أحب أعرفكم يا جماعة أن أنا رحت إمبارح زى ماوعدتكم وكان معى سبعة أشخاص مناضلين فعلاً
تلاتة من الشرقية وأتنين من المنصورة وأتنين من القليوبية
ولا عزاء لمحافظات القاهرة الكبرى اللى مفروض يكونو هما أقوى المبادرين
المهم يا جماعة على فكرة القاهرة زحمة جداً وغير متوقعة أنا طلعت الساعة 8 صباحاً من الشرقية على أساس بوصل المشيخة بالظبط فى ساعتين لكن للأسف طريق منيا القمح بنها صعب جداً وزحمة شديدة
المهم وصلنا المشيخة الساعة واحدة تقريباً لا تتخيلو كمية الباعة الجائلين اللى سادين كل خرم فى أى شارع
وهناك وجدت الإتى خمس عساكر من الشرطة العسكرية واقفين على باب المشيخة وما بيدخلوش أى حد إلا بعد التأكد من شخصيته وداخل يعمل أيه
طبعاً أنتو عارفين تظاهر أو إعتصام سبعة أشخاص ممنوش فايدة رحنا على قطاع المشيخة القديم اللى قدام مستشفى الحسين وسألنا مدير شئون العاملين عن أخبار التثبيت قالنا كل أسماء المتعاقدين راحت التنظيم والإدارة وبتتراجع هناك ولما يخلصوا الشيخ هيمضى على قرار التعيين لكن مش قالنا معاد محدد
المهم عملنا تظلم ووديناه ديوان ( الظالم ) المظالم سابقاً ووقعنا عليه

وبعد كل ده يا متعاقدين ما آنش الأوان بقى تتحركوا أحنا الحمد لله بدأنا وهى خطوة للأمام عايزين تحرك أوسع المرة الجاية وأوعى حد يظن أن أحنا فشلنا لا أنا كسبت سبع أشخاص والسبعة المرة الجاية يبقو 100 و1000 أن شاء الله مع العزيمة لذلك أتقدم بإقتراحى الآتى يا شباب المتعاقدين ويار يت تردو عليه

أولاً / موضوع المشيخة ده صعب جداً مع الظروف اللى حاكتهالكو خاصة بالنسبة للمحافظات عشان كده أنا بأقترح أن يكون الإعتصام القادم أمام المناطق الأزهرية
ثانياً / لازم يكون فى كل منطقة منسق للإعتصام واللى شايف فى نفسه القيادة بجد يتفضل يسيب رقمه وإيميله ويحاول يجمع أكبر عدد ممكن
ثالثاً / ان يصل عدد المتعاقدين فى كل منطقة إلى 300 متعاقد على الأقل ولو حسبنها 70 ألف على 28 محافظة يطلع 2500 فى كل محافظة أحنا عايزين 300 ويا ريت يكون أكتر
رابعاً / التشاور بين المنسقين العموميين على مستوى المحافظات على معاد الإعتصام وذلك بعد تجميع الأعداد
خامساً / إرتداء زى موحد يوم الإعتصام عشان نعرف بعضينا لأن دى مشكلة واجهتنا أمبارح أحنا مش كنا عارفين بعض
سادساً / الإتفاق العام على المطالب الخاصة بالمتعاقدين

منسق الإعتصام لمنطقة الشرقية
إبراهيم عطية 01527822628
الإيميل alqaed_84 على الياهو

خمس عساكر من الشرطة العسكرية واقفين على باب المشيخة

انا نفسى اعرف حاجه فين شيخ الازهر من ده كله ساكت ليه ومش معبرنا

جزاكم الله خيراااااااااااااا للسبعة الذين ذهبوا الى مشيخة الازهر الشريف للسؤال عن ميعاد التثبيت للسادة معلمي الازهر الشريف المساعدين

مع العموم يا جماعة خلاص الموضوع قرب وان شاء الله سينتهي الجهاز المركزي للتنظيم والادارة من فحص الاوراق المقدمة من الازهر الشريف والبالغ عددهم 70 الف

فايز فراج
مدرس مساعد - لغة انجليزية
الازهر الشريف
وشكرااااااااااااااااااااااااااااااا

والله يا جماعة شكرا لكم على مجهودكم
ربنا يعين الباقى عشان يتحركو

انا رحت يو الثلاثاء
وقدمت تظلم
انا وواحد زميلي راجل جدا
قرر انه يخرج من القمقم
للتواصل 0128999005

