقت آخر لهذا وليس الآن

الطلبة

الطلبة

الرحمة

موافق علي الميعاد الأول

عشان لو مفيش استجابة
يبقي مفيش امتحانات

واللهى دا حرام

هو أنا أصلح خطأ بخطأ أفظع

خلينا 8-6 قبل الموازنة الجديدة

واللهى دا حرام

هو أنا أصلح خطأ بخطأ أفظع


بجد وهوا اللى الحكومة بتعملوا فينا ده يرضى ربنا دا الفراش هيبقى ليه قيمة عن المدرس

انت شكلك شغالة دروس خصوصية بس لو انتى معلمة فعلا مش هتقولى كدة

من بكرة الاضراب مش بعد الامتحانات

وانا معاكم وهاجى من اسكندرية وخلينا

فىالميعاد الاول

عشان لومافيش رد نعتصم بس بلاش امتحان

الثانوية العامة عشان ما نضيعش مستقبلهم

خليها فى امتحانات الدور الثانى الملاحق

لازم وقفة بجد لان اللى بيحصل ده تخطى كل المعايير التى يتحملها بشر من قبل حرمنا من الدرجات المالية بدعوى الكادر والان من التعديلات فى المرتبات بدعوى الكادر ينعل ابو الكادر اللى حرمنا من الكثير من حقوقنا ومش عايزين اللى بيقولوا عليه الكادر واحنا لم نكن نريد كادر نصب بهذا الحال دا اللى خدناه اقل كثيرا من حقنا

ولابد ان تكون هذه الوقفة فى وقت عصيب للضغط على الوزارة اى مع بداية الامتحانات فى يوم 8 ان لم نجد اى استجابة تكون يوم 12 وبكل قوة والطالب لن يضار فى شىء هياخد درجاته النهائية فى كل شىء ويشكرنا بعد كده اما اللى بيقول الطالب الطالب لست معه المدرس اولا ثم الطالب ثانيا

يا جماعة الهدوء من فضلكم
طبعا ده شيء غير منطقي لو حصل
ولكن انتظروا أولا واسألوا وزيري المالية والتربية والتعليم أولا ،وعندما تتأكدوا إن الموضوع حقيقي
عندها فقط قرروا ماذا أنتم فاعلون ، لأنني اعتقد أنهم يعلمون جيدا أن مرتبات معظم المعلمين وبخاصة الصغار لا تتعدي ( 500) جنيه بالكادر بتاعهم ده .
فالخلاصة عليكم مراجعتهم أولا ربما نكون قد فهمنا خطأ ،ونقوم بعمل مشاكل من لا شيء

الموعد الاول والاستاذ بتاع الرحمة يسكت احسن انت مش عايز لا تأتى

ازاى معلم مؤهل عال تربوى المفروض درجته الوظيفية الثالثة

ياخد أقل من العاملين بالدرجة السادسة

لو دا فعلا صحيح

الاضراب من الأحد الي الخميس

ومافيش تعليم ولا تدريس خلاص

اضراب عن الامتحانات الطلبه كده كده هتنجح انما مستقبلنا اهم احنا تعبنا وفى الاخر العمال يخدوا اكتر مننا ازاى والادارى كمان لا هروح التحرير انا مش هسكت لازم اقول اد مهاخد اد مهدى انا دلوقت براجع نفسى

المفروض تلغى كل الكوادر ويتساوى كل الموظفين فى المرتبات الطبيب زى المهندس زى المدرس مفيش حد احسن من التانى

انا بس ليا سؤال انتو عرفتو منين انه تم استبعاد المدرسين من الحد الأدني للأجور انا مقريتش أي شئ بخصوص الموضوع دا يا ريت لو في حد أثار الموضوع دا تجيب رابط ليه أو أي شئ
لكن اننا نقدر البلاء قبل وقوعه فهذا هو الخطأ

الكلا ده لو صحيح تبقى كارثة بكل المقاييس
والاخوة اللى عاملين حساب لطلاب الثانوية طيب الحكومة ليه ما عملتش حساب لمدرسى طلاب الابتداءية والاعدادية والثانوية
وبعدين يلغو اتلكادر اللى مكدرنا ده مادام حيبقى فيه حد ادنى للاجور

احنا نستاهل انهم يعملو فينا اكتر من كدة لاننا سكتنا عن حقنا طول الوقت اللي فات وكل الناس خدت حقها الا احنا لاننت مش ايد واحدة ولو اتخرنا في طلبنا دلوقت والله مافي حد هيعبرنا بعد كده

احنا اللى نستاهل يحصل فينا اكتر من كده و بعد كده مش بعيد يمسكونا مقشه و يقولوا اكنوسوا الحوش يا اساتذه

الميعاد الاول 8-6

الحل هو الاعتصام والتهديد بمقاطعه امتحانات الثانويه

ان شاء الكريم الميعاد الأول 8/6

8 من يونيو

ان شاء الكريم الميعاد الأول 8/6



اللى هيروج بس يشارك

مش موضوع وخلاص

موافق علي الميعاد الأول

عشان لو مفيش استجابة
يبقي مفيش امتحانات

لازم كلنا نروح يوم 8/6 ومحدش يتكاسل عشان حقنا نأخذه لأن " الساكت عن الحق شيطان أخرس "

ان شاء الله

الاربعاء
8/6/2011

اعمل موضوع اساسى بأ للمعاد ياستاذ احمد مع انى افضل الاحد القادم لكى يكون فى فرصه الاعتصام
لكن الاربعاء هيكون خلاص الخميس والجمعه والسيت اجازه
ومحدش هيعبر

ان شاء الله

بس لازم نعمل دعوه للمدرسين الكبار المثيتين اصلا

هما احنا بس اللى هنجرى
؟؟؟؟؟

انا معاكم فى اعتصام يوم 8\6 ثم بعد ذلك 12\6 وكفانا سكوت وخضوع واللى خايف على امتحانات الثانوية كفاية بقى عشان ما يشفوش الذل اللى احنا بنشوفه ومش هو ده اللى خايف عليه معلمين الفيوم معاكم فى الاعتصام ان شاء الله

بالله عليكم كفاية سكوت وكفاية خوف وجبن بقى

ان شاء الله

معاكم

ياجماعة دا ظلم ازاي يعني احما مش هانستفيد من الزيادة دا أصلا العامل علي الدرجة السادسة الأمي في أي مصلحة هاياخد 700 جنية واحنا أصحاب الؤهلات العليا وعلي الدرجة الثالثة وناخد بالكادر وكله 430.5 جنية طبعا دا ظلم لازم نعمل وقفة ونعترض ولو وصلت نمتنع عن العمل هو احنا دايما مظلومين كده
لازم نعتصم وبعدين يعني الطلبة تمتحن واحنا ننضرب بالجزمة ياجماعة دي مأساه

انا عايز اعرف فين كلام السيد المحترم وزير المالية اللى كان بيقول هاخلى مرتب المؤهل العالى فى وزارة البترول= المؤهل العالى فى وزارة الصحة = المؤهل العالى فى التعليم يعنى المؤهل العالى اللى بيشتغل فى الحكومة متساوى فى كل شئ فين الكلام ده
انا شايف ان الاعتصام يكون قبل امتحانات الثانوية ازاى المدرس يراقب فى امتحانات وهو عارف ان الفراش اللى بيقدملو الشاى بيقبض اكتر منه

