السلام عليكم ورحمة الله وبركاته

اخوانى المعلمون

بعد طرح المواعيد المقترحة للاعتصام
وذلك للتعبير عن رفضنا لهذه المأساة

وبعد مراعاة آراء الاعضاء

تم تحديد يوم الثلاثاء
7/6/2011

يوم رسمى لاعتصام جميع المعلمين
للتعبير عن رفضنا لهذه المهزلة

http://img814.imageshack.us/img814/7674/38624130.jpg (http://www.facebook.com/pages/%D9%85%D8%B9%D9%84%D9%85%D9%88%D9%86-%D9%85%D8%B9%D8%AA%D8%B5%D9%85%D9%88%D9%86/179677982060612)

لماذا الثلاثاء :
1. الاحد القادم موعد سريع جداً ولن نستطيع تبليغ كم أكبر من المعلمين للحضور
فيجب أن تكون هناك فرصة وفترة تمهيدية ليعلم الجميع عن موعدنا ومن ناحية أخرى تكون هناك فرصة أمام الحكومة للتصرف لايقاف اعتصامنا بأى وسيلة

2. الاحد الذى يليه 12/6 سيكون اليوم الثانى لامتحانات الثانوية العامة
ولانريد تعطيل العملية التعليمية فلا ذنب للطلاب فى ذلك

3. مراقبى امتحانات الدبلومات يرغبون بالمشاركة ويوم الثلاثاء اجازة من امتحاناتهم وبذلك لن يتم تعطيل امتحانات الدبلومات

فى النهاية نحن تريد العدالة وتطبيقها على كافة فئات الشعب

وعلى من يرى أنه له حق فليحضر الاعتصام

ونطلب منه الرد هنا والتأكيد فى حالة النية للمشاركة فى الاعتصام

والسلام ليس ختام
......

رغم رفضى للاعتصامات والمظاهرات
الا انها اصبحت للاسف

طريق الحوار والوسيلة الوحيدة للحصول على الحقوق الان

فلا احد يلوم المدرسين على اى اعتصامات يقومون بها
وامتحانات الثانوية علي الأبواب ولن نشارك بها اذا استمر هذا الظلم

فكيف يصبح مرتب من هو على الدرجة الساسة اكبر
من مرتب من هو على الدرجة الثانية

كيف يصبح مرتب العامل الامى مع كامل احترامى 700 جنية
ومرتب المدرس بعد 12 سنة وهو على الدرجة التانية 760 .

حاجة تجنن

وانا من المنيا وسوف احضر للقاهرة للاعتصام معكم على بركة الله لاني مظلوم ظلم بين

وانا من دكرنس وسوف احضر انا والزملاء عل بركة اللة

بإذن الله معكم معكم معكم

واهنا كمان معاك

لابد من جميع المعلمين الاعتصام في مديرياتهم باقصي سرعة

سيبكم من الكلام دة

احنا فى الاسماعيلية او ل من شاركنا فى المظاهرات سواء فى التحرير او امامالوزارة ولكن مش هانشارك خلاص كدة شطبنا

وانا أزهرى من المنصورة . وسأجئ القاهرة . فكلنا فى مركب واحد .

أنا معكم ولكن في أي مكان والساعة كام . أنا أقترح من الساعة العاشرة صباحا أوالحادية عشرة واذا كان العدد كبيرا يكون أمام مجلس الوزراء ووزارة التربية والتعليم أما اذا كان العدد صغيرا فيكون أمام واحد منهما واخيرا ارجو منكم ابلاغ المعلمين بذلك و نشر ذلك في المنتديات وعلي الفيس بوك وابلاغ وسائل الاعلام

ان شاء الله معكم من المنصورة

اقترح امام وزارة المالية لانها صاحبة القرار

لان صاحب هذا القرار هو مستشار وزير المالية وليس وزير التعليم مع الاسف

سأجئ القاهرة . فكلنا فى مركب واحد .

الله معنا جميعا و ارجو ان تصل الرسالة ال السيد وزير المالية اين العدالة و المساواه بين جميع موظفى الدولة لقد تركت من ياخذ الالاف و الملايين كما هو فاين المساواه كما تدعو ا واين الاصلاح كما تقولون اعتقد انه لن ينصلح حال هذه البلد ابدا معكم

المعلمون هم الفئة الوحيدة فى الدولة التى لم تتطالب بحقوقها و الان بعد استبعادنا من الحد الادنى للاجور الذى كنا نتمنى بأن يصلح مرتبات المعلمون و يرفع من مستواهم المادى يجب علينا جميعا الاعتصام و الاضراب عن المشاركة فى امتحانات الثانوية العامة حتى نأخذ حقنا مع العلم بأن اول راتب للطبيب عند بداية تعينه يحصل على أكثر من 700جنيه فهل المعلم عند بداية تعينه يحصل على هذا المبلغ و اين موظفى الضرائب و البنوك و البترول و المالية وغيرهم الذين يتقاضون اكثر من ذلك بكثير جدا وهذا لان المعلم ليس له قيمة أو اعتبار فى هذه الدولة

