مشاهدة النسخة كاملة : كدبت و صدقت نفسك ؟ ضاعت حياتك
احمد رضا 17-12-2007, 12:11 PM السلام عليكم و رحمه الله و بركاته
كتير بنحلم .. كتير بنكدب
غالبا ً بنصدق نفسنا
..
فترة في حياة الإنسان
الانسان بيبدأ يحلم فيها
يرسم حياته
وده مش وحش
بس الوحش انه
يبني قصر اوهام علي جسر من سراب
..
موقف
في سنه تانيه
أ / انت جبت كام في الثانويه العامه ؟
ب / جبت 98.8 %
في سنه تالته
أ / ازيك يا ( ب ) عملت ايه السنادى ؟
ب / للاسف قليت 0.1 % وجبت 98.7
يوم التنسيق
ب / ايه ده مجموعي 80 % ؟!!
يا لهوي !!
ايه ده مش معقول !!
انا مظلوم !!
والله العظيم مظلوم !!
ده انا جايب 98.7 !!
يجي يراجع نفسه
يفتح بوقه
و يقول آآآآآآآآآآآآه
ده انا كنت بشتغل الناس فاشتغلت نفسي
يفتكر انه اصلا جايب في تانيه 70 و في تالته مثلا 90
بس المشكلة عشان يحسن صورته قدام الناس
كدب
----
كدبت و صدقت نفسك
صح ؟
فوقت علي الحقيقه
مش كدا
-----
انت عبيط ولا ايه يا احمد فيه حد بيفكر بالطريقه دى ؟
اه فيه بيفكروا بالطريقه دى
وياريت علي اد كدا
دي حاجات اكتر من كدا
-----
مين الشخص ده يا احمد ؟
المريض النفسي حضرتك
في حياتي الشخصيه قابلت اكتر من مريض نفسي
لدرجه اني شكيت ان انا اللي مريض نفسي
قولت يمكن انا شايف العيب ده في الناس
وافتكرت ان فيه بعض الناس بتشوف ان العيب مش بيكون فيهم هما
وقولت يمكن انا منهم
لكن للأسف ..
طلعت عاقل ..
لما اتحقق ورا الشخص ده
والاقي كل كلامه كدب
وناس قريبه منه تقولي انت بتحكي عن مين ؟!! وتقولي حقيقته
وتيجي تواجهه
يحلفلك انه صادق
المشكلة ان صدق نفسه
والله العظيم يا جماعه بتحصل
----
أ / بتذاكر ؟
ب / اه ياعم بذاكر .. ده انا لسه واخد الاحياء كلها مراجعه
ده الاحياء دي انا مظبط فيها
.. لو انه كدب بس مفيش مشكلة .. لكن يصدق نفسه
حرام عليه
علي دماغه هوا
مع العلم ان المواقف دي بتحصل كتير
+++ مواقف حقيقيه +++
الأول
شخص من كام يوم
خلاص حلم انه بقه مغني مشهور
وهيغني مع اصاله
و جه يقولي و يحكيلي و ياخد رأيي !!
ناهيك انه هيغني مع مين
هو صوته وحش اصلا
والله ما اقبل اني اطلعه بعد الارسال بتاع التلفزيون يعمل وشششششششششش
----
التاني
بيحلم انه عمل بطولات للبلد
وعايش دور رأفت الهجان !! أن أن
والله العظيم يا جماعه ما بكذب وربنا يحاسبني علي الكلام ده
وفاكر ان الاجهزه الامنيه مستنيه تحت في الشارع لحمايته
طيب ده اتصرف معاه ازاي ؟
-----
التالت
عاش دور الشاعر
جاب قصايد ناس تانيه و المشكلة انهم معروفين
وعرضها علي انها قصايده
هههههه
لا حول ولا قوة إلا بالله
والله لو تسأله هيقولك انا اللي كاتبها
و ممكن يحلفلك كمان
خلاص صدق نفسه
هتعمله ايه ؟!!
----
فيه رابع وخامس
معانا في المنتدي هنا
واحد معروف للجميع .. و التاني ليا انا بس !!