ان شاء الله 8 - 6

المشكلة دلوقت ان فى قسم معلمى التربية والتعليم بيكلموا على يوم الخميس

وحدوا جهوددكم ش

اتفقوا احنا وهما فى قسم التربية والتعليم والفيس بوك عشان توحيد الجهود


والله اذا افترقنا فى الموضوع دا بالذات تكون كارثة ربنا يستر

لا بديل عن الاعتصام

نرجو تثيت الموضوع

أننا معاكم ان شاء الله 8/6وسيروا للامام والله معنا ضد الفاسدين

أحسن يا رجالة

هو ان شاء الكريم هايكون يوم الأربعاء القادم

ما ضاع حق ورائه مطالب

طيب احنا من محافظات بعيدة عن القاهرة هيكون دورنا ايه
ياريت توضحوا عشان كل المدرسين في كل المحافظات يبقوا مع بعض والضغط عليهم يكون اكبر

طيب احنا من محافظات بعيدة عن القاهرة هيكون دورنا ايه
ياريت توضحوا عشان كل المدرسين في كل المحافظات يبقوا مع بعض والضغط عليهم يكون اكبر


المشكلة ان كله يكون موجود اذا صح الخبر

بعيد وقريب

كلنا بعيد وهنروح قطار ان شاء الله اذا صح الخبر

مقاطعة الامتحانات هى الاهم واتصحيح كمان وبلاها ثانوية السنة دى كدة كدة الامتحانات هتبوز وذقنى اهى احنا بقينا فى السبنسة وسلم لى على الكادر

لا سكوت بعد اليوم

يا أساتذة ياريت تكون المظاهرة الكبري يوم الثلاثاء القادم الموافق 7 يونيو أمام مجلس الوزراء وأمام وزارة التربية والتعليم من الساعة العاشرة صباحا والسبب في اختيار يوم الثلاثاء أن هذا اليوم هو راحة من امتحانات الدبلومات الفنية التي يشارك فيها زملاء لنا ويريدون أن يحضروا هذه المظاهرة

على فكرة جريدة الجمهورية اكتر جريدة بتكتب اخبار مغلوطة انا لاحظتها اكتر من مرة وعلى العموم المفروض ان احنا نوصل صوتنا لوزير المالية ونعرفه ان احنا لانتقاضى اكثر من 430جنيه اول عن آخر لانه من الواضح ان وزارتنا معرفاهم ان احنا بنقبض الوفات زى الاطباء

نعتصم
بس بلاش امتحان

الثانوية العامة عشان ما نضيعش مستقبل الطلبة

دول ملهمش ذنب

الخبر على " اخبار مصر كمان "

http://www.egynews.net/wps/portal/news?params=126851

موافقين على الميعاد الاول عشان لو مفيش تعديل للقرار المتخلف بتاعهم يبقى الحل اضرال عن اعمال التصحيح والملاحظة بالثانوية العامة والازهرية

يوم الاربعاء
8/6/2011

الخبر اكيد ومرفق تاكيد بس لازم نتحد والتنبية للاعتصام وبلاش فرقة وانا لسة مشاهدالبية الوزير يؤكدالخبر على الجزيرة ورجاء ضم معلمى الازهر لينا لازمممممممممممم نتحد والاهم الغاء الكادر وادراجنا للحد الادنى احنا ياسيدى مش عارفين مصلحتنا والله المستعان رجاءاتصلوا بالدنياكلها اعرضوا الظلم البائن اتصلوا بشباب الثورة انتم لسة بتخافوا لية استيقظوا
كتب عاطف زيدان:



اكد الدكتور عبدالفتاح الجبالي مستشار وزير المالية المسئول عن ملف اصلاح الاجور ان عدد المستفيدين من تطبيق زيادة الحد الادني للاجور الي 700 جنيه يصل 1.9 مليون موظف وقال انه لن يستفيد من الزيادات اصحاب الكادرات الخاصة مثل المعلمين والاطباء لتجاوز مرتباتهم وفقا للكادر الخاص بكل منهم مبلغ 700 جنيه. واوضح مستشار وزير المالية ان عدد موظفي الدولة الخاضعين لكادرات خاصة يصل إلي 2.6 مليون موظف كما تم استبعاد موظفي الوزارات ذات المرتبات المرتفعة مثل الاستثمار والمالية والبترول لتجاوز مرتباتهم بكثير الحد الادني الجديد.
وشرح الجبالي ان كل موظف يتقاضي مرتبا شاملا اقل من 700 جنيه سيتم رفعه الي 700 جنيه شهريا ووفقا للارقام المتوافرة لدي وزارة المالية فإن الحد الاقصي للزيادة يصل 64٪ لكن بشكل عام اذا كان هناك من يتقاضي مثلا مرتبا شهريا شاملا يصل 350 جنيها كما يدعي البعض في بعض الجهات مثل المحليات فانه سيتم رفع راتبه الي 700 جنيه شهريا أي بزيادة 100٪ لكن كما سبق ان اشرت فان المعلومات المتوافرة لدينا تشير الي ان اقل راتب في الجهاز الاداري يتجاوز 400 جنيه شهريا وان اقصي زيادة وفقا للبيانات المتوافرة لدينا تصل 64٪.
وحول معدل الزيادة لباقي الدرجات الوظيفية اكد الجبالي ان كل موظف من الدرجات الاعلي من الحد الادني الجديد سيتم زيادة راتبه بقيمة 278 جنيها شهريا.. واشار الجبالي إلي ان الحكومة راعت استفادة اصحاب المرتبات المتدنية من الزيادة في الحد الادني لتحقيق العدالة الاجتماعية مشيرا الي ان الحد الادني سوف يتحرك سنويا ليصل 1200 جنيه خلال خمس سنوات . واضاف ان رفع حد الاعفاء الضريبي لدخول أصحاب المرتبات يمثل زيادة اضافية في المرتبات اضافة الي استمرار اعفاء العلاوات الاجتماعية التي تصل نسبتها الاجمالية حتي الآن 340٪ .

اتفقوا على موعد وبلاش كسل

؟؟؟؟؟؟؟؟؟؟؟؟؟؟؟؟؟؟؟؟؟

لازم نوحد الجهود .
فيه ناس بتقول من الأحد القادم يعنى 5 / 6
وناس بتقول الأربعاء 8 /6 اللى هو يوم عيد ميلادى اللى كر هته فى حياته كل سنة فى اليوم ده بشوف مصيبة .
وناس بتقول الأحد اللى بعده .
انا رأييى الاحد القادم 5 / 6 ونراسل الصحف والتلفزيون ونقول من خلاله للى مش عارف ينضم لاعتصامنا على الاتنين والعدد يكبر ل لغاية ما ناخد حقنا متلت .