؟؟؟؟؟؟؟؟؟؟ فين الردود ؟؟

اعتصام اعتصام اعتصام اعتصام

انا عملت صفحة علي الفيس بوك ( معلمون معتصمون ) كنت عاملها قبل كده و عدلتها يا ريت الكل يشارك و ينشر
http://www.facebook.com/pages/%D9%85%D8%B9%D9%84%D9%85%D9%88%D9%86-%D9%85%D8%B9%D8%AA%D8%B5%D9%85%D9%88%D9%86/126692534069691?sk=wall (http://www.facebook.com/pages/%D9%85%D8%B9%D9%84%D9%85%D9%88%D9%86-%D9%85%D8%B9%D8%AA%D8%B5%D9%85%D9%88%D9%86/126692534069691?sk=wall)

ان شاء الله معكم

لابد من الأعتصام حتى ترجع لنا حقوقنا ان شاء الله هيكون اعتصام ناجح

سؤال للجميع ارجو الرد مين اللى مستفيد من ان المدرس يكون دايما فى المكانه الوطيه فى المجتمع والنظره الدونيه لهذه الوظيفه دى رساله لازم يعرفو انه احنا مش منتكلم وخلاص السكوت يعنى الرضا بالوضع المهين ده احنا لازم نتخذ الاجراءلت اللى تعرف الناس دى قيمتنا الاطباء مش احسن مننا وازاى مدرس يتساوى بعامل بدون شهاده فى اى مكان فين قيمه التعليم اللى احنا لازم نعلمها للطلبه والتلاميذ

الى الاخ ناجى اسماعيل لا تتحدث باسم الاسماعيلية اتكلم عن نفسك فقط
كل مدرسى الاسماعيلية مشاركين باذن اللة

وانا من النهارده هعمل دعايه فى منتديات متنوعه للاعتصام

ان شاء الله امام ماسبيرو

ومتنسوش المتعاقدين والحصة وكل يجماعة

لازم نكون ايد واحده وقلب واحد
الصوت العالى هو اللى بياخد حقه
والسلبى ملوش مكان
فين الدرجات
فين الزياده فى الاجور
مفيش درجات مفيش زياده؟؟؟؟؟؟؟؟
مفيش ثانوية عامه!!!!!!!!!!!!!

انا معكم ولكن لازم تكون لنا طلبات محددة ومنطقية : يعني محدش يروح يقول عايزين نرجع كرامة المعلم يعني الوزارة مثلاً هتصرفلنا بدل كرامة لا لازم طلبات اجرائية زي الاهداف الاجرائية يعني مثلاً ( وجود عقد بين المدرسة وولي الامر يعرف بيها حقوقه وواجباته ) ان يكون هناك عقاب وطبعاً المقصود بالعقاب مش الضرب ولا الشتيمة اطلاقاً ولكن عقاب تربوي فعال يضمن للمعلم القدرة علي التحكم وضبط سلوك الطلبة ) اتنين يا تري مكان الاعتصام فين بلاش الوزارة ولا وزارة المالية اما ماسبيرو او ميدان التحرير رغم ان التاني هيزعل مننا الجيش لا بلاش التاني ده

صفحتنا على الفيس بوك
معلمون معتصمون (http://www.facebook.com/pages/%D9%85%D8%B9%D9%84%D9%85%D9%88%D9%86-%D9%85%D8%B9%D8%AA%D8%B5%D9%85%D9%88%D9%86/179677982060612)
اضغط هنا (http://www.facebook.com/pages/%D9%85%D8%B9%D9%84%D9%85%D9%88%D9%86-%D9%85%D8%B9%D8%AA%D8%B5%D9%85%D9%88%D9%86/179677982060612)
موعدنا الثلاثاء الساعة العاشرة امام وزارة التربية والتعليم من جميع المحافظات
وسيتم تحديد مايلى بعد ذلك

السلام عليكم ورحمة الله وبركاته ياريت ياحضرات احنا شغالين فى الكلام ده من شهرين وحددنا ميعاد للاعتصام به امام الوزارة والميعاد محدد من اسبوع فات وشامل من كل الجمهورية وعاملين قاعدة بيانات واحنا على اتصال تام ببعض ونحن الان عددنا يفوق800 معلم ورايحين يوم الخميس القادم بتاريخ 9/6/2011 وماينفعش نغير الميعاد فاريت الكل يوحد الصف وخليكم معنا
لانكم لسه ميحددين الميعاد النهارده وده صعب التجميع فىة للاعداد المطلوبة لن فيه كتير مش شغال على النت
فاريت تنضموا لينا نحن مجموعة عريضة وكبيرة من المعلمين شغالين منذ شهرين على تحديد مطالب محددة وموعد مححد وتم در مطلبكم الذى هو مطلبنا ضمن مطالبنا الاساسبة ونطالب بها فى الموعد المحدد لنا فياريت للمرة الالف توحيد الصف معنا وبلاش تشتيت ناس تقول الثلاثاء وناس تقول الاحد احنا ميعادنا محدد من اسبوع ماضى وهو الخميس

