خدعوك فقالوا .. الغش تعاون [الأرشيف] - بوابة الثانوية العامة المصرية

مشاهدة النسخة كاملة : خدعوك فقالوا .. الغش تعاون

شنطة حمزه

05-06-2011, 09:35 AM

السلام عليكم ورحمة الله وبركاته

ببقى فى امان الله وبحل الامتحان والاقى اتنين بيغشوا
مش برضالهم الاذيه فبحذرهم الاول بعيني بس
وبعد كده بقولهم بصوت واطي وبعد كده بشتكى للمراقبين .
.................
نفسى افهم اللى بيغشوا دول عايزيين ايه ؟؟
هل عايزيين ينجحوا ؟؟
ولا عايزيين يطلعوا الاوائل ؟؟

لو عايزيين ينجحوا كانوا ع الاقل اوى ذاكروا قبل الامتحان بيوم وياما يجيبوا درجة النجاح او يسقطوا ويترفعوا بعد كده
ده غير انهم لما بيغشوا مش شرط ينجحوا .

اما لو عاييزين يطلعوا من الاوائل فمش معقوله انه اللى مش بيذاكر وهيجي يغشله كلمتين هيبقى الاول !!
...........................
أما بقى اللى بيغششوا
بعتبرهم من اغبى الناس فى العالم ..
اولا انهم بيذاكروا طول السنه وجايين يضيعوا مجهودهم فى ثانيه ..
ما يسألوا نفسهم
كام مره اتنازلوا عن انهم يقعدوا مع اهلهم فى سبيل انهم يذاكروا
فى حين ان الفاشل اللى عايز يغش
كام مره اتنازل عن وقت المذاكره وراح يلعب ...

وامتحان ايه ده اللى يخليكم تطلعوا من الاسلام عشانه !!
من غشنا فليس منا ..
ده غير انكم ممكن تتـقـفشوا وفى الحاله دى الله اعلم بمصيركم ..
.........................
واما بقى الطلبه اللى قاعديين فى حالهم يحلوا الامتحان
اللى لا دول ولا دول
هم اكتر ناس خسرانه
لان اللجنه بتبقى فوضى
وبيبقى حاسس بظلم وان تعبه هيروح ع الفاضى ..
..................................
بس برجع والوم ع المراقبين احيانا
لانهم بيقعدوا يتكلموا مع بعض عشان يسلوا وقتهم
( وان كنت فعلا بعذرهم عشان اللجنه ممله .. الله يكون فى عونهم)
.........

و لو قلنا ان الاتنين اللى بيغششوا بعض دول صحاب اوى ..
تفتكروا ان ..
اللى غش ده ممكن بعد كده يثق فى اللى غششه !!
يعنى ممكن يقوله اسراره ... ممكن يتطمن معاه على اهله ... ممكن يدخله بيته الا لما يشك انه سرقه ...؟؟

ما أظنش
عارفيين ليه ؟؟

عشان الرسول عليه الصلاة والسلام قال :
"من أسخط الله فى رضا الناس سخط الله عليه وأسخط عليه من أرضاه فى سخطه .
ومن أرضى الله فى سخط الناس رضى الله عنه وأرضى عنه من أسخطه فى رضاه
حتى يزينه ويزين قوله وعمله فى عينيه " صدق رسول الله صلى الله عليه وسلم ...
........................
وبالنسبه للهيقولوا ده فلان ده جاري ازاى ما اغششهوش
دا مامته هتزعل من مامتى ....
دا الدنيا هتتهد ...
بقولهم انتم مش بتعملوا حاجه غلط
انت اه بتعمل حاجه هما مش عايزنها
(كونك مش راضى تغششه)
لكن فى الاخر ده الصح
فشويه وهيصفوا من ناحيتك
زي ما الرسول صلى الله عليه وسلم قال فى الحديث السابق.
...............
اتمنى ما اشوفش الظاهره دى تانى
يارب
..

usernamo

05-06-2011, 11:09 AM

أ/عبدالله عطية

05-06-2011, 11:14 AM

المياة

05-06-2011, 12:25 PM

نقاء الروح

05-06-2011, 01:48 PM

عادي ياجماعة
لازم يبقى فيه تكافل اجتماعي بين الناس :p
والناس لبعضيها :p

هههه بهزر طبعا ..