8 من يونيو

يجماعه حد يعمل موضوع منفصل ويكون اتفق مع معلمين التربية والتعليم
لانهم عايزين الاربعاء وناس الثثلاثاء عشان الفنى يكون موجود


نظموا الموضوع الله يكرمكم

حسبنا الله ونعم الوكيل

طيب يا جماعة الخير لدي استفسار ارجو الرد بارك الله فيكم
انا مدرس مساعد لسه ماضي عقد ب110 جنيه في شهر 4 الماضي ... هل العقود هذه تدخل تبع الحد الأدنى ؟ وعاوز اعرف كمان انا الآن بأعتبر متعين على الدرجة الكام علما باني مؤهل عالي بكالوريوس؟ وشكرا جزيلا

تصور لهيـــكل الأجور الجديد في موازنة السنة المالية 2011 - 2012
الجدول العام للأجور

2- جدول مخصصات القيادات العليا

3- أنعكاسات تطبيق الهيكل الجديد للأجور

أولا :- الجدول العام للأجور

العمر الوظيفي 25 -29 30 -34 35 -39 40 -44 45 -49 50 -54 55 -60

الفئة الوظيفية

الفئة ( أ ) 1500 2000 2500 3000 3500 4000 4500

الفئة ( ب ) 1250 1650 2050 2450 2850 3250 3650

الفئة ( ج ) 1000 1300 1600 1900 2200 2500 2800

الفئة ( د ) 750 1000 1250 1500 1750 2000 2250

وبعد عمل الكثير من الخلايا الرقمية الافتراضية وإجراء الحسابات اللازمة ، تم تحديد المبلغ المطلوب سنويا بمقدار 165 مليار جنيه .

ب) الزيادة المرحلية : تتم إضافة الزيادة المرحلية إلي الأجور كل خمس سنوات لمرة واحدة طبقا لكل فئة ، وذلك بمجرد إتمام الموظف أو العامل خمس سنوات مدة خدمة فعلية في العمل ، ويتم إضافة الزيادة مباشرة ودون انتظار أي قرارات أو منشورات في هذا الشأن .

ج) الحوافز : يتم صرف حوافز ومكافآت للموظفين والعاملين من التمويل الذاتي للجهة الإدارية ، بالنسب التالية :

1- نسبة 0.50 % من إيراد المصالح الإيرادية .

2- نسبة 3 % من إيراد المصالح غير الإيرادية .

وتتم كما يلي :

1- يتم تحديد إيراد الجهة الإدارية وتحديد مقدار مبلغ النسبة المحددة .

2- يتم تحديد عدد النقاط في هذه الجهة الإدارية . طبقا لمقدار المرتب الذي يتقاضاه الموظف أو العامل . فالموظف الذي يحصل علي مرتب بمبلغ 2000 ج ( ألفان جنيها ) يكون له 20 نقطة ( عشرون نقطة ) والعامل الذي يحصل علي مرتب بمبلغ 1000 ج ( ألف جنيه ) يكون له عدد 10 نقاط ( عشر نقاط ) ... وهكذا . ويتم تجميع نقاط جميع العاملين بالجهة الإدارية.

3- يتم تحديد نصيب كل نقطة ، وتحديد مكافأة الموظف أو العامل كما يلي :

نصيب النقطة = مبلغ النسبة ÷ عدد نقاط الجهة الإدارية

مبلغ المكافأة للموظف = نصيب النقطة × عدد النقاط الخاصة بالموظف .

د) بالنسبة الموظفين والعاملين الحاليين : يتم حساب مدة الخدمة لكل موظف أو عامل ، ويتم قسمتها علي خمسة ، وتحديد عدد المراحل التي مر بها ، ويتم إضافة مقدار الزيادة الخاصة بالفئة الخاصة به ، بمقدار عدد المراحل التي قضاها في الوظيفة .

مثال : موظف حاصل علي مؤهل عالي وله مدة خدمة قدرها 14 سنة . في هذه الحالة نجد أن هذا الموظف قد مر بمرحلتين كاملتين مدة كل مرحلة خمس سنوات ، وأن بداية مرتب الفئة الخاصة به هو 1500ج ، ومقدار الزيادة المرحلية هي 500ج. لذلك يجب إضافة مبلغ الزيادة لمرحلتين وقدرة 1000ج إلي بداية مرتب الفئة الخاصة به . وبذلك يحصل هذا الموظف علي مرتب قدرة 2500 ج شهريا(1500ج+1000ج) ، وبعد سنة يتم إضافة الزيادة الخاصة بالمرحلة الثالثة .

هـ) الأجازات : تدخل الأجازات المرضية والاعتيادية والعارضة فقط في حساب مدد العمل الفعلية . أما باقي أنواع الأجازات ( مثل رعاية طفل – مرافقة الزوج أو مرافقة الزوجة – السفر للخارج ... وغيرها ) فلا تحسب ضمن هذه المدد .

و ) الحاصلون علي الدرجات العلمية العليا :

المقصود بالدرجات العلمية العليا هي حصول الموظف علي الدبلومات المتخصصة أو الماجستير أو الدكتوراه ، أثناء الخدمة أو قبل الدخول في الخدمة ، يتم معاملته ماليا كما يلي :

1- بالنسبة للدبلومات يتم إضافة مبلغ ثابت علي الزيادة المرحلية قدره 100 جنيه (مائة جنيه) . أي تصبح الزيادة المرحلية للحاصل علي الدبلومة المتخصصة هي 600 جنية (ستمائة جنيه) . وتتكرر مع تكرار الدبلومات المتخصصة التي يحصل عليها خلال عمره الوظيفي .

2- الحاصلون علي درجة الماجستير في التخصص ، فيتم إضافة مبلغ 300 جنيه (ثلاثمائة جنيها) إلي الزيادة المرحلية، أي تصبح الزيادة المرحلية للحاصل علي درجة الماجستير هي800جنية (ثمانمائة جنيه). مع اعتبار أن تاريخ منح الدرجة العلمية نهاية للمرحلة الوظيفية الحالية وبداية لمرحلة وظيفية تالية .

3- بالنسبة للحاصلين علي درجة الدكتوراه في التخصص فيتم إضافة مبلغ 500 جنيه (خمسمائة جنيها) ، أي تصبح الزيادة المرحلية للحاصل علي درجة الدكتوراه هي 1000 جنية (ألف جنيها) . مع اعتبار أن تاريخ منح الدرجة العلمية نهاية للمرحلة الوظيفية الحالية وبداية لمرحلة وظيفية تالية .

4- يتم منح هذه العلاوات والنقل من مرحلة إلي مرحلة تالية بمجرد الحصول علي الدرجة العلمية من الوحدة الإدارية التي يعمل فيها الموظف ، ودون الانتظار إلي قرارات أو منشورات خاصة بهذا البند من القيادات أو الإدارات العليا التابعة لها الوحدة الإدارية .

ز) إلغاء الكادر الخاص :

يتم إلغاء كافة الكوادر الخاصة للعاملين بالدولة ، مثل الكادر الخاص بالجامعات والشرطة والقضاء والمدرسين والأطباء .... وغيرهم . والخضوع للجدول العام للأجور أو جدول مخصصات القيادات العليا .

