مشاهدة النسخة كاملة : سبب تأخير تثبيت متعاقدي الازهر


ايادممدوح
04-06-2011, 10:10 PM
أسباب تأخير تثبيت متعاقدي الازهر1- عدم اهتمام الحكومة و شيخ الازهر بمتعاقدي الازهر ..... لأنهم لم يطالبوا قبل ولا بعد الثورة بالتثبيت ولا حتي عملوا مظاهرة واحدة2- الرغبة في توفير مبالغ طائلة ستتكلفها الموازنة اذا تم تثبيت المتعاقدين من شهر مارس 2011 .. لأن عددهم كبير و منهم من هو متعاقد من 6 و 5 سنوات فسيتكلف ذلك مبالغ طائلة وعلاوات كثيرة لابد من حسابها بأثر رجعي فهما استسهلوا انهم يطنشونا و يماطلونا لغاية شهر سبعة وده حلمهم اننا حنصبر ........فيبداو معانا صفحة جديدة .... لكن ده بعدهم ..... و الله لو رحت لوحدي .... حاعمل اعتصام ..... واللي معايا ... يقول ..... علشان بس يأخد اجر النية في وقف مهزلة الظلم ... واذلال الازهر -

أ/محمد على أبوزيد
05-06-2011, 01:42 AM
كلنا معاك إن شاء الله

semsemsaid
05-06-2011, 07:48 AM
روح واحنا معاك

المنتصح
05-06-2011, 12:05 PM
كلام فى كلام سمعناه كثيرا يوم كذا وكذا ويمر اليوم وكأن لم يكن شىء
اسكتوا أفضل من الرغى على الفاضى
دعوة الى الاعتصام يوم 52يناير ما رأيكم 2011 تكلموا عنه افضل لانكم تخلفتم خمسة اشهر عن الثورة واعتقد انكم كما انتم لن تستفيقوا من دروشتكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظظظ

شرييف عبد الحكيم
05-06-2011, 02:46 PM
كنا متعاقدين تربيه وتعليم ومستريحين وسبناها ودخلنا الازهر نفتكرهم ليهم كرامه طلع العكس ولله الامر من قبل ومن بعد

ايادممدوح
05-06-2011, 03:11 PM
والله انا زيك .كنت بشتغل في التربية والتعليم وسبتها معتقدا ان الازهر منارة العلم.. انا ما كنتش متخيل حجم التخلف والاستهداف اللي في الازهر ...واتضح لي ان الازهر بيتحارب من سنوات باخيار الشخص الغير مناسب في المكان الغير ملائم ... فاصبح يخرج شباب لا يعرف لا علم ولا سياسة ولاثقافة ولا اي حاجة خالص ..... بس ده بيشجعني اني .... احاول اغير حاجة في الازهر ... ولو حتي في الطلبة لأن المعلمين ما فيهومش فايدة ... وخصوصا المتعاقدين

بعبشش
05-06-2011, 03:16 PM
السبب الحقيقى لا الحكومة ولا شيخ الازهر
السبب هو المتعاقدين انفسهم لانهم نائمون فى
بيوتهم ولا يطالبون بحقهم الى ان يضيع هذا الحق
حسبى الله ونعم الوكيل

ايادممدوح
05-06-2011, 03:36 PM
طب وايه الحل يا بعبشش؟ ... لأن انا في مرة اتصلت بكل اصحابي المتعاقدين .... لعنهم الله ... وجهزت اللوحات واليفط .. وما جاش غير واحد ..مجاملة ...متأخر .... و 2 موجهين مالهومش علاقة بالموضوع ... والباقي كانوا بيحوموا حوالين المكان من بعيد بيشوفوا حيحصل ايه ؟؟؟ والله يا جبناء ما حيحصل حاجة .. احنا حنطالب بحقوقنا بكل احترام




مش عرف الحل في الناس دي ايه

الاستاذ محمد محى
05-06-2011, 03:40 PM
كنا متعاقدين تربيه وتعليم ومستريحين وسبناها ودخلنا الازهر نفتكرهم ليهم كرامه طلع العكس ولله الامر من قبل ومن بعد




الازهر عندهم كرامه وطبعا انت اكيد مش ازهرى لانك لو ازهرى وتربيت فى الازهر ما قلت هذا القول

وارجع التربيه والتعيم ما دامت احسن


الازهرين لهم الفضل الاعظم على التربيه والتعليم عارفين ليه

ولا بلاش اقول انت تعرف لوحدك

أ0محمود
05-06-2011, 05:52 PM
بجد ياازهرية لازم نتحد ونبقى ايد واحدةلازم يبقى فيه اعتصام الايام الجاية ضرورى هنفضل ساكتين لحد امتى الدنيا كلها بتتقدم واحنا زى ماحنا متعاقدين اسمائنا بالقلم الرصاص لو التثبيت ماجاش بالاعتصام يبقى مش هييجى ابدا التربية والتعليم متثبتوش الا بعد الوقفات الاحتجاجية اللى عملوها اصحوا اصحوا ياازهرية التثبيت عمره ماهيجيلك وانت نايم فى البيت

