بص على اللى بيحصل فى مصر الفرجة ببلاش :

اول هام : قالولنا فى ثورة وناس كتير شاركت وقولنا البلد بتنضف وبعد كدة قبضوا على رموز الفساد اللى محدش فيهم خد حكم يساوى الاجرام اللى هو عمله مفيش غير العادلى واعتقد دا مش حكم دا بنج للشعب

تانى هام يا عم الحج قالولنا لازم عجلة الاقتصاد تدور علشان البلد نشفت قولنا نعمل ايه
قالولنا بطلوا مظاهرات صدعنا روحوا اشتغلوا قولنا حاضر وهنخلى ليكم حكومة شرف تبنى بلدنا وهتساعدكم قولنا حاضر

تالت هام يا حلو اخواتك : الحكومة شحت فلوس من طوب الارض على الرغم دول تانى فيها مظهرات معملتش كدة قالولنا عددكم كبير هنوكلكم منين قولنالهم حاضر اشحتوا على حسنا ومالو بس ورونا الاكل الشعب جاع

رابع هام يا فارحنى ياللى متربع فى الننى: الحكومة هتزود الاجور :av4056bb7jp3:هيصوا وعيشوا وعملنالكم حد ادنى والدنيا هتبقى ربيع كل واحد مننا عاش الاحلام الوردية وقعد مع الولية يرسموا الايام اللى جاية وحسوا انهم بنى ادمين

خامس هام : الدنيا اتقلبت والحكومة انكشفت :angry2: والتصريحات بقيت عايمة وبدل كدبة ابريل بقى كل شهر فى كدبة جديدة قال ايه يا خويا الحد الادنى للاجور هيتطبق على الاقل من 700 واللى اكتر هنجبله منين الناس قلقت وبقى كل وزير بيطلع بيتكلم معانا بعنف افتكر فى الاول كانوا بيحايلوا الناس ومحدش يجروأ يصدر قرارات ضدهم

لكن الوشوش اتغيرت سمير رضوان بيترفز كتير فى غالبية مؤتمراته وكانه مش طايق يسمع اى مطلب للغلبان
وزير التعليم مش سامع الموظفين اللى فى وزارته حتى لما بيطلع فى حوار مبيتكلمش عليهم ولما يفتح الحنفية بيرش على اللى فى ديوان وزارته عجبى

الحصيلة :

1- محدش زاد مرتبه
2- الناس اللى عدت 3 سنين فى التعليم متثبتتش
3- الحد الادنى العامل بقى زى المعلم وطظ فى الشهادات
4- بدعة ظهرت اسمها صفوت النحاس حاجة كدة متر الا ربع كل يوم يتحدى الشعب بقرارات تنرفز وكانه متعمد ومش هامه (وحياة ابوك ايامك قربت )
5- اجور للصعيد اقل من الوجه البحرى ( بيقسموا البلد دا انقلاب بحرى ايه وقبلى ايه ولسة ياما هنسمع )
6- وفى الاخر اقعد ياد منك ليه :stickjo4:معندناش فلوس هيزيد اللى اقل من 700 واللى مش عاجبة يخبط دماغه فى الحيط
7- الصراخ والاهات شكلها هترجع تانى وفعلا احنا ابتدينا من دلوقت نحس نفس احساس ايام نظام مبارك ومفيش اى تغيير


القادم :
توقع كثير من الناس ان الشهر القادم لو الحكومة منفزتش الوعود هتكون جمعة الحساب :giljotiiniug3:
هتطير فيها حكومة شرف الوهمية اللى لو من الاول كانت بتوضح للناس الامور كانوا عزروهم لكنهم رسموا طريق وردى ولكنه طلع صحراوى وهنرجع للصفر من جديد ندور على وزارة ونبنبى من جديد وهنقول مصر وشعبها عاشوا 5شهور فى الوهم


ادى بلدنا وادى شعبها اللى ولاده اشتغوا خادمين :slap1qk6: للشعوب الاخرى 30 سنة عايزين يمرمطوه من تانى

احب اقول بس معلومة اكيدة ان الحد الادنى عندنا لو اطبق برضه مش هنعادل اقل موظف لافقر دولة فى العالم بدليل روح سافر اى مكان وانت هترجع منه مليونير ومعاك قد كدة سالت نفسك ايه السبب لانه ببساطه الناس فى اى مكان فى العالم عايشة الا فى بلدنا

اسف لو الموضوع طويل بس عبرت عن قليل وسبت كتير

ولا نملك غير تعبير حسب الله ونعمة الوكيل لاى حد ضد الفقير

فعلا هو ده واقعنا اللى عايشينه ....

قلت فصدقت واوجزت فاحسنت كلام جميل والله العظيم ومنطقى وربنا يستر على الايام الجايه

فى ناس مستفيده من الحكومه ده صدقونى. من قبل مشى احمد شفيق على اساسه انه من فلول النظام السابق طيب والنحاس ده كان شغال فين ؟ كان معار ولا ايه؟

احمد موسى وزيرنا المحترم كان شغال فين ؟

على العموم ربنا معانا والشعب هو اللى لازم يقرر مصيره علشان دم الغلابهاللى قاموا بالثوره ميرحش هدر

واللهم ولى من يصلح

الظاهر اننا كنا عايشين فى ظلام .............. والظاهر اننا رايحين فى داهية..... انا حاسس ان الحكومة هى هى متغيرتش حاجة .
والله انا من زمان مش واثق فى سمير رضوان عندما سمعهته مره يتكلم عن ربط مرتبات العامل بلانتاج قلت عايز يزود بتوع البترول واللى زيهم وينسانا وكأن اللى شغال فى البترول بيطلع البترول من جسمه ............ يا ريت نتفق على حل مع بعض
نعمل أيه ؟؟؟؟؟ هل نحن محتاجين الى واحد أو 10 أو 100 أو ... ينتحروا ويخسروا أخرتهم علشان حد يحس بينا ولا برضوا مش هيحسوا . ........... بلاش ندرس فى المدارس وهو ده المطلوب يعنى هم هيهمهم أمر الطلاب ولا التعليم ......بلاش امتحانات على خيرة الله هيفروا فلوس الامتحانات ويقلبوا علينا فئات المجتمع .......مليونيه للغضب الجو حررررررررر ومحدش هيستحمل ولا يسمع ........نسافر بره علاقتنا اتقطعت بمعظم الدول العربية ومش طايقين حد مصرى ........نصبر حتى يأتى رئيس جديد وبرلمان جديد ولكن ما هى الضمانة حتى يقام العدل الاجتماعى ....لو كان عند حد أقتراح يحل مشاكلنا يقلنا عليه

مش لاقى حاجة اقولها

عندك حق هو ده حال البلد

السلام عليكم ورحمة الله وبركاته
فعلا حسبى الله ونعمه الوكيل على بيأكل فى حق الفقير

عندك حق هو ده حال البلد

لا الله الا الله

حسبى الله و نعم الوكيل