ثانيا : مخصصات القيادات العليا بالدولة

أ) المقصود بالقيادات العليا :

هم السادة الوزراء – مستشاري الوزير – مساعدي الوزير – مستشاري مساعدي الوزير – السادة وكلاء أول الوزارة ورؤساء المصالح والهيئات العامة ومستشاريهم – السادة وكلاء الوزارة ورؤساء المناطق – السادة رؤساء وأعضاء مجالس الإدارات- ومن علي نفس الدرجة الوظيفية .

ب) القضاء علي ظاهرة تعدد الوظائف القيادية :

يكون لكل موظف قيادي في الحكومة وظيفة قيادية واحدة فقط ، بدون أي استثناءات .

ج) المخصصات المالية السنوية لكل فئة :

م الفئــــــــــة المخصص المالي السنوي

1 السادة الوزراء ( ومن علي نفس الدرجة الوظيفية ) 250.000 جنيه

2 السادة مستشاري الوزير 180.000 جنيه

3 السادة مساعدي الوزير( ومن علي نفس الدرجة الوظيفية ) 200.000 جنبه

4 السادة مستشاري مساعدي الوزير 150.000 جنية

5 السادة وكلاء أول الوزارة ورؤساء المصالح والهيئات العامة( ومن علي نفس الدرجة الوظيفية ) 180.000 جنية

6 السادة مستشاري وكلاء أول الوزارة ورؤساء المصالح والهيئات العامة 120.000 جنيه

7 السادة وكلاء الوزارة ورؤساء المناطق( ومن علي نفس الدرجة الوظيفية ) 120.000 جنيه

8 السادة رؤساء وأعضاء مجالس الإدارات يتم إضافة بدل عضوية بمقدار 20% من مرتبه فقط

9 باقي جميع الموظفين يخضعون لنظام المرتب الشهري طبقا للجدول العام للأجور .

ثالثا : انعكاسات الهيكل العام للأجور

أ- آثار الهيكل علي الموازنة العامة للدولة :

يؤدي تطبيق النظام الجديد للأجور إلي نقص الإعتمادات الخاصة بالأجور والمرتبات في الموازنة العامة للدولة ، عن طريق :

1- الثبات طويل الأجل نسبيا (خمس سنوات) في مصروفات الأجور والمرتبات .

2- الوفورات المحققة علي مدي خمس سنوات (الخطة الخمسية) تفوق بكثير الزيادة السنوية العادية في النظام الحالي ، ونوضحها كما يلي :

طبقا للموازنة العامة للدولة في السنوات الخمس السابقة ، نجد ما يلي :

السنة المالية 2006/ 2007 2007 /2008 2008 /2009 2009 /2010 2010 /2011

الأجور والمرتبات 52 مليار جنيه 63 مليار جنيه 76 مليار جنيه 86 مليار جنيه 105 مليار جنيه(فعليا)

معدل التغير (سنة الأساس 2006/2007 ) صفر 21 % 46 % 65% 102%

وعلي ذلك وبفرض استمرار الظروف كما هي ، فنجد أن الإعتمادات الخاصة بالباب الأول في الموازنة العامة والخاص بالأجور والمرتبات بعد خمس سنوات أي في العام المالي 2015/2016 تتجاوز مبلغ 200 مليار جنيه . ويقدر المجموع حوالي من 900 مليار جنيه خلال الخطة الخمسية ، أي بمتوسط 180مليار جنيه سنويا . أما في ظل الهيكل الجديد يقدر الاعتماد السنوي لهذا الباب 165مليار جنيه ، أي بإجمالي 825 مليار جنيه خلال الخطة الخمسية . بالتالي يؤدي الهيكل الجديد الي تخفيف العبء علي الموازنة العامة للدولة خلال الخطة الخمسية الواحدة بالاضافة الي ثباته.

ب) آثار الهيكل الجديد علي المتغيرات الاقتصادية :

إن تطبيق الهيكل الجديد للأجور سوف يؤدي إلي زيادة دخل الفرد وبالتالي زيادة حجم الإنفاق المحلي وأيضا زيادة حجم الادخار المحلي ، مما ينعكس ايجابيا علي حجم الاستثمار المحلي وعلي رواج وانتعاش النشاط الاقتصادي للدولة . وهذا يؤدي إلي زيادة عدد المشروعات وتوليد فرص عمل حقيقية ، وفي نهاية الأمر تحقق زيادة فعلية في معدل النمو الاقتصادي للدولة .

ج) آثار الهيكل الجديد علي الاحتياطي العام من النقد الأجنبي :

إن تطبيق الهيكل الجديد سوف يؤدي إلي زيادة الاحتياطي من النقد الأجنبي بدرجة ملحوظة . حيث أن نسبة كبيرة من الاحتياطي تأتي من تحويلات العاملين المصريين بالخارج ، وأن زيادة المرتبات والأجور في الداخل من المتوقع أن تؤدي إلي رفع مرتبات وأجور المصريين بالخارج ، بالتالي يرتفع مقدار هذه التحويلات .

د) آثار الهيكل الجديد للأجور علي التوظيف :

يؤثر هذا الهيكل علي التوظيف من خلال تأثيره علي جانبين هما :

1- توليد وظائف جديدة وتمويلها ذاتيا من الموازنة العامة للدولة : ويتم ذلك عن طريق إنشاء صندوق التوظيف ويتم تمويله عن طريق خصم نسبة 2 % من المرتب الشهري للموظفين والعمال لصالح هذا الصندوق ، ويتم انشاء فرع لهذا الصندوق في كل محافظة يتولي توظيف أبناء المحافظة من التمويل الذاتي للمحافظة بالاضافة لأي دعم مالي من المحافظات الاخري . وبالتطبيق علي الإعتمادات الخاصة بالباب الأول طبقا للهيكل الجديد والذي تبلغ 165 مليار جنيه سنويا ، فإن مقدار هذه النسبة يبلغ 3.3 مليار جنية (165 مليار × 2) سنويا ، وهذا المبلغ يكفي لتمويل ما بين 184 – 368 ألف فرصة عمل خلال الخطة الخمسية بالاضافة إلي 30 ألف فرصة عمل سنوية جديدة. بمعني توفير حوالي 184 ألف فرصة عمل إذا تم التعيين من المؤهلات العليا فقط (3.3 مليار جنيه ÷ 18000ج المرتب السنوي للمؤهل العالي) ، أو 368 ألف فرصة عمل إذا تم التعيين من العمال فقط غير الحاصلين علي مؤهل (3.3 مليار جنيه ÷ 9000ج المرتب السنوي للعمال) ، ويختلف هذا الرقم طبقا للتوليفات المختلفة من الفئات الأربعة السابقة . وهذه الفرص الجديدة للعمل لا تسبب أي أعباء إضافية علي الموازنة العامة للدولة .