حكاية الغش دي سيئة جدا
والحمدلله الحمدلله عيني طلعت فسنتين الهباب ال اخدتهم
العيال ال كانوا معايا الغش بيجري فدمهم
ويمكن لولا اني كنت معاهم فاللجنة كانت اللجنة هاصت
زي ماتحصل فالفرنساوي لاني كنت معفية منو ..
وافتكر وحدة قبل اللجنة فتانية بتقولي فالانجليزي
قولي بس على الرقم بايديك وبعدها الحرف الصح بشفايفك !!!
قولتلها لاء انا لا بغش ولا بغشش شوفي غيري ..
وطول اللجنة عمالين يبصوا لبعض وال مش عارفينو يبصولي
وانا عاملة نفسي مش واخدة بالي ! وبطلع وكأني ماعرفش حد !!
المشكلة بئا انهم فاكرينو حق مكتسب
يعني كان فاللجنة ال يشد فيها المراقب العيال يفضلوا يزنوا
وانتو وانتو وانتو ..

وهما مرتين بس ال غششت فيهم بصراحة
كانوا فتانية غششت وحدة صحبتي رقم فالرياضة
ومركب فالكيميا .. بس اتهزئت ساعتها من ماما :d
بس الحمدلله عدت على خير

وربنا يستر السنة دي وتعدي على خير
وبالتوفيق للجميع

شذى العطر

05-06-2011, 02:00 PM

شنطة حمزه

05-06-2011, 02:46 PM

اقولك ع الصراحة .. انا كل ماش اغش اغش غلط .. فبتجنب الموضوع ده .. اللى يحرق بقى .. ان اللجنة كلها بتغش .. و اللى قدامى فاشل فشل السنين .. و جاب اعلى منى .. عشان غش .. طب يعنى انا مصيرى ايه ! .. لا و اللى ورايا عامل زى الدبانة .. كل شوية امجد امجد امجد امجد امجد امجد .. و مش بيسكت .. بفكر السنة دى اخد مطرقة ذباب معايا .. و ده طبعاً مش بيخلينى اركز .. و تلاقى المدرس شبه الراجل اللى فى مسلسل الشيماء .(( من شتت قومكم .. خزاعة .. من قتل زعيم قبيلتكم .. خزاعه )) و داخل و علامات التشاؤم و التجهم تملؤ عيناه .. يقول لك فى صوت اجش لا تدرى من اين يصدر .. اللى هيغش هطلع تراتيت تيــــــــــــــــــــت .. و فى الاخر الاقيه حنين اوى مع بعض الطلبة .. و يا حبيبى و الكلام ده .. طب بزمتك ده منطق .؟؟

عشان كده فى بعض الاحيان .. يبقى الغش ارثاءاً لمبدأ تكافؤ الفرص !

حلو اوى حكاية انك تغش غلط دي عشان تتعلم .. :d
حكاية انه واحد فاشل وغش وجاب اعلى منك دي
افتكر ان :
لطالما رقصت على جثث الاسود كلابا .
(مش عارفه انا قولتها صح ولا غلط ) ...
مهى مشكلة المراقبيين انهم فاكرين انهم
هيخلوا العيال تعدى وخلاص
عشان اهاليهم اللى تعبنيين عشانهم طول السنه
لكن مش حاطيين فى دماغهم
ان بعد كده ده ممكن يكون طبيب فاشل او مدرس لا يفقه شيء ..
سيبك من موضوع تكافؤ الفرص ، ويابخت من نفع واستنفع ، و تعاونا على البر وتكافل اجتماعى،و...
....................
ربنا يوفقك