والله انا خايف نندم يوم لا ينفع الندم تعالو وشوفوا الفساد عمره ما هينتهى فى بلدنا انا ليا واحد جارى لسه حاصل على وظيفه اليوم بواسطه ودفع مبلغ كبير فيها وتعيين وواحنا يالى بندى الحكومه بقالنا سنين شغالين مش قادرين نحصل على التعيين ياخوفى الدرجات دى بتتشال للناس اللى معندهاش ضمير عشان تبيعها بالاف واحنا نايميين مش حاسين وطول ما حنا ساكتين ممكن نلاقى الدرجات اللى كانت ممكن تكون مخصصه لينا اتسرقت وراحت لغيرنا لاننا واقفين لا نحرك ساكن ناش مش بتوع مشاكل

جزاك الله خيرا انت وكل من ذهب
فى ناس كتير منتظرة شهر7وبتقول فى7 نتحرك اما الان لا
ارجو من كل اخ شريف ذهب معك ان يكتب تليفونه ومحافظته ليكن القائد فى المحافظة ليتم التنسيق

كفايه سلبيه يا متعاقدى الازهر والف شكر لكل من ذهب الى المشيخه للمطالبه بحقه ياريت يا جماعه الكل يشارك وطالبوا بحقكم قبل فوات الاوان ولا تنتظروا لشهر 7 لانه ممكن تكون الميزانيه اتعملت خلاص ولا مكان لنا فيها متعاقدى التربيه والتعليم كلهم اتثبتوا حتى اللى لسه ممتحنين فى اول ابريل واحنا بقالنا اكتر من سنه ولسه متثبتناش

يا مستشار الفني والله انتوا كنتم 12 مش سبعة لأن كان فيه خمسة من اسوان ما فيش قطارات سكة حديد يحجزوا فيها بسبب الاضرابات ولا ذهاب ولا عودة وانتم حددتم المعاد قبلعا بساعات و عندهم امتحانات شهادة انهاردة كان لازم يرجعوا في نفس اليوم ... وما معاهمش حق تذاكر الطيران ....

معلش ربنا معانا ... واحنا والله كنا معاكم بجد

وانا كنت باكتبلك ايميل الياهو بتاع اخويا زي ما طلبت بس المنتدي معرفش كان بيوديه حتت بعيدة ليه ؟

انا يا عم اعتبرني منسق اسوان معاك .....

ايميل الياهو oomda51

والله انتم رجاله..ولكن ارجو التنظيم الجاد قبل التحرك

خلاص منعو الاحتجاجات والتظاهرات

دي كلام ناس تقولوا للتهديد اعملوا حاجه مره وكونوا رجاله مره واحده انتم عاوزين شركة بترول تولع فيكم يازهريه لان اكثركم ساكت وجالس خايف علي قطعة العظام اللي مسكها كنتم فين من زمان انتهي الامر ياحلوين اخوكم ضويحي كان بيبوس الجزم وانتم تتريق عليها اشربوا من البحر وسلموا لي علي انفسكم يازهريه سلام

خلاص منعو الاحتجاجات والتظاهرات



والله العظيم ..... منعوا الاحتجاجات والتظاهرات ؟

والله ما كنت اعرف ؟؟

طيب وايه المعلومة المهمة دي ؟


طيب .. هي كانت التظاهرات .. مش ممنوعة ؟؟؟


طيب وحضرتك ما قلتيلناش .. ليه انها كانت مفتوحة و الدكانة دلوقتي قفلت ؟؟؟؟؟

علي الاقل كنا كلنا رحنا وعملنا مظاهرة نطالب فيها بحقوقنا ونثبت ان الازهرية بني ادمين

....... يا جماعة بلاش الكلام اللي مالوش اي هدف ده ...
يعني حضرتك تقدري .. تقولي هدفك ايه ؟


يا جماعة ما فيش حاجة اسمها منع التظاهرات ... لانه حق دستوري ..

اللي ممنوع هو التظاهرات اللي فيها تدمير .. او تعطيل للانتاج

انتم السبعه رجاله بجد
ياريت الكل يصحى ويتحد علشان نجيب حقنا مش هنفضل كده نتفرج على طول؟
وياريت كلنا كان عندنا التفاؤل اللى عند الاستاذ فايز فرج؟تقريبا ليه حد بيشتغل فى التنظيم والاداره مش كده؟
يارب هون وارحمنا
لا اله الا الله

والله العظيم ..... منعوا الاحتجاجات والتظاهرات ؟

والله ما كنت اعرف ؟؟

طيب وايه المعلومة المهمة دي ؟


طيب .. هي كانت التظاهرات .. مش ممنوعة ؟؟؟


طيب وحضرتك ما قلتيلناش .. ليه انها كانت مفتوحة و الدكانة دلوقتي قفلت ؟؟؟؟؟

علي الاقل كنا كلنا رحنا وعملنا مظاهرة نطالب فيها بحقوقنا ونثبت ان الازهرية بني ادمين

....... يا جماعة بلاش الكلام اللي مالوش اي هدف ده ...
يعني حضرتك تقدري .. تقولي هدفك ايه ؟


يا جماعة ما فيش حاجة اسمها منع التظاهرات ... لانه حق دستوري ..