2- توليد فرص عمل بالقطاع الخاص : ويتم ذلك عن طريق تفريغ القطاع الخاص من موظفي الحكومة ( بكافة الأشكال ) ، من خلال القضاء علي ظاهرة العمل بعد الظهر . فإذا نظرنا إلي هذه الظاهرة نجد أنها تقضي علي نسبة كبيرة من الفرص الوظيفية التي يمكن أن تكون متاحة أمام الشباب . لأن الموظف يحصل علي دخل لا يكفي احتياجاته وهو وأسرته من وظيفته الحكومية ، مما يضطره إلي البحث عن عمل إضافي بعد الظهر لزيادة دخله لمواجهة أعباء الحياة ، بل ومنهم من يعمل في وظيفتين بعد الظهر ( يعمل في الحكومة صباحا حتى الساعة الثانية ثم عمل إضافي من الساعة الثانية حتى الساعة السادسة ثم عمل أخر من الساعة السابعة حتى الثانية عشر مساءا ) . وهذا له انعكاس سلبي علي إنتاجية الموظف في العمل الحكومي.

في ظل الهيكل الجديد فإن الموظف سوف يحصل علي الدخل الذي يكفيه هو وأسرته ويجعله يعيش حياه كريمة ، وبالتالي فلا مجال للبحث عن عمل إضافي . وبالتالي سوف تتولد مئات الآلاف من الوظائف في جميع المجالات ولجميع الفئات الأربعة في القطاع الخاص أمام الشباب والراغبين في العمل ، تقدر بعدد يتراوح ما بين 750.000 و 1000.000 فرصة عمل . بالإضافة للأمن الاجتماعي والأسري الناتج عن تواجد رب الأسرة لفترات طويلة داخل البيت . وأيضا الراحة النفسية والجسدية للموظف استعدادا ليوم العمل التالي بكل نشاط ، ويصبح العمل الحكومي مكان للعمل بجد واجتهاد وليس مكان للراحة استعدادا للأعمال الأخرى بعد الظهر.

هـ) الآثار الاجتماعية للهيكل الجديد :

يؤدي الهيكل الحالي للأجور إلي فقد الأمن الاجتماعي للأسرة والمجتمع ، وإلي الكثير من الآثار الاجتماعية السلبية الأخرى علي أفراد الأسرة نتيجة غياب رب الأسرة عن أسرته لفترات طويلة من اليوم خلال تنقله من عمل إلي أخر .

أما في ظل الهيكل الجديد فإن دخل الموظف سيكفيه هو وأسرته ويجعله يعيش حياه كريمة ، وبالتالي سوف يحقق الطمأنينة والأمن والأمان الاجتماعي والأسري نتيجة تواجده لفترات طويلة داخل البيت وسط أسرته ، وبالإضافة إلي تحقيق الرضا الوظيفي والراحة النفسية والعصبية والجسدية له .

و ) آثار الهيكل الجديد علي التكاليف الاجتماعية للأسرة :

يؤدي الهيكل الجديد إلي توفير الكثير من التكاليف الاجتماعية اللازمة للحياة اليومية للأسرة المصرية . والامثلة علي ذلك كثيرة جدا ، لكن نوضح بأحد الأمثلة : القضاء علي ظاهرة الدروس الخصوصية : تتكلف الأسر المصرية سنويا ما يفوق 25 مليار جنيه علي الدروس الخصوصية ( تقريبا يفوق مخصصات الدولة للتعليم في الموازنة العامة للدولة ) وهو ما يمثل تقريبا أكثر من ربع دخل الأسرة المصرية . وتنتج هذه الظاهرة نتيجة عدة أسباب أهمها الضعف الشديد في مرتب المدرس ، وبالتالي يتخذ المدرس المدرسة مكان للراحة استعدادا لما بعد المدرسة . ويشتكي الطلبة من عدم وجود شرح بالمدرسة وهذا مبرر لأن يأخذ الطالب دروس خصوصية في جميع المواد بلا استثناء ، مما يضيف علي رب الأسرة المزيد والمزيد من الأعباء اليومية .

أما في ظل الهيكل الجديد وإعطاء المدرس ما يكفيه ليعيش حياه كريمة هو وأسرته ، فلا مجال لإعطاء الدروس الخصوصية ، ويتم التركيز علي الشرح والاجتهاد في التدريس للطلبة في المدرسة . وتتحسن الظروف المعيشية والنفسية والحالة المزاجية للمدرس ، مما يعطيه الفرصة للإبداع في عمله . وهذا ينعكس بالطبع علي العملية التعليمية والمستوى العلمي للطلبة ، والراحة النفسية والجسدية للطلبة حيث يخرج الطالب من المدرسة للبيت مباشرة للراحة والمذاكرة ، بدلا من الذهاب إلي الدروس الخصوصية في عدة أماكن . وأيضا الأمن والأمان الأسري نتيجة تواجد الطلبة والأبناء داخل المنزل أمام أعين رب الأسرة ، بدلا من تواجده خارج المنزل لا أحد يعرف عنه شيئا . وفي النهاية يصب هذا كله في تخفيض الأعباء اليومية للأسرة .

ومثال أخر وهو مصروفات الرعاية الصحية وضرورة القضاء علي ظاهرة العيادات الخاصة ، فان الهيكل الجديد يؤدي إلي تخفيض نفقات العلاج والرعاية الصحية للأسرة.

ز ) القضاء علي ظاهرة الفساد المالي والإداري :

يمكن القضاء علي ظاهرة الفساد المالي والإداري المنتشرة في المجتمع المصري وما يعرف بالاقتصاد الخفي ، عن طريق القضاء علي أسبابه ودوافعه والتي من أهمها تدني هيكل الاجور وما يعاني منه من اختلالات كبيرة . بالتالي توفير قدر كبير من الأموال التي تنفق في هذا المجال في جميع المجالات .

ح ) المساواة والعدالة الاجتماعية بين جميع طوائف المجتمع :

يحقق الهيكل الجديد العدالة والمساواة بين موظفي كل فئة من الفئات الأربعة . وذلك استنادا إلي معيار موضوعي يتفق عليه الجميع وهو معيار المؤهل الدراسي . حيث لا يوجد سبب موضوعي للتفرقة بين محاسب يعمل في مصلحة الضرائب ومحاسب يعمل في وحدة محلية أو في التأمينات الاجتماعية أو في قطاع البترول . كما لا يوجد مبرر موضوعي للتفرقة بين حاملي مؤهل ليسانس حقوق يعمل في النيابة العامة وأخر يعمل محقق في المحافظة وثالث يعمل في الشئون القانونية في إحدى الوحدات الإدارية . لكن توجد معايير أخرى مثل المحسوبية والحيثيات الاجتماعية والرشاوى والوساطة ، وهذه المعايير تؤدي إلي الإصابة باليأس والإحباط لدي الشباب والأهالي.

لذلك لا يجب التفرقة في الأجر أو المرتب إلا علي أساس المؤهل الدراسي فقط وليس موقع أو مكانة العمل .

ط) القضاء علي ظاهرة تعدد الوظائف :

يكون لكل فرد في مصر وظيفة واحدة فقط (حكومية أو غير حكومية) وبدون أي استثناءات . حتى تتاح فرص لكل الراغبين والباحثين الآخرين عن العمل .

ك ) التمييز الاجتماعي لبعض الوظائف :

توجد بعض الوظائف العامة التي تتطلب تمييز اجتماعي مثل أعضاء الهيئة القضائية ونظرا لحساسية الوظيفة . يتم التمييز بشكل إداري وليس مالي . فمثلا يمكن تخصيص فرد مجند يؤدي الخدمة العسكرية لمرافقة كل عضو من أعضاء الهيئة .

