مشاهدة النسخة كاملة : ثلاثاء الغضب
المستشار الفنى 06-06-2011, 09:47 AM يا جماعة عايزين نتحد بكرة أمام المشيخة حرام اللى بيحصل فينا ده ولا حس ولا خبر عننا خالص الناس دى مستهترة بينا ولا أيه كله أتثبت إلا أحنا أنا مش عارف الأزهر ده بيعمل إيه بالظبط
لازم يكون لينا رأى وصوت هما مش حاسين بينا خالص
وسكتونا بالكام شهر المكافئة
أهم مطلب لينا دلوقتى هو التثبيت على درجة مالية
أنا مستعد للذهاب بكرة أمام المشيخة وهأكلم زمايلى برضه أن شاء الله عشان يجوا معانا الموزانة خلصوها ولا حس ولا خبر عننا خالص الدور الأكبر على معلمى القاهرة والجيزة و6 أكتوبر وحلوان والقليوبية والشرقية عشان هما أقرب ناس للمشيخة عايزين رجالة زهقنا من الإنتظار
إيميلى أهو للى عايز يتواصل معاى ونرتب مع بعض هنعمل أيه بكرة
Alqaed_84***********على الياهو
ورقمى 01527822628
أخوكم إبراهيم عطية منطقة الشرقية الأزهرية
وكله يخش على رابط كلنا متعاقدين نطالب بالتثبيت على الفيس بوك
ام رهف 06-06-2011, 10:45 AM ماشي ياسيدي
بس حضرتك شايف في حاجة اسمها انا رايح بكرة المشيخة واللي عاوز ييجي معايا يكلمنى ولا نتفق على ميعاد وليكم 15\6 وساعتها الامور هتكون وضحت اكتر للناس اللي لسة عندها امل وبالمرة يعرف اكبر عدد ممكن
المستشار الفنى 06-06-2011, 10:48 AM أنا كنت هناك إمبارح وكنا حوالى عشرة وأتفقنا على العودة تانى بكرة أن شاء الله عشان نسمع صوتنا أكتر بس عايزيين أكبر عدد من المتعاقدين ينضم لينا
ام رهف 06-06-2011, 10:51 AM طيب كان في استاذ هنا في المنتدى اسمه ضويحى كان بيقول انه معه عدد وكان تارك رقم تليفونه لو ممكن التواصل معه على فكرة هو كان متحمس جدا لكن تقريبا مالاقاش حد يشجعه
بعبشش 06-06-2011, 10:51 AM كلنا معاكم ان شاء الله
ان لصاحب الحق مقال
المستشار الفنى 06-06-2011, 10:55 AM يا ريت أعرف رقمه وأنا أتصل عليه
يا جماعة خليكم إيجابيين شوية وأتحركوا إحنا بينضحك علينا
المستشار الفنى 06-06-2011, 11:35 AM يا متعاقدين أكسروا الخوف والكسل بقى
النجدى 1980 06-06-2011, 12:04 PM بلاش نتفق يا ام رهف بلاش تعدد التواريخ عشان ينجح ولو مرة وحدة
بكرة يعنى بكرة وايه المانع ان يبقى اعتصام مفتوح والعدد يزيد كل يوم ايه رايكم
المستشار الفنى 06-06-2011, 12:04 PM يا ريت يا جماعة اللى يقرأ الموضوع يرد عليه
واللى عازم أن شاء الله يروح بكرة يتصل عليا أو يكتب رقم تليفونه وأنا هتصل عليه
المستشار الفنى 06-06-2011, 12:07 PM برافو عليك يا نجدى هو كده الصح أنا بأفكر فى كده برضوا أن شاالله نبات قدام المشيخة أنا مستعد والله
كلمنى على الإيميل
alqaed_84 على الياهو
ام رهف 06-06-2011, 02:03 PM بلاش نتفق يا ام رهف بلاش تعدد التواريخ عشان ينجح ولو مرة وحدة
بكرة يعنى بكرة وايه المانع ان يبقى اعتصام مفتوح والعدد يزيد كل يوم ايه رايكم
تمام
انا بس مستغربة على عدد المتعاقدين في الازهر اللي مش بيسعو انهم يطالبو بحقهم باقول يمكن علشان المواعيد مفاجأة انما ماشي كلامك
