رئيس "التنظيم والإدارة": بدأنا الإجراءات القانونية لتثبيتهم..

"النحاس": نبحث عن مخرج لحساب سنوات الخبرة لمعلمى الحصة




أوضح الدكتور صفوت النحاس، رئيس الجهاز المركزى للتنظيم والإدارة، أنه كلَّف المستشار القانونى للجهاز بالبحث عن مخرج يمكِّنه من احتساب سنوات الخبرة للعاملين بالدولة، ومنهم معلمو الحصة، الذين سينتقلون من بند "3/10 مكافآت" إلى بند "2/3 أجور موسميين"، وأكد "النحاس"، فى تصريحاتٍ خاصة لـ"اليوم السابع"، أنه فى حالة إيجاد هذا المخرج فإن الدولة ستقوم بتعيين العاملين فى جهازها الإدارى كموظفين دائمين وليس كعمالة مؤقتة دون الحاجة إلى قضائهم 3 سنوات على البند "2/3".

وقال "النحاس" إن الجهاز طلب من المديريات التعليمية بالمحافظات إبرام عقود جديدة لمعلمى الحصة بها على بند "أجور موسميين"، كما طلب من وزارة المالية تعزيز هذا البند بأموال من بند المكافآت، وأضاف "والله العظيم إحنا ما بنامش عشان نلبى طلبات الموظفين الحكوميين وأنا اجتمعت بالمعلمين المتواجدين أمام الجهاز لمدة ساعتين الصبح عشان أسمعهم".

وتابع "نتعامل مع مطالبات معلمى الحصة بمرونة ولا مصلحة لنا فى تعطيل تعيينهم، ولكننا نتخذ الإجراءات القانونية التى تفرضها لوائح العاملين بالدولة"، لافتاً إلى أن نقل المعلمين على بند 2/3 يعد خطوة على طريق تثبيتهم تتوازى مع البحث عن مخرج لاحتساب سنوات عملهم سابقاً تمهيداً لتعيينهم.


http://www.youm7.com/News.asp?NewsID=430259&SecID=65&IssueID=168

يعني احنا دلوقتي موقفنا ايه انا مش فاهم
تثبيت ولا عقود
حد يفهمني قبل ما اتجنن

يعني اية انا مش فاهم
اللى كمل ال3سنوات اجر 105 هيتعمل معاة اية

بجد هما محسسنى الدنيا حتقف على ايجاد ميزانية لإخواننا العاملين بالأجر

مفيش حاجه تتقال غير منهم لله

طيب درجات اللى اتعينوا فين

اظن بقى الكلام واضح احنا لازم ننزل القاهره ونشوف حل للمصيبه ده علشان احنا خلاص بقينا ملطشه

انا كلمت واحد فى التنظيم والاداره قالى بمنتهى الشفافيه ( انتوا مش معمول حسابكم السنه ده فى الدرجات الماليه ولازم نشتكى للنيابه الاداريه )يمكن توصلوا لحل .

ده اخر كلام اللى عايز يصدق يصدق واللى مش عايز يستنى لشهر 7 لما الحلم يفوق منه يلاقيه كابوس سبكم بقى من الحد الادنى والحد الزفت انا عندى ابقى معين واخد 400ج ولا انى ابقى متعاقد واخد 1000ج وياريتنا هناخدهم اصلا

مفيش بيت بيتبنى من غير اساس

قبل ما نطالب بالحد الادنى الوهم الكبير ده نطال بالدرجات وبالتعيين الرسمى لاننا مازلنا متعاقدين واللى عنده كلام غير كده يقول

وابوس ايديكم ارحمونا من الغباوه ومفيش حد يفتى ويقول لا احنا معينين

كفايه كده!!!!!!!!!!

سبب النكبة والضيق الى احنا فيه الان ان المسئولون مازالوا متمسكين بالقوانين المهترئة ولا يريدون ان يغيروا هذه القوانين وكأنها نصوص مقدسة نزلت من عند الاه... مع أن كل دول العالم بتغير قوانينها حسب المستجدات والاحتياجات الا احن لانخرج قانون الا فى مصلحة فئة معينة

سبب النكبة والضيق الى احنا فيه الان ان المسئولون مازالوا متمسكين بالقوانين المهترئة ولا يريدون ان يغيروا هذه القوانين وكأنها نصوص مقدسة نزلت من عند الاه... مع أن كل دول العالم بتغير قوانينها حسب المستجدات والاحتياجات الا احن لانخرج قانون الا فى مصلحة فئة معينة



كلام منطقى وصحيح مائه بالمئه

يا رب انت القادر علي كل شيئ

عاوز يشوف لينا مخرج.ايه مخرج ده انشاء الله.بنقبض 90 جنيه وفي شهور كانت 20 جنيه ويقولنا مخرج.حسبي الله ونعم الوكيل

يا رب يخرج الى ناار جهنم وبئس المصير
بالذمة ده لو عنده ابن متبهدل زينا كدة مش كان لقي مليون مخرج
اصله هيدينا من جيب أبوه

اقسم باللة العظيم لابد نقف وقفة جادة ونعمل مظاهرة كبيرة جدا ونتواصل مع بعض لترتيب زالك ونعتصم عشان ربنا يكرمنا زى ما كرم كل المصريين ولا هما معتبرين مدرسى الاجر والحصة يهود يا اخونا لازم نتصرف بسرعة قبل ما نندم بقية عمرنا وكفاية عمرنا الى راح هدر

ياريت على البهدله ده في كوسه جامده واللهى في شخص اسمه احمد عبد المنعم عبد الوهاب خريج جغرافيا ودخل الكادر انجليزي والمصيبه جاله قرار تسكين على انجليزي.وانا اللى تربيه انجليزي وشغاله بالحصه وفي الاخر يتقال مخرج .بجد كده كتير الواحد ساكت وعمال يقول بكره يتعدلو والثوره نضفت دمغهم بس للاسف .

ياريت على البهدله ده في كوسه جامده واللهى في شخص اسمه احمد عبد المنعم عبد الوهاب خريج جغرافيا ودخل الكادر انجليزي والمصيبه جاله قرار تسكين على انجليزي.وانا اللى تربيه انجليزي وشغاله بالحصه وفي الاخر يتقال مخرج .بجد كده كتير الواحد ساكت وعمال يقول بكره يتعدلو والثوره نضفت دمغهم بس للاسف .

صفوت النحاس رفض لان معظم المؤهلات اللي مطلوب منه تثبيتها متوسطة ولقي مش هينفع يدخلو على قانون التعليم لان شرط اساسي ان يكون مؤهل عالى تربوي وهو دا اللي عمل المشكلة فياريت المطالبة بحقوق المؤهلات العليا لان موقفكم هيكون اقوى