وجزاك الله خيرا ع الحضور

أدم خالد

05-06-2011, 02:56 PM

شنطة حمزه

05-06-2011, 02:57 PM

والله يا أخى أنت على صواب فقد أصبح الغش مرض العصر وأصبح المحارب له هو المكروه المنبوذ ففى امتحانات تالتة إعدادى خرجنى رئيس اللجنة قبل الوقت بساعة إلا ربع فى آخر يوم بقوله " كل عام وأنت طيب واتفضل أنت وده خوفا عليك " طبعا لأن اللجنة إللى كنت بدخلها ما كانش فيها غش

فاللهم مُنَّ علين بقلوب تخاف الله

اصبر ع الاضطهاد اللى كان بيتوجه للناس اللى ماشيه صح
بس صبرك يكون صبر جميل
يعنى حضرتك تحارب الغش زي ما بتعمل فعلا
وتنصح زمايلك المدرسيين بكده
وان شاء الله ربنا يهدى الباقيين
وباذن الله تكون المفاهيم اتغيرت بعد الثوره
...
جزاك الله خيرا ع الحضور

شنطة حمزه

05-06-2011, 02:58 PM

أنا الجمد لله لجنتي كلها فاشلة كل سنة ننجح 5 من العشرين بس اللي بيغظني أني بلاقي اللجنة كلها بتنده عليا خاصة في امتحان الانجليزي لما يجوا يكتبوا البراجراف وكأن أنا القاموس وفي الرياضة وفي ديه بالذات مابعرفش أركز وبفرح أوي لما ألاقي نفسي نجحت فيها
ربنا باذن الله هيكرمك
ما دمتى بتطعيه..
وبعدين دا الانجليزي بالذات حتى لو بتغششي فى كل المواد
الانجلزي يادوبك تلحقى تحلى ..
يعنى بتوصل بيهم انهم حتى يأذوكى ويخلوكى ماتلحقيش تحلى ..:slap1qk6:

ربنا يوفقك
ويبعد عنك العالم الاذيه دول ..

وجزاك الله خيرا ع الحضور
:)

شنطة حمزه

05-06-2011, 03:00 PM

الغش يطلع جيل فاشل
يطلع دكاترة مش عارفين حاجة في الدوكتراه ويموت المريض
حسبي الله ونعم الوكيل
ومهندس مش عارف يحسب و يبني وتقع البانية ويمووووووووت الناس إلي في البناية
لاحول ولا قوة إلا بالله
كل ده بسبب الغش
الحمد الله ما بغش
بس ساعات كنت بغش عشان اللجنة عمالة تغش والبنت تدي كده بصوت فكنت بسمع والابلوات عادي
يارب إهديني وإهدي جميع المسلمين
مشكوووووووور على الموضوع القيم

اخويا فى هندسه وبيحكيلي مره ان الدكتور بيحكلهم انه سأل سنه 3 فى معادله من الدرجه التانيه ومعرفوش يحلوها! :excl:
........
وحتى لو اللجنه بتغش وقالوا كلمه قدامك متكتبيهاش ...
بس مش مهم اللى فات احنا من اول دلوقت .
يارب يهدينا جميعا
جزاك الله خيرا ع الحضور..
:)

شنطة حمزه

05-06-2011, 03:11 PM

توتوالصغيره 115

05-06-2011, 04:48 PM

اه
اكتلر حاجه بتضايقنى جداااااااااااااااااااااااااا
اما المراقبين سواء اكانو

ست2
او مدرس ومدرسه

يحكو قصه حياتهم وهم وافقين

وانا اقدر اقول غير ايه
..حسبى الله ونعم الوكيل ..