بس احلامهم قزحت اوي
مبقاش فيها منطق
بيأكلو الناس الكدب ظلت مرة واحده علي بوق واحد
مش بالمعلقه واحده واحده
مش هقدر احكي عنهم
ياريت هما يحسوا و يفوقوا عشان حياتهم تمشي
بس عايز كل واحد بيحلم يفوق
احلم بس فوق وحقق
نابيلون هيل تقريبا او سكاند تقريبا مش فاكر
بيقول هل تعتقد ان بترديدك " انا اجيد الكمبيوتر سيؤدي الي نتيجه ايجابيه ؟ "
بالطبع لاء
نصيحه
احلم .. الحلم مش حرام ولا بفلوس
بس لازم تفوق عشان تحقق حلمك
لانك لو عشت فيه كتير
هتفوق
بس بعد ما هيكون الوقت فات خلاص
ولا هيبقي فيه وقت تكمل حلمك اللي انت عايشه
ولا هيبقي فيه وقت تحقق حلمك
سؤالي بقه
ياتري انت في حياتك اليوميه قابلت الاشخاص دى ؟
لو الاجابه اه
ايه رد فعلك بالنسبه ليهم ؟
لو الاجابه لاء
تفتكر لو قابلوك هتتصرف معاهم ازاي ؟
لو تقدر تحكي مواقف حصلك احكيه و بدون مبالغه وبكل صدق
عشان نقدر نعمل مقارنه
ملحوظة : فيه ناس من اللي بحكي عليها بتقري الموضوع .. وهتقول في نفسها
" ياااااااااه في ناس بالطريقه دي "
:):)
بنت العقيدة 17-12-2007, 12:53 PM موضوع جميل يا احمد تسلم ايدك
وانا قبلت بتاع المجموع ده
انا فى 3 ث والسنه الى فاتت جبت النتيجه بتاعت زمايلى كلها والدرجات وكله
وافاجىء ان لما وحده تسال واحده جبتى كام ده انا جبت ............. وتزود بالعشر درجات واكتر
بس انا كنت عارفه هما جيبين كام وانا الحمد لله لما حد بيسالنى جبتى كام بقول الصراحه ما بكدبش الانى لو كدبت هتبان فى التنسيق صح ولا لاء
وشكرا على الموضوع الجميل ده
fares elnet 17-12-2007, 01:19 PM شكرا يا احمد على الموضوع الجميل ده
وفعلا فيه ناس كتير بالطريقه دى
وانا قابلت ناس فعلا كدبوا الكدبة وعاشوا فيها مع الايام
ده سنة 1994 كنت بالخارج وياما سمعت فوازير وافلام من العينة دى
والمشكلة انه بيحكيلك على اللى هيعمله وهيقوله وبعد كده يقولك دا انا
وبعد كده تيجى تقوله يا عم ده كان فيلم وانت اللى قابله قدامى يقولك لا ده
حقيقى وحصلى وكذا وكذا يعنى بيعيش فى الاحداث فعلا
ربنا يهدى الجميع الى طريق الرشد والهداية من عند الله وشكرا لموضوعك
معلش طولت عليك
TEMO_KHALED 17-12-2007, 02:25 PM عندك حق يا احمد والله السنة الي فاتت في امتحان الكيمياء واحد معانا في الفصل قال أنا جايب 46 و في الحقيقة هو جايب 23 تخيل بيكدب في كام درجة ؟؟؟؟؟ ....... امشكلة يا احمد ان الناس دي مش بس بتالف في الدرجات لأ دول بيالفوا في كل حاجة مثلا يقول انا ساكن في فيلا في الرحاب وهو ساكن في المطرية . يقول أنا ابويا معاه عربية لانسر و هو اصلا مش عنده عربية .............زوحجات كتير ..ربنا يستر
وشكرا يا ميدو عال موضوع
احمد رضا 17-12-2007, 06:25 PM موضوع جميل يا احمد تسلم ايدك
وانا قبلت بتاع المجموع ده
انا فى 3 ث والسنه الى فاتت جبت النتيجه بتاعت زمايلى كلها والدرجات وكله
وافاجىء ان لما وحده تسال واحده جبتى كام ده انا جبت ............. وتزود بالعشر درجات واكتر
بس انا كنت عارفه هما جيبين كام وانا الحمد لله لما حد بيسالنى جبتى كام بقول الصراحه ما بكدبش الانى لو كدبت هتبان فى التنسيق صح ولا لاء
وشكرا على الموضوع الجميل ده
تمام يا بنت العقيده
مفيش حاجة مستاهله الكدب والله
تسلم ايدك علي الرد
وشئ يشرفني انك تكوني من اوائل اللي يردوا علي موضوعي
نورتي بمرورك
احمد رضا 17-12-2007, 06:32 PM شكرا يا احمد على الموضوع الجميل ده
وفعلا فيه ناس كتير بالطريقه دى
وانا قابلت ناس فعلا كدبوا الكدبة وعاشوا فيها مع الايام