ل ) العقوبات :

حتى يؤتي تطبيق الهيكل الجديد للأجور ثماره المنشودة ، يتم تحديد موقف الموظف بين اختيار الوظيفة الحكومية ذات الدخل المحدد بالجدول وعدم المخالفة أو أن يترك العمل الحكومي ويستقيل ويتيح فرصة عمل لغيره . ويجب تشديد العقوبات علي المخالفين وغير الملتزمين . وأن تكون سلطة الفصل من العمل الوظيفي من سلطات المستوى الإداري التالي مباشرة للوحدة الإدارية التي يعمل بها الموظف المخالف . والموظف المخالف يكون له الحق في الطعن علي قرار الفصل فقط أمام المستوى الإداري التالي للمستوى الإداري الذي أصدر القرار .

مثال : بالنسبة لفئة المدرسين : يجب أن يلتزم المدرس بعدم ممارسة نشاط الدروس الخصوصية ، وأن يقتصر عمله في مهنة التدريس علي المدرسة فقط . وإذا ثبت مخالفته ذلك ، يجب أن يتم وقفه عن العمل من قبل المدرسة ، تمهيدا لفصله من العمل ودون تأخر لأي سبب مهما كان . ويتم إصدار قرار الفصل من الإدارة التعليمية التابعة لها المدرسة التي يعمل بها المدرس المخالف . وله أن يطعن أمام مديرية التربية والتعليم التابع لها الإدارة التعليمية التي أصدرت قرار الفصل فقط .

مثال أخر بالنسبة لفئة الأطباء : يجب أن يختار الطبيب بين العمل بالوظيفة بالدخل المحدد له في الجدول مع ترك نشاط العيادة الخاصة والتفرغ كاملا للعمل الحكومي ، أو ترك الوظيفة واستمراره في العيادة الخاصة به . وبناءاً علي ذلك إذا ثبت أن الطبيب الذي يعمل بالوظيفة الحكومية يستمر في العمل بعيادته الخاصة يتم علي الفور اتخاذ قرار بوقفه عن العمل من قبل المستشفي التي يعمل بها ، تمهيدا لفصله من العمل الوظيفي الحكومي . ويتم إصدار قرار الفصل من الإدارة الصحية التابعة لها المستشفي التي يعمل بها الطبيب المخالف . وله أن يطعن أمام مديرية الصحة التابع لها الإدارة الصحية التي أصدرت قرار الفصل فقط .

إزاااااااى.........
أين وزير التربية والتعليم من هذه الكارثة ... وأين وعود السيد رئيس الوزراء بإن الأهتمام الأكبر للصحة والتعليم ‘ لابد من وقفة حاسمة فهى إهانة للوزارة كلها ..........نحن نؤيد الأعتصام والله الموفق .

أنا موافقة خلوها الاحد الجاى 5\6 عشان لو المطالب متحققتش نقدر نعمل حاجه

فليكن موعدنا يوم الثلاثاء في العاشرة صباحا أمام مجلس الوزراء للتعبير السلمي عن رفض المعلمين لقرار مجلس الوزراء بحرماننا من إصلاح الأجور الذي يشمل جميع العاملين بالدولة عدا المعلمين

حسبنا الله ونعم الوكيل .. والله ياجماعة لو ما اتحدنا المرة دي كمان قولوا يا رحمن يارحيم ... كل الفئات اللي اعتصمت وهددت بالإضراب نجحوا وحصلوا على مطالبهم . يا ريت كله ينزل يوم ( 8 / 6 ) علشان يعملولنا حساب ويستجيبوا لمطالبنا دول ناس تخاف ما تختيشيش

احنا اللى نستاهل يحصل فينا اكتر من كده و بعد كده مش بعيد يمسكونا مقشه و يقولوا اكنوسوا الحوش يا اساتذه

و الله معاك حق فعلا احنا اللى نستاهل و نستاهل اكتر لما نقول حرام و البلد محتاجلنا
بلد ايه اللى محتاجلنا و احنا بننداس فيها بالشكل المهين ده
معلش فى اللفظ بس ملعون ابو الوظيفه اللى هتهينا بالمنظر ده و أى مدرس يرضى يمسك طباشيره فى الوضع ده يبقى معلش انسان بياخد على قفاه و معلش فى اللفظ للمره التانيه بس هى دى الحقيقه

خبر استبعاد المعلمين نشرته الاخبار اليوم الجمعه
وكلنا سوف نشارك فى الاضراب عن امتحانات الثانويه العامه والازهريه وسوف نسبق الاضراب بوقفه احتجاجيه امام الوزارة يوم الاربعاء

هو فين بقي كلامهم ان الاولوية في تعديل الاجور للمعلميين والاطباء
فعلا احنا اللي نستاهل بس كنا خايفيين عالبلد وبنقول احنا منعملش زيهم
ده كل الفئات اعنصمت وفي النهاية نبقي زينا زي العامل مع الاحترام
والله ما يجي في دروس الثانوية وسهر الليالي والبكالوريوس
حسبي الله ونعم الوكيل
انا كنت ضد الاعتصام عالطوووول لكن دلوقتي ما ينفعش
حراااام ومنهم لله
بدل ما نفرح بالتعيين ونفسنا تتفتح
وندي الطلبة حقهم
سدوا نفسنا منهم لله
وخلاص كلام وزير الماليه هيتنفذ
ولنا الله

الثلاثاء يجماعة ان شاء الله

الحل هو مقاطعة امتحانات الثانوية العامة بدون تردد أو خوف والطلبة هتنجح هتنجح بإذن الله

وياريت بلاش البافكار الهدامة علشان الواحد نفسه يولع في التعليم وفي المدارس بجاز وسخ

أقسم بالله لو كان هذا الأمر صحيحاً فالأولى هو مقاطعة المدارس بالكلية وعمل اعتصامات مفتوحة

حسبي الله ونعم الوكيل في كل متخلف غبي يتظاهر بالفهم وخداع الآخرين

ياريت نشرك الاطباء معنا علشان نبقى قوة مؤثرة

بصوا احنا نستاهل كل إللى بيجرلنا من أيام لما كنا بنعمل بالحصة وإحنا فى مدرسين فينا جبناء عندهم لا مبالالة وعنده أنا مالى وأنا أبدء ليه وهتلقى فى الاعتصام دناديف وهتلقى نفسك بتحارب لوحدك لأن المدرس جبان - جبان - جبان

موعدنا يوم الاربعاء امام الوزارة والمحافظات النائية امام مديريات التعليم
والامتناع عن اعمال امتحانات الثانوية العامة والتصحيح
ةاعمال امتحانت الدور التاني
يبقوا يخلو العمال يراقبوا ويصححوا
زمن العجايب
ذلك بشرط قيام المعلمين بمهام العمال خلال هه الفترة