ايادممدوح
05-06-2011, 07:24 PM
بجد ياازهرية لازم نتحد ونبقى ايد واحدةلازم يبقى فيه اعتصام الايام الجاية ضرورى هنفضل ساكتين لحد امتى الدنيا كلها بتتقدم واحنا زى ماحنا متعاقدين اسمائنا بالقلم الرصاص لو التثبيت ماجاش بالاعتصام يبقى مش هييجى ابدا التربية والتعليم متثبتوش الا بعد الوقفات الاحتجاجية اللى عملوها اصحوا اصحوا ياازهرية التثبيت عمره ماهيجيلك وانت نايم فى البيت

والله هو ده الكلام الصح لأن البلد ممكن تتدهور و الحكومة تخرب . والاقتصاد ينهار ..... و والله أول مرتبات حتتوقف هي مرتبات المتعاقدين ..... ووالله ماليكم عنديهم حاجة ولا في القانون ولا عند الله لأنكم مش مظلومين لأنكم ما طالبتوش اصلا بالتثبيت

معلم متعاقد
05-06-2011, 07:38 PM
امتى هنفوق بقى من غفلتنا كفايه بقى كل ما نسأل يقولوا لسه وياخوفى سكوتنا ده يخليهم يديوا الدرجات الماليه لوزارات تانيه بطالب بحقها بعلو الصوت ونروح احنا فى الباى باى من كتر ما استنيت التعيين كرهته كرهت الانتظار حرام بقى

احمد الطيرى
05-06-2011, 08:11 PM
يا جماعة انا معاكم قلبا وقالبا ومع شهر 7 والا هناك اعتصام حتى الموت

ام ياسين وآمر
05-06-2011, 08:22 PM
وإيه اخر الكلام ده ولا حاجه ؟

ايادممدوح
05-06-2011, 09:33 PM
وإيه اخر الكلام ده ولا حاجه ؟


خلاص يا جماعة براحتكم ..... خليكم قاعدين كدة ....


بس والله البلد ممكن تخرب ..... وما تحصلوش بلح الشام ولا عنب اليمن


واللي فرحانين بشوية الدروس الخصوصية ..... ومش فاضيين ولا عارفين اهمية التثبيت .... خليهم براحتهم


بس انا بفكركم لما بيجيلك دور برد بيقعدك في البيت ... وما تقدرش تنزل الدروس ... بتكون حاسس بايه ؟


اهو انت بالعقد اضعف بكتير من كدة ..... ما تأمنش الظروف ... وكل شيء بامر الله .... يعني مدير فاشل وحاقد ممكن يقعدك في البيت ... لو حطك في دماغه


يا جماعة التثبيت مش بس فلوس .... ده ضمان اجتماعي ووظيفي واللي عنده اولاد ... لو لا قدر الله حصلتلوا حاجة .... والله ما له معاش .. والله كداب اللي يقولك ان العقد له معاش ..... فحيسيبهم للذل والتسول .. او لا قدر الله .الــــ........


فبراحتكم انتم الخسرانين


بس اوعوا تحلموا ان الحكومة حتثبتكم من غير ضغط ... والله ما حيحصل ... لأن دي حكومة تسيير اعمال ... بتسير الامور المستعجلة فقط .... ومش تخصصها حل مشاكل الناس بدون شكاوي او مطالب


لان الامور المستعجلة اولي واهم والموارد توجه لتسييرها ... وليس لتثبيت ناس ما طلبوش اصلا

magicstar
05-06-2011, 10:16 PM
والله انا تعبت من كت الكلام يعملوا اللي بعملوه وسلملي ع الثوره

magicstar
05-06-2011, 10:21 PM
والله انا تعبت من كتر الكلام ع العموم شهر 7 لو جي علي جمل هنستني وبعدها يبالنا كلام تاني

الأستاذ أحمد راشد
05-06-2011, 10:25 PM
انا عندى كلمتين ممكن نتفق عليهم احنا رايحين امتحانات الشهادة واثناء الامتحانات هيكون كل حجه قالوها خلصت نيجى نعتصم فى ايام الامنتحانات ولو عاوزين دليل ان الموضوع دة هيجيب نتيجة ممكن نفتكر القصة الشهيرة مع الكادر زمااااااااااان

معلم متعاقد
05-06-2011, 10:41 PM
احنا عمالين نقول نستنى شهر 5 ونشوف و6 ونشوف و7 ونشوف ولحد دلوقت مشفناش ولا هنشوف حاجه انا هضرب مثل بينا احنا بس مش بحد تانى شوفتوا ازاى كان رد وزاره التربيه والتعليم ووزاره الماليه سريع جدا لما عرفوا ان المدرسين ناويين يعملوا اعتصامويضربوا عن الامتحانات لكن لو سكتوا مكنش حد هيطلع يقول كلمه ولا يعبر احنا فى بلد فيها ناس تخاف متختشيش ولو عملنا اضراب ولو ليوم واحد عن التصحيح لن نضر بالطلبه وهنسمع صوتنا للكل احنا 70 الف متعاقد مش قادرين نعمل حاجه والله لو ما اتحركنا حقنا هيدر التعيين فعلا ليه فوايد كتيره احنا مش حاسين بيها