انا جمعت كده شوية طلبات
1- تحسين اجور المعلمين بما يتفق مع اجور باقي العاملين في الوزارة فلا يوجد مبرر واحد لان يقبض الموظف في الادارة او في المديرية او في الوزارة راتب اعلي بكثير من المعلم الذي هو اساس العملية التعليمية
2 - محاسبة رموز الفساد في الوزارة واقالتهم جميعاً
3- التحقيق بواسطة الاجهزة المعنية في الفساد الاداري وانتشار الواسطة والمحسوبية في التعيين والمكافأت في الوزارة ( يا ريت يبحثوا في اسماء العاملين في الوزارة لانهم هيلاقوا عائلات باكملها بتشتغل في الوزار وطبعاً ده لا يمكن يحصل لو الوزارة تابعة لنظام التعينات الحكومي ولكن يمكن يحصل في حالة واحدة ان تكون الوزارة عزبة تورث وتقسم بين عائلات محددة )
4 - مشاركة المعلمين في السياسات التعليمية للدولة وان تتوقف الوزارة عن معاملة المعلمين كعبيد
5 -تجريم دفع بعض المعلمين للطلبة واجبارهم علي الدروس الخصوصية والمجموعات

يا جماعه فساد ايه و رموز ايه...سيبكم من الكلام ده
- تطبيق الحد الادنى على المعلمين بوجه عام و مرتب الدرجه الثالثه للمعينين حديثا
ياريت نحدد مطالبنا من دلوقتى وتكون عمليه , يعنى بلاش حكايه محاسبة الفاسدين, و بلاش تكون المطالب تغيير المرحله الى اعدادى للتربيه عام, خلينا فى الاهم ثم المهم

لا إله إلا الله

والله مالاقية تعليق

حسبي الله ونعم الوكييييييييييييل من كل قلبي

ومع الإعتصام طبعا

كلنا معاكم
الاسماعلاوية كلهم معاكم

انا معاكم من المنيا ومعايا 10 من زملائى فى القرية بس حد يوضح اليوم والساعة ويا ريتتكون الساعة 11 علشان احنا جايين من الصعيد محمد عبد الستار ابو ادهم

انا معاكم من المنيا ومعايا 10 من زملائى فى القرية بس حد يوضح اليوم والساعة ويا ريتتكون الساعة 11 علشان احنا جايين من الصعيد محمد عبد الستار ابو ادهم


الثلاثاء ان شاء الله

معاكم ان شاء الله المعلم أكثر واحد بيتعب واكتر واحد مظلوم مين يرضى فى اى مهنة ياخد
300 أو 400 جنيه

الي جميع المعلمين اقترح عليكم الاعتصام امام ماسبيروا نظرا لاهمية هذا المكان ولان اللي بيعتصم في ماسبيروا بياخد حقه واهنا شوفنا الاقباط لما اعتصموا هناك حققوا لهم مطالبهم .....

الي جميع المعلمين اقترح عليكم الاعتصام امام ماسبيروا نظرا لاهمية هذا المكان ولان اللي بيعتصم في ماسبيروا بياخد حقه واهنا شوفنا الاقباط لما اعتصموا هناك حققوا لهم مطالبهم .....

انا مشارك ومع عدد كبير جدا ان شاء الله يوم الثلاثاء بس لازم نحدد المكان والزمان واقترح ان يكون الزمان الساعة 11 والمكان امام وزارة المالية لانها صاحبة القرار ويتم ابلاغ وسائل الاعلان وكذلك المجلس العسكرى وجمعيات حقوق الانسان على ان يكون هذا الاعتصام مفتوح مش ساعة وكل واحد يروح لحاله

موافق علي هذا التوقيت .. بس اتمني من كل واحد يكون عندوا كرامة وبلاش سلبية ينزل ... بلاش الاعتماد علي الاخرين ... والكلام الفاضي الي بنسمعوا , اهدوا بلاش بلبله في البلد , وكلام مستفذ من هذه النوعية .
لازم ننزل كلنا عشان كرمتنا قبل مرتبنا ونرجع هيبة المدرس الي دمروها وسعدناهم علي كدا بالسلبية والطيبة والثقة الذائدة.
وفقنا الله .

وانا معاكم على بركة الله

من الشرقية ومع حضرتك

نرجو أن يصدق كل انسان فينا

الناسس التانيه لما يحبوا يجمعوا النقابه بتجمعهم

احنا فى الشارع مع الاسف مفيش نقابة

أهم شئ في فكرة الاعتصام وضوح المطالب واختيار العبارات المناسبه لفضح الفساد وكسب تعاطف المجتمع يعني ببساطه عمل فضيحه للمسئولين المنافقين أصحاب مشاريع البحث العلمي والتطوير والنهضه والتكنولوجيا ازاي ياكذابين وده حال التعليم ونحن معكم المعلمين بالأجر كمثال واضح لعار وزير التعليم ومن أهم المطالب

(1) اقالة وزير التعليم الذي لا يعرف عنا شيئا ولم يتحرك ضميره حتى لرفع الظلم عنا فما لا يرضاه لابنه (أو آسف لكلبه 100 جنيه) هو يرضاه لنا مع أننا للأسف من معدومي الدخل في زمن المهانه.

