"التربية والتعليم" تعلن تطبيق الحد الأدنى للأجور على المعلمين

السبت، 4 يونيو 2011 - 18:59
http://www.youm7.com/images/NewsPics/large/s2201128135416.jpg أحمد جمال الدين موسى وزير التربية والتعليم
كتب حاتم سالم
http://www.youm7.com/images/graphics/lg-addthis-en.gif (http://www.youm7.com/bookmark.php?v=20) http://www.youm7.com/images/graphics/igoogle.gif (http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml)
أعلن الدكتور طارق الحصرى مساعد وزير التربية والتعليم للتطوير الإدارى، أن المعلمين سيدخلون ضمن مشروع الدولة لإعادة هيكلة الأجور ، ووضع حدين أدنى وأقصى لها .

وأكد "الحصرى" فى تصريحات خاصة لـ "اليوم السابع" أن الوزير أجرى ظهر اليوم اتصالا هاتفيا بالدكتور سمير رضوان وزير المالية، والذى أكد له أن المعلمين سيكونون أحد الفئات التى ينطبق عليها الحد الأدنى للأجور لأن رواتبهم عند بداية التعيين بالدولة لا تتجاوز 700 جنيه شهريا إلى جانب أن درجاتهم الوظيفية المقررة فى قانون الكادر مستوحاة من الدرجات المنصوص عليها بقانون العاملين بالدولة 47 لسنة 78 .

وكانت حالة من الجدل قد سيطرت على المعلمين خلال ال48 ساعة الأخيرة بعد انتشار أنباء عن استبعاد المعلمين من الجدول الجديد لأجور الموظفين بدعوة أنهم من أصحاب الكوادر الخاصة ، إلا أن مساعد وزير التعليم للتطوير الإدارى أكد أن المعلمين سيدخلون ضمن الفئات التى سينطبق عليها الجدول الجديد.


المصدر : اليوم السابع
http://www.youm7.com/News.asp?NewsID=428006&SecID=65&IssueID=168

للاسف انا كنت اول من شرح انهم لن يستطيعوا منع المعلمون من الزيادة فى الحد الادنى واننا استعجلنا لكن لقيت هجوم على وكاننى معادى للثورة

لازم تعرفوا اننا اى المعلمون لسنا قلة فى البلد واللى يقول غير كده يبقى هو اللى حاسس بالقلة
وهذا تصريح من اول من فجر الهجوم انظروا ماذا يقول
انا الحقيقه مفجر موضوع قيمه الحد الادنى بالمنتدى واول خبر وطالبت فيه بالاعتصام لانه ظلم وده واضح من مشاركاتى ولكن انا بأكد ان الوزارة والله بعتت لى رساله مفادها اننا ضمن الهيكل الجديد للاجور وخاصه على الاميل والفيس بوك وده اوضح دليل وشكرا لموقفنا الثابت لاننا على حق ومش بنلوى دراع حد ده العدل ازاى اتساوى مع واحد بدون تعليم مع انى ارفض العنصريه ولكن الازدواجيه هما ليهم تقديرهم ووظائفهم مش بقلل منهم بس انا بتكلم فى نقط الدرجات الماليه وليس المهن

بيعتذر بعد اتضاح الامر

اولا الكلام ده مش رسمي
ثانيا
الوزير لا يملك ادخالنا في الحد الادنى للاجور
ثالثا
التصريح لازم يكون من وزير المالية ويتم التطبيق على كل العاملين بالوزارة
رابعا
اياكم ان تنخدعوا بمثل تلك التصريحات

يا جماعة افهموا هو وزير المالية اصلا صرح اننا محرومون علشان يصرح انه لينا

الخبر اتنشر فى الجرايد وكذبه مصدر من وزير التعليم

زى ما نكون عايزين ننحرم من الحد الادنى

ياريت نفكر بعقلانية و احنا مش قلة واللى مفروض نكدبهم هم اللى بيقولوا انهم اتصلوا وقلهم ان الوزير مقلش وبينفخوا فى النار