مشكوووووووووووووووووووووور على الموضوع

وايه رأـيكم فى الصوره دى

http://center.jeddahbikers.com/uploads/jb13072852652.gif

عبد الرحمن عرابى

05-06-2011, 05:03 PM

اولا السلام عليكم
ثانيا طبعا كلامك كله مظبوط بس نسيت حاجه ...... انى الإتنين اللى بيغشوا هما اساسا ميعرفوش يكتبوا حاجه فبالذكاء كده لا ده هينجح ولا ده هينجح يا جماعة وبعدين الطلبه الشاطرين هما اللى بيتظلموا ايوه طبعا مش طول الوقت ينادموا عليك عايزيينك تجاوب
بس فى النهايه بنقول انك لو بصيت لطموحات البليد تفرق عن المتغوق بكتير وهو ده الفرق .. والسلام عليكم ورحمة الله وبركاته

شنطة حمزه

05-06-2011, 09:36 PM

شكراااااااااااااااااا على الموضوع و والله ان نفسى كل الى كانوا معايا فى يقرؤا الموضوع دا :bosyht9: امابانسبة ليا عن الغش و كده و انا فى*اولى اعدادى

كان الكل بيفضل ينادى عليا بزات فى الدراسات الاجتماعية والمطالعة و النصوص

وانا اعمل نفسى بش سمعا حد لجايت مايزهقوا و يتكتموا و المراقبين كانوا و لا وكانهم على اللجنة مرة مراقب يقعد يتساهر مع المراقب الى معاه

ومره مراقب يقعد يقرا فى المصحف ولالالالالالالالالالالالالالاعلى باله اللجنة يعنى ما فيش غير الوقت ده يقرااا و يتدبر فى المصحف
المهم انا الحمد لله لا لالا بغش ولالا بغششش و السنة دى تانيه اعدادى يعنى

الكل عرف انى لابغش ولابغشش والحمد لله ودانى كويسة و لسه مرحتش عند الدكتور الاذن والحمد لله نجحت فى تانيه اعدادى و طلعت من الاوائل ادعولى السنة الجايه ان شاء الله اطلع الاوله احسن لو لم تدعولى هتشوفوا الويل:giljotiiniug3:

اللى بيراقب الله فى كل افعاله ربنا بيحفظه ويكرمه
فربنا يوفقك وتطلع من الاوائل ان شاء الله
جزاك الله خيرا ع الحضور

اه
اكتلر حاجه بتضايقنى جداااااااااااااااااااااااااا
اما المراقبين سواء اكانو

ست2
او مدرس ومدرسه

يحكو قصه حياتهم وهم وافقين

وانا اقدر اقول غير ايه
..حسبى الله ونعم الوكيل ..

مشكوووووووووووووووووووووور على الموضوع

وايه رأـيكم فى الصوره دى

http://center.jeddahbikers.com/uploads/jb13072852652.gif

اعذريهم برضه اللجنه بتبقى ممله عليهم
شكرا عالصورة اللى ادت طابع حلو للموضوع
جزاك الله خيرا ع الحضور

اولا السلام عليكم
ثانيا طبعا كلامك كله مظبوط بس نسيت حاجه ...... انى الإتنين اللى بيغشوا هما اساسا ميعرفوش يكتبوا حاجه فبالذكاء كده لا ده هينجح ولا ده هينجح يا جماعة وبعدين الطلبه الشاطرين هما اللى بيتظلموا ايوه طبعا مش طول الوقت ينادموا عليك عايزيينك تجاوب
بس فى النهايه بنقول انك لو بصيت لطموحات البليد تفرق عن المتغوق بكتير وهو ده الفرق .. والسلام عليكم ورحمة الله وبركاته

وعليكم السلام ورحمة الله وبركاته
عندك حق
وشكرا ع الاضافه
وجزاك الله خيرا ع الحضور

shosheta

06-06-2011, 03:56 AM

اللى عايز يغش اهلا وسهلا كله على دماغه فى الاخر وان ما كانش فى الدنيا يبقى عند ربنا