ده سنة 1994 كنت بالخارج وياما سمعت فوازير وافلام من العينة دى
والمشكلة انه بيحكيلك على اللى هيعمله وهيقوله وبعد كده يقولك دا انا
وبعد كده تيجى تقوله يا عم ده كان فيلم وانت اللى قابله قدامى يقولك لا ده
حقيقى وحصلى وكذا وكذا يعنى بيعيش فى الاحداث فعلا
ربنا يهدى الجميع الى طريق الرشد والهداية من عند الله وشكرا لموضوعك
معلش طولت عليك
طولت عليا ايه يا استاذ حسام
انا ببقي مبسوط جدا لما حد زي حضرتك يناقشني
نورت يا استاذ حسام
واللهم اهدي الناس جميعا
احمد رضا 17-12-2007, 06:35 PM عندك حق يا احمد والله السنة الي فاتت في امتحان الكيمياء واحد معانا في الفصل قال أنا جايب 46 و في الحقيقة هو جايب 23 تخيل بيكدب في كام درجة ؟؟؟؟؟ ....... امشكلة يا احمد ان الناس دي مش بس بتالف في الدرجات لأ دول بيالفوا في كل حاجة مثلا يقول انا ساكن في فيلا في الرحاب وهو ساكن في المطرية . يقول أنا ابويا معاه عربية لانسر و هو اصلا مش عنده عربية .............زوحجات كتير ..ربنا يستر
وشكرا يا ميدو عال موضوع
والله يا ميدو انا بتعب نفسيا من الناس دى
المشكلة اجي المحله يقولي ايه ده ؟ فيه حد في الدنيا دي بالشكل ده ؟ !! بيكون عايز يخليني انتحر
هههههههههههه
نورت التوبيك يا تيمو
am_online5 17-12-2007, 07:00 PM ههههههههههه
فكرة جامدة
علي فكرة والله كلامك صح بيحصل
في احسن العقول
هههههههههه
ghosts_kingdom 17-12-2007, 07:21 PM الله عليك ياابو رضا ايه الحلاوة دى
بارك الله فيك وزادك خيرا ونورا
فااااااااااااكرنى ولا
؟؟؟؟؟؟؟؟؟؟؟؟؟؟؟؟؟؟
هبه محمود 17-12-2007, 07:28 PM ههههههههههههههههه والله فعلا اللى انت بتقوله ده بيحصل ومن اقرب الناس ليك هههههههههه هنعيش دايما فى الكذب لحد امتى
احمد رضا 17-12-2007, 07:51 PM ههههههههههه
فكرة جامدة
علي فكرة والله كلامك صح بيحصل
في احسن العقول
هههههههههه
هههههه ماشي ياعم ايام اون لين
بس مقولتليش هتتعامل معاهم ازاي
نورت التوبيك يا معلم
احمد رضا 17-12-2007, 07:53 PM الله عليك ياابو رضا ايه الحلاوة دى
بارك الله فيك وزادك خيرا ونورا
فااااااااااااكرنى ولا
؟؟؟؟؟؟؟؟؟؟؟؟؟؟؟؟؟؟
طبعا يا نادر باشا
ما انا اخد بالي من التوقيع
واحشني والله
نورت يا جميل
احمد رضا 17-12-2007, 07:54 PM ههههههههههههههههه والله فعلا اللى انت بتقوله ده بيحصل ومن اقرب الناس ليك هههههههههه هنعيش دايما فى الكذب لحد امتى
هنعمل ايه يا هبه
خلاص الكدب بقه حياة
ربنا يهدي الجميع
بس انتي مقولتيش انتي بتتعاملي مع النوعيات دى ازاي
نورتي التوبيك
dr.zomba 17-12-2007, 10:51 PM حبيب هرتي يا ياعم احمد
الموضوع جميل وحقيقي جدا وواقعي جدا جدا وانا ليا جاري وصاحبي ويمكن شبه اخويا وللاسف فيه العيب دا ومش ليه موقف واحد معايا لا موااااااااااااقف
بس انا هكلمك بصراحه انا حصلت معايا مره واحده اني كدبت كدبه وصدقتها (ربنا امر بالستر بقي:D)
بس الحمد لله مطولتش في الموضوع ورجعت بسرعه لارض الوقع والله مش بعيش كتير في الخيال :rolleyes:
وعلي فكره بصراحه دا بيكون في الغالب نوع من انواع النقص بكل انواعه بقي نقص شخصيه اصدقاء ثقه في النفس
او مثلا مذاكره:D
والموضوع جميل يا احمد شكرا علي الموضوع:)
zizo2_2 18-12-2007, 12:34 AM لماذا يكذب الإنسان
أنا برأيي إن الإنسان قد يكذب بسبب ضعف في شخصيته وعدم قدرته على البوح بالصدق .
فكم من الأشخاص وقف حاجزا أمام الكذب وقال الحقيقة وهو يعلم تماما إن الحقيقة سوف تضره ولكن خاف من الله سبحانه وتعالى لأن الكذب حرام وطريقه قصير ومهلك.
