السادة المعلمين الافاضل
نفسى اسمع اجابات صريحة
ليه الانانية اللى فيكو دى
البلد مش محتاجة بهدلة
ليه كل طلباتكم طلعتو بيها مرة واحدة زى المدفع كده
والله العظيم انا لست من
حاشية الوزير ولا غيره
بس نحن فى ظروف طارئة لازم نتحمل شوية
ليس بين عشية وضحاها عاوزين تقلبوا ميزان الامور كده
العملية عملية
كياسة وفطنة وحكمه
واهم شئ البركـــــــــــــــــــــة من الله
وياريت الناس تمشى على قدها
وان شاء الله مشوار الالف ميل يبدأ بخطوة
اما كل حاجة عافية كده
اعتقد ان اى وزير هينفذ اى قرار بالعافية كده سيكون بعد احترامى له
غير واع بمجريات الامور ومينفعش اى حاجة
ولو انت مكان الوزير كنت هتععمل ايه ؟؟؟
ماذا تفعل لو كنت مكان الوزير؟؟؟

انانيه مره واحده هو اللى يطالب بحق يبقا انانى غريبه الناس شكلكشغال فى وزاره الاتصالات ولا الاستثمار ولا الصناعه ولا الصحه ولا ......... لان حضرتك لو كنت معلم مكنتش هتقول الكلام ده

والله عندك حق يا استاذ رضا
وياريت كلنا نبص الاول علي حال البلد قبل ما نبص علي نفسنا

ياجماعة اعتقد انى لست انانى
وانما الصبر شوية
يعنى احنا كنا بنحلم احلام بسيطة
ليه
مرة واحدة
اافتكرنا كل حاجة
فى اوقات البلد فيها مقلوبة ماحد
يعرف مين الحق ومين الباطل
نهدى شوية
وان شاء الله كل مركب ليها كراها
وربنا يعوض علينا كلنا

تعرف ان فى معلمين بقالها ما بين 5 و10 سنين من غير تعيين
تعرف فى ناس بالحصة بتاخد 105 جنيه
تعرف ان المتعاقد تقريبا بياخد 340 جنيه
تعرف يعنى ايه انك تدخل امتحان الكادر وتسقط
طيب يعنى ايه ؟ اللى سقط ده فاشل ؟ خلاص افصلوه
تعرف ان الوزارة الوحيدة اللى بتعمل اختبارات بالطريقة الفاشلة دى هى التربية والتعليم
تعرف يعنى ايه لما يطلع تصريح الوزير بيقول يستثنى المعلمين من الجدول الجديد للاجور ؟
طيب اشمعنا المعلمين .. تبع دولة تانى ؟؟؟
ياراجل
الموضوع طويل جدااااااااا.. والواحد زهق من الكلام
والمعلمين سكتوا كتير لكن المشكلة فى غباء تصريحات المسئولين اللى بتستفزهم اكثر
ودى مش انتهازية ولا انانية لما يكون الكل فى مركب وحدة
لكن يطلع المعلمين بس من بين موظفى الدولة !!!!!!!!!!

ياريتك تكون من حاشية الوزير .. على الاقل تعرف المعلمين بيعملوا ايه وييقولوا ايه وبياخدوا كام ؟

لكن معلش كل مسئول له يوم يتحاسب فيه

ابحث فى اليوتيوب عن الدكتور طارق الحصرى

يا عم بلاش الكلام الكبير ده
اشمعنا المدرسين لما يحاولوا يعملوا مظاهرة بنلاقى الف واحد بيقولك البلد البلد
لو البلد هتخرب لما نطالب بحقنا

تخرب البلد بس ناخد حقنا

بقول ايه هو احنا قلبنا البلد وعملنا ثورة علشان ايه مش علشان اوضعنا الى ولا تسر عدو ولا حبيب وبعدين لاسف الى بيتكلموا عن الصبر دول فئه مستريحه اوى فى الحياه ولو عاشت يوم فى الفقر والمرض وقلة الجواز وغيره كتيييييير وربى ما هتستحمل من الاخر يا جماعه الدليل على قيام ثوره دليل على ان الصبر نفد والحريه مش معناها اقول الى انا عوزه وبس الحريه كمان ان المظلوم ياخد حقه

لا اعلم لماذا تهاجمون صاحب الموضوع اعتقد انه معه حق

هل تريدون ان تحصلون على حقوقكم وتعاملون كالادميين وهل تريدون ان يقوم وزير المالية بعمل حد اقصى للاجور يجعله يضطر ان يقلل من راتبه الضخم هو وحاشيته وكذلك سائر الوزراء وحاشيتهم من اجل ان تحصلون انتم على حقوقكم

