اعلن الوزير احمد جمال الدين الحد الادنى للمعلمين

وقال ان الحد الادنى سيكون 700 جنيه وهو لمعلمين الحصة والتعاقد والمعلمين المساعدين

اما من لم يطبق عليه الحد الادنى هو من يتقاضى مرتبات تفوق هذه المستويات

يعنى من يتقاضى بالكادر مثلا 2000 جنيه على الدرجة الثانية لن يخضع للحد الادنى


واليكم فديو الوزير وهو بيتكلم

http://www.facebook.com/video/video.php?v=214403908594027&oid=189783031062217&saved

ياريت يا جماعه نهدي شويه بعد تصريح الوزير

جزاك الله خيرا

ان شاء الله خير

ان شاء الله يكون الكلام دا صحيح

بس مين صاحب التصريح الاخير

وزير المالية لانى هو المسئل عن الحد الادنى على حد علمى

عموما الموضوع مش هيتسكت عليه كدا

لازم يكون رد رسمى

انشاء الله خير

انا شفت الفيديو بس هسأل سوأل هل يعقل أن يكون المعلم مثل العامل!!!!!!!!!!!

فين الميزانية الخاصة للتعليم و اصلاح حال المعلم

فين تقدير المعلم

شوفوا الاطباء و الظباط و الباحثين فى المراكز القومية

شوفوا ان بقية المؤسسات ذى البنوك و البترول و البريد و الكهرباء و الضرائب لم يتغير فيها شئ اللى بياخد رقم مش هييتغير يعنى الفراش هناك بياخذ الف جنيه

فين الهيكلة اللى بيتكلموا عليها

هى دى العدالة الاجتماعية !!!!!!!!!!!!!!!!

الى وزيرنا الهمام ومن غير اى سلام
كلام فى كلام ما بناخدش منك غير كلام
اتخدعنا فيك فى البداية والله

يعنى
المعلم = عامل لا يقرأ و لا يكتب فى أول يوم تعيين

الحد الادنى سيكون 700 جنيه وهو لمعلمين الحصة والتعاقد والمعلمين المساعدين

فيه حاجة غلط انا مش فاهمها .

أيوة كده ريحت بالى ربنا يريح بالك

ماهو ده التقدم الاهمتام بالمعلمين والله أكبر على الكادر الخاص
ده اسمه استهبال وعلى فكرة طول ما مصر كده والله عمرها ما هتتقدم خطوة واحدة
التعليم ثم التعليم ثم التعليم
مين فينا هيعملم بنفس هو بيتعامل زيه زى العامل فى مصلحة تانية

لا والناس تقولك هناخد 1500 جنية
واحنا في الدرجة التالتة
واحنا معرفش ايه
ربنا ياخد العفش

يا عيني علي العدالة الاجتماعية هو دا الكلام التمام
العامل الامي زي المؤهل العالي ..................فعلا عدالة ما بعدها عدالة

يعنى
المعلم = عامل لا يقرأ و لا يكتب فى أول يوم تعيين

الحد الادنى سيكون 700 جنيه وهو لمعلمين الحصة والتعاقد والمعلمين المساعدين


المصيبة اننا فى بلد الشائعات . وسلملى على الشفافية .

الله سنور عليك ياوزيرنا الغالى

يا مسهل الحال يارب

الله سنور عليك ياوزيرنا الغالى

يا مسهل الحال يارب

اية يا عم ده كده بقينا ذى العمال اللى بيكنسوا فى اول اليوم ويقعدوا مريحين بالهم باقى اليوم أما المدرس اللى من الفصل ده للفصل ده وبالطباشير طول اليوم ده يرضى مين ؟؟

ايه الكلام ده اديلى 6 سنوات دراسة بعد الكلية = عامل بمحو الامية
استغفر الله الذي لا اله الا هو الحي القيوم واتوب اليه

ياريت نتعين احسن لنا
باذن الله

ازاى المدرس على الدرجة الثالثة وياخذ700 جنيه ................ وعامل فى اى مصلحة على الدرجة السادسة ياخذ 700 جنيه دا يرضى مين .............احنا اللى عملنا فى نفسنا كدا لازم الاعتصام حتى تتحقق مطالبنا

ياناس حرام علينا العامل ده معهوش أولاد عايزين يتربوا وله بيت عايز يصرف عليه . أيه حق الوطن عليه ؟
هسألك حضرتك مش عاوز ان يكون مرتيك مثل دكتور الجامعة ؟

لا تعليق على هذا الضجيج

لو الكلام ده صحيح يبقى الوزير ساوى بين معلم تعيين لمدة 14 سنة ومرتبة حوالي 780 جنية ومعلم جديد تعيين هذا العام ويكون مرتبة 700 جنية دا حاجة فل خالص
لان المعلم الذي يحصل الان على 2000 جنية خلاص قرب على المعاش وكمان سواء 780 أو 2000 ده فيها كمان فلوس الكادر يعني المعلم الجديد احسن منا