(2) لن نطالب بأعلى أجر في المجتمع بما أننا بناة المجتمع وأساسه ولا نهضة لكم الا بنا ولكن مراعاة لظروف التحول في البلاد والتخلص من الفاسدين فنحن يمكن أن نتحمل ونرضى بالحد الأدنى للأجور كبدايه حتى يعتدل حال المجتع ويتولى أمورنا مسئولين أمام الله لديهم دين أو ضمير

الفرصه قدامكو ارجو ان تستغلوها ومفيش حل غيرها واذا راحت منكم راحت كرامتكم وهى

((((( الاضراب عن امتحانات الثانويه العامه والتصحيح)))))))))

فوقو بقى انتو مش اقل من الاطباء انتم ورثه الانبياء

اطلب حقك داه مش حرام
متقلش مصلحه الطالب اهم حاجه
امال كانت فين مصلحه المريض يوم اما عملوها الاطباء ووقفو وقفه رجاله
احب اعرفكو ان الثانويه العامه هى الكرت الوحيددددددد الى ممكن ينفعنا

اللهم بلغت اللهم فاشهد

كان نفسى ابقى معاكم بس انا من محافظة بعيدة

و احنا البورسعيدية معاكم ان شاء الله و نلتقي الثلاثاء 7 يونيو الساعة 10 صباحا امام مبنى المحافظة ليعلم كل البورسعيديه من هنا و اذا لم نأتي بنتيجة فكلنا الى الوزارة في اليوم التالي بأمر الله

يجماعه دلوقت فى كذا مكان مكتوب


فين مكان الاعتصام بالظبط

ماسبيرو زلا التربيو التعليم ولا مجلس الوزراء ؟؟؟؟؟؟؟؟؟؟؟؟؟؟؟؟؟؟؟

ياجماعة اوعو تنسوا الغلابة بتوع مجلس الامناء اللى بيتكرشوا فى الصيف علشان محدش محتاج لهم والتربية والتعليم ضحكت عليهم ولا عملتلهم عقود ولا حاجة زى ماوعدتهم من اول الثورة

كلنا معاكم
الاسماعلاوية كلهم معاكم

اللى من اسماعيلية يقول هيروح ازاى ياجماعة علشان نروح معاه

ندعو السادة المعلمين الاحرار للقيام بثورتهم في هذا التوقيت بعد إصرار الحكومة الجديدة على استمرار احتقار وإذلال المعلمين كما كان في النظام السابق تماما بل لقد زادوا على ذلك بتفضيل العامل الأمي على معلم الأجيال ومربي العقول بحرمان المعلم من الحد الأدنى للأجر بحجة الكادر المزعوم الذي يقل كثيرا عن الحد الأدنى المقرر للعامل الأمي .
حتى صار المعلم هذه الأيام يطالب بالمساواة بالعامل الأمي الذي يدخل سوق العمل للمرة الأولي بدون خبرات سابقة ولا مسئوليات ولا حول ولا قوة الا بالله العلي العظيم ....
المعلم الذي ينال الحد الأقصي للأجر في الدول التى تحترم العلم وتقدر دور التعليم .. أصبح هنا بلا قيمة اصبح اقل من العامل الأمي ...
ولهذا فقد قرر المعلمون ما يأتي :
1 - المطالبة بتعديل اجور المعلمين لتكون 700 جنيه حد أدنى للدرجة السادسة وفرق كل درجة ب 287 جنيه
وعليه يكون مرتب المعلم في الدرجة الثالثة = 1561 جنيها .
والمعلم على الدرجة الثانية = 1848 جنيها .
والمعلم على الدرجة الأولى = 2135 جنيها .
2- الدخول في اعتصام سلمي مفتوح بدءا من يوم الاربعاء 8/6
3- الامتناع عن أعمال المراقبة والتصحيح للثانوية العامة وامتحانات الدور الثاني .
4- حل النقابة الحالية بجميع رموزها واختيار نقابة جديدة بالانتخاب الحر.
5- إقالة وزير التعليم الذي يرضي بتفضيل العامل على المعلم .
6- تعديل كادر المعلم ليكون كادر حقيقي يضع المعلم في مكانته .
وبناء عليه لن تهدأ ثورة المعلمين واعتصامهم الا بتحقيق مطالبهم المشروعة والاهتمام بهم وعدم مساواتهم بالعامل الأمي أو تفضيل العامل عليهم مليونية المعلم بميدان التحرير الجمعة القادمة 10/6

اللائاء العاشرة صباحا امام مبنى وزارة التربية والتعليم

قادم إن شاء الله وسابلغ كل من أعرف

أنوي الحضور في كل مكان ومش هرجع إلابتنفيذ الطلبات بشرط الكل في واحد طبعا الكل عارف الطلبات وهي تعين ( وليس تثبيت ) كل المعلمين والغاء الكادر بامتحاناته وعودة الدرجات المالية وتعديل مادة التخصص ورفع الحد الادنى للاجور مساواة بالاطباء واساتذة الجامعات وهكذا اضمن لكم حياة كريمة لكل معلم في مصر بالتوفيق للجميع

:giljotiiniug3::giljotiiniug3::giljotiiniug3::gilj otiiniug3::giljotiiniug3::giljotiiniug3::giljotiin iug3:

و احنا في تلا منوفية ان شاء الله حا نيجي احنا قرفنا خلاص انا بقالي انا 11 سنة مدرس و راتبي 608 جنيه و بالكادر قولوا لينا مكان و زمان الاعتصام و احنا معاكم

موعد الثلاثاء موعد مناسب تماما حتي نعلن فيه رفضنا من حرمان المعلمين من تطبيق الحد الادني بالاجور اسوة بباقي العاملين بالدولة
فليكن موعدنا هو الثلاثاء للتعبير السلمي عن مطالبنا الساعة العاشرة صباحا أمام مجلس الوزراء