المعلمين مش قلة ومحدش يقدر يعاملهم بكده

ماهو قال للى اقل من700جنية
يعنى بمبة

خد بالك من الكلام وفسره كويس

المصيبة مازالت قائمة لأن العباقرة سوف يحسبون الإجمالى على النحو التالى


الأساسى + الأجورالمتغيرة + الحوافز + بدل المعلم + بدل الإعتماد + توزيع مكافأة الامتحانات على شهور السنة

وبكده يبقى جميع المعلمين لا يستحقون الحد الأدنى لأنهم يتخطون 700 جنيه بالحسبة السابقة

يا جماعة لسة تفاصيلالصرف وحسابها ازي

هل تعلم ايها المعلم السلبى الجبان ان هذا الوزير وهو معين مخصصوص علشان يغطى على موضوع الدرجات المتوقفة وهو الذى أوعز لوزارة المالية ان المعلمين يتمتعون بكادر ولذلك لا يستحقون أى زيادات فماذا أنتم فاعلون هل ستناموا تانى فى العسل بعد النفى الشفهى الذى قدمه أحد أذناب الوزير أم انكم ستواصلون للحصول على كافة حقوقكم وطرد هذا الوزير الذى يسوى بين الفراش والمعلم مربط الفرس هو الدرجات وليس الحد الأدنى

الخبر على بوابة الخدمات الاليكترونية بيقول

أعلن مصدر مسئول بوزارة التربية والتعليم أن المعلمين سيدخلون ضمن مشروع الدولة لإعادة هيكلة الأجور، وتطوير منظومة الأجور .
وأكدت الوزارة أن الدكتور أحمد جمال الدين موسي أجرى ظهر اليوم اتصالا هاتفيا بالدكتور سمير رضوان وزير المالية، والذى أكد له أن المعلمين سيكونون أحد الفئات الهامة التى ينطبق عليها إعادة هيكلة وتطوير منظومة الأجور .
وحيث أن المعلم أبرز عناصر العملية التعليمية التي يرتكز عليها تطوير التعليم، لذلك يتحتم استفادة المعلمين بكافة وظائفهم من تطوير منظومة الأجور ومن رفع مرتباتهم.

يعنى هنتعامل زى اى موظف فى الدولة لان ده يا جماعة اسمه حد ادنى ولكل درجة الحد الادنى بتاعها يعنى الدرجة السادسة هى اللى شرط انها تكون اقل من 700 علشان تاخد ال 700 يعنى مفيش ظلم خالص فلا تقلقوا

وادى جدول جريدة الاخبار رغم انى لا اثق فى جريدة الاخبار لانها هى مفجرة الفتنة والاخبار الغلط
http://www.akhbarelyom.org.eg/files/photos/akhbarelyom/03062011092917.jpg

نفسي حد يفهمني الجدول دا ماشي ازاي

اظاهر ان الجدول واقف مش ماشى

نفسي حد يفهمني الجدول دا ماشي ازاي
وانا زى حضرتك والله عاوز حد يفهمنى الجدول دة وكمان موضوع ال700جنيه للأقل من هذا المبلغ اما الاقدم يكون مصيره ايه **ايه التعمية وعدم الشفافية دى ليه اللف والدوران وعدم الوضوح

الجدول مرتبط بالدرجات واحنا لم يعد لنا درجات .. أين الدرجات ؟

هل تعلم ايها المعلم السلبى الجبان ان هذا الوزير وهو معين مخصصوص علشان يغطى على موضوع الدرجات المتوقفة وهو الذى أوعز لوزارة المالية ان المعلمين يتمتعون بكادر ولذلك لا يستحقون أى زيادات فماذا أنتم فاعلون هل ستناموا تانى فى العسل بعد النفى الشفهى الذى قدمه أحد أذناب الوزير أم انكم ستواصلون للحصول على كافة حقوقكم وطرد هذا الوزير الذى يسوى بين الفراش والمعلم