الكذب ليس له أي مبرر أبدا وللاسف هناك أشخاص يتساهلون بموضوع الكذب ويظنون أنه ليس إثما يعاقبون عليه
من يكذب ليس له أي عذر أو سبب ،، مالفائدة إذا أرضيت الناس وأغضبت الله سبحانه وتعالى
ولايخفى على الجميع أن الكذب صفة من صفات المنافقين ففي الحديث قول صلى الله عليه وسلم ( آية المنافق ثلاث إذا حدث كذب وإذا وعد أخلف وإذا أؤتمن خان )
ماذا بعد النفاق ،، في رأيي أن النفاق وحده سببا كافيا للبعد عن الكذب ، فمابالك بالأضرار الأخرى التي يخلفها الكذب
جاكم الله خيرا على الطرح الهائل اخي احمد
Taleba Me7tasa 18-12-2007, 01:50 AM ايه دة ايه دة ؟ مين بيجيب ف سيرة الاحياء هنا :p
بس فعلا اوحش واخطر حاجة ان حد يكدب ويصدق نفسه
والناس اللي بتقول هما من المنتدى هنا حاول تكلمهم يا احمد بهدوء كدة
واكسب فيهم ثواب عشان ميضيعوش نفسهم ، ماهي مش ناقصة ضياع
وبالنسبة لي انا اعرف ناس زمايلي يعني من النوع دة
دة لسة النهاردة ف درس الاحياء برضه (سبحان الله :D ) كان عندنا امتحان على فصل رخم جدددددددا بيتكلم عن هرمونات كتير ف جسمنا ووظائف بالهبل ولو نقص ولو زاد يعني باختصار اللخبطة فيه للركب
واحدة صحبتي جاية النهاردة مذاكرة وتمام ها يا باشا لالا دة من اسهل الفصول دة صغير وتافه مش محتاج يعني ، ماعلينا ربنا يسهل لعبيده يبقى انا اللي مخي متركب غلط
اول ما سلمت الورقة ( انا الانزيمات كلها ضربت عندي خااااااالص )
ولو نلاحظ الفصل اصلا بيتكلم عن الهرمونات مش الانزيمات
بس ما علينا ماهي خلاص هرمونات ولا انزيمات ضربت ضربت
بس مين صحيح الناس الغريبة اللي بتقول عليهم دول
هو الواحد ممكن يشتغل نفسه اه
بس مش لدرجة يبقى رافت الهجان او يغني مع اصالة
معلش لو طولت بس موضوعك جميل فعلا
مروج البحر 18-12-2007, 04:42 PM عندك حق يا اخي في الاسلام ربنا يهدينا اجمعين ويتوب علينا وجزاك الله خيرا
ان شاء الله
احمد رضا 18-12-2007, 05:38 PM حبيب هرتي يا ياعم احمد
الموضوع جميل وحقيقي جدا وواقعي جدا جدا وانا ليا جاري وصاحبي ويمكن شبه اخويا وللاسف فيه العيب دا ومش ليه موقف واحد معايا لا موااااااااااااقف
بس انا هكلمك بصراحه انا حصلت معايا مره واحده اني كدبت كدبه وصدقتها (ربنا امر بالستر بقي:D)
بس الحمد لله مطولتش في الموضوع ورجعت بسرعه لارض الوقع والله مش بعيش كتير في الخيال :rolleyes:
وعلي فكره بصراحه دا بيكون في الغالب نوع من انواع النقص بكل انواعه بقي نقص شخصيه اصدقاء ثقه في النفس
او مثلا مذاكره:D
والموضوع جميل يا احمد شكرا علي الموضوع:)
فعلا زي ما انت بتقول يا عادل
نوع من انواع النقص
وتقريبا معظمنا مر بمراحل زي دي كدا
بس مش تتحول لعيشه بقه
نورتني ياعدوول
احمد رضا 18-12-2007, 05:39 PM لماذا يكذب الإنسان
أنا برأيي إن الإنسان قد يكذب بسبب ضعف في شخصيته وعدم قدرته على البوح بالصدق .
فكم من الأشخاص وقف حاجزا أمام الكذب وقال الحقيقة وهو يعلم تماما إن الحقيقة سوف تضره ولكن خاف من الله سبحانه وتعالى لأن الكذب حرام وطريقه قصير ومهلك.