samar saad

06-06-2011, 04:12 AM

اقولك ع الصراحة .. انا كل ماش اغش اغش غلط .. فبتجنب الموضوع ده .. اللى يحرق بقى .. ان اللجنة كلها بتغش .. و اللى قدامى فاشل فشل السنين .. و جاب اعلى منى .. عشان غش .. طب يعنى انا مصيرى ايه ! .. لا و اللى ورايا عامل زى الدبانة .. كل شوية امجد امجد امجد امجد امجد امجد .. و مش بيسكت .. بفكر السنة دى اخد مطرقة ذباب معايا .. و ده طبعاً مش بيخلينى اركز .. و تلاقى المدرس شبه الراجل اللى فى مسلسل الشيماء .(( من شتت قومكم .. خزاعة .. من قتل زعيم قبيلتكم .. خزاعه )) و داخل و علامات التشاؤم و التجهم تملؤ عيناه .. يقول لك فى صوت اجش لا تدرى من اين يصدر .. اللى هيغش هطلع تراتيت تيــــــــــــــــــــت .. و فى الاخر الاقيه حنين اوى مع بعض الطلبة .. و يا حبيبى و الكلام ده .. طب بزمتك ده منطق .؟؟

عشان كده فى بعض الاحيان .. يبقى الغش ارثاءاً لمبدأ تكافؤ الفرص !

هههههههههههههههههههههههههههههههههههههههه مش قادرة والله من كتر الضحك
وفعلا ولله بس ربنا مش بيسيب حد
انا برضه بعانى من اللى يفضلوا يندهوا عليا مرةوالله صوت وفرجت الماقبين علينا من كتر ما اللى قاعده قدامى صدعتنى من كتر ماتنده عليا

وفعلا بيبقافيه توصية كتيرفاللجان والله لو تعرفلك حد من اللى موصين عليه كده تبقا ضمنت الدرجات النهائية طول عمرنا كده وعمرنا ماهنتغير