يا اخوانى فلنموت جميعا من اجل ان يعيش هؤلاء فهم اهم منا ولنصبر ونتحمل وان شاء الله على الثورة اللى جايه وعليكم خير احتمال ودا مش اكيد يعنى انهم يفتكروا المعلمين ويعطوهم ما يستحقونه

هاموت واعرف صاحب الموضوع دا بيشتغل ايه ويا ترى عايش معانا فى مصر ولا عايش فى مصر تانيه غير اللى احنا عايشين فيها

المعلمون هم الوحيدون الذين لم يخرجوا فى مظاهرات فئوية على الرغم من انهم اكثر من ظُلم فى العهد البائد وبدلا من ان يُكرموا على ذلك ويكونون اول من يتم اقرار مبدأ العدالة الاجتماعية عليهم تم العكس وتم تناسيهم بشكل مُهين

يا رب تكون فهمت حاجه

هل سأل أحدكم نفسه هذا السؤال ؟ ( هل الإسلام يعرف الثورات والمظاهرات والاعتصامات ؟! )

ايها الساده عذرا كلا منا يريد ان يكتب كلاما ولا يدري ما يعنيه من كلام
فهناك من يقول اضراب عن امتحانات الثانويه واخر يقول نعمل مظاهرة وغير ذلك مما تجود به القرائح المريضه
اذا كان هناك عجز كلي في الميزانيه العامة للدوله 180 مليار جنيه فمن اين تأتي الحكومة بالمال الازم لرفع الاجور الذي يرضي الجميع احمدوا ربنا وبلاش طمع وكل واحد يراعي ربنا في عمله هو الشعب المصري معروف انه شعب انتهازي لما يشعر بضعف الحكومه يركب ويدلدل رجليه ويتشرط حرام عليكم وقبل ما تدوروا على الزياده دوروا انتوا بتشتغلوا كام ساعة مقابل الاجر ده كل مدرس بيروح المدرسه يشرب كوباية شاي وسجارتين ويشرح من غير ضمير علشان الدروس ويحاول يزوغ من المدرسه بدري علشان يلحق المجاميع اتقوا الله وبلاش تكون انتهازيين

صدقنى مش عارف ارد عليك اقولك اية
لان كل الكلام اللى ممكن اقولة هيزعلك وعلى فكرة انت من كوكب الارض ولا من كوكب تانى

اذا سمحت يا ريت متعممش .الاغلبيه العظمى من المعلمين شرفاء لا يفعلون ما ذكرته سابقا،و من يفعل ذلك فاحد اهم الاسباب التي دفعته للدروس والمجموعات هي قلة الدخل وذيادة اسعار كل شيئ من حوله ،وهو دخله لا يغني ولا يسمن من جوع جوع .دد

ومعلش هو العجز في الميزانيه يشيله فوق دماغه المدرس بس اللي اجره ملاليم بالنسبه للعاملين في الكهرباء والبترول .اذا كان في عجز يشيلوا من المليان ويصبوا شويه على الفاضي متبقاش اول مرتب عندهم جنيه واحنا بعد  سنين ج

صح .. المدرس بس هو اللى يتهاان و يتحمل عجز الميزانيه..ربنا معاك........الاعتصام يوم الثلاثاء 7-6-2011 لا تراجع

لا تعليييييييق

حبيبي يا عم الشيخ يالي خايف على البلد
انت بتقبض كام في الشهر.....................
انا بقبض 105 جنية فقط لاغير
حسنه قليلة تمنع بلاوي كثيره
من قدم شئ بيداه يلتقاه
احنا عازين زكاه رمضان السة دي
احنا عاوزين ثورة ثاني
معلم بالاجر راتبي 105 جنية في الشهر
راتب المستشار كام يا عم الشيخ
راتب مامور الضرائب كام يا عم الشيخ
راتب موظف البنك كام يا عم الشيخ
ثورة ثورة ثورة

لأن فى الاسلام لازم يكون فيه عدل والمسلمين الحقيقين كانوا بيطبفوا ده
لكن اللى احنا فيه دلوقتى عدل ؟ !!!!!!!!!!!!!
ده منتهى الظلم
لأن المعلم المفروض يكون فى أعلى مكانة
وعلى فكرة لو مرتبات المعلمين زادت وبقت توفرلهم حياة كريمة أول ناس هتحارب الدروس الخصوصية هما المدرسين نفسهم
لأن المدرس مش بيبقى مبسوط وهو بيمد ايده كل شهر للطالب علشان ياخد منه فلوس الدروس
لكنه مضطر يعنى هيعمل ايه وسط الغلاء ده

معلش حضرتك احنا فاهمين كويس و وطنيين جداااا وعارفين حقنا جداااا و سوف نعتصم جداااااا جداااااااااا و شكرا للنصيحه