الكذب ليس له أي مبرر أبدا وللاسف هناك أشخاص يتساهلون بموضوع الكذب ويظنون أنه ليس إثما يعاقبون عليه
من يكذب ليس له أي عذر أو سبب ،، مالفائدة إذا أرضيت الناس وأغضبت الله سبحانه وتعالى
ولايخفى على الجميع أن الكذب صفة من صفات المنافقين ففي الحديث قول صلى الله عليه وسلم ( آية المنافق ثلاث إذا حدث كذب وإذا وعد أخلف وإذا أؤتمن خان )
ماذا بعد النفاق ،، في رأيي أن النفاق وحده سببا كافيا للبعد عن الكذب ، فمابالك بالأضرار الأخرى التي يخلفها الكذب
جاكم الله خيرا على الطرح الهائل اخي احمد
جزانا و اياك كل الخير يااستاذ زيزو
وربنا يهدي الجميع والله نفسي علي الاقل الاتنين اللي معانا هنا يفوقوا عشان كدا حرام عليهم
احمد رضا 18-12-2007, 05:42 PM ايه دة ايه دة ؟ مين بيجيب ف سيرة الاحياء هنا :p
بس فعلا اوحش واخطر حاجة ان حد يكدب ويصدق نفسه
والناس اللي بتقول هما من المنتدى هنا حاول تكلمهم يا احمد بهدوء كدة
واكسب فيهم ثواب عشان ميضيعوش نفسهم ، ماهي مش ناقصة ضياع
والله مش عارف اجبهالهم ازاي ؟ قولت يمكن الموضوع ده يفوقهم ..
وبالنسبة لي انا اعرف ناس زمايلي يعني من النوع دة
دة لسة النهاردة ف درس الاحياء برضه (سبحان الله :D ) كان عندنا امتحان على فصل رخم جدددددددا بيتكلم عن هرمونات كتير ف جسمنا ووظائف بالهبل ولو نقص ولو زاد يعني باختصار اللخبطة فيه للركب
واحدة صحبتي جاية النهاردة مذاكرة وتمام ها يا باشا لالا دة من اسهل الفصول دة صغير وتافه مش محتاج يعني ، ماعلينا ربنا يسهل لعبيده يبقى انا اللي مخي متركب غلط
اول ما سلمت الورقة ( انا الانزيمات كلها ضربت عندي خااااااالص )
ولو نلاحظ الفصل اصلا بيتكلم عن الهرمونات مش الانزيمات
بس ما علينا ماهي خلاص هرمونات ولا انزيمات ضربت ضربت
بس مين صحيح الناس الغريبة اللي بتقول عليهم دول
هو الواحد ممكن يشتغل نفسه اه
بس مش لدرجة يبقى رافت الهجان او يغني مع اصالة
معلش لو طولت بس موضوعك جميل فعلا
ههههههههههههههههههههه انا ببقي هموت لما بشوف الشخصيات دى
ربنا يهديهم والله
وربنا يوفقك في الانزيمات و الهرمونات و جو الهندسه الوراثيه دى
نورتيني يا طالبه
احمد رضا 18-12-2007, 05:43 PM عندك حق يا اخي في الاسلام ربنا يهدينا اجمعين ويتوب علينا وجزاك الله خيرا
ان شاء الله
اللهم آمين يا ( مروج البحر )
نورتي الموضوع بمرورك
fares elnet 20-12-2007, 12:24 PM بليز انا مش عارفه اساسا انت بتتكلم عن ايه عن اللى كان نفسه يحقق حلمه ويجيب الاول فى حياتة الدراسيه
ولا علشا اللى كان نفسه يحقق زاته فى حياته المستقبليه بمعنى
انه بيحب واحده وبيحارب علشان يخد ها ولا ايه
ياريت افهم يااستاذ امد علشان ابقه عارفه ارد
ياااااااااااااااريت
بليز
بس
تم نقل استفسارك فى الموضوع
براءة 20-12-2007, 01:31 PM اولا احب اشكرك ع موضوعك :)
ع فكرة والله الموضوع ده ف بالى من زماااااااااااان
الحياة دلوقتى ماشية كده ،،، اكدب ع نفسك ،، صدقها ، علشان انت عاوز تصدقها .
امشى غلط ،، وامسك فى اى مبرر ، اضحك بيه ع نفسك .
والاجمل لما تعرف ان الناس بتستعبطك وبردو ،،،، امسك فى اىىىىى مبرر
حياتنا كلها كدب ع النفس
لما تدخل جامعة خاصة ، يبقي انت بتكدب ع نفسك
لما تدخل سينما فيلم سافل ،ويقولك، احنا بنعرض قضية،وتعمل نفسك مصدقهم يبقي انت كداااااب ع نفسك
لما تضيع وقتك فى حب وقرف ،، ابشرك انت بتضحك ع نفسك
لو فاكر ان الحياة فهلوة شطارة بس ،،، بتضحك ع نفسك
لو تعتقد ان المشكلة فى اللى حواليك
غبي
بتكدب ع نفسك
لو فاكر انك مقتول لان محدش حاسس بيك بردو كداب ، بتضحك ع نفسك
الانسان
لو اعترف لنفسه
بغباؤه وقرر
يكون صادق مع نفسه .،
الاحوال هتتغير كتييييييييييييير
بس مين يعمل كده ؟؟!!