هارى12345

06-06-2011, 05:35 AM

:pلا انا حكايتى مع الغش حكاية:p
من 1 ابتدائى
عندنا العيال عباقرة فى الغش
بس طبعا من 1 الى 3 ابتدائى مكنتش اعرف هما بعملوا ايه لانى كنت ببقى عامل زى الديسك اللى قاعد عليه:romarioxp6:
ادخل الفصل اقعد ادعى فى سرى المراقب يدينى الورقة انعزل تماما عن الناس اللى حوليا حتى لو المراقب نادم عليا مش برد عليه :blush:
من 4الى 5 كانت امتحانات نقل والمدرسين كانوا عارفينى فمكنوش يقدرو يقولوا كلمه فى اللجنة والا كنت ...........:slap1qk6:
بس بردو مكنتش باخد بالى من العيال
6 ابدائى كانت شهادة وبابا قالى لو حد غشش اقف وقول انا هشتكى لمدير الادارة .......:angry::angry:.......
فعلا كان فيه مدرسين ربنا يكرمهم ويكتر من امثالهم كانوا حاكمين اللجنة كويس
وفيه مدرسين....................B)B).................... ....بس الصراحة مكنتش قادر اقف واقول حاجة كنت بقعد اكتر من ربع ساعة اشجع نفسى انى انطق كلمة مش قادر :d
نيجى بقى ل 1 و2 اعدادى كانوا نقل وكنت بمتحن فى الطرقة بتاعة المدرسه......اه والله قدام المكتبه:006et4::006et4:
مش عارف ايه الغباء ده .........قاعدين فى الشارع يعتبر وناس ماشية وناس جايه
طبعا المدرسين مكانوش بيغششوا بس فيه حاجة مفقوسه اوى العيال بيعملوها وكل مرة اقول للمراقب بعد ما نطلع من اللجنة وساعات واحنا فى اللجنة (لو سمحت يا مستر دول بيطلعوا يغشوا وانت عارف كدة كويس. يقولى مش هيفلحوا ركز انت بس فى الورقة . ويا عم الكل هينجح)
:unsure::unsure::unsure:
ايه هى بقى الخطة المفقوسه..................:ph34r::ph34r::ph34r:... ................ركزوا معايا
بعد استلام الورقة وقراءة ما بها وحفظ الاسئلة الصعبه واللى مش عارفينها
يبدا الفيلم الهندى
:):):)
اااااااااااااااه بطنى مش قادر يا مستر عايز انزل الباسروم مش قادر ااااااااااااااااااااااااااااااااااااااااه
:eek::eek::eek:
راح المستر يصدقه وينزله
مفيش دقيقة
ااااااااااااااااه يا مستر مش قادر هنزل اغسل وشى واجى بليييييييزااااااااااااااااااااااااااه
وهكذا ........................
:rolleyes::rolleyes:
نيجى بقى ل3 اعدادى
قولت لاااااااااااااااااااااا لازم يكون ليا موقف
المدرسين مكنوش بيغششوا الصراحة بس الافلام الهندية شغالة طبعا وخلى بالكوا العيال بيبقوا متفقين مع بعض يعنى اللجنة كلها عاملة خطة محكمة والموضوع ده بيبقى منتشر فى المدرسة كلها
نسبه الغشاشين %99 نسبة اللى مش بيغشوا 5.% اما ال 5.% الباقيه فدول اصلا مبيبقوش عارفين هما بيمتحنوا ايه
:blink::blink::blink:
جيه بقى وقت امتحان الرسم
وانتوا عارفين الاسئلة اللى بتيجى فى الرسم
وربنا رزقنى بمراقب.......استغفر الله............بس بردو كان فى اللجنة واحده قريب قريبى
-_--_-
واحد دخل علشان يغشش
وقفت وقولت لااااااااااااا (صوت عالى ) اللى هيقول كلمة والله هروح لمدير الادارة واروح المديرية كمان واوديكوا فى.........(مكملتش الكلمة والا كان زمانى فى الترب حاليا)
:blush::blush:
الاستاذ قالى معلش ده امتحان رسم قولت لاااااااااا بردو
وقف ابن الراجل اللى عايز يغشش وقالى والله ليغشش (خلو بالكو الناس اللى بتدخل مبتبقاش من المدرسة اصلا ومعرفش هما بيدخلوا ازاى ) واشتد الموضوع وكنا هنمسك فى بعض لولا قريبى اللى قولتلكوا عليه
راح الراجل قال طب انا هدور عليهم واحد واحد اوريهم الورقه بس ( يا سلام على الذكاء بتاع الراجل.ده اترشح لجايزة نوبل قبل كده )
:lol::lol:
المهم قولتله ايه هو ده و......................
بس فى الاخر غشوا ورحت البيت عايط و.................بابا قالى مهما حصل متخليش حد يغشش ابدا وقول انك هتروح للمحافظ
عدت الايام وجيه يوم الكمبيوتر (الله يخرب بيته لولاه كان زمانى فى قائمة اوائل المحافظة للاسف)
:(:(
ربنا رزقنى بمراقبين مش واحد بس عاملين زى جون سينا
جيه نفس الراجل اللى كان غشش فى الرسم ومعاه مذكرات وكتب ياما
وقفت وقولت .................ركزوا معايا......................
(اقسم بالله العظيم اللى هيقول كلمة لاروح للمحافظ ذات نفسه واشتكيكوا لوزير التعليم ........فين مراقب الدور انا عايزه دلوقتى حالا ..............)
:mad::mad:
جابولى رئيس الدور قالى مالك ياد والله اديك على وشك عاملينا زوعة من اول يوم ليه.......هعلملك على الورقه!!!!!!!!!!!!!!
وشى احمر والدموع كانت هتنزل وحسيت الوقت قرب يخلص
قعدت من غير ما اقول ولا كلمه
:o:o
بعديها بعشر دقايق لقيت العيال مطلعين مذكرات وكتب بصيت للمراقب قالى يا عم ده اخر يوم وماده مش مستاهلة قولت
والله العظيم لاوديكوا كلكوا فى داهيه كل المراقبين وانت ورئيس الدور كمان وميهمنيش حد وهتشوفوا و..................

