والله الواحد مابقى عارف يوصلكم الكلام ازاى هل انا وغيرى اللى بنفكر فى الدرجات الماليه احنا اللى اغبيه ولا انتم اللى ........ مرضاش اقولها لانكم معلمون محترمون لكن لاسف سوزج

الناس عماله تتكلم على الحد الادنى للاجور وبتقول انها على الثالثه منين جبت الكلام ده ؟

هات رقم وتاريخ الدرجه علشان تطالب بحقك فى الدرجه الثالثه

طيب الناس اللى زعلانه من عدم ادراج المعلمين فى الحد الادنى ليهم حق علشان دول معينون وعلى درجه ماليه معروفه

انتوا بقى فين درجتكم يابهوات ؟ياللى بتهيصوا مع اللى بيهيص وخلاص


انتوا اضحك عليكم وكل يوم بيضحك عليكم

اضحك عليكم لما اقبلتم التعاقد من البدايه وانا واحد منكم

اضحك عليكم لما نجحتم فى الكادر ومطلبتوش بالتعيين زى القانون مابيقول وانا واحد منكم

اضحك عليكم لما مطلبتوش بصرف الكادر (الفلوس ) من تاريخ النجاح فيه زى الاساسيين وانا واحد منكم

اضحك عليكم لما صدر قرار التعيين المزعوم من غير درجه ماليه حتى وان كانت مكتوب فى جوابك انك على الثالثه التخصصيه وده كلام من غير واقع لان الدرجه بخ مفيش وانا مش واحد منكم

اضحك عليكم لما تخيلتم ان ممكن ينطبق عليكم الحد الادنى للاجور وانت لسه معلمين مساعدين لان الدرجه مجتش والله اعلم هتيجى ولا لا ؟


عايزين ايه تانى؟؟؟؟؟؟؟

بدل ماتفكروا تعملوا اعتصام علشان الحد الادنى للاجور خدوا السلم من الاول

اعملوا اعتصام واسالوا الوزير احنا مين ووضعنا ايه فى البلد ؟
وهل نحن معينون ولا كنت بتهرج معانا ؟

وفينالدرجات الماليه بتاعتنا ؟

عملت موضوع واتنين وتلاته ولاحياه لمن تنادى كله قافل عنيه وودانه ومكبر دماغه

وبيقول ايه الواد اللى بيخرف ده

ماكلنا مكتوب قدمنا الدرجه الثالثه التخصصيه واتغير المسمى بتاعنا فى الاحصاء

كله ده طظ ولا ليه قيمه من غير قرار الدرجه وتاريخ سريانها

اخرهم لما رحت اغير بياناتى فى الاداره علشان النقابه قالولى سورى انت لسه معلم مساعد
علشان ملكش درجه ماليه هههههههههههههههههههه


عليه العوض ومنه العوض فى المعلم

احنا بنطلع فى الاخر ولاد ................

عملت كذا موضوع بوضح فيه الكلام ده بعنوان

معينون ولا مسكنون
اين الدرجات الماليه ؟
الماده 89
وغيرهم

والناس كانت بتتجاهل الكلام واكنى بالف من دماغى

وهتشوفوا المصايب بتاعت الدرجات هتظهر تباعا
وسلملى على التنظيم والاداره والماليه والبيه بتاعنا وزير المخروبه التربيه والزفت

كفايه كده

ارجوك يااستاذ محمد طعيمه
يااستاذ محمد عاشور
يااستاذ علاء
يااستاذ على عضاضلى
يااستاذ زياد
المشرفين على المنتدى تثبيت الموضوع
وابدا وجهه نظركم فى كلامى
وشكرا

ازيدك من الشعر بيت كمان عندنا في محافظة الغربية جالهم منشور ان احنا تثبيتنا من 1/6/200 وان الكدر الي قبضناه الثلاث شهور الي فاتوا ها يخدوه تاني ياما يخصموه من المكافاءة ياما ما نقبضش كادر 3 شهور تانيين
يعني لا فلوس ولا درجات
هل يا ترى في محافظة اخرى تم معاهاذلك؟؟؟؟؟؟؟؟؟؟؟؟؟؟؟؟؟؟