ايادممدوح 06-06-2011, 02:31 PM و الله شباب رجالة وبنات زي الفل ..... هو كدة الصح ... حتي لو كنا عشرة عشرين ...او واحد ... المهم نبطل كسل ... لكن الخوف مش موجود لان ما فيش حاجة يتخاف منها طالما مش بنكسر حاجة.....ومش مهم نقول المعاد قبلها بسنة ... ما احنا لينا سنين بنتكلم .. وما حدش بيروح
فبلاش الناس اللي كل مرة بتتلكك بالمعاد تتكلم و اللي كسلان يروح .... خلاص خليه ... احنا حانجيب له العقد الجديد لغاية البيت علشان يمضيه .... مش انتوا كنتم بتتمرطوا كل سنة علشان تمضوا العقد
اتعبوا يوم واحد وروحوا اهوا المهزلة دي
المستشار الفنى 06-06-2011, 02:40 PM ممتاز يا إياد يارب تكون معانا بكرة
الساعة 10 امام المشيخة
رقمى 01527822628
ايادممدوح 06-06-2011, 03:03 PM ممتاز يا إياد يارب تكون معانا بكرة
الساعة 10 امام المشيخة
رقمى 01527822628
والله انشاء الله معاك
وكل معارفي حابلغهم
المستشار الفنى 06-06-2011, 03:07 PM الهمة يا شباب الحرية على الأبواب
على وعلى وعلى الصوت اللى بيهتف مش هيموت
يا متعاقد فينك فينك على صوتك دول ناسيينك
يا إمامنا يا إمام فين كلامك من زمان
يا إبراهيم يا صادق فين الوعد الصادق
يا متعاقد أصحى وفوق رجالة الأزهر ليه نسيوك
ابو مريومة 06-06-2011, 03:38 PM يا اخوانا بلاش من التمني والله ما فيه تثبيت الا لما نعمل حاجة شيخ الازهر خلع ايده من موضوعنا خالص ومش فاضيلنا
لازم نتحد ونعمل زي الناس الدولة ورتنا الطيق وهو الاعتصامات والاضراب حتى عن الاكل والشرب لو عشرة بس قدام المشيخة واضربوا عن الطعام هتتقلب الدنيا
التربية والتعليم ثبتت اللى شغالين بالحصة السنة اللى فاتت
يعنى باين الحككاوى قوى
ربنا معانا وهينصرنا
بس لازم نتحد
الثلاثاء ان شاء الله قدام المشيخة ومش ماشيين بايتين هناك هيعملولنا ايه يعنى ولا حاجة
وهتشوفو النتيجة
ربنا يوفققنا جميعا
العشابي 06-06-2011, 04:02 PM بجد بجد ربنا معاكم والله .لولا الواحد من اسوان كان ظبط معاكم ..عشان خلاص الواحد جاب اخره ...........ز
the keng 06-06-2011, 04:34 PM بلاش نتفق يا ام رهف بلاش تعدد التواريخ عشان ينجح ولو مرة وحدة
بكرة يعنى بكرة وايه المانع ان يبقى اعتصام مفتوح والعدد يزيد كل يوم ايه رايكم
والله العظيم لولا اني من سوهاج لكنت معاكم بس انتوا عملوا اعتصام ليوم واحد واوعدكم بامتداد الاعتصام في سوهاج في اليو التالي
برافو عليك يا نجدى هو كده الصح أنا بأفكر فى كده برضوا أن شاالله نبات قدام المشيخة أنا مستعد والله
كلمنى على الإيميل
alqaed_84 على الياهو
يا اخوانا بلاش من التمني والله ما فيه تثبيت الا لما نعمل حاجة شيخ الازهر خلع ايده من موضوعنا خالص ومش فاضيلنا
لازم نتحد ونعمل زي الناس الدولة ورتنا الطيق وهو الاعتصامات والاضراب حتى عن الاكل والشرب لو عشرة بس قدام المشيخة واضربوا عن الطعام هتتقلب الدنيا
التربية والتعليم ثبتت اللى شغالين بالحصة السنة اللى فاتت
يعنى باين الحككاوى قوى
ربنا معانا وهينصرنا
بس لازم نتحد
الثلاثاء ان شاء الله قدام المشيخة ومش ماشيين بايتين هناك هيعملولنا ايه يعنى ولا حاجة