يا اخي دا انا كنت اخد 50 او 100 او 150 ولما تتعاظم قوي كنت اخد 200 جنيه

وترفع كل المرتبات وتنكر على المعلمين كل حق

ويرجعوا ويقولوا التربيه والتعليم وزارة مستهلكة بالذمه دا كلام

يا اخي الناس دي من سنين وحالها واقف ويقولوالنا

التعليم شغلت الانبياء يعني احنا نبقى انبياء و وهم مصرين على الكفر

استغفر الله العظيم يا رب واتوب اليك منكل ذنب

الى الاخ / رضا
احب اقول لك ان محدش بياخد حقه الا المظاهرات وده اللى واضح شفت موظفين البنوك اللى كانوا عاملين مظاهره وسالوا واحد منهم انت بتقبض كام قالهم 8000
سالوه وعامل مظاهره ليه قال فى ناس معايا بتقبض 20000 ومع ذلك زودولهم المرتبات والحوافز
نحن نعرف وضع لبلد جيدا اكثر من اى حد تانى وده اللى كان مسكتنا
لكن السكوت لا ينفع مع الناس دى ارجو ان تتفهم الوضع وشكرا لك

اشمعنا المعلمين اللى عمالين يقيمو فيهم ويذلوهم ويمتحنوهم ويكرهوهم فى عيشتهم وبعدين يتركوهم عايشين شحاتين احسن واحد فيهم معاه عجله تعبانه بيروح بيها المدرسه

الى الاستاذ الفاضل كاتب الموضوع . الرجاء عدم المزايدة والمتاجرة بحجة الوطنية والخوف ع البلد فكلنا نخاف على بلدنا اكثر من اى فئة اخرى . لكننا نبحث فقط عن حقوقنا المهدرة واذا كانت البلد في وضع صعب فليخرج وزير المالية وليعلن انه لا يمكن الان تطبيق الحد الادنى على موظفين الدولة وساعتها كلنا هنصبر ومفيش مشكلة . لكن اني الاقي كل الناس حواليا اخدت حقوقها واحنا لا بل اصبحنا اقل الفئات اجرا حتى اقل من العمال والاميين مع كامل احترامنا ليهم . فهذا هو الذي لا يمكن ان يرضى به اي عاقل والا فلترك هذه المهنة ونبحث عن وظيفة اخرى لكي نستطيع ان نصرف منها على بيوتنا .

والله العظيم انا بحترم جدا رأى كل الناس المحترمين اللى ردوا سواء بالايجاب او بالاعتراض
بس انا لى طلب واحد فقط
هو
ان نأخذ حقوقنا كاملة بهدوء لاننا فى وقت ازمة
وكل الناس المعترضة عندها
حق
لان كلنا ناس بتعول والمرتب فعلا لا يكفى اكثر من بضع ايام "من 3 : 9
نحن نريد ان نسير بخطوات منظمة ومرتبة
وياريت لا نترك الفرص لبعض الناس تطلع لفووووق قوى على حساب ناس اخرى
ولحضراتكم جزيل الشكر
وانا مسامح كل من اتهمنى بسوء
وفعلا لن اقول حسبى الله ونعم الوكيل
لانكم اخواتى
وشكراااااااااااااااااااااااااااااااااااا

ممكن لاخ رضا يقولنا هو شغال ايه ؟؟؟؟؟ وبيقبض كام ؟؟؟؟؟؟
هل سيادتك تقدر تعيش بـ 350 جنيه شهريا ولك زوجة وابنه ومش بتدى دروس خصوصيه لان من وجهة نظرى مينفعش المدرس يمد ايده للطالب وياخد منه؟؟؟؟؟؟؟؟؟؟؟؟؟؟؟
طبعا كلنا بنحب مصر وبنخاف عليها ، واحنا المدرسين صبرنا كتير ، مهنانه وذل وملاليم والاخر كل الموظفين يزيد مرتباتهم الا المدرسين عشان بياخدو كادر ؟؟؟؟؟؟؟؟؟؟؟؟؟؟؟ انت عارف اننا بعد الكادر بناخد 350 جنيه ؟؟؟؟؟؟؟؟؟؟؟؟؟؟ يعنى العامل الموجود فى اى منظمة حكوميه تانية هياخد 700 جنيه ؟؟؟؟؟؟؟؟؟؟؟؟؟ تقدر تقوللى الكامل مؤهله ايه ؟؟؟؟ اقولك انا ممكن يكون اعداديه وممكن يكون دبلوم !!!!!!!!!!!!!!!!!!!!!!! طب سيادتك عارف احنا مؤهلنا ايه ؟؟؟؟؟؟؟؟ بكاليريوس تربيه + دبلومة تخصص سنتين + تحضير ماجستير
هل دا يرضى ربناااااااااااااااااااااااااااااا
اعتصام اعتصااااااااااااااااااااااااااااااااااااااااام اعتصاااااااااااااااااااااااااااااااااام
موعدنا يوم الثلاثاء ان شاء الله امام الوزارة