الخبر اكيد فعلا العملمين خارج الحد الادنى للاجور لانهم بيقولوا ان لينا جدول رواتب خاص بينا اللى كاان معمول بيه ايام مبارك والموجود فى قانون الكادر واللى بيزودك حوالى من 100 ل 150 جنيه كل خمس سنين

يا جماعه الحكومه بتاعتنا مش بتيجى غير بلوى الذراع ونلوى ذراعهم بالامتحانات لكى ناخذ حقنا

سؤال للجميع ارجو الرد مين اللى مستفيد من ان المدرس يكون دايما فى المكانه الوطيه فى المجتمع والنظره الدونيه لهذه الوظيفه دى رساله لازم يعرفو انه احنا مش منتكلم وخلاص السكوت يعنى الرضا بالوضع المهين ده احنا لازم نتخذ الاجراءلت اللى تعرف الناس دى قيمتنا الاطباء مش احسن مننا وازاى مدرس يتساوى بعامل بدون شهاده فى اى مكان فين قيمه التعليم اللى احنا لازم نعلمها للطلبه والتلاميذ

لا إله إلا الله

والله مالاقية تعليق

حسبي الله ونعم الوكييييييييييييل من كل قلبي

ومع الإعتصام طبعا

12- 6 حتي ناخد وقت لتبليغ بقيت المعلمين

اتفقوا اولا على موعد موحد ثم ليكن همنا المعلم اولا ثم الطالب بعد كدة:039uw8:

يا جماعة ادخلو جروب ( معلمون معتصمون )في اعداد كبيرة فيه و تم الاتفاق والتنسيق مع جروبات كثيرة علي ميعاد مغاير تماماً لكم ارجوا التكرم والدخول علي الاسم المذكور بين القوسين والتنسيق معهم وشكراً

انا موافقة علي الميعاد الاول علشان نضغط بكل قوتنا علي الوزارة ازاي بعد كدة تكلم عامل عندك وهو احسن منك في نظر الدولة واعلي منك في المرتب الله يرحم المدرس بلاش تعليم ولا شغل خلاص الدولةعرفت قيمتنا علشان كدة حتي مهانش عليها تساوينا بالعمال غير المدربين والاميين هي دي مصر وهما دول معلميها تحيا مصر ويحيا مستقبلها
ليا سؤال الساعه كام بالضبط هايكون التجمع علشاننكون ايد واحدة لاول مرة

زغردى يام هنية المدرسين برة الميزانية
زغردى يام مينا الحد الادنى مطلعش لينا
زغردى يام هيما المدرسين مالهمش قيمة
زغردى ياللى مانتيش غرمانة العملية التعليمية خسرانة
زغردى ياللى مانتيش غرمانة احنا الحق معانا
زغردى ياللى ما تتسمى وضعى فى نار مش فى الجنة
زغردى يام ميسرة وضع المدرسين تحت السيطرة
زغردى يام حسين كرامة المدرس فين
زغردى يا فتكات المدرس شبع اهات
زغردى من قلبك و فى الصميم عاوزين نشيل وزير التعليم
زغردى يام سارة هنبات فىالوزارة

ابو طبانه بيقول المساواة في الظلم عدل

أهم شئ في فكرة الاعتصام وضوح المطالب واختيار العبارات المناسبه لفضح الفساد وكسب تعاطف المجتمع يعني ببساطه عمل فضيحه للمسئولين المنافقين أصحاب مشاريع البحث العلمي والتطوير والنهضه والتكنولوجيا ازاي ياكذابين وده حال التعليم ونحن معكم المعلمين بالأجر كمثال واضح لعار وزير التعليم ومن أهم المطالب

(1) اقالة وزير التعليم الذي لا يعرف عنا شيئا ولم يتحرك ضميره حتى لرفع الظلم عنا فما لا يرضاه لابنه (أو آسف لكلبه 100 جنيه) هو يرضاه لنا مع أننا للأسف من معدومي الدخل في زمن المهانه.

(2) لن نطالب بأعلى أجر في المجتمع بما أننا بناة المجتمع وأساسه ولا نهضة لكم الا بنا ولكن مراعاة لظروف التحول في البلاد والتخلص من الفاسدين فنحن يمكن أن نتحمل ونرضى بالحد الأدنى للأجور كبدايه حتى يعتدل حال المجتع ويتولى أمورنا مسئولين أمام الله لديهم دين أو ضمير

لابد من الاعتصام للضغط علي الحكومه واعادة كيان المعلم الذي لم يحصل حتي فراش

معا فى الاعتصام ان شاء الله

أنوي الحضور في كل مكان ومش هرجع إلابتنفيذ الطلبات بشرط الكل في واحد طبعا الكل عارف الطلبات وهي تعين ( وليس تثبيت ) كل المعلمين والغاء الكادر بامتحاناته وعودة الدرجات المالية وتعديل مادة التخصص ورفع الحد الادنى للاجور مساواة بالاطباء واساتذة الجامعات وهكذا اضمن لكم حياة كريمة لكل معلم في مصر بالتوفيق للجميع

السلام عليكم و رحمة الله و بركاته

إخوانى المعلمين

تم تحديد حد أدنى 700 جنيه للدرجة السادسة أى للعمال و الفراشين

و لكن أقل معلم يتم تعيينه على الدرجة الثالثة التخصصية

فكيف نرضى بحد أدنى 700 و نتساوى بمن على الدرجة السادسة


المفروض نطالب بحد أدنى 1500 جنيه أسوة بالأطباء فنحن لا نقل عنهم

و إن كانت بلدنا لا تعرف قيمة المعلم مربى الأجيال فواجبنا أن نحترم أنفسنا و مهنتنا و لا نقلل من شأننا و أن نطالب بحقوقنا كاملة


أحنا مش هنعمل كل يوم إعتصام هو إعتصام واحد نأخذ فيه كل حقنا


أتمنى أن تكون أهم مطالبنا كالآتى



رفع الحد الأدنى للمعلم 1500

صرف حوافز الإثابة للمعلمين

إلغاء إمتحانات كادر المعلم و الإحتفاظ بالكادر

إقالة وزير التعليم

إقالة وزير المالية

حضرتك مش عارفه ان المعلمين مش تبع الحد الادنى كمان ولا ايه ؟؟؟

فى حاجة كمان

إحنا من حقنا الإحتفاظ بكادرنا مع زيادة الحد الأدنى و صرف حوافز الإثابة


لأنى قرأت هنا موضوع عن ثغرة فى قانون الكادر

و فعلا الكادر مش بيمنعنا من أى زيادة تطبق على موظفى الدولة

و أحنا لو رفعنا قضية هنكسبها

لازم نتحد و نتوحد عشان ناخد حقوقنا المسلوبة


و حسبنا الله و نعم الوكيل نعم المولى و نعم النصير


أرجو أن تهتموا بمشاركاتى يا أخوانى و لا تهملوها

حضرتك مش عارفه ان المعلمين مش تبع الحد الادنى كمان ولا ايه ؟؟؟




لأ أنا عارف بس حبيت أوضح الأمر ده عشان لما نطالب مش نطالب بالحد الأدنى لأن حقنا أكتر من كده