الرهينه 20-12-2007, 02:14 PM بجد موضوع رائع يا ابوحميد كالعاده طبعا
فى مشكله انت مش اتكلمت فيها وده سبب مهم من الاسباب اللى بتخلى الواحد يكدب ويصدق نفسه
ان العقل مش بيفرق بين الواقع والحقيقه
بمعنى انك لما تتخيل حاجه او تحلم بحاجه
عقلك الباطن بيخيلك انها حصلت ف الحقيقه
واوضح مثال على كده
لو مثلا واحد هيقابل *** بكره و*** ده هيكلمه ف موضوع"............."
هو هيعد يتخيل ان *** هيسأله السؤال ده وهيتخيل نفسه وهو بيرد عليه
فيجى اليوم اللى بعده يرد على نفس السؤال بس ف الحقيقه
مش هيعرف يجمع لان نفس الكلام ده حصل قبل كده ف عقله الباطن:D
ده سبب من الاسباب اللى بتخلى الانسان يكدب ويصدق نفسه
وكمان معظم اللى بيكدبوا ده اذا مكنش كلهم بيكدبوا عشان مظهرهم ادام الناس
ايوه الجنتله بتحكم :D
المهم انهم بيبقوا مفقوسين يعنى تلاقى واحد بيعرف الالف من كوز الدره بمعجزه ويقولك انا جبت مش عارفه 95 وساعات بيبقى الفشر على كبير ويقولك 99.9 :D
يلا نهايته بس بأمانه موضوع جامد جدا
تسلم يا باشا وسورى ع الاطاله
احمد رضا 31-12-2007, 06:27 PM تم نقل استفسارك فى الموضوع
بتكلم عن اللي بيكدب كتير و من كتر ما كذب صدق نفسه
شكرا لمرورك
اولا احب اشكرك ع موضوعك :)
ع فكرة والله الموضوع ده ف بالى من زماااااااااااان
الحياة دلوقتى ماشية كده ،،، اكدب ع نفسك ،، صدقها ، علشان انت عاوز تصدقها .
امشى غلط ،، وامسك فى اى مبرر ، اضحك بيه ع نفسك .
والاجمل لما تعرف ان الناس بتستعبطك وبردو ،،،، امسك فى اىىىىى مبرر
حياتنا كلها كدب ع النفس
لما تدخل جامعة خاصة ، يبقي انت بتكدب ع نفسك
لما تدخل سينما فيلم سافل ،ويقولك، احنا بنعرض قضية،وتعمل نفسك مصدقهم يبقي انت كداااااب ع نفسك
لما تضيع وقتك فى حب وقرف ،، ابشرك انت بتضحك ع نفسك
لو فاكر ان الحياة فهلوة شطارة بس ،،، بتضحك ع نفسك
لو تعتقد ان المشكلة فى اللى حواليك
غبي
بتكدب ع نفسك
لو فاكر انك مقتول لان محدش حاسس بيك بردو كداب ، بتضحك ع نفسك
الانسان
لو اعترف لنفسه
بغباؤه وقرر
يكون صادق مع نفسه .،
الاحوال هتتغير كتييييييييييييير
بس مين يعمل كده ؟؟!!
كلامك واقعي جدا يا امه الرحمن
فعلا بتحصل كل يوم والله
ربنا يهدي الجميع
منورة بكلماتك
بجد موضوع رائع يا ابوحميد كالعاده طبعا
فى مشكله انت مش اتكلمت فيها وده سبب مهم من الاسباب اللى بتخلى الواحد يكدب ويصدق نفسه
ان العقل مش بيفرق بين الواقع والحقيقه
بمعنى انك لما تتخيل حاجه او تحلم بحاجه
عقلك الباطن بيخيلك انها حصلت ف الحقيقه
واوضح مثال على كده
لو مثلا واحد هيقابل *** بكره و*** ده هيكلمه ف موضوع"............."