يا اخي انا زعلان عليك قوي لانك نازل مواضيع ومحدش بيرد عليك ولا سامعك انت ايه مشكلتلك الدرجات الماليه صح ........طب اطمن ياعم الدرجات الماليه اصلا لم ياخذوها من هم اكبر منك وقاربوا الخروج علي المعاش قول ليه لان وزيرك الهمام او النظام الظالم ضللك وبالكارد حرمك من الدرجات الماليه وفيه شئ اسمه الرسوب الوظيفي بس اسمع الدرجات هتتوزع متخفش حتي لو مش موجوده حاليا دي مساله وقت اهدي بس وبلاش تقلب الدنيا قول ليه لانك باختصار هيجيلك عصبي وضغط ومحدش هيرد عليك ريح مخك ودور علي حاجه تنفعك احسن كده كده هتاخد الحد الادني وانت مش واخد بالك بس انت بتقاوح طيب تراهني انك هتاخد الحد الادني حتي لو كنت عقد مش معلم زي ما انت حاليا يابني اصبر هتاخد الدرجه طيب لو مصبرتش وريني هتعمل ايه هتصرخ وحدك صدقني زي بعضه قول اللي هتقوله عليه بس انا اتعقدت منك انشر ياعم كفايه غم.....

[quote=المعلم الحزين;3485927]يا اخي انا زعلان عليك قوي لانك نازل مواضيع ومحدش بيرد عليك ولا سامعك انت ايه مشكلتلك الدرجات الماليه صح ........طب اطمن ياعم الدرجات الماليه اصلا لم ياخذوها من هم اكبر منك وقاربوا الخروج علي المعاش قول ليه لان وزيرك الهمام او النظام الظالم ضللك وبالكارد حرمك من الدرجات الماليه وفيه شئ اسمه الرسوب الوظيفي بس اسمع الدرجات هتتوزع متخفش حتي لو مش موجوده حاليا دي مساله وقت اهدي بس وبلاش تقلب الدنيا قول ليه لانك باختصار هيجيلك عصبي وضغط ومحدش هيرد عليك ريح مخك ودور علي حاجه تنفعك احسن كده كده هتاخد الحد الادني وانت مش واخد بالك بس انت بتقاوح طيب تراهني انك هتاخد الحد الادني حتي لو كنت عقد مش معلم زي ما انت حاليا يابني اصبر هتاخد الدرجه طيب لو مصبرتش وريني هتعمل ايه هتصرخ وحدك صدقني زي بعضه قول اللي هتقوله عليه بس انا اتعقدت منك انشر ياعم كفايه غم.....


والله انت ما فالح غير فى التريقه وبسولا انت فاهم حاجه ومتستعجلش على الخوازيق اصبر
انت هتاخد الحد الادنى اه مش علشان انت على الثا لثه يمكن علشان انت متعاقد معلم مساعد

وكمان علشان وزيرك المبجل قال ان كل الحصه والمكافاه والمعلم المساعد هياخدوا ال 700 ج الحد الادنى
اما بالنسبه للدرجات فانت هتلى واحد مش على درجه ماليه
المشكله اللى انت بتقولها هى عدم توافر درجات الترقيه ام انت مش على درجه اصلا
ياغم افندى

استاذ ادم انت والله انسان محترم وبتدور على حقوقك وحقوقنا انا مش عارفة اعمل ايه انا دوخت فى المديرية وفى التنظيم والادارة وفى الوزارة نفسها بيقولوا ملكمش درجات مالية ولسة بيناتنا معلم مساعد ياريت تستمر فى مشوارك وانا متابعة فى المديرية فى القاهرة حتى يفيق النائمون

جزاكى الله كل الخير المهم نكون كلنا ايد واحده

ويارب نجمع ولو مره واحده صح وناخد حقنا بكل ادب حرام نبقى مؤهلات عليا وناس كتير حاصله على دراسات عليا ونتبهدل كده

استاذ ادم انت والله انسان محترم وبتدور على حقوقك وحقوقنا انا مش عارفة اعمل ايه انا دوخت فى المديرية وفى التنظيم والادارة وفى الوزارة نفسها بيقولوا ملكمش درجات مالية ولسة بيناتنا معلم مساعد ياريت تستمر فى مشوارك وانا متابعة فى المديرية فى القاهرة حتى يفيق النائمون

جزاكى الله كل الخير انتى كلك زوق


احنا كلنا واحد وايد واحد المهم ربنا يبعد عننا الناس اللى مبتفهمش اللى ممكن تضلل زملائنا

ولازم كل واحد يسال فى التنظيم والاداره التابع لمحافظته عن الدرجات علشان نوحد الردود

ونشوف هنعمل ايه ؟وربنا معانا ومع الحق دايما لانه هو الحق