موعد الثلاثاء موعد مناسب تماما حتي نعلن فيه رفضنا من حرمان المعلمين من تطبيق الحد الادني بالاجور اسوة بباقي العاملين بالدولة
فليكن موعدنا هو الثلاثاء 7/6/2011l للتعبير السلمي عن مطالبنا الساعة العاشرة صباحا أمام مجلس الوزراء

معكم إن شاء الله ... الثلاثاء موعدنا سنبدأ طريقنا نحو كرامة المعلم

اقترح بدء المظاهرات من يوم الثلاثاء القادم حتي يوم الجمعة وتكون كألاتي : يوم الثلاثاء 7 يونيو تكون أمام وزارة التربية والتعليم من الساعة 10 أو 11 صباحا ثم يوم الأربعاء 8 يونيو الساعة العاشرة صباحا أمام مجلس الوزراء اثناء انعقاد اجتماع مجلس الوزراء الاسبوعي بحضور جميع الوزراء ليكون صوتنا مسموع لجميع الوزراء ويكون الهتاف : اضراب اضراب - عن امتحان الثانوية العامة اضراب . واتمني حضور كبير من المعلمين حتي لا يقول وزير التربية والتعليم انهم قلة من المعلمين لايزيد عددهم عن 200 معلم . ثم مظاهرة يوم الخميس 9 يونيو امام ماسبيرو واترك لكم الميعاد لتحديده . ثم مظاهرة كبري في ميدان التحرير يوم الجمعة10 يونيو . وأرجو الرد علي هذه الاقتراحات

ربنا معانا واحنا ايد واحدة

جايين جايين أمام ماسبيرو واقفين ومعتصمين

أنا صدمت حينما أخبرنى مدرس صديق أن المعلمين لن يطبق عليهم الزيادة المقررة فى المرتبات ابتداء من شهر يوليو بحجة اننا نحصل على كادر أنا أعمل منذ 12 عاما معلماً وأحصل على 778 جنهياً شاملة كل شىْ

هيا موته ولا اكتر ما احنا يا نعيش بكرامه يا مالهاش لازمه الدنيا احنا كده مينتهاون فى حق نفسينا انا رايح للاعتصام انا وكل اللى اعرفهم ومش راجع الا لما اعرف انا كمعلم فين من الغداله والكرامه والحريه فى البلد دى مدرس زاحف على الروبه شهادات وفى الاخر زيه زى العامل فى اى مكان بل اقل بل وصلت الوقاحه والتدنى ان احنا ولا حاجه اسف لاخوانى العمال واسف على اسلوبى وبجد اسف يابلدى لانى كنت ناوى الفتره دى معملش اعتصامات او اضربات مدرس محروق دمه

وانا معكم متعاقد ازهرى من المنصورة
والله يا جماعة احنا مظلومين ظلم بين
انا متعاقد من 2006 وامتحنت الكادر 2009
وحتى الان لم يصرف لنا الكادر ومرتبى منذ 3 اهر فقط وصل 385 جنيه
وانا متزوج وعندى بنت وبدفع ايجار للسكن
بالله عليكم احنا محصلناش المتسولين

نعم للاضراب وكفاية بقي اكتبوا وراسلوا كل الشعب واشهدوهم لكي يعرفوا مين سبب تاخرالتعليم
ايها المعلمين الشرفاء اتحدوا الخبر صحيح ولا حل الا الاتحاد واعتصموابحبل الله جميعاولاتفرقوا لقد ارسلت صرخة الى الوزير ومرفق الاميل الخاص به وشاركوا في الاعتصام وايضا في عدم تصحيخ الامتحانات
سيدى ووالدى المبجل واللذى نعتبرة نصير الحق نحيط علم سعادتكم بان هناك سخط وجلبة شديدين بسبب ما اثير اخيرا بان الحد الادنى لن يطبق على المعلمين بسبب ان المعلم ياخذ كادرا خاصا ويا له من كادر من اهانة وسخرية تعرضنا لها واستبشرنا خيرا فى تصريحات سعادتكم بانكم سوف تشكلون لجنة لدراسة كيفية الارتقاء بمستوى المعلم المصرى والذى لانمانع فية البتة ولكننا من الناحية المالية لم نتحصل على الحد الذى يجعل المعلم يناى بنفسه وكرامته عن الدروس الخصوصية فيا سيدى الوزير مع صدور الحد الادنى لمرتبات العاملين بالدولة وهى700جنية تتصاعدحتى 1200جنية بعد5سنوات ومن البداية سيصبح الاداريين واى موظف فى الدرجة السادسة يحصل على دخل افضل من معلم بالدرجة الثالثة والثانية ............. الخ فهل يرضيك هذا وكيف تستقيم العملية التعليمية فى هذا المناخ الساخط سيدى اثلج قلوب المعلمين اللذين هم ابنائك وينتظرون من سيادتكم موقفا تاريخيا لنصرتهم وليكن موقفا مشروطا بمنع الدروس الخصوصية واعتقد بل اجزم انها ستجد ترحابا شديدا من قبل المعلمين واخيرا سيدى الوزير اللذى يقول لك بعدم جواذ ذلك هناك جوابان لماذا ياخذ المعلمين العلاوات السنوية؟ واخرها15%مثل جميع طوائف الدولة والرد الاخر بان قانون الكادر به بند صريح بان المعلم يتمتع بنفس المزايا التى تطبق على الجهاز الحكومى بالدولة واخرا اذا وجدت سعادتكم صعوبة بسبب الكادر فانى بعد اذن معاليك اقترح عمل استبيان على المعلمين بسيط جدا هل تريد الكادر ام تريدالحد الادني وفى الخاتمة ادعوا الله ان يسدد خطواتكم نحو التعليم لمصرنا الغالية وثق سياتكم اننا ورائك لما فية الخير والسلام عليكم ورحمة الله وبركاتة واخيرا اذا واجهتم هم لاتقلوا يا الله انا نواجه هم بل قولوا ياهم اننا معنا الله ولايضيع حق وراءه مطالب وصلوا وادعوا الله ان يجد لنا مخرجا