الاستاذ قام علشان يضربنى لولا واحد معرفه يعنى
:giljotiiniug3:
خلصنا الامتحان وسلمت الورقة وقعدت اعيط وقولت للاستاذ وانا ماشى
ربنا ينتقم منكوا كلكوا ............................الله يخرب بيت التعليم
:bosyht9::bosyht9:
والعيال تضحك ......تضحك ويغظونى شوفتوا الوقاحة وصلت لغاية فين
1 ث بقى الصراحة مينفعش حاجة تحصل ليه....................(كان غش بسيط)
مش هقول
خلص الفيلم وكل سنة وانتوا طيبين جبتلكوا صداع اصلى لقيت نفسى فاتح الموقع مش بعمل حاجة قولت اسلى نفسى
:cool::cool:
يا رييت اى حد بحصل فى مدرسته كده ميسكتش ومتقلوش حرام ولا مش حرام والكلام الفاضى ده
مهما حصل
وعايز اقول حاجة اخيرة ان التعليم بالمنظر ده مش مقياس ابدا ...ابدا لان ده بيحصل فى المدارس الحكوميه
اما المدارس الخاصة فمش عايز اقلكوا بيحصل فيها ايه ...........
يلا سلاااااااااااااااااااااااااااااااااااااااااااااااا ااااااااااااام
:mellow::mellow:

احمد م حجازي

06-06-2011, 08:08 AM

أكبر مشكلة فى الغش

أنه يفسد الضمائر منذ الصغر و هو سبب فساد الامة

و قال رسولنا الكريم ( من غشنا فليس منا )

و من تعود على الغش منذ الصغر يظل هذا اسلوب حياته

و حسبنا الله و نعم الوكيل في كل من يغش أو يساعد على الغش

منار على

06-06-2011, 09:18 AM

للاسف موضوع الغش دا مشكله خطيره فى نظرى نتيجه لنظام فاشل ومدرسين منعدمى الضمير بدل مابيعلموا الطلبه علم بيعلموهم ازاى يطلعوا غشاشين فى مجتمع اكتفى بالغشاشين والمخادعين والشماعه اللى بيعلقوا عليها اخطاءهم اولياء الامور الغلبانين التعبانين طول السنه ومسالوش نفسهم ان فيه كمان اولياء امور غلبانين وتعبانين طلعت عنيهم فى المذاكره مع اولادهم وبيجوا فى الاخر يساوى بينهم وبين طلبه مهملين ومش كدا وبس دا نتيجه تسهيل الغش الطالب الشاطر بيبتدى يهمل فى مذاكرته وبيجيله احباط واحساس انه حتى لو اجتهد هيتساوى باللى معملش حاجه واساسا المدرسين اللى بيعملوا كدا اغلبهم لا صعبان عليهم اولياء الامور ولا حاجه دول فعلا خايفين منهم خايفين لو شدوا لجنه ينضربوا اويحصلهم حاجه بيداروا جبنهم ورا حجه وفيه فيهم بقى اللى بيعمل كدا عشان مصالحه الخاصه والدروس وبجد حسبى الله ونعم الوكيل فى النوعيات دى من المدرسين لانهم مخربين مش مدرسين

اسراء محمد مرعى

06-06-2011, 04:13 PM

تب اللى بيراجع مع زميلة
يعمل اية

شنطة حمزه

09-06-2011, 01:13 PM

جزاكم الله خيرا ع الحضور
وربنا يوفقكم جميعا بإذن الله
ويبعد عنكم الغشاشين دول

أيمن الوزير

09-06-2011, 02:06 PM

للأسف أيها الفاضل أن الغش انتشر بصورة قبيحة من معلم يؤسفني أن أقول قبيح و والله أن السبب الرئيسي في الغش هو المعلم ولا أحد غيره ولا أقصد معلم لا يشرح فهذا بينه وبين ربه ولكن ملاحظ وقف في لجنة الامتحان ليناول ورقة الغش من طالب لطالب وحسبي الله ونعم الوكيل من هذه النوعيات والتي أصبحت هي الغالبية