ازاى المدرس على الدرجة الثالثة وياخذ700 جنيه ................ وعامل فى اى مصلحة على الدرجة السادسة ياخذ 700 جنيه دا يرضى مين .............احنا اللى عملنا فى نفسنا كدا لازم الاعتصام حتى تتحقق مطالبنا

وقال ايه احنا زودنا نسبة التعليم في الميزانية لتصل ال 5/
هههههههههههههه
كله بيجك علي كله ومحدش فاهم حاجة:excl:

طب سؤال دلوقت الناس الى تمو ثلاث سنوات تعاقد او اجر هيتم تثبيتهم ولا لا

افيدونا افادكم الله انا دلوقتى معلم اول على الدرجه الاولى ومرتبى 935 جنيه ايه بقى اللى هيحصل

افيدونا افادكم الله انا دلوقتى معلم اول على الدرجه الاولى ومرتبى 935 جنيه ايه بقى اللى هيحصل
مش عارفة نصدق مين وزير التعليم ام وزير المالية
مش عارفة احمل الفيديو برجاء اعادة رفعه على اى موقع تانى

شر البلية مايضحك

حسبنا الله ونعم الوكيل

وبصراحة لو كان الكلام ده صح يبقى تغطوا التعليم وتكفنوه وتصلوا عليه صلاة الجنازة

بلا مدارس بلا قرف بلازفت اشتم زي ما انت عايز أنت في بلاد العجايب

بلاش ضحك على الناس

ااعتصام سيتم ان شاء الله

سؤال للجميع ارجو الرد مين اللى مستفيد من ان المدرس يكون دايما فى المكانه الوطيه فى المجتمع والنظره الدونيه لهذه الوظيفه دى رساله لازم يعرفو انه احنا مش منتكلم وخلاص السكوت يعنى الرضا بالوضع المهين ده احنا لازم نتخذ الاجراءلت اللى تعرف الناس دى قيمتنا الاطباء مش احسن مننا وازاى مدرس يتساوى بعامل بدون شهاده فى اى مكان فين قيمه التعليم اللى احنا لازم نعلمها للطلبه والتلاميذ

ازاى المدرس على الدرجة الثالثة وياخذ700 جنيه

بكالريوس + دراسات عليا + شهادة =

700 جنيه طبعا اذا تم فعلا صرفه للمتعاقدين

انا راضيه مش معترضه وذلك طبعا مش تهوان مع حق المعلم لكن دايما بنقول علشان البلد تقف على رجليها

وتقف واكيد لازم تقف بينا بس عندنا شرط انهم ما يقلوش 700 حد ادنى مساواة باعمال لكن يقولوا ده الحد الى هندهولكم دلوقتى
من مرتب 1350 وده حقنا والباقى هنرفع بيه الدوله والله ما هزعل وهنسامح فى حقنا
لكن اذا كان غير كده غير مقبول بالمرة

كلااااام فاضى مليون الميه

وزير التعليم.................... و ....
و.زيــــــــــــر الميه
ايه الفرق بينهم ؟
اللى يعرف الفرق
هيكسب ....؟
مش كادر اقولها

المعلم = عامل لا يقرأ و لا يكتب فى أول يوم تعيين

لاابدج من ثورة يشارك فيها كل المعلمين كفى ذلا واحتقارا للمعلم
عدم تطبيق الحد الادنى على المعلم او مساواة المعلم بالعامل كارثة
والله حالنا قبل الثورة احسن على الاقل كان فيه بقية كرامة للمعلم كان مميز عن العامل على الاقل

هو المعلم المتعاقد حديثا بيكون علي الدرجة الكام ؟

هو المعلم المتعاقد حديثا بيكون علي الدرجة الكام ؟
بدوووووووووووون

ثورة ضد وزير التعليم

لا إله إلا الله

والله مالاقية تعليق

حسبي الله ونعم الوكييييييييييييل من كل قلبي

السلام عليكم جميعا احنا لازم نفهم كل حاجه صح وبعد كده نتصرف ونعم للاعتصام والاضرابات العامه العصيان المدنى

نهدى ايه مين قال ان الدرجه التانيه بتاخد 2000 جنيه فيه ناس بتضحك على الراجل ده ومفهمينه اننا بنقبض الوف انا ياجماعه فى نهاية الدرجة التانيه ومرتبى محصلش 900 جنيه حد يفهمه يبقى ازاى الدرجة التانيه بتاخد 2000 فهمهالى انتم بقا

يا جماعة احنا المفروض بناخد الكادر الخاص تكريما لينا
يعنى المفروض نطالب بالحد الادنى للاجور + الكادر الخاص
يعنى المفروض ان مرتبتنا تبقى اعلى من باقى الوزارات علشان بين ايدينا ارواح مسؤلين عنها وهى مستقبل البلد

ربنا معاكم انا والله زهقت من كلاب الحكومة اللى بيضحكوا علينا

الحمد لله على 700 جنيه . :blush:
قال تعالى : " ولإن شكرتم لأزيدنكم " .