مدرسون الأزهر معكم بإذن الله تعالي وسنبدأ بإضراب مفتوح عن أعمال المراقبه في إمتحانات الشهادة الثانوية والإعدادية

اخيرا لازم نفهم اذاي ناخد حقنا لازم نمتنع عن مراقبة الثانوية

الي كل معلمي اسيوط الاعتصام امام مديرية التعليم الثلاثاء القادم كله يحضر الاساسي والمساعد والحصة دي اخر فرصة لينا

مينفعش يدونا حقوقنا لازم نعمل اعتصام وبتاع
خلاص يبقى معادنا في القاهرة

انا حغير المسمى الوظيفى بدل معلم حقدم طلب علشان ابقى عامل

اللة يوفقنا
وحسبنا اللة ونعم الوكيل

هى كده كده خربانه وننزل يا جت وبقينا بنى ادمين يا اما على الدنيا السلام

الناس دى مستهترة فينا عشان احنا اللى ادناهم فرصة لدة بس احنا مش عددنا قليل احنا عددنا كبير ولو اتحدنا ان شاء الله هنقدر نعمل حاجة

أنا معاكم كفاية مهانة وإذلال كفانا سكوت ورضوخ
إلى متى وماذا سنضيع بعد الآن
اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام اعتصام
حتى يرانا من يتجاهلنا

يا جماعه حيكون احسن لو عملنا مظاهرات في كل محافظه مش في القاهره بس , عشان مش كل الناس حتقدر تسافر للقاهره

السلام عليكم تحياتى الى الجميع انا طبعا معاكم ويمكن دى الفرصه الوحيده لينا للضغط بس من هنا ان شاء الله ليوم الثلاثاء لابد من تنسيق بين كافه المحافظات وفيه نقطه فيه ناس مش هتقدر تجى على القاهره لابد انو يكون فيه بديل مثلا المديريات التعليميه او ديوان المحافظه

لازم نولعها

يوم كرامة المعلمين ام شاء الكريم ربنا يرجعلنا حقنا

ولا ثانوية عامة ولا في تعليم السنة دي لو متلموا واحترمنا شوية .............

انشاء الله معاكم

لحل ايه
اننا نعمل بشكل منطم و مؤثر
بمعنى :
اننا نحاول نجمع نفسنا الاول على اى موقع بس يكون موقع واحد
نجمع نفسنا ازاى مش بتعليق اللى يدخل ع الموقع و الصفحه اللى هنعملها يسجل بيناته واهم حاجه اسمه ورقم تليفونه والادارة التابع لها
ليه كده
عشان نعرف المشاركة ع مستوى الجمهوريه
لان كل ماكان المشاركة كبيرة كان تأثيرها أكبر
ونتفق ع مجموعة مطالب عادلة سهلة التنفيذ ع المدى القصير ومنطقية
ونذهب الى وزارة التربية والتعليم كلنا ونكون محددين مجموعة مننا لمقابلة الوزير المحترم
ناس هتقول محنا عملنا كده اقبل كده محصلش حاجة
السبب ان العدد كان 150 تقريبا والوزير المحترم ! قال دم قلة لاتمثل كافة المدرسين
والسبب فى كده ان احنا فالحين فى الكلام الاف يتكلمو وواحد اللى ينفذ وكل بيعتمد ع الاخر
( اتكالية)
فى التحريض ميه ميه والفعل ما فيش

لحل ايه
اننا نعمل بشكل منطم و مؤثر
بمعنى :
اننا نحاول نجمع نفسنا الاول على اى موقع بس يكون موقع واحد
نجمع نفسنا ازاى مش بتعليق اللى يدخل ع الموقع و الصفحه اللى هنعملها يسجل بيناته واهم حاجه اسمه ورقم تليفونه والادارة التابع لها
ليه كده
عشان نعرف المشاركة ع مستوى الجمهوريه
لان كل ماكان المشاركة كبيرة كان تأثيرها أكبر
ونتفق ع مجموعة مطالب عادلة سهلة التنفيذ ع المدى القصير ومنطقية
ونذهب الى وزارة التربية والتعليم كلنا ونكون محددين مجموعة مننا لمقابلة الوزير المحترم
ناس هتقول محنا عملنا كده اقبل كده محصلش حاجة
السبب ان العدد كان 150 تقريبا والوزير المحترم ! قال دم قلة لاتمثل كافة المدرسين
والسبب فى كده ان احنا فالحين فى الكلام الاف يتكلمو وواحد اللى ينفذ وكل بيعتمد ع الاخر
( اتكالية)
فى التحريض ميه ميه والفعل ما فيش

احنا كده تمام يوم 7 أمام الوزارة

من لم يحضر خائن وسلبى ولا يستحق ان يكون مدرس

ايه اخر مكان اتفقنا عليه يا جماعه؟
1- أمام مجلس الوزراء؟
2- أمام وزارة التربية والتعليم؟
3- أمام وزارة المالية؟
بس انا من رائى أمام وزارة التربية والتعليم..... أرجو موافاتنا بالمكان...