EbTeSaM91

09-06-2011, 06:46 PM

الغش ده مشكلة كبيرة

اولا اللى بيغش بيستريح ع كده

اللى بيغشش بيضيع تعبه ومجهوده كمان

انا الصراحة غشيت مرة وكان ف المستوى الرفيع وكانت الخريطة واخدتها غلط:d

اللى هيغشش يعنى مش هيغشش صح ولو غشش مش هيديك اجابة كاملة محدش اهبل;)

اجاثا ديجورى

09-06-2011, 10:30 PM

فعلا الغش بقه ظاهرة رهيبة تقضى على الكل زى ما قال كاتب الموضوع
انا طول عمرى لا بغش و لا بغشش فى ابتدائى كان الموضوع بسيط اوى لدرجة انى مكنتش اعرف ان حد بيغش زى ما التوا بالشفايف و حركات بس و انا كنت اول اللجنه فمبحسسش انما المشكلة كانت فى اعدادى انا نوعا ما شاطرة وبطلع من الاوائل فالكل حاولوا معايا علشان اغشش و متخليوش الى سمعته بنات عندنا فى الدفعه بتديكى ادله و برهاين و اثباتات مش ان الغش حلال بس انما كمان فضيلة و حاجة الواحد ياخد عليها ثواب:o!
ان دة تعاون و لو البنت دية نقصت اهلها ذنبها ايه و فمروض انصح مامتها لدرجة انى بفكر اقول للمدرسة يبجلونا شيخ يفم البنات عندنا ان الغش حرام فى 1 و 2 اعادى كانا الموضوع ملوم الحمد لله فية كتير اوى من مدرسينا كويسين جدا وبيمكسوا اللجنة اوى و بيحالوا يوقفوا دة قدر استطاعتهم لكن فى ناس بردة مبتراعيش ضميرها فى الى مش بيغش وصلت ان مدرسة الدين حرضت الكل انهم يغششوا زمايلهم !!!!!!!!!!!!
لكن انا وصلت لاتفاق مع البنات فى الجنة كنا بنات و اصحاب اوى سهل الموضوع ممكن يكلموا حتى ادامى عن خطط الغش مش حقول لاى حد بس مفيش حد يزن على دماغى ان اغشش
فعلا فى 1 و 2 كان الموضوع ماشى اللجنة بتفلت ثوانى لكن بترجع زى الاول و ان كان دة كان احيانا بيزعلنى لانى كنت عارفة انها وصلت ان فى اوائل بيطلعو اوائل بالغش و ابقى انا مثلا العاشرة و عارفة ان فى 5 قبليا خدوها بالغش لكن مكنتش بحب اشتكى لحد ايا كان دول اصحابى و انا فى نفس الوقت بحاول انصحهم و افهمهم
لكن فى 3 اعدادى كان الموضوع صعب اوى اوى كانت لجان الوزارة رهيبة الكل بيغش و بصوت عالى مسمعفى كل حتة و المراقبين و لا هما هنا و معرفتش اركز فى كتير من الامتحانات و فعلا دة كان حيفرق معايا اوى لدرجة انه فى امتحان مادة بقيت بعيط المراقبة تعاطفت معايا و مسكت اللجنة خمس دقائق و بعدين فلتت تانى لولا لجان الادارة فالته فعلا كان ممكن اجيب فوق 98 % ففعلا بقيت غضبانة جدا و مكنتش عارفة اعملاية بس سكت خصوصا انى عارفة انهم نوعا ما تقبلوا انى مش بغشش انما انى اقول لحد دية كانت حتبقى مشكلة كبيرة اوى
لكن الحد لله ربنا كان معايا و فعلا كانت التصحيح شديد اوى على الى كانوا بيغشوا و و الحمد لله انصفت فى التصحيح
انا عاوزة اقول لاى حد حاول انك توصل رايك لاصدقائك او توصل معاهم لحل و ثق ان ربنا مش حيرضى ان الظلم يستمر و انهم يتفوقوا على طول و انه حينصفك