اسامه سنجر
05-06-2011, 11:19 PM
لو كل واحد فينا جاب معاة 5 اصحابة(خمسة) بس لو احنا 100 * 5 (اصحاب) هنبقى 500 هنكون ضغط جامد ولبو اعتصمنا يوم واحد بس هنبلاقى 1000 واحد جهم ربنا يرحمنا

اسامه سنجر
05-06-2011, 11:21 PM
:oلو كل واحد فينا جاب معاة 5 اصحابة(خمسة) بس لو احنا 100 * 5 (اصحاب) هنبقى 500 هنكون ضغط جامد ولبو اعتصمنا يوم واحد بس هنبلاقى 1000 واحد جهم ربنا يرحمنا

ايادممدوح
06-06-2011, 02:01 PM
والله فكرة جميلة ..وانا مستعد اكتب اسمي واسماء الزملاء المستعدين يجوا معانا و اراسلكم عالي الايميل

المستشار الفنى
06-06-2011, 02:27 PM
يالا يا عم إياد انا رايح بكرة أن شاء الله ومعاى تلاتة من زمايلى جايين معاى
رقمى 01527822628
الإيميل alqaed_84 على الياهو
دعوة للإعتصام ( ثلاثاء الغضب )

ايادممدوح
06-06-2011, 02:37 PM
يالا يا عم إياد انا رايح بكرة أن شاء الله ومعاى تلاتة من زمايلى جايين معاى
رقمى 01527822628
الإيميل alqaed_84 على الياهو
دعوة للإعتصام ( ثلاثاء الغضب )
معاك يا مستشار


ايميلي هو oomda82 علي الهوت ميل


وحابعتلك انهاردة بالليل كل الاخبار .... وحنعمل ايه


وياريت الناس كلها تتحرك ... ولو انتوا خايفين قوي خدوا بكرة يوم عارضة وماحدش له عندكم حاجة ....

والله ما حد حيتثبت من غير ما نطالب

المستشار الفنى
06-06-2011, 02:45 PM
يا ريت لو فيه إيميل على الياهو لأن ما عنديش هوت ميل
ومستنى مكالمتك
الموضوع جد المرادى

عامر فاروق
06-06-2011, 02:49 PM
جاحة غريبة
انا دخلت مكان غلط ولا ايه
انا مدرس متعاقد فى الازهر
هو فى الازهر اعتصامات
ولا ناس عايشة ببتكلم
سبحان الله
دى حاجة بلخبط المخ

ايادممدوح
06-06-2011, 02:52 PM
يا ريت لو فيه إيميل على الياهو لأن ما عنديش هوت ميل
ومستنى مكالمتك
الموضوع جد المرادى

ايميل اخويا علي الياهو oomda51


و والله رجالة بجد

محمد هلال
06-06-2011, 03:07 PM
يا جماعه ىاحنا ننتظر لشهر 7 لما نشوف ايه ال هيحصل ده آخر كلام سلام

المستشار الفنى
06-06-2011, 03:10 PM
خليك من المنتظرين

ايادممدوح
06-06-2011, 03:41 PM
علي الياهو ايميل اخويا oomda51

الشاعر العربي
06-06-2011, 07:03 PM
ان شاء الله لولم يتم التثبيت في الايام القليلة القادمة سيكون مصيرنا مظلم و فيجب ان نتحد حتى نحصد حقوقنا المنهوبة

المستشار الفنى
06-06-2011, 07:29 PM
يا ريت تشرفنا بكرة أمام المشيخة

emtaha2010
07-06-2011, 02:45 PM
لسه مافيش جديد بالنسبة للأزهر

لا حياة لمن تنادي

ده التربية والتعليم في سوهاج تم تثبيت (((( ابو حصه ))))))

حسبنا الله ونعم الوكيل

:stickjo4:





http://dc208.2shared.com/download/zTtDIbuy/039.jpg?tsid=20110607-122453-90040aa1

mohamedmolahiz
07-06-2011, 03:55 PM
السبب الحقيقى لا الحكومة ولا شيخ الازهر
السبب هو المتعاقدين انفسهم لانهم نائمون فى
بيوتهم ولا يطالبون بحقهم الى ان يضيع هذا الحق
حسبى الله ونعم الوكيل
كلام مظبوط لا بد من عمل وقفة

mohamedmolahiz
07-06-2011, 03:57 PM
تعبنا من الكلام ومن الانتظار ومن الوعود عاوزين فعل