لابد من الأعتصام لنحصل على حقنا

لازم الكل يجى من العامل للمدير كل واحد فينا يا جماعة لازم يعلن لزملائة ربنا معانا امام الوزارة

انا من الشرقية ون شاء الله معاكم اناوجميع زملائى

اين مكان الاعتصام بالضبط حتى يتسنى لنا جميعاً الحضور والمطالبه بالحد الادنى للاجور 1200 جنيه . وصدقوني يا جماعه الصوت العالي هو اللي بيكسب هذه الايام . وما ضاع حق وراءه مطالب. وماتخافوش العمر واحد والرب واحد . والاهم تنفيذ الاعتصام في ميعاده مش نبقى بنكلم وخلاص

معاكم يا جماعة ويا ريت الاضراب في امتحانات الثانوية العامة

على اسم مصر التاريخ
يقدر يقول ما شاء
انا مصر عندى
احب واجمل الاشياء

الثلاثاء 7 - 6 - 2011 أمام وزارة التربية والتعليم ان شاء الله

لقد تم استبعاد المعلمين من النظام الجديد للأجور

ولذلك قرر المعلمون إقامة مليونية يوم الجمعة القدم 10/6 بميدن التحرير

وعاوزين مظاهرة كبري كمان يوم الاربعاء 8 يونيه أمام مجلس الوزراء أثناء انعقاد اجتماع مجلس الوزراء الاسبوعي لكي يسمع كل الوزراء اصواتنا

حسبى الله ونعم الوكيل

[quote]اعتصاااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااام حتى يعود الحق الضائع

هما هيخلو العمال فى المصالح التانيه اللى مش حاصلين على اى موهل ياخذوا 700 جنيه واحنا عملنا دبلومه دراسات عليا و الرخصه الدوليه للحاسب وامتحان اكادميه كل دا ليه عشان نتساوى بالعامل اللى حاصل على محو الاميه وبس

يا جماعه احنا كادر خاص و من حقنا رفع الحد الادنى الى 1200 زى وزارة الصحه

ولازم نتمسك بالكادر الخاص

_______________________________
طبعا هتقولوا الحمد لله على كده

لكن لو ركزنا هنعرف انها مسرحيه كبيره

ليه؟؟

التصريحات معناها ان اللى مرتبه اقل من 700 مهما كانت الدرجه سوف يتم رفعه الى الحد الادنى وانتهى الموضوع على كده

يعنى بلاش تفكروا اننا هناخد مرتب الدرجه الثالثه ونبقى اكثر من 900 جنيه .

يعنى فى الاول قال ان التعليم والصحه كادر خاص
وبعدين الصحه رفعت الحد الادنى
وكان من المفترض التعليم تطالب بكده

لكن محصلش حاجه و الماليه كانت متوقعه اننا نطالب بمساواتنا بكادر الصحه

بعد كده طلعوا قرار صادم اننا لن يطبق علينا الحد الادنى و هو قرار سليم لاننا كادر خاص

طبعا زعلنا و قررنا ننظم اعتصام

الوزاره عرفت وسألت عن اجور المدرسين

صدر تصريح باننا سوف نستفيد من الحد الادنى

وطبعا فرحنا و صدقنا وفاكرين نفسنا عبرنا خط بارليف و الوزاره بتلعب باعصابنا عشان نرضى باى حاجه

ايه الاخبار

هنعمل الاعتصام ولا لا

احنا ايه نظامنا

المتعاقدين

يجب أن نستمر في الاحتجاجات واي مسئول حيطلع تصريح حيكون مسكنات وللتهدئة علشان امتحانات الثانوية العامة