اللي ممنوع هو التظاهرات اللي فيها تدمير .. او تعطيل للانتاج

على فكرة واضح انك بتعلق وخلاص ومش فاهم بتقول ايه
كل اللي هاقدر اقوله لك انا ماسمحش انك تكلمنى بالطريقة دي
اسلوبك معايا مرفوض بالمرة
وبعد كده لما تشوفنى كاتبة مشاركة لطفا ماتعلقش عليها

أحب أعرفك يا استاذ إياد أن الأستاذة أم رهف كانت مؤيدة لينا بس ظروفها صعبة مش عرفت تيجى
ولما قالت انهم منعو المظاهرات والإعتصامات كانت بتقولوا كخبر سمعته فى النشرات
ولم تقصد أرهابنا أو تخويفنا وهذا للعلم

أحب أعرفك يا استاذ إياد أن الأستاذة أم رهف كانت مؤيدة لينا بس ظروفها صعبة مش عرفت تيجى
ولما قالت انهم منعو المظاهرات والإعتصامات كانت بتقولوا كخبر سمعته فى النشرات
ولم تقصد أرهابنا أو تخويفنا وهذا للعلم

اشكرك
والله حرق دمي بكلامه ده وخصوصا انه مش اول مرة يهاجمنى والله لولا انى مريضة في قدمى كنت جيت مشي اساندكم

http://www.facebook.com/pages/%D9%83%D9%84%D9%86%D8%A7-%D9%85%D8%AA%D8%B9%D8%A7%D9%82%D8%AF%D9%8A%D9%86-%D9%86%D8%B7%D8%A7%D9%84%D8%A8-%D8%A8%D8%A7%D9%84%D8%AA%D8%AB%D8%A8%D9%8A%D8%AA-%D8%A8%D8%A7%D9%84%D8%A3%D8%B2%D9%87%D8%B1-%D8%A7%D9%84%D8%B4%D8%B1%D9%8A%D9%81/194507590591959
دي صفحة اعتقد انها تهم جميع متعاقدي الازهر يعنى خد لك من كل بلد صاحب ربما تخلف الحكومة ظنها معانا بعدها يكون طريقنا سهل

اخخخخخخخخخخخخخخخخخخخخخخخخخخخخخخخخخخخخخخخ

حسبى الله ونعم الوكيل ولا حول ولا قوة إلا بالله

http://www.thanwya.com/vb/life/statusicon/user_online.gif




http://www.thanwya.com/vb/images/icons/icon1.gif
لا بد لمعلمى الازهر المتعاقدين ان يتحدوا ويتخذوا موقفا ايجابيا حتى ينالوا حقهم فى التثبيت بعد ان صبروا وعانوا كثيرا . فما المانع من ان يذهبوا الى مقر مشيخة الازهر وتقوم مجموعة منهم بمقابلة شيخ الازهر شخصيا والتحدث معه والاستفسار منه عن سبب تاخير التثبيت حتى الان بالرغم من تصريحاته هو شخصيا عن ان تثبيت المتعاقدين بالازهر سيتم قبل نهاية مارس وان يطلبوا منه ان يحدد لهم الموعد الفعلى والحقيقى المحدد للتثبيت حتى نشعر بالاستقرار ونتفرغ لاداء رسالتنا التعليمية . فلقد مل المعلمون المتعاقدون من طول الانتظار ومن الوعود الكثيرة الخادعة والكاذبة حتى اصبحوا جميعا يشعرون بالياس والاكتئاب والاحباط بالرغم من انهم لا يطلبون سوى ابسط حقوقهم ولولا انى من الصعيد لكنت اول الذاهبين الى مقر مشيخة الازهر والمطالبين بمقابلة شيخ الازهر شخصيا والتحدث معه ومطالبته بحقى فى التثبيت

ريحوا نفسكم احنا مش هنتحرك هاااااااااااااااااااااااااااااااااااو لمل نبطل الدروس

ام رهف انتى الادمن بتاع الصفحة ولا حد تانى فى صفحات كتير شبه بعض

يا جماعه أنا كنت ضدالمظاهرات الفئويه لكن الظاهر فعلا ان احنا مش هناخد حقنا الا بكدا فعلا
لان الحقوق تسلب ولا تعطى
وأنا من دمياط وده رقم تليفونى للتواصل
0126633718