هو هيعد يتخيل ان *** هيسأله السؤال ده وهيتخيل نفسه وهو بيرد عليه
فيجى اليوم اللى بعده يرد على نفس السؤال بس ف الحقيقه
مش هيعرف يجمع لان نفس الكلام ده حصل قبل كده ف عقله الباطن:D
ده سبب من الاسباب اللى بتخلى الانسان يكدب ويصدق نفسه
وكمان معظم اللى بيكدبوا ده اذا مكنش كلهم بيكدبوا عشان مظهرهم ادام الناس
ايوه الجنتله بتحكم :D
المهم انهم بيبقوا مفقوسين يعنى تلاقى واحد بيعرف الالف من كوز الدره بمعجزه ويقولك انا جبت مش عارفه 95 وساعات بيبقى الفشر على كبير ويقولك 99.9 :D
يلا نهايته بس بأمانه موضوع جامد جدا
تسلم يا باشا وسورى ع الاطاله
والله يا جهاد العقل عندهم بيفرق وكل حاجة
بس الانسان غصبن عنه لما بيكدب كتير و بيكرر بيصدق بجد والله
يالا ربنا يهدي الجميع
شكرا علي رأيك
مشتاقة لرضا الله 26-05-2008, 09:33 AM ههههههههههههههههههههههه
حلو الموضوع ده يا استاذ احمد
بس معلش عندى سؤال
هو حضرتك ايه اللى خلاك تقابل ناس بالشكل الغريب ده
انا عمرى ماقابلت حد كده بصراحه
وكمان مش عايزه اقابلهم
والحمد لله انا مش كده خالص
انا بحب الصراحه اوى
وكمان مش بحب احلم عشان الاحلام فى نظرى ملهاش لزمه
زى قلتها
ويمكن قلتها احسن كمان
والف شكر ع الموضوع الجميييييييييل ده
dawen_hack 27-05-2008, 01:04 AM زي الفل تسلم ايدك
sh2awa _ 91 27-05-2008, 01:42 PM كلام جامد جدا واسلوبك رائع يا احمد ماشاء الله . بس عارف اية الي اصعب واغرب من كل دة : ان حد يتخيل انه عايش في دور الصداقة ويكدب على الناس ويعمل بيحبهم و انه مخلص ليهم .. ويكدب ويكدب ويخون ليل نهار و يقول انا صديق ولما الناس تكتشف امره يبقى مقتنع انه مش كدة وانه كان صديق وفي مع ان هو ماشي بمدأ غلط بس هاتعمل اية ولا تقول لمين .
ثاااااااااااااااااااااااااااااااااااانكس
dr.saeed 01-08-2008, 10:52 PM الله عليك يا احمد
تسلم ايدك
Dr.Nobel 01-08-2008, 11:03 PM موضوع حلو اوى
والواحد قابل كتييييييييير من الناس دي
ebrahem_el 01-08-2008, 11:33 PM ألف شكر على الموضوع الجميل ده
انا للأسف عايش مع اثنين من النوع ده و اللي حالتهم ميؤس منها
الاول : صاحبي او اللي كان صاحبي
هو كل حياته عباره عن اوهام و خيالات , هو انسان متفوق و جايب 406 و دخل كلية طب , مشكلته انه بيكدب و يصدق الكدبة و يعيشها , بس انا لاحظت حاجه في اي واحد كداب , مثلا هيقولي احنا عندنا بيت في مدينة نصر كمان يومين و يكون واحد صاحبنا ماشي معانا يقول دا احنا عندنا بيت في الهرم . مع انه كان قايل قدامي بس انه في مدينة نصر ... ولو قلت ليه ايه يا عم مش هو في مدينة نصر ... بقدرة قادر يغير الموضوع من غير ماحد يحس .
مش انا لوحدي اللي لاحظت الموضوع ده ... انا لقيت تقريبا كل زمايلنا مخنوقين منه ومش طايقينه .. و علشان كنا صحاب في يوم من الايام قلت لازم اتكلم معاه و انصحه
اتمشيت معاه في يوم لوحدنا و لمحت ليه من بعيد عن الموضوع ده ... طلع كل الناس غلطانه وهو الصح و هو الانسان الكويس اللي في البلد دي كلها و مافيش حد زيه ... الصراحه انا سبته يتكلم و خلاص ... المشكله انا مابعرفش احرج اي حد ابدا .
اي كليه في مصر له فيها ابن خاله ... ماتعرفش ولاد خالاته دول كام !
بنت عمه كانت احياء السنه اللي فاتت و السنه دي دخلت هندسة بترول !!! المشكله اني اعرفه كويس و اعرف عائلته كويس اوي
الكبيره و الجديده ... انا اتعرض عليا من الجامعه الالمانيه منحه دراسيه ... في كليه ايه ؟ كليه طب ؟؟؟؟؟؟!!!!!