وهتشوفو النتيجة
ربنا يوفققنا جميعا
ربنا معاكم بس ياريت تكملوا وكونوا واثقين من حاجه اني العدد بيزداد كل ساعه
مستر/ عبدالكريم على عبدالنعيم 06-06-2011, 04:36 PM يا رب المة دى خير فعلا الاعتصام المفتوح هو الحل زى الثورة كل يوم العدد يزيد وينبهنا انه كان اليوم كذا
المستشار الفنى 06-06-2011, 05:49 PM يا جماعة توكلوا على الله وتعالو بكرة يارب ماتكسفونا
المستشار الفنى 06-06-2011, 07:56 PM همتك معانا يا أبو مريومة ويا أستاذ عبد الكريم
ناصر65 06-06-2011, 10:17 PM التربية والتعليم خدوا قرار
اتنفذ
وتانى مرة وعلى ثقة حيتنفذ
الازهر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ربنا معاكم
mr. Hamdy 06-06-2011, 10:26 PM ربنا معاكم والله انا يامه اتكلمت مع زمايلى فى البحيرة وكلهم مستعدين ومش عاجبنا الوضع المهين ده
المستشار الفنى 06-06-2011, 11:29 PM بالله عليك يا استاذ حمدى تيجى بكرة أنت وزمايلك
ورقمى اهو 01527822628
mohammedenglish77 06-06-2011, 11:53 PM ياجماعه نحب ايدكم خلى العتصام مفتوح حتى ثلاث ايام وانتم هتشوفو ايه اللى هيحصل وهتشوفوا الاعداد هتذيد اذاى احنا عندنا تجمع كبير من المتعاقدين فى البحيره لو صبرتوا كله هيجمع
يا اما بلاش حديروح لان الازهر هاذى علينا بيقول معندهمش صبر
mr. Hamdy 07-06-2011, 12:03 AM فعلا يا جماعة الاعتصام المفتوح هوة الحل
ولازم الصبر وان شاء الله نكونوا الشرارة اللى حتقيد للجميع
وان شاء الله الكل حيفوق لما يلاقى ايجابية وعزم والعدد حيزيد
ابو منة المصري 07-06-2011, 09:38 AM شباب الازهر للاسف محبطين وكثير منهم سلبين ربنا معاكم
رضاالوادي 07-06-2011, 10:30 AM ربنا معاكم
معلم متعاقد 07-06-2011, 10:36 AM حتى لو كان العدد قليل منيأسش لان كل يوم هيزيد واللى مش عارف هيعرف ان فيه اعتصام مفتوح عند المشيخه واللى كان خايف مش هيخاف اوعوا الفرصه تضيع المره دى لان لو ضاعت هنندم اشد الندم وبعدين البلد داخله على انتخابات مجلش شعب ورئاسه يعنى محدش هيفضى لنا بعد كده ياريت اللى ظروفه تسمح ميتأخرش والله والله لو تسمح لى ظروفى ما كنت اتأخرت أنا نفسى اعمل اى حاجه بس اتعين
_sara_ 07-06-2011, 07:23 PM بكرة يعنى بكرة وايه المانع ان يبقى اعتصام مفتوح والعدد يزيد كل يوم ايه رايكم
abdelsalam1983 07-06-2011, 09:53 PM ان شاء الله مش نازل اهمدوا بقه شويه هو كله بقوا رجاله
ايادممدوح 10-06-2011, 07:15 PM لو قعدنا نقول لولا اني من اسوان كنت رحت معاكم
لولا اني كنت من سوهاج
لولا اني من اسكندرية
مش حنعمل حاجة
وبتوع القاهرة لو كانوا حيتحركوا كانوا اتحركوا من زمان
ام جنى 11-06-2011, 02:34 AM ههههههههههههههههههههههههههههههه كل مره تقولوا هنتجمع واروح ولا حد بيجي بطلوا وهدوا شويه انتوا بتكلموا ناس مش فدمخه حاجه اساسا اخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخ
mr.emady 12-06-2011, 03:21 AM يا جماعه عايزين نتفق على ميعاد نتجمع فيه قدام المشيخه وكفانا كلام
|