amr mohamed2
05-06-2011, 03:10 PM
يا جماعة انا مكنتش باخد درس عربى
و الى زاكرتة طول السنة نص غربة وحنين واول تلت دروس قراءة ودة كان من زمان اوى اوى اوى
واول فصل قصة بس
والله ما زاكرت الا الاول
ولسة رايح لمدرس بيحاول بيلم لنا النحو
حد يقولى ازاكر اية ولا اعمل اية
والنبى ضرورى
انا حاسس بالضياع
(انا حاسس بالضياع) هو شعارى السنادى :)
nado_nona
05-06-2011, 03:19 PM
اولا ربنا معاك بجد وان شاء الله ربنا يسترها عليك .. ام حاجة حاول تذاكر الحاجات اللي هي تلم معاك درجات .. يعني كده سيبك من الادب مش تذاكروا لانه طويل ودرجتيين بس .. ذاكر اهم حاجة ال٣ النثر اللي في النصوص يعني الصغيران ونظره والتدخين .. وشوف المستر هيقولك ايه النصوص المتوقعه .. وحاول تذاكر كويس اول جزء في القصه .. واقرا لو في وقت وان شاء الله هتلاقي وقت الجزء التاني .. اما القراءة هي بجد سهله ممكن تخلصها بسرعة جدا ولسه قدامك اسبوع ان شاء الله وربنا يكرم الجميع
amr mohamed2
05-06-2011, 03:25 PM
شكرا على المرور
ربنا يسهل والسنادى تعدى على خير الواحد زهق
Mohamed.Helmy
05-06-2011, 03:31 PM
السلام عليكم
بص يا عمرو .. ^^
انا ممكن تقول زيك بس مذاكرتش من اول السنة بصراحة
و لسه بدأت بس العربي من يوم الاربع اللى فات و انا معرفش فيه حاجة و الله
و ادينى ماشي فيه
بس انت ماتقلقش و هتقدر تخلص ده عربي :d
1. النحو ..
تخلصه قراية و فهم في يوم و تحاول تحل و مع الحل هتلاقي نفسك حفظت اعرابات حاجات كتيرة بتكرر معاك و تحل كل يوم لغاية الامتحان ان شاء الله
2. البلاغة ..
برضه تحاول تقراها و تاخد فكره عنها و تحل و اللى متعرفوش شوفه اجوبته و برضه تحل منه كل يوم
3. النصوص .." انا لسه مبدأتش فيها "
ذاكر ال 3 نصوص النثر ( الصغيران . نظرة . سيد قرارك )
دول حاول تذاكرهم في يوم و حاول تذاكر الباقيين برضه في يوم بس دوس على نفسك هتخلص و الله
3. الادب ..
ده بقى مشكلة عندي لاني مذاكرتهوش برضه بس فى هنا مرجعات عليه هتفيدك
4 . القراءة
هما 6 دروس يخلصوا في يوم ان شاء الله بس انت خليك واثق انك هتقدر تخلصهم
6. القصة
ذاكر الجزء الاول و خد فكرة عن الجزء التاني و برضه ده فى يوم
و حل الامتحانات اللى فاتت هتلاقي نفسك تمام ان شاء الله
بالتوفيق ان شاء الله
amr mohamed2
05-06-2011, 03:36 PM
وهخلص على امتى
يوم السبت قبل الامتحان؟؟
وهخلص من العربى هخش ف جيولوجيا
يعنى هم اكبر من هم
ولله انا مخى هيطير منى
amr mohamed2
05-06-2011, 03:39 PM
تصدقوا بالله
العربى انا حلمت بية السنادى مرتين او تلاتة
اقسم بالله العظيم حقيقى
حلمت انى مش عارف احل ف الامتحان
ربنا يستر
انا هقوم اتغدى وانام
عشان انسى
مينو200
05-06-2011, 06:51 PM
بص يا معلم انا كنت زيك كدة بس الحمد لله اشكر ربنا لميت نفسى
بس الفرق بينى وبينك انا كنت مخلص الادب من زمان هقولك الى عملتة وحاول تعملة
يوم واحد ذاكر فيه الجزء الاول من القصة الجزء الاول بس لان القصة بتيجى اختيارى
وبع كدة زاكر 5 دروس قراءة وسيب العقاد عشان بردو بتيجى اختيارى وزاكر النصوص النثرية كلها وزاكر 5 نصوص شعرية بس وسيب السادس لان الشعرى هو الى بيجى اختيارى وخلى بالك من التعبير هتلم فيه والنحو ربنا يسهلك بقى انا لسه مش خلصتة
khaled.kabo
05-06-2011, 10:47 PM
زاكر دم بس وخش
القصة الجزء الاول
القراءة قيم انسانية / العلم فى الاسلام / القدس
النصوص الصغيران / نظرة / سيد قرارك / المساء /غربة وحنين / صورة الكمال
النحو مضطرين كلة بس ركز على المهم
البلاغة سهلة
الادب كدة كدة جاى النثر يعنى تذاكر القصة / الرواية / المقال وسيبك من المسرحية عشان فى جدل علية وبكدة حلين نص سؤال الادب
وبكدة يعتبر مذاكر نص المنهج وهيبقى الامتحان كلة اجبارى عليك