اقترح بدء المظاهرات من يوم الثلاثاء القادم حتي يوم الجمعة وتكون كالأتي : يوم الثلاثاء 7 يونيه الساعة 10 أو 11 صباحا أمام وزارة التربية والتعليم . ثم يوم الأربعاء 8 يونيه الساعة 10 صباحا أمام مجلس الوزراء أثناء انعقاد الجلسة الاسبوعية لمجلس الوزراء بحضور جميع الوزراء وأتمني أن تكون أعداد المعلمين كبيرة في المظاهرة حتي لا يقول وزير التربية والتعليم انهم قلة من المعلمين لايزيد عددهم علي 200 معلم . ثم مظاهرة اخري يوم الخميس 9 يونيه أمام ماسبيرو . ثم المظاهرة الكبري في ميدان التحرير يوم الجمعة 10يونيه . أرجو الرد علي هذا الأقتراح

الاعتصام ياجماعه هو الحل الوحيد وكفايه بأه نمشي جنب الحيطه والدعوه الي جميع المعلمين بما فيهم معلمي الازهر ويكون يوم الاربعاء وهو أول يوم في إمتحانات الازهر وأنا عن نفسي مش هحضر لا مراقبه ولا تصحيح لازم نقف وقفه صح بأه ونكون إيد واحد.........الله الموفق

والله حرام والمشكلة الكبيرة انهم ماعندهموش معلومة صحيحة بمرتباتنا ولو يعرفوا ونفضوا يبقي حسنى لسه بيحكم مصر

كمان فيه مشكلة كبيرة لا قدر الله ولو الوضع متغيرش احنا اكتر ناس هتتحمل تبعات ارتفاع الاسعار اللى هايحصل بعد زيادة المرتبات ده احنا كدا مش هنعرف ناكل حتى الفول والطعمية دى هتبقي كارثة قومية

حسبي الله ونعم الوكيل

اخواتى المدرسين استحلفكم بالله منسكتش والله العظيم تلاتة مفيش فرصة تانية بعد كدة دى حقوقنا المنهوبة المسروقة الضايعة يا ناس حرام يا ناس حراممممممممممممممم اللى بيحصل ده منستهلش كدة وان شاء الله ربنا هينصرنا احنا المدرسين بس كفاية كلام عايزين افعال لا أقوال والله المستعان

ثورة المعلمين الثلاثاء 7/6
***********
اخر مره سندعو الى اعتصام
يوم الثلاثاء امام رئاسة الوزراء
معدش ينفع الوزير
مالوش لزمه
لا بيحل ولا بيربط
محدش يقولى البلد
مصر هى امى بس الحكومة مش ابويا
خلاص معدش لنا امل
اما نرجع بكل شئ
او لا شئ
اما ان نكون فئة مهمشه طول العمر
او نكون معلم يهابه الناس ويحترمونه
كله اليوم ده فاضى
معلمى الفنى اجازة من المراقبة
والثانوى لم يراقبوا بعد
والاعدادى والابتدائى خلصوا
حنبقى رجاله
ولا
اخر امل ان نبقى محترمين
فهل سنكون اخر الرجال المحترمين
ام
نضيع انفسنا واولادنا ومستقبلنا
هل سنترك العظمة التى رموها لنا وهى الانتخابات ونتوحد
ام نكون كما قال ابو سريع انبحوا
اذا اردت ان تجبر الحكومة على اعطائك حقوقك فلتكن معنا يوم الثلاثاء
او صلى صلاة الجنازة على كرامتك وكرامتنا
دعوى يطلقها ثورة المعلمين
يوم الثلاثاء القادم ثورة المعلمين 7 يونيهثورة المعلمين
المكان: رئاسة الوزراء شارع مجلس الشعب القصر العيني، القاهرة
الوقت: 07 يونيو، 2011 09:00 صباحاً

ثورة المعلمين الثلاثاء 7/6
***********
اخر مره سندعو الى اعتصام
يوم الثلاثاء امام رئاسة الوزراء
معدش ينفع الوزير
مالوش لزمه
لا بيحل ولا بيربط
محدش يقولى البلد
مصر هى امى بس الحكومة مش ابويا
خلاص معدش لنا امل
اما نرجع بكل شئ
او لا شئ
اما ان نكون فئة مهمشه طول العمر
او نكون معلم يهابه الناس ويحترمونه
كله اليوم ده فاضى
معلمى الفنى اجازة من المراقبة
والثانوى لم يراقبوا بعد
والاعدادى والابتدائى خلصوا
حنبقى رجاله
ولا
اخر امل ان نبقى محترمين
فهل سنكون اخر الرجال المحترمين
ام
نضيع انفسنا واولادنا ومستقبلنا
هل سنترك العظمة التى رموها لنا وهى الانتخابات ونتوحد
ام نكون كما قال ابو سريع انبحوا
اذا اردت ان تجبر الحكومة على اعطائك حقوقك فلتكن معنا يوم الثلاثاء
او صلى صلاة الجنازة على كرامتك وكرامتنا
دعوى يطلقها ثورة المعلمين
يوم الثلاثاء القادم ثورة المعلمين 7 يونيهثورة المعلمين
المكان: رئاسة الوزراء شارع مجلس الشعب القصر العيني، القاهرة
الوقت: 07 يونيو، 2011 09:00 صباحاً


أحلى اقتراح والجديد فى الأفتراح هو أمام رئاسة الوزراء بدلا من أمام التربية والتعليم ان شاء الكريم هايرجع لينا حقنا والله المؤفق

يا جماعه انا راييى اننا نستنى لما نتاكد الاول وبعدين نقرر ومش هنغلب يعنى

ان شاء الله 8/6

بجد وهوا اللى الحكومة بتعملوا فينا ده يرضى ربنا دا الفراش هيبقى ليه قيمة عن المدرس

انت شكلك شغالة دروس خصوصية بس لو انتى معلمة فعلا مش هتقولى كدة
أنا معلمة فعلا
وعمرى ماأهملت فى واجبى داخل أى فصل وأجتهد دائما وعمرى ماأعطيت درس خصوصى لأى طالب عندى فى الفصل ---أقول لهم ماهو أنا اللى فى الفصل زى الدرس

كما أيضا لأنكر أبدا أنى ألجأ لإعطاء دروس خصوصية لزيادة الدخل --لكن لى مبدأ

العمل الجاد لتحليل كل قرش أكسبه
لاأعطى لأى طالب فى فصلى أبدا

مجرد استغلال شئ تعرفه لكى تحسن دخلك
وأيضا أتقن الكروشيه كان فى الأول هواية لكن حاليا أدرب يدى دائما عليه - تعرف حضرتك ((ياللى مش عجبك كلامى)) ليه
بحاول أتقن حرفة تحمينى فى وقت الشدة
لو فشلت كمدرسة فى مدرسة
وكمدرسة فى الدروس الخصوصية
أهو أحاول أشتغل أى شئ

خلقنا لكى نسعى دائما

وأى عمل شريف مقبول ((حتى ولو الدروس الخصوصية)) طالما لاأظلم أحد واحترم نفسى أيضا

الشعب الذى لا يملك قوته ((بأى عمل شريف)) لا يملك حريته

الرحمة زميلى الفاضل