أكد الدكتور طارق الحصرى، مستشار وزير التربية والتعليم للتطوير الإداري، أن الدكتور سمير رضوان وزير المالية نفى فى اتصال هاتفى مع وزير التربية والتعليم اليوم ما اثير حول عدم ادراج المعلمين ضمن مشروع الحد الادنى للاجور ،مؤكدا له أن المعلمين والاطباء والمهندسين بما فيهم فئات الكوادر الخاصة فى كافة قطاعات الدولة سيدرجوا ضمن مشروع الحد الادنى للاجور، مشيرا الى ان المعلمين سيكونون أحد الفئات التى ينطبق عليها الحد الأدنى لأن رواتبهم عند بداية التعيين بالدولة لا تتجاوز 700 جنيه شهريا إلى جانب أن درجاتهم الوظيفية المقررة فى قانون الكادر مستوحاة من الدرجات المنصوص عليها بقانون العاملين بالدولة 47 لسنة 1978.
و اشار الحصرى الى ان وزير المالية خلال اتصاله الهاتفى بوزير التعليم ابدى استيائه الشديد لما تردد من انباء على لسان مساعده المستشار عبد الفتاح الجبالى حول حرمان المعلمين من مشروع الحد الادنى للاجور، مؤكدا على اصدار بيان صحفى خلال ساعات من وزارة المالية لنفى هذا الكلام الخاطىء، واصفا حرمان اى فئة من زيادة الحد الادنى للاجور يعد عقابا وظلما شديدا سواء للمعلمين او اى فئة اخرى.
من جهة اخرى اكد ايمن البيلى " نائب رئيس النقابة المستقلة للمعلمين " ان نفى وزير المالية عن تصريح المستشار عبد الفتاح الجبالى " مستشار وزير المالية " هو " عذر اقبح من ذنب" ، لان هذا يعنى عدم وجود تنسيق داخل وزارة المالية مما يهدد الامن والسلم الاجتماعى نتيجة اثارة جموع المعلمين بهذة التصريحات.
ويتساءل البيلى : ما هو الضمان اذن لوجود المعلمين ضمن الزيادة المقررة .. ولماذا اذا كانت الوزارة تنفى هذا التصريح ، ولماذا يصدر وزير التعليم بيانا ضمن الزيادة المقررة اول يوليو القادم ، مشيرا الى ان النقابة المستقلة ما زالت على موقفها للاضراب عن اعمال امتحانات الثانوية العامة حتى اصدار مرسوم من رئيس الوزراء ووزير المالية بادراج المعلمين ضمن مشروع الحد الادنى للاجور.
من جانبه دعا عبد الحفيظ طايل " مدير المركز المصر ى للحق فى التعليم " المعلمين بالتنسيق مع النقابة المستقلة الى تنظيم مظاهرة حاشدة بمشاركة جميع المعلمين امام مقر رئاسة الوزراء الثلاثاء القادم وذلك احتجاجا على اثارة المعلمين بسبب اعلان الدكتور سمير رضوان، وزير المالية، ومساعده عبد الفتاح الجبالى، عن استبعاد المعلمين من مشروع وضع حد أدنى لأجور العاملين بالدولة لكونهم من أصحاب الكوادر الخاصة.
واشار طايل خلال تصريحه الخاص لـ " الدستور الاصلى " انه يبحث حاليا داخل النقابة اليات التصعيد الاحتجاجى ضد الحكومة فى حال عدم الاستجابة لمطالب المعلمين المتمثلة فى ادراجهم ضمن مشروع زيادة الحد الادنى للاجور ، والتى تتمثل فى مقاطعة اعمال الثانوية العامة وتنظيم اعتصام مفتوح للمعلمين امام مجلس الوزراء حتى تنفيذ المطالب ،موضحا ان مطالب المعلمين تتمثل فى وضع حد ادنى للاجور يصل الى 3000 جنيه للمعلم عند بدء التعيين ، وتوحيد نظام التعاقد مع المعلم، مطالبا الحكومة باصدار قرار عاجل للمعلمين يتضمن اقرار حد ادنى للاجور يتناسب مع طبيعة عمل المعلم واهمية التعليم فى المجتمع ويتناسب مع كون المعلم حاصل على مؤهل عالى ومؤهل تربوى ودورات كمبيوتر ، كما طالب الحكومة باصدار قانون فورى لتجريم الدروس الخصوصية واعتبارها عملا مجرما .
واقترح مدير المركز المصرى امكانية لتدبير الحد الادنى للاجور بالنسبة للمعلمين دون تحميل الموازنة العامة للدولة اى اعباء مالية ،لافتا الى انه يمكن تدبير الاموال عن طريق تقليص الفجوة بين اقل اجر واعلى اجر شامل بحيث لا تتجاوز الخمس اضعاف ، مشيرا الى ان فجوة الاجور الان تصل الى 14 الف ضعف ، فيما يتعلق بالاجر الشامل ، وبناء عليه لا معنى لاخراج المعلمين من قانون الحد الادنى للاجور ، خاصة وان اجر المعلم عند بدء تعيينه الان هو 105 جنيه شهريا للمعلم ذوالمكافأة الشاملة و340 جنيه شهريا للمعلم المساعد، مؤكدا على ان هذة المرتبات لا تتناسب تماما مع تضخم الاسعار الحالية.

مازال اذناب النظام البائد هم الذين يديرون البلد في قنا وكيل الوزاره الفاشل ارسل فاكسات الي الادارات التعليميه بالتواجد في بعض المدارس المجمعه تحسبا لاضراب المنتدبين للثانويه العامه وعلي الجميع السمع والطاعه فما زال هؤلاء يرون ان هم اصحاب الامر والنهي في هذا البلدوكان المدرسين في رقبة كل منهم حبل يستطيع هؤلاء تحريكهم به ..بدل من معلجة الامر يري انه يستطيع ان يغير الكون .....يجب اقلة امثال هذا السفيه المنحط في افكاره وتصرفاته ...ولماذا تصر الوزاره علي ابقاء هؤلاء في مواقعهم ..لقد فاض بنا الكيل ..ولن نكون بديلا لاخواننا في الثانويه اذا قرروا الاضراب

نريد بيان رسمي يؤكد ان جميع الدرجات تستفيد من جدول الاجور الجديد

وأنا معاكم لأننا فى مركب واحدة بس فين مكان الإعتام بالضبط

معاكم معاكم معاكم كلنا فى مركب واحدة بس فين مكان الإعتصام بالضبط

الرجاء الذهاب للينك ده:


http://thanwya.com/vb/showthread.php?p=3491240

ربنا يوفقكم!!!!!!!!!!!!!!!!

ايه آخر الأخبار؟؟؟؟؟؟؟؟؟؟؟؟؟