يـــــــــــــا نـــــــــــــــــــــــــاس هو فيه في الجامعه الالمانيه كلية طب اصلا ؟؟؟
بجد بيصعب عليه و الناس كلها دلوقتي بتقف معاه علشان تدحك عليه ... بجد هو محتاج يروح لدكتور نفسي لانه بقى في حاله صعبه مع انه ابن ناس و اهله ناس مستريحه ماديا اوي ... بس ماتعرفش دا نقص ولا مرض ؟
التاني : صاحب ابويا
بس ده انسان حدوته كبيره و في الغالب انا اتوقع انه نصاب كبير
و اجدد حاجه ليه .. بسأله ابنك عمل ايه في الثانويه العامه ... قالي انو جايب 86
و بالصدفه كنت بعمل حاجه في البلد بتاعتهم و عرفت ان ابنه جايب 66.6 و معاه ملحق كمان
اما بالنسبه ليا انا ... انا ممكن اكدب على نفسي و اعيش الكدبة شويه على نفسي بس بكون عارف اني بكدب على نفسي بس بكون فايق وانا بحلم على نفسي
يعني بحلم اني في يوم من الايام اكون راجل اعمال كبير اوي و عندي عربيه همر !!! دا محور احلامي ... اتطلع لحياة
و الف شكر على الموضوع
marioom 02-08-2008, 12:34 AM موضوعك واقعى 100% و انا اعرف واحدة مامتها و هى قالو انها جابت السنة دى 94% و طلعت جايبة 54%
و غير كدة اعرف واحد كان فاكر نفسو عبقرى لحد مصدق نفسه و النتيجة انه لما فكر يعمل اختراع كهربنى و كنت هموت لكن الحمدلله جت سليمة
dr.saeed 02-08-2008, 04:38 PM شكرا جزيلا للمتابعة من الاعضاء
فى امان الله
JusT DreaM 03-08-2008, 11:25 AM فعلا في ناس كتير بالشكل ده
وتقريبا كل الناس اللي بتعمل كده بيبقى الموقف اللي بتكدب فيه متشابه
ان هي لما تغلط في حد تكدب وتطلع نفسها ان هي المظلومة وتعيش بقى في دور المظلومين
موضوع جميل جدا
ويستحق التنشيط
جزاك الله خيرا
JusT DreaM 03-08-2008, 11:33 AM فعلا في ناس كتير بالشكل ده
وتقريبا كل الناس اللي بتعمل كده بيبقى الموقف اللي بتكدب فيه متشابه
ان هي لما تغلط في حد تكدب وتطلع نفسها ان هي المظلومة وتعيش بقى في دور المظلومين
موضوع جميل جدا
ويستحق التنشيط
جزاك الله خيرا
الشفق الباكي 03-08-2008, 11:39 AM موضوعك جميل اوى يااحمد
وفعلا فى ناس كتير بتكدب مش هقول بتحلم لان الحلم مش العيب
العيب فى اللى بيكدب يحلم ويحلم ويكدب على نفسه وعلى اللى حواليه بحلمه دا
فعلا احنا بنقابل ناس كتير اوى بتكدب فى حياتنا ابسط حاجه موضوع المجموع اللى انت قلت عليه دا بس على فكره معتقدش انهم بينسوا انهم كدابين
لان الكداب واللى بيحلم عارف انه بيحلم وانه بيكدب على نفسه
ممكن علشان مايعش الواقع اللى هوالمفروض يعيشه
ممكن كدبه دا مجرد هروب من مواجهه واقع هو مش عايز يواجه دا ممكن يكون له عذره
لكن المشكله فى اللى بيحلم وبيكدب وهو متحققله كل حاجه يعنى مش محتاج يكدب ولا يهرب من واقع
داياترى بيكدب و يعيش اللى حواليه كدبه دا
اناعاوز اضيف حاجه للموضوع يا احمد
انا موتى وسمى اسأل حد عن مجموعه ويروح قايلى قول انت الاول
وفى الاخر تلاقيه بيبنى مجموعه على مجموعى
لو انا جايب قليل يقول درجته الحقيقيه
ولو انا جايب عالى يألف من دماغه
زى ماكون هذله او هألس عليه
عالم مريضه فعلا زى ما انت قلت
Cray_Bird91 03-08-2008, 05:02 PM دى ترجع لشخصية الانسان وحياته والثقة اللى بياخدها من اقرب الناس ليه
للاسف الموضوع ده انتشر جامد وبالذات لما يكون شاب بيجامل بنت عشان يكبر فى نظرها ويستغل مشاعرها فى حاجات ملهاش لازمة
شكرا ليك الموضوع جميل جد وربنا يهدى
اللهم ادخلني الفردوس 04-08-2008, 10:20 AM أ / بتذاكر ؟
ب / اه ياعم بذاكر .. ده انا لسه واخد الاحياء كلها مراجعه
ده الاحياء دي انا مظبط فيها
ههههه دانا اصحابي بيعملو العكس . بتذاكري ؟ ولا بفتح الكتاب ونيجي في الامتحان الشامل الوحيده اللي مقفله الدرجه هههههههه الناس دي غريبه والله
العمر 04-08-2008, 10:29 AM موضوع جميل جدا..
.[COLOR="Blue"][جزاك الله كل خير يا أخى... /COLOR]
|