أهم شئ في فكرة الاعتصام وضوح المطالب واختيار العبارات المناسبه لفضح الفساد وكسب تعاطف المجتمع يعني ببساطه عمل فضيحه للمسئولين المنافقين أصحاب مشاريع البحث العلمي والتطوير والنهضه والتكنولوجيا ازاي ياكذابين وده حال التعليم ونحن معكم المعلمين بالأجر كمثال واضح لعار وزير التعليم ومن أهم المطالب

(1) اقالة وزير التعليم الذي لا يعرف عنا شيئا ولم يتحرك ضميره حتى لرفع الظلم عنا فما لا يرضاه لابنه (أو آسف لكلبه 100 جنيه) هو يرضاه لنا مع أننا للأسف من معدومي الدخل في زمن المهانه.

(2) لن نطالب بأعلى أجر في المجتمع بما أننا بناة المجتمع وأساسه ولا نهضة لكم الا بنا ولكن مراعاة لظروف التحول في البلاد والتخلص من الفاسدين فنحن يمكن أن نتحمل ونرضى بالحد الأدنى للأجور كبدايه حتى يعتدل حال المجتع ويتولى أمورنا مسئولين أمام الله لديهم دين أو ضمير

انت بتتكلم في 700 مع احترامي الشديد ليك وبتبص انك تتساوى بالمدرس في اول تعييه ده كل الي شغل بالك لا اله الااله ده احنا نستاهل مش نتساوى بالعامل مع احترامي الشديد لمهنته ده هما كده احترمونا

خلاص بقى الوزير قال 700 نسكت و نصبر أحسن لحد شهر 7

كل اللى اقدر اقولو
عك فى عك
ما يلغو حكاية الكادر دى ويتعاملو بالدرجات

من اول يوليو العامل سوف ينظر الي المعلم نظرة احتكار ويقول . شوفوا العبيط الي قعد يذاكر ويتعلم ويصرف وعمال يشرح ويبح في صوتة انا دلوقتي احسن منه وباخد فلوس اده وانا قاعد ما بعملش حاجه

من اول يوليو ان شاء الله العامل هايقول للمعلم روح اعملي كوباية شاي

لا ما هو قال 700 وبدل الكادر يزودك 50 او 70 جنيه يبقى 750 كدة يبقى فى فرق بين المعلم والامى والله حكومة بتستهبل

يعني المدرس اللي شغال بقاله 5 او 6 سنين عشان يوصل لل700 جنيه يتساوى مع العامل الامي ومع اللي لسه متعين
على فكرة انا تعيين جديد

والله الي يكمل في الشغلانه ديه يبقى مهزأ الواحد يفتحله كنتين ولا يشفاه مكنسه ومساحه ويسيأ الطرقه

احنا مدرسن سيس ونستاهل اكتر من كدة اقولكم يا اخواتى المدرسين على حاجة تانية مش بيعبد بعد كدة يطبقوا قانوان لما المدرس يغلط يضرب 4عصيان على ايده أو يتمد على رجليه هيههههههه وعلى فكرة انا مدرس زيكم بس حاسيس مفيش فايدة والله المستعان

ثورة المعلمين الثلاثاء 7/6
***********
اخر مره سندعو الى اعتصام
يوم الثلاثاء امام رئاسة الوزراء
معدش ينفع الوزير
مالوش لزمه
لا بيحل ولا بيربط
محدش يقولى البلد
مصر هى امى بس الحكومة مش ابويا
خلاص معدش لنا امل
اما نرجع بكل شئ
او لا شئ
اما ان نكون فئة مهمشه طول العمر
او نكون معلم يهابه الناس ويحترمونه
كله اليوم ده فاضى
معلمى الفنى اجازة من المراقبة
والثانوى لم يراقبوا بعد
والاعدادى والابتدائى خلصوا
حنبقى رجاله
ولا
اخر امل ان نبقى محترمين
فهل سنكون اخر الرجال المحترمين
ام
نضيع انفسنا واولادنا ومستقبلنا
هل سنترك العظمة التى رموها لنا وهى الانتخابات ونتوحد
ام نكون كما قال ابو سريع انبحوا
اذا اردت ان تجبر الحكومة على اعطائك حقوقك فلتكن معنا يوم الثلاثاء
او صلى صلاة الجنازة على كرامتك وكرامتنا
دعوى يطلقها ثورة المعلمين
يوم الثلاثاء القادم ثورة المعلمين 7 يونيهثورة المعلمين
المكان: رئاسة الوزراء شارع مجلس الشعب القصر العيني، القاهرة
الوقت: 07 يونيو، 